هيثم قرب منها وشافها بتتنفس ولا لأ وقال ايه
ده جميله ماتت مستحيل…
وقام بسرعه وخرج بره الاوضه
وقال : الحقى يما البت جميله فجأه وقعت على الارض ومش بتتنفس
فاديه.. دى كهينه اوى البت دى بتدلع عليك انت بس اللى مش عار ف امور السهوكه دى
هيثم.. يوووو بقى يما
= وجرى على اوضه غفران وخبط بعزم ما فيه
غفران قامت فتحت ولما شافته وشكله
باين على وشه الذعر اتخضت وقالت بلهفه:
.
.
¬فى ايه فى ايه مالك
اختى حصل لها حاجه
.. ايوه جميله تعبانه اوى
وجسمها تلج وقاطعه النفس
=جريت معاه على اوضه جميله ودخلت
.
.
عليها وكانت واقعه على الارض ولما شافت شكلها قربت منها وحاولت تفوقها بس هى مش بتستجيب وقالت :
¬ انت مستنى ايه يلا على اققرب مستشفى
.
.
اختى بتموت بالفعل
قرب منها وشالها وخرج جرى وغفران وراه
.
.
واخواته قاموا على صوته وأيمن جرى وراهم
وهمان خرج من اوضته وقال :
.
.
فى ايه يا ولاد
شهاب.. البت جميله يابا تعبانه اوى وراحوا بيها على المستشفى
الكاتبه // كوكى سامح
وهمان.. تعبانه والنهارده ليله دخلتها بس مالها يا ولا
شهاب.. والله ما اعرف
فاديه.. يلا ادخلوا ناموا دى كهن بنات انا عارفاها البت دى
طول عمرها كده تحب المنظره
وهمان.. منظره ايه يا وليه
ابنك بيقول البت تعبانه
فاديه.. ما هى دى بقى المنظره اسألنى انا
يلا يا راجل ادخل كمل نومك وانا هبقى اطمنك يا ابو قلب حنين
شهاب.. لا حول ولا قوة الا بالله
البت دى من يومها حظها زفت حتى يوم فرحها تعبت
فاديه قالت فى سرها :
ان شالله تموت وتريحنا منها الهامله الفاجره دى
فى المستشفى..
وصلوا المستشفى ولما الدكتور كشف قال
انها حاله تسمم والكل كان مذهول وتم إنقاذ جميله بعمليه غسيل معده
بس كانت حالتها مش مستقره واتنقلت فى غرفه العنايه لمده 24 ساعه
وهيثم فى الاستراحه ومعاه غفران وايمن
غفران.. خلوا بالكم انت وهو اختى لو جرالها
حاجه هتبقى امك هى السبب انا واثقه ان فاديه هى اللى عملت كده
هيثم.. عيب يا غفران لما تتكلمى على مرات عمك ياريت
تتكلمى بأدب فاهمه ولا لأ وبعدين مستحيل امى تعمل كده فى جميله
ايمن.. ايوه امى متعملش كده
انتى بتقولى يا بت انتى
غفران.. ما انت مش حاسس انت وهو وايدكم فى المياه البارده جميله من زمان
عايشه وسطكم وشافت ذل واهانه وكانت عايشه فى البيت خدامه وبس وكل واحد فيكم عايش لنفسه لحد ما ضاعت
واليوم اللى اتجوزت فيه هيثم بيه
اتسسمت وبتموت اهى وطبعا اكيد فاديه ما هى مقهوره وهتموت كده ان جميله خدت هيثم منها
هيثم.. غفران انا مش عايز كلام كتير
وبقولك اهو امى مش هتعمل كده انتى فاهمه
الكاتبه // كوكى سامح
غفران.. اه اه امك بقت ملاك دلوقتى
هيثم.. تانى امك يا بنتى اتكلمى بإسلوب احسن من كده
ايمن.. يا جماعه مش وقتوا خناق خالص البت بتموت جوه
غفران.. بعينك انا اختى هتعيش وهناخد حقنا من ميراث بابا
انت فاهم انت وهو
هيثم.. اووووف بقى ممكن تسكتى يأما تمشى جميله مراتى وانا معاها واظن وجودى معاها كفايه
غفران.. سكت بس انا عاوزه اطمن عليها
هيثم.. انا هدخل اشوفها
واطلع اطمنكوا
وفعلا هيثم كلم الدكتور بس منع الزياره
وقال : بعد 24 ساعه وهتخرج من العنايه
بس هيثم اتوسل للدكتور وحاول يدخل
لجميله ولما دخل كانت نايمه وشد الكرسى وقعد جمبها ومسك ايدها
وقال : انا جمبك ومش هسيبك ان شاء الله هتقومى بالسلامه بس عارفه يا جميله قلبى وجعنى عليكى
لأول مره احس ان قلبى وجعنى بالمنظر ده انتى غاليه اوى اوى وعينه دمعت
فى دار شرين صالح..
شرين.. بت يا اسمهان هو انتى بتقولى ايه معلش
اتشغلت مع ابويا
اسمهان.. خلاص بقى المهم
ان ابويا صالح بخير
شرين.. بخير
وهيجى منين الخير
بعد ما اتفضحنا فى البلد كلها وسيرتنا هتبقى على كل لسان
اسمهان قالت فى سرها : الحمد لله انها مسمعتش حاجه
وانا زى الهبله وكنت قال رايحه اقولها ان حطيت الس م فى العشا بتاع البت جميله واروح فى داهيه
شرين.. فى ايه يا بت مالك كده مش على بعضك
اسمهان.. لا يا اختى مفيش
بس كنت بقولك انا هقطع لسان اى حد يجيب سيرتكم
ما هيثم خدها واكيد بيدارى على فضيحته معاها وانا بقى هسيح لها فى البلد كلها
= فون اسمهان بيرن بس وشها اتغير
وكنسلت ورنت رساله واتس
شرين.. اكيد حد من اخواتك ولا ابوكى بيستعجلك يا بت يلا روحى الوقت اتأخر
اسمهان.. ابويا مش هنا مسافر شرم مع صاحب الأرض اللى بيشتغل فيها
مفيش غير امى واخواتى وتلاقيهم ناموا من بدرى
شرين.. طيب يا اختى بس يلا على داركم بردوا علشان الوقت اتأخر
¬ بقولك ايه يا شرين
فى امل ان محمد اخوكى يتقدم ليه ما خلاص جميله اتجوزت
.. نعم يا روح امك احنا فى ايه ولا ايه يا بت
يلا على داركم قال
يتجوزك قال!؟
اسمهان : خرجت متضايقه
من كلام شرين ومسكت الفون
واتكلمت وكان هادى وقالت:
انت بترن عليه ليه! احنا
خلاص احنا خلصنا
وانا قولتلك مش هطلع
دارك تانى يأما تتجوزنى يا بلاش
بس هادى اتكلم معاها
وكان بيهددها وقالها ان مراته
مش فى الدار وهو قاعد مستنيها
وقفل فى وشها
اسمهان اتضايقت ومشيت على دارهم وبتكلم نفسها وبتقول:
المهم ان البت جميله تموت ونخلص منها ونرتاح بقى انا بجد بكرهها
يارب تموت يارب
علشان محمد ينساها ويتجوزنى لان انا عارفه كويس
اوى انها اتجوزت اه
بس محمد مش هينساها
فى المستشفى…
= بعد 24 ساعه جميله فاقت
وتم التحقيق معاها وقالت إنها
هى اللى سممت نفسها لأنها مغصوبه على الجوازه
الكاتبه // كوكى سامح
وقبل ما تخرج من المستشفى
غفران بتتكلم معاها
وهى متضايقه من تصرفها وقالت :
.. معقول الفرصه تيجى لحد عندنا وانتى بغباءك ده يا جميله
تخليها تضيع مننا رددت وهى تعبانه وقالت :
¬ مش فاديه اللى حطت الس م
مش معقول تقتل ابنها بس انا مش عارفه مين اللى عاوز يخلص منى
وبيكرهنى لدرجه دى
.. اه تروحى تقولى انك مغصوبه
على الجوازه وكمان عاوزه تموتى نفسك
بس انا عارفه مين قالك تعملى كده اكيد هيثم بيه
طبعا ما هو خايف على الست فاديه
¬ هيثم مقالش حاجه يا غفران
انا اللى عملت كده من نفسى
ويلا بقى علشان مش بحب
جو المستشفيات ده
= هيثم دخل عليهم وكان خلص كل حاجه
وخد جميله وغفران ورجعوا على الدار
فى دار وهمان
فاديه فى السطوح وكانت بتأكل الطيور
كالعاده ونزلت على صوت دخول
جميله وغفران واولادها
وقالت : حمدالله على السلامه
يا ست جميله صباحيه مباركه
يا عروسه
غفران.. مش وقته الكلام ده يا مرات عمى اختى تعبانه ومش ناقصه
جميله بصت لها وعينها كلها حزن
وقالت : الله يسلمك
ومسكت ايد هيثم وسندها ودخلوا مع بعض على اوضتهم
هيثم.. انا هخرج اعملك حاجه تاكليها
جميله.. لا لا مليش نفس انا حاسه انى اتعقدت من الاكل وبعدين بطنى لسه فيها ألم
هيثم.. لازم تاكلى حاجه وقرب منها ومسك ايدها وقال :
جميله انا مش عارف اقولك ايه
جميله.. خير يا ابن عمى
هيثم.. انك قولتى انك انتى اللى اخدتى الس م ومتهمتيش اى حد فينا
مع ان عارف انه غلط وعارف كمان انك معرضه للخطر
بس انا مش هسيبك وهخلى بالى منك انتى فى عنيه يا جميله
جميله.. يا ابن عمى خليك عارف اللى عمل كده مش مرات عمى
لأن ببساطه كده انت كنت هتاكل معايا
وهى مش هتأذيك
هيثم.. بردوا انتى بنى ادمه جميله من بره ومن هنا وشاور على قلبها
جميله.. انا اللى اسفه
علشان بوظت فرحتك واتجوزتنى غصب عنك
هيثم.. كله مقدر ومكتوب وانتى بنت عمى وشرفى
وكان لازم اعمل كده
بس نفسى اعرف مين ده اللى عمل فيكى كده؟
وضيعك وضيع فرحتك بصت له وعينها كلها حزن وقالت :
منه لله بقى… ربنا وحده اللى يعرفه
فى دار اسمهان :
الفون بيرن وكان هادى ولما رددت عليه طلب منها يقابلها فى مكان بعيد عن قريتهم
وكان كافيه فى قريه تانيه = وفعلا اسمهان وافقت
وبعد ما قفلت جهزت وخرجت وخصوصا ان هادى قال لها انه هيسبقها
وخرجت اسمهان وركبت وراحت لحد الكافيه وكان هادى قاعد وبيشرب شاى
شدت كرسى وقعدت وقالت : بقولك ايه
خلى بالك ان دى هتكون اخر مقابله انت راجل متجوز وبتحب مراتك
هادى.. انا عارف انك زعلانه بس مش هينفع اطلقها وانتى عارفه السبب
اسمهان.. انا مقولتش تتطلق
كل اللى قولتوا ابقى
زوجه تانيه
المهم اكون على ذمتك وخلاص
هادى.. انتى هتضحكى عليه يا بت ولا ايه ولا تكونيش فاكره انى عبيط وبرياله
انا اتجوزك انتى
اسمهان.. ومتجوزنيش ليه
مش بتقول بتحبنى
هادى.. ما هى مش بالحب يا اختى
بالمزاج يا روح امك
لو بالحب كان زمانك مخلصه ل محمد صالح
اسمهان.. انت بتقول ايه!؟
هادى.. انتى فاكره انى عبيط يا بت
انا عارف كل حاجه وعارف انك بتحبيه ورغم كده عملتى معايا علاقه ولا همك محمد ولا غيره ولا حتى عملتى
اعتبار لأهلك انتى هامله يا بت
اسمهان.. انا هامله علشان بحبك
ماشى يا هادى بس خليك عارف لو مراتك عرفت بس
انك تعرف واحده غيرها هتعمل فيك ايه هى وأهلها
هادى.. قصدك ايه يا بت
اسمهان.. مش قصدى حاجه انا ماشيه سلام
= وقامت وسابته ومشيت
قعد مكانه وبيفكر فى كلامها وحس منها انها بتهدده
وبعد شهرين فى دار وهمان
= غفران بتحاول بكل الطرق
تضايق فاديه وتفرض سيطرتها عليها
وكان جواز هيثم من جميله طوق نجاه
ليهم فى كل مشكله بتحصل
ومع الوقت فاديه ابتدت تتلاشى غفران
بعد ما هددتها بأنها كانت سبب فى موت هانم خالتها
=وفى يوم غفران طلبت من جميله انها تسافر مصر تزور امها وطبعا بعد ما اطمنت عليها
وفعلا سافرت بعد ما وعدت جميله
انها هترجع بعد اسبوعين
..وبعد سفر غفران
هيثم كان طول الوقت مع جميله
وفى يوم دخل اوضته وكانت جميله بتعيط
.. مالك يا جميله
¬ انا زعلانه اوى بعد ما اسماء
خدت العفش من شقتك
بجد حزنت
.. ما قولتلك كله مقدر ومكتوب هى مش نصيبى
¬ لا يا ابن عمى انا اللى ورطك معايا
وقربت منه واترمت فى حضنه
وقالت طلقنى يا هيثم
وارجع لها
انا بجد شايله ذنبك فى رقبتى
ارتبك وقال : اطلقك
بعدين نتكلم يا جميله
بعدين بعدين وسابها وقام
ونزل نام على الارض
جميله نزلت جمبه
وقالت : نام على سريرك
انا هنام هنا ده مكانى
ما انا طول عمرى بنام فى الأرض
ايه الجديد يعنى
كانت عينها فى عينه وكلها حب لى
هيثم.. عارفه لأول مره اشوفك
بنت غريبه عنى
جميله.. يعنى ايه مش فاهمه!
قرب منها وخدها فى حضنه
وقال : كده يا جميله
شايفك غريبه عنى نفسى احضنك وعاوزك مراتي بجد مش على الورق
جميله.. نعم
هيثم.. مالك اتغيرتى ليه
جميله.. انا مش مصدقه نفسى بجد نفسك فيه
ولا بتقول كلام وخلاص
هيثم.. انا بحبك يا جميله
ونامت جمبه على الأرض وابتدى يقرب منها
وقال : بس لازم نطلع شقتنا علشان نبتدى حياتنا الجديده
جميله.. انا فرحانه اوى
اخيرا هيبقى ليه راجل وبيت وعيال ومنك انت يااه انا مكنتش عارفه انى هحبك اوى كده
هيثم.. الشقه جاهزه من كل حاجه
من بكره هنكون فى شقتنا يا اجمل ما شافت عينى
جميله..ربنا ما يحرمنى منك ابدا
ونامت فى حضنه من غير ما يلمسها
وفى صباح اليوم التالى…
فون جميله رن وصحيت من النوم عليه
وكانت غفران وعرفت منها
انها علاقتها ب هيثم كويسه
وكمان هتبقى علاقه رسميه مش على الورق
وهنا بقى
غفران طلبت منها
لما تطلع شقتها
تلبس أجمل ما عندها
وتحاول تحسسه انها ملكه
ومفيش بنت أجمل منها
وقفلت مع غفران بعد ما خدت النصايح
منها وقررت تعمل بيها
خرجت من الاوضه ودخلت
المطبخ تعمل فطار
وكانت فاديه قاعده
الباب بيخبط وكانت عمه صباح
جميله فتحت وقالت : تعالى يا عمه
صباح
صباح دخلت على فاديه وقالت
شوفتوا المصيبه
فاديه.. فى ايه يا وليه
ومال وشك عامل كده ليه
عمه صباح.. فى مصيبه
البت اسمهان خلف
جميله.. مالها يا عمه قلقتينى
عمه صباح.. الواد هادى ضربها على دماغها
بعد ما عرف انها السبب فى خراب بيته وطلاق مراته منه
وماتت البت فى ساعتها
جميله.. يا صغيره يا اسمهان يا عينى عليها
عمه صباح.. الله يرحمها
خربت بيت الواد قبل ما تموت
جميله.. وهى مالها بيه يا عمه
ده متجوز
عمه صباح.. والله يا بنتى ما اعرف
اهى ماتت والواد راح فى داهيه
انا مش صعبان عليه غير امها هتقطع نفسها عليها يا حبه عينى
فاديه.. خدت جزائها
عقبال الباقى
جميله بصت لها وخدت بعضها ودخلت تحضر الفطار
هيثم قام من النوم وكانت صباح مشيت بعد ما قالت خبر
اسمهان
وخرج قدام الكل وقال انه من النهارده
هياخد جميله على شقته فوق
فاديه.. بتقول ايه يا ولا
هيثم.. بقول جميله مراتى على سنه الله ورسوله
وحقها تعيش فى شقتها
فاديه قعدت تلطم وتندب وتقول
بقى هيثم ابنى اخرته جميله الخدامه
جميله خرجت وسمعت كلامها واتضايقت
الكاتبه // كوكى سامح
هيثم مد ايده بالمفتاح
وقال : ده مفتاح شقتك يا جميله مدت ايديها وخدته وهى طايره من الفرحه
فاديه.. يا وقعتنا السوده مع بنت هانم
هيثم قال فى سره وهو معتقد
انها السبب فى كل اللى بيحصل فى جميله وقال :
مش كفايه كل اللى حصل لجميله بسببك وكمان مش عايزاها ترتاح
فاديه.. طلق جميله يا ابن بطنى
هيثم.. يما حرام عليكى البت عاوزه تعيش
فاديه.. بت حيلك ربنا ياخدها وارتاح منها
هيثم.. لا حول ولا قوة الا بالله
انا ماشى
وفعلا هيثم استأذن جميله وخرج
بعد ما نبهه عليها انها تتلاشى امه فى كل حاجه ولما يرجع بالليل يلاقيها فى الشقه
=وفعلا بعد ما الساعه دقت 9 بالليل جميله طلعت الشقه واول لما دخلت كانت مبسوطه
ودخلت اوضه النوم وفتحت النور
وشافت السرير مفروش بالورد
وعليه قميص نوم وبرفان وفرحت جدا
خدت القميص ولابسته ورشه برفان وعملت ميك اب خفيف
وكانت زى القمر وقعدت فى انتظار
هيثم
ولما الساعه دقت 10 بالليل
باب الاوضه اتفتح عليها
وكان هيثم وقرب منهاوكانت نايمه على السرير وخدها فى حضنه
وهى ابتدت تبادله نفس الحضن
ونام فى حضنها وعينه فى عينها وقرب شفايفه من شفايفها
وقالها بحبك
حاول يبوسها
الدموع نزلت من عينها وقالت :
انا عارفه مين اللى عمل فيه كده ?
هيثم.. نعم!!؟..
روايه عريس في ورطه. الجزء الثاني عشر الأخير
.
.
.
.
