بعد ما حلمت ان المكان كله فيه دخانه سوده وبتخنق وصوت حماتي مش سايبني طالع من كل مكان في اوضتي في بيتنا ا
احنا وماما بقيت بجري
عايزة افتح الباب او الشباك عشان اخرج بس كانوا مقفولين
زي مايكونوا حجاره مش ابواب ولما وقعت وبدات استسلم للموت خلاص
فتحت عنيا لقيت امي ومعاها راجل لحيته بيضا وبيبصلي وبيبتسم وبيقولي تعالي يابنتي متقلقيش قومي اتوضي وصلي ركعتين وتعالي عايز اتكلم معاكي كلمتين
روحت اتوضيت وصليت ركعتين ورجعت ليه وقالي
احكي انتي خايفه من ايه
انا مش خايفه انا مرعوووبه من كل مكان بروحه. الاول جوزي مات ومقعدش معايا غير كم شهر و اليوم اللي كان ربنا هايفتكره فيه قبله بليله واحده حصلت حاجه غريبه اوووي
حصل ايه يابنتي
كنت بطبخ وكان جوزي ومامته قاعدين في البلكونه بيشربوا حاجه سخنه روحت عندهم
وقلتلهم انا هادخل اخد دش بسرعه كده حد منكم عايز الحمام
ردوا وقالوا لا ادخلي انتي
روحت الحمام ودخلته وانا باخد دش الباب اتفتح عليا و اتخضيت ببص اشوف مين اللي فتح الباب لقيتها حماتي واقفه علي الباب بتبصلي كنت مكسوفه اوووي
كنت بدون هدوم بقيت اداري جسمي بملايه الدش بسرعه مالك ياماما فيه ايه
بصت ليا وقالت رجعالك تاني هارجعلك تاني متنسيش هارجعلك
خلصت الدش بتاعي وخرجت لقيت جوزي وامه قاعدين في البلكونه ناديت عليه وقلتله انا يامحمد زعلانه من مامتك اوووي ازاي ابقي قايلالكم اني هادخل الحمام واللي عايز يدخل منكم يتفضل قبلي.
وبعد ما ادخل الاقيها تفتح الباب عليا وانا كده
ههههههه ماما متحركتش من مكانها وكانت قاعده جمبي ومعايا متحركتش لحظه واحده
ازاااي بقولك والله فتحت عليا باب الحمام
.
.
ياقلبي والله ماما ما اتحركت خالص من جمبي تلاقيكي بس كان بيتهيالك بس مش اكتر
سكت شويه والشيخ قالي كملي يابنتي
قلتله بقيت احس ان فيه حد معايا في الحمام بعد جوزي ما مات
واحس ان فيه حراره رهيبه اوووي وكمان حماتي بقيت اشوفها بشكل مخيف اوي
بقيت اخاف منها ومامتي اتحايلت عليا اسيب البيت وارجع هنا معاها وانا كنت برفض
عشان هي وحيده وموت ابنها سببلها صدمه كبيره وماينفعش تعيش لوحدها
لقيته قالي هو فيه حد كان بيزور حماتك وبيقعد معاها
بصيت لماما وقلتله الصراحه مكنش حد بيزورها كتير في البيت بس كانت واحده بس من العماره
بتيجي تزورها علي طول وتقعد معاها في المره الواحده بالساعات
متعرفيش كانوا بيتكلموا في ايه
لا مكنتش بحب اقعد معاهم لان الست دي مفيش حد من اهل العماره بيحبها خالص ولا بيدخلها عنده البيت
كنت بسمع من الجيران انها بتعمل حاجات تاذي الناس وتضرهم
وعشان كده كنت بتجنب اقابلها بس ماينفعش اتكلم عنها قدام حماتي عشان ماتزعلش منها او تخاصمها
والست دي اسمها ايه وهي عندها بنات
اه اسمها ام سميره بنتها سميره دي شكلها وحش اوي واكبر مني بست سنين يعني من عمر جوزي الله يرحمه محمد …
لقيته قالي تعالي معايا هاننزل شقه حماتك تحت قومي يلا ….
.
.
بلاش ياعم الشيخ انا خايفه
متخافيش انا جمبك يلا بينا وطلب من ماما انها ماتنزلش ولا تروح معانا
نزلنا البيت واول مكان دخل فيه كان الحمام وهو دخل وكان مولع النور وقفل الباب عليه وبعد شويه النور بتاع الحمام انطفي وسمعت صوت اتنين رجاله بيتكلم جوا وكان فيه كلام انا قربت من الباب عشان افهمه او اسمعه بس مفهمتش منه حرف. اخبط عليه ولا ايه الراجل ممكن يموت جوا الحمام
.
.
اكتر من ربع ساعه وهو في الحمام وبعدها النور نور تاني ولقيته بيفتح الباب وشه كان احمرررررر وبينهج زي مايكون كان بيصارع حد جوه ولقيته بيتمتم بكلام المره دي فهمته وكان قران
سالته انت اتاخرت ليه في الحمام انا كنت خايفه عليك اوووي …..
بصلي ومنطقش ومشي عند اوضتي ودخل الاوضه وقفل الباب عليه ومنعني ادخل معاه شاور ليا اقف برا وسمعت فيه حاجات بتقع وحاجات بتتكسر جوه وبعدها بشويه فتح الباب ومعاه ورقه سووووده زي ماتكون محروقه وقالي ده كان في مخدتك اللي بتنامي عليها فين اوضه حماتك
.
.
قلتله حماتي رمت نفسها من الشباك لما عرفت اني حامل انا معرفش انا عملتلها ايه او زعلتها في ايه
بصلي وابتسم وقالي فين اوضتها
اهي يا عم الشيخ
كان سابقني بخطوتين وفتح الباب بتاعها ومرة واحده لقيته وقف واتسمر مكانه ونادي عليا اروحله وابص
قربت وانا مرعوبه وميته في جلدي لقيته بيقولي مش دي حماتك اللي انتحرت اهي نايمه في سابع نومه
.
.
نهار اسوووووود والله انا مش مجنونه انا شوفتها بترمي نفسها من الشباك قدامي اه والله
لقيته دخل الاوضه علي حماتي وانا كنت مفكراه هايرجع ويسيبها نايمه.
وطلع مصحف من جيبه وقرب من حماتي وهي نايمه وحط الورقه السوده جمب دماغها
والمصحف من الجمب التاني وبقي يقري قران بصوت عالي زمره واحده حماتي بقت تصرخ ااااااااااه ااااااه
قصة حماتي شيطانة. الجزء الرابع
.
.
.
.
