والشيخ بصلها وقالها انطق بحق ايات الله انت مين
لقيت الصوت اتحول وبقي راجل عجوز ووحش اوووي
انا ابقي معاها
مين انت وجيت هنا ليه
بقي يضحك بصوت وحش اووي
الشيخ مسك ايدها ولوي صباعها الصغير وهو بيصرخ اسمي شامولين
وايه اللي جابك هنا
هي اللي طلبتني اجيلها
ومين ساعدك تيجي هنا
الست ام سميره هي اللي قالتلي اجيلها واسمع كلامها……
بقي يكسر في صباع حماتي ويقري قران كتير ويصرخ ويقوله انصرف
بحق ايات الله التامات بدل ما احرقك ومره واحده حماتي اغمي عليها وهو طلب مني اجيبلها كوبايه ميه وطلب مني اشربها منها
فاقت حماتي ولقتني انا والشيخ قاعدين
قالها انتي بقي اتكلمي وقولي عملتي كده ليه كل حاجه اتعرفت وبانت اتكلمي وانطقي
بصت لينا وقالت سامحيني يابنتي ارجوكي سامحيني
انا كنت عارفه اني اللي بعمله ده غلط بس متخيلتش انه ممكن يم ووت
انا السبب في موته انا اللي موته بايدي
انا قعدت اربعه عشر سنة مخلفش وكنت اتمني ضفر عيل عشان يناديلي بماما
وربنا لما اراد بعد تعب ولف سنين ماسيبتش ولي ولا شيخ الا لما زورته ولا حتي تربه الا لما لفيت عليها
ولا دجال الا لما روحتله
ولما ربنا اكرمني بمحمد كان هو ابني وجوزي وكل حياتي اللي عايشه عشانها.
ولما حب اميره بقيت حاسه ان روحي بتروح مني وخايفه لتاخده مني
.
.
رد الشيخ وقالها ماهو عايش معاكي في نفس البيت اهو
الاحساس ده كان بيموتني كل ليله
وقتها فكرت ازاي اخلص من اميرة واقتلها عشان يرجع تاني لحضني
استنيت لوقت ما جت في يوم وقالتلي انها هتاخد دش بسرعه قبل محمد مايرجع من الشغل
قلتلها طب شوفي اللي علي النار الاول
وروحت جري جيبت فيشه وحطيتها مكان السخان وكشفتها من الجمب التاني
ولفيتها علي المواسير بحيث محدش يشوفها وقلت لما هي تدخل الحمام
واسمع صريخها ابقي اجري اشيلها ومن قبل ما حد يشوفها
ودخلت اوضتي وقفلت الباب عليا وسمعت صوت ابني بيقول لاميرة انه هاياخد دش علي السريع
عشان عرقان من الطريق
خرجت علي صوته هو
………….. يتبع
قصة حماتي شيطانة. الجزء الخامس
.
.
.
.
.
.
