ولما هيثم قرب منها قالت :انا عارفه مين اللى عمل فيه كده ?
هيثم.. نعم!!؟..
قام من مكانه واتنفض وقال : نعم انتى بتقولى ايه!!؟
قامت من جمبه من خوفها منه ومن نظراته ليها وقالت : ايوه انا عارفه مين
بس ياريت تصدقنى ?
قرب منها ومسك ايدها
بقوه وقال :
قولى مين انطقى يا بنت عمى قالت بخوف قبل ما اتكلم لازم تعرف ان اللى حصل فيه كان غصب عنى
.. مين انطقى يا جميله
= بعدت عنه والدموع نزلت من عينها
وقالت مش قادره انطق
يا ابن عمى
حاسه ان لسانى اتشل لما عرفت ان اخوك باعنى
هيثم.. اخويا! ؟؟؟
رددت وقالت : ايوه اخوك
بس مش ابن عمى؟
.. قصدك شهاب
¬ ايوه هو
بعد ما انت خرجت سمعته بيتكلم فى الفون مع حد وكل إللى فهمته انه بيساومه وبياخد فلوس منه علشان كيفه
بس قال خلاص مبقاش ينفع ما انا قولتلك كذا مره
دى بقت مرات اخويا
لما سمعته بيقول الكلام ده كنت حاسه انى بموت طلعت الشقه وفكرت الف مره قبل ما اقولك
بس مقدرتش أخبى عليك ده خاين ووخسيس وواطى منه لله
وقعدت على الأرض وحطت راسها وسط رجليها وقالت
انا بجد خايفه
انت مصدقنى ولا لأ
هيثم قال بذهول : معقول
ده انا سألته وواجهته وحلف
وقال انه مش هو
ده كان عاوز يتجوزك
لا لا لا يا جميله اكيد انتى سمعتى غلط
لا لا لا شهاب ميعملش كده
اكيد فى حاجه غلط
قامت من مكانها
ومسكت هيثم من ايده ونزلت بيه على تحت
واتحولت من جميله الضعيفه لجميله تانيه خالص قويه ومش خايفه
ولما نزلوا كانت فاديه قاعده على الكنبه وايدها على خدها
ووهمان وولاده قاعدين بيتعشوا وشافت منظر جميله
نازله وفى ايدها هيثم
قامت من مكانها
وقالت : خبر ايه
فى ايه مالكم اكيد نكدت عليك بنت هانم
جميله ماشيه بكل قوتها وفى ايدها هيثم
وجرى على اوضه شهاب وفتحت الدولاب وطلعت منه شريط منوم ومخدرات
وقالت : اهو المنوم
والمخد. رات
.
.
يعنى اخوك رجع يشرب تانى
وده المنوم شايف بعينك انا لما سمعته دخلت الاوضه بتاعته مخصوص
علشان انضفها ودورت
وشوفت بعينى
علشان اثبتلك انه هو اللى عمل
كده انا مش كذابه يا ابن عمى
والدليل قدامك اهو
فاديه دخلت ووراها
شهاب وأيمن ووهمان
وقالت : فى ايه يا مخفيه
يا خرابة البيوت
مالك واقفه زى العقربه
كده ليه؟
هيثم قرب من شهاب وضربه بالقلم
فاديه حطت ايدها
على قلبها وقالت : ابنى
ومسك فيه وقاله :
انت اللى بتعمل فى بنت عمى كده
معقول انا مش مصدق نفسى
وهمان.. انت بتقول يا هيثم
فادية عملت عبيطه قدام هيثم
وقالت : انت بتقول ايه يا ولا
قرب من أمه وقال :
بقول ان ابنك اللى ابويا رباه وعامله زى ولاده
بالظبط وعمره ما فرق بنا فى اى حاجه بيحط منوم لجميله ودخل عليها راجل غريب وهى متخد ره
وخد شرفها وكانت حامل كمان عرفتى يما عمل ايه ابنك يما رجع يشرب تانى بعد ما اتعالج
وكان طول الوقت ده بيمثل علينا وقال ايه كان عاوز يتجوزها
.
.
ده انا شكيت فيكى يما لما لقيت شريط المنوم فى دولابك
اكيد هو اللى عمل كده
شهاب ارتبك وقال :
انت بتضربنى يا ولا
والله اموتك
واخد روحك بإيدى
وقرب من جميله
ومسك فى رقبتها
وقال : البت دى فاجره
وهامله وكذابه
وابتدى يمسك فيها
وبيخنقها قدام الكل
انتى بتلفقى ليه تهمه يا بنت الكلب
ايمن جرى عليه هو وهيثم
ونزلوا فيه ضرب
وهمان قعد مكانه والدموع
نزلت من عينه وقال :
انت تعمل فى شرفى وعرضى
انا كده!؟؟
انا اللى ربيتك
ده انا اتجوزت امك
علشانك لما لقيتها
ارمله وعايشه بطولها
لوحدها
بعد ما اهل ابوك رموها
وانا كنت لسه شاب
كان ليه انى اتجوز بنت بنوت
بس قولت ثواب وهعمله
واتجوزتها
ولما خلفت ايمن وبعده هيثم
عمرى ما فرقت بينك وما بينهم ابدا
ولما مشيت فى الطريق
العوج واتلميت على الشباب البايظه
انا واقفت جمبك وعالجتك
من المحروق ده
بس سهى عليه
لما انت طلبت منى جميله للجواز
وانا وافقت وامك رفضت
لقيتك كده مش متمسك
اتارى بتمثل عليه
بقى وانا معرفش
واقول فى نفسى فى حاجه
غلط بتحصل فى الدار
وانا مش عارف
من يوم جواز جميله
وهيثم والشك دخل قلبى
بس قولت ده شيطان
بلاش اسمع كلامه
وضربه بالقلم
فاديه قربت منه وقالت :
ونبى يا اخويا
الواد ده انا هربيه ابن الكلب ده
ولسه بتمد ايدها عليه
مسك ايدها وقال :
متضربنيش يما
ما انتى عارفه انى رجعت
اشرب من تانى وساكته
انتى عارفه كل حاجه
كله بسببك انتى
فاديه قالت وعينها
كلها خباثه انا يا ولا
قطع لسانك أخرس
وهمان قال لسه
هتكذبى تانى
وضربها بعزم ما فيه بالقلم
.. يا شيخه اتقى الله
انتى ايه شيطان
مكفكيش انى بسببك
غضبت ربنا
وخدت فلوسها
وكلت مال اخويا
وبنته اليتيمه
دى كانت بتنام على الأرض،
وانا ساكت وخايف منك
طول عمرك بتغيرى
من هانم
ومن جمالها
منك لله يا شيخه
مش كفايه اللى ابنك عمله
هيثم قرب من شهاب وقال :
مين اللى دخل على جميله
انطق بس فلت منه
وطلع يجرى بره الدار
ايمن وهيثم جريوا وراه
وجميله قاعده مكانها مكسوره
والدموع نازله من عينها
ومنهاره ومش مصدقه
نفسها واللى بيحصل معاها
شهاب خرج على الطريق
وعربيه خبطته
هيثم جرى عليه
وأيمن قرب منه
شهاب بيطلع فى الروح
فاديه خرجت وراهم ولما شافته
بقت على صرخه واحده
وتقول ابنى موتوا ابنى
وهمان خرج على صوت
صريخ فاديه ووراه جميله
وكلهم واقفين قصاد
شهاب وهو بيطلع فى الروح
وفاديه منهاره على صرخه واحده
هيثم قرب
منه وقال :
مين الراجل اللى دخل
على جميله
رد وقال وهو فى اخر نفس
المخدرات كلت دماغى
وخلتنى مش شايف اققرب الناس ليه
وغير امى
وكلامها على جميله
انها زى امها هامله
وملهاش لا عرض ولا شرف
طمعتنى فيها
وخلتنى بعتها غصب عنى
هيثم.. بقولك
انطق مين الراجل اللى دخل
على جميله
شهاب قال
مش راجل واحد
سامحينى يا جميله
ومات شهاب
وراح ضحيه امه والمخدرات
فاديه اترمت عليه وبقت تصرخ
وتقول.. لا ده انا عايشه علشانك
كان نفسى افرح بيك
يا ابن عمرى
وبقت تقول كلام مش مفهوم
جميله سمعت كلامه
ودخلت الدار وهى منهاره
وبقت تكلم نفسها
وتمسك جسمها وتقول
لا انا يتعمل فيه
كده منك لله حسبى الله ونعم الوكيل
وبعد ساعه الإسعاف وصلت
والشرطه وكانت حادثه عاديه
وبعد التحقيق مع السائق تبين
من شهاده الشهود واولاهم
اخواته ان كان فى خناقه
ما بينهم وخرج ورمى نفسه
قصاد العربيه
واتقفل التحقيق وادفن شهاب
وبعد يوم من دفن شهااب
وصلت غفران ومعاها جليله امها البلد
جليله دخلت الدار وقالت :
ايه ده مفيش صوان ولا عزا هو
فى ايه بالظبط
غفران دخلت جرى على جميله
وقالت : ماما جت تشوفك
وتعزى فى شهاب
جميله قامت من مكانها
وحضنتها جامد
وبقت تعيط ومنهاره
غفران.. مالك يا جميله فيكى ايه!؟
جميله.. فين خالتى
وبعدين نتكلم
غفران.. ماما ع الباب
استنى
وخرجت وشافتها واقفه مع وهمان
وكان بيرحب بيها
ودخلت جليله الدار
ولأول مره وبعد سنين تتدخل
بيت العيله المستحوذ عليه
وهمان ومراته
وقالت يااه بعد 20 سنه
واخيرا دخلت بيتك يا هانم
الله يرحمك يا غاليه
وشافت جميله وعرفتها من شكلها
ومدت ايديها وقالت :
تعالى يا بنت اختى
يا قلب خالتك
جميله جريت عليها وحضنتها
ومنهاره فى حضنها
وقالت : يااه انا حاسه انى بحضن امى
¬وحشتينى يا ماما
وبعد نفس عميق رددت جليله وقالت:
وحشتينى يا بنت عمرى
غفران واقفه والدموع فى عينها
هيثم وأيمن ووهمان واقفين مكانهم
وهمان بيبكى
هيثم.. نورتى يا مرات عمى
جليله فى حضن جميله والاتنين
منهارين تماما
جليله.. انتى حلوه اوى يا بنت
اختى جميله وانتى جميله ?
ياه لو هانم عايشه
كانت فرحت بيكى اوى
وبصت على الجدران
وقربت من
وهمان وقالت :
مستخسر تحط صوره لأختى
حتى الصورة يا وهمان
وهمان.. متزعليش يا اختى
والله مفيش صور هنا
لهانم خالص
جليله.. اومال فين فاديه
عاوزه اشوفها
هيثم.. امى تعبانه
من يوم ما شهاب مات
وهى تعبت وفى المستشفى
جليله.. انا عارفه انك عندك ايمن
وهيثم إنما شهاب ده
مش ابنك ولا ايه يا وهمان
وهمان.. ايوه بس ربيته
مع ولادى وعمرى
ما فرقت ما بينهم
ابدا يلا حسبى الله ونعم الوكيل
غفران.. فى ايه يا جميله
جميله.. شهاب هو اللى عمل فيه كده
غفران.. معقول يعنى مش فاديه
وانا اللى كنت بقول عليه انه
اطيب حد هنا كان على سجيته
ومحترم
طيب ازاى انا هتجنن
جليله.. عمل ايه يا جميله
غفران.. اسفه يا جميله انا مقولتش
حاجه لماما خالص
لأنها بجد مكانتش ناقصه
كفايه عليها
موضوع خالتو هانم
وهمان.. طيب اقعدوا الأول
= وفعلا قعدوا
وابتدى هيثم يتكلم وقال :
شهاب من كام سنه اتلم على شويه
شباب من البلد
حبه عيال بايظه
بيشربوا ومش نافعين
وكانوا السبب فى تدمير مستقبله
ساب الدارسه
وابتدى يشرب ويدمن
ولما عرفنا
قررنا نعالجه وفعلا
راح مصحه واتعالج
وكان كويس جدا
غفران.. معقول انا عمرى ما شكيت فيه
انه بيشرب بالعكس كان شكله طبيعى
خالص
هيثم.. ما احيانا المدمن بيكون أذكى مننا
وبيخدعنا بكل الطرق
بس للأسف احنا صدقناه
وكنا بنعامله عادى جدا
وعمر ما صدر منه اى موقف يضايق
اى حد فينا!
علشان كده خد الامان
وانا عرفت من جميله يا غفران
انك عارفه كل حاجه
وانها كانت بتحكى معاكى أدق التفاصيل
وكأنك عايشه معانا بالظبط
وللأسف وبعد وجع قلب
ومشاكل وشك فى القريب قبل الغريب
جميله عرفت بالصدفه انه
هو اللى بيعمل فيها كده
كان بيحط ليها المنوم
وطبعا مكانش فى وعيه
ودخل عليها حد واغتصبها
جميله.. منه لله
هيثم.. قولى الله يرحمه
هو خلاص راح للى خلقه
جميله قامت من مكانها وقالت :
ما هو اخوك وانا مراتك
مهمكش فى حاجة
انا عارفه انك متجوزنى غصب
علشان تستر عليه
طلقنى انا مش هكمل معاك
هيثم.. جميله مش وقته
جليله.. معقول ما هو زى امه شيطان
هيثم.. ارجوكى دى امى بلاش غلط
جليله.. امك دى قاتله
كانت بتحط السم لأختى فى اللبن
وانا مش هسيبها
جميله.. فاديه قتلت امى
وهمان.. انتى بتقولى ايه
جليله.. ايه مش عارف يا وهمان
وهمان.. انا اعرف ان فاديه تقتل
حد الله ما اعرف
جليله.. اختى ماتت بعد ما خلفت جميله
بسنه ونص
شوفتها بتحط السم فى اللبن
شوفتها بعينى
وكذبتها وقولت مستحيل
يمكن بيتهيألى
بس اختى ماتت فجأه
واتحسرت عليها
حاولت بكل الطرق انى اربى جميله
بس للأسف انت وابوك
وقفتوا فى وش حسنين اخوك
وحلفتوا عليه
ما يتجوزنى وهتحرموه من الميراث
وغير فاديه ما طلعت سمعه على اختى
انها بتعرف رجاله
وعليه بس حسنين اتجوزنى
ولما كنت حامل سابنى
وانا قولت طفش بس عرفت انه مات
بعدها بكام شهر
حاولت اخد جميله
معرفتش بس اللى ريح
قلبى انها كانت عايشه فى دار جدها
وبعد ما مات كانت عندها 12 سنه
وعرفت انها قعدت معاكم
ومن هنا وانا تعبت
لانى كنت عارفه ان فاديه
مش هتريحها
منها لله
هيثم قال بحزن.. دى امى يا مرات عمى
وبعدين دلوقتى
امى خلاص عقلها تعب بعد
موت شهاب
وفى مصحه
وحالتها سيئه جدا
جليله.. سبحان يمهل ولا يهمل
وهمان قام من مكانه ودخل اوضته
وفتح الخزنه
وخرج ومعاه أوراق
وسلمها لجميله وقال
دى حجه البيت والأرض حقك يا جميله
وانا مكنتش اعرف
ان اخويا اتجوز غير هانم
وعلى حسب الشرع
ده كل ميراثه
شوفى يا بنتى قسمه العدل
ليكى ولأختك وخالتك
حد الله بينى وما بين قرش زياده منه
ده ميراث اخويا كله
جميله.. بس فى حاجه
وهمان.. فى ايه يا بنتى
ده ميراث ابوكى كله
جميله.. طلقنى يا هيثم
انا مش عاوزاك
غفران.. ليه يا جميله
هيثم.. نعم انا مش هطلق
جميله.. انا مش عاوزاك
ولا هاخد الراجل اللى اخواه
عمل فيه كده وباعنى
ارجوك طلقنى
جليله.. طلقها يا ابنى
هيثم.. بس انا بحبها
جليله.. خلاص انا هاخدها مصر
تغير جو
وبعدين نتكلم فى موضوع الطلاق ده
جميله.. انا مش همشى غير لما اتطلق
بقولك طلقنى
هو انت ايه معندكش دم
هيثم قال فى لحظه تهور :
انتى طالق يا جميله
= جميله قامت والدموع فى عينها
ودخلت اوضتها
غفران جريت وراها وقالت:
ليه يا بنتى باين عليكى
انك حبتيه
جميله انهارت وقالت :
انا مش عاوزاه خدونى من هنا
انا عاوزه امشى من البلد دى
انا مليش مكان فيها
غفران قربت منها وحضنتها :
خلاص يا حبيبتى النهار يطلع ونمشى
على طول
الباب بيخبط وكانت شرين
هيثم فتح الباب
وقال : تعالى يا شرين
.. انا مش جايه اضايف انا
عاوزه جميله فى كلمتين
جميله سمعت صوتها
وخرجت والدموع فى عينها وقالت
تعالى يا شرين
شرين قالت قدام الكل
انا جايه اقول كلمتين ورد غطاهم
البت آسمهان الله يرحمها بقى
هى اللى حطت السم فى الاكل
هى قالتالى يوم ما الفرح
ما باظ بس ابويا كان
تعبان وانا مخدتش بالى
بس سمعتها كويس ومهتمتش
اصل وقتها كنت كرهاكى
اوى يا صاحبه عمرى
بس البت كل يوم والتانى
تجينى فى الحلم
وتقولى قولى لجميله تسامحنى
انا بتعذب بسببها
وانا روحت لشيخ وفسر الحلم
وقالى انها بتتعذب وفى ظلومه
وانا عارفاها كويس الظلومه
دى فين ولمين
علشان كده جيت لحد عندك هنا يا جميله
سامحيها
عن اذنكم ومشيت
جميله اغمى عليها ووقعت من طولها
هيثم شالها وطلع بيها الشقه
ووراه جليله وغفران
ولما فاقت شافته جمبها
وطلبت منه تمشى معاهم
وقالت انها مالهاش مكان هنا فى الدار
ولا البلد
وفى صباح اليوم التالى
فى الثامنه صباحا
جميله ركبت العربيه
ومعاها غفران وجليله خالتها
وراحت معاهم على مصر
ولأول مره جميله تزور مصر
شافت ناس تانيه وعالم غريب عليها
بس مختلف تماما
عن العالم اللى عاشت فيه
ولما دخلت شقه خالتها
غفران خدتها وفرجتها
على الشقه كلها وكانت طايره
من الفرح وقالت :
عارفه يا جميله أجمل إحساس
ان يكون ليكى اخت
حنينه زيك كده وزى القمر
جميله.. انا مش حلوه
ولا حاجه
دخلت جليله وقالت :
انتى أجمل بنت
يوم ما اتولدتى الكل كان فرحان بيكى
واليوم ده كان شتاء بس الشمس
كانت جميله
من هنا هانم قالت هسميها جميله
علشان تفضل منوره زى الشمس
وجميله زيها
غفران قربت منها وقالت :
وانا يا ست ماما ليه غفران
علشان عرفت ان بابا مات وانا ظلماه
وقولت ان اهله غصبوا عليه
ولما عرفت انه مات غفرت له
وسميتك غفران
غفران.. يااه على الجمال أجمل
ام وربنا
جميله ربنا يخليكوا ليه
انا بجد مليش غيركم
جليله.. وهيثم
جميله.. هيثم حياته فى البلد
مع البنت اللى بيحبها
مش انا
دى متعلمه زيه دى حب عمره
زى ما بيقول
غفران.. مع انى شوفت غير كده
عينه بتقول انه بيحبك
جميله.. مينفعش مش كفايه
اللى اخوه عمله فيه
انا مش هقدر ارفع عينى فى عينه
غفران.. انتى مظلومه
وهو عارف ده
جميله.. لو بتحبينى سبينى اعيش
بلاش سيرته وسيره البلد دى تانى
جليله.. خلاص يا غفران سبيها
غفران.. جميله كنت عاوزه اعترفلك بحاجه
جميله.. قولى فى ايه
غفران.. انا اللى خليت هيثم
يتجوزك ويتورط يوم فرحه
ويسيب عروسته
جميله.. ازاى الكلام ده
غفران اللى حصل بقى
ما انا كنت مضاغظه من اللى اسمها
فاديه دى وكنت شاكه فيها
اشتريت شريط منوم وحطيته
فى دولابها بعد ما خدت البدله
وحطتها فى اوضتها
ودلقت عليه الشربات
وقولت لما يشوف المنوم
هتلبس التهمه
ويتجوزك
ما كان لازم استر عليكى
وهيثم ابن عمك وبعدين راجل
غير اخواته خالص
جميله.. علشان كده غير رأيه
وانا كده اتأكدت انه عمره ما حبنى
خلصت خلاص
غفران.. كان لازم اقولك بس والله
انا شوفت فى عينه
حبه ليكى
جميله.. غفران بلاش السيره ده
ارجوكى
غفران.. حاضر
وبعد 3 شهور فى البلد..
هيثم بيحاول يعيش من تانى
من غير جميله بس مش قادر
وبعد اصرار من ابوه حاول يرجع لأسماء
بس رفضت وثارت لكرامتها
شرين اتخطبت لجارها
ومع الوقت نسيت هيثم خالص
وعاشت حياتها مع الإنسان اللى قدرها
فى مصر..
جميله ابتدت تتغير كتير
وشكلها الخارجى أصبح مختلف تماما
وغفران اشترت لها كتب وابتدت تنمى
جواها حب القراءه
وكانت بتساعدها فى كل حاجه
فى أدق تفاصيلها
فى الصغيره قبل الكبيره
جميله واقفت على رجليها
وشافت الدنيا صح بعيد عن الظلم
والقهر والحزن اللى كانت عايشه فيه
وفى يوم غفران طلعت البيت
مبسوطه وطايره من الفرحه
وقالت إن فى محل تحت العماره
خلاص فضى وهتاخده وتعمل فيه
محل الورد اللى نفسها فيه
وفعلا خدته وجهزته
وكان محل ورد جميل جدا
وطلبت من جميله تشاركها فيه
وتشتغل معاها
جميله فرحت جدا
انها هتشتغل وتعيش
زيها زى اى بنت عاديه
تشتغل وتعيش حياتها صح
بس كان هيثم فى بالها
وكانت بتفتكره بتنهيده توجع القلب
وبعد الافتتاح جميله نزلت الشغل
مع غفران وابتدت تقابل الناس
وحست بكيانها وفى يوم
كانت واقفه لوحدها فى المحل
شافت هيثم واقف قصادها
وقالت.. هيثم
.. اتغيرتى اوى يا بنت عمى
¬ حمدالله على السلامه
.. الله يسلمك وحشتينى
وقرب منها ومسك ايدها
جميله بعدت عنه وقالت :
اطلع الدور الرابع فى العماره
وسلم على خالتو وغفران
عن اذنك انا معايا شغل
.. ماما ماتت فى المصحه ?
¬ ايه البقاء لله وحده
ربنا يصبرك ويسامحها
بس محدش منكم بلغنا
وارتبكت وكملت كلامها وقالت :
المفروض كان حد فيكم يكلمنا
على الاقل علشان نعزيكم
.. انا بحبك يا جميله
ومش قادر ابعد عنك
¬ حتى لو عرفت ان غفران هى
اللى حطت شريط المنوم
فى دولاب مرات عمى وورطتك
فى الجواز منى
وانا اللى كنت خايبه وعبيطه
وفاكره انك…..؟
.. انى ايه ؟
¬ ولا حاجه
بس بردوا مرات عمى كشفت عليه
وخطفتنى وحبستنى وتعبت
بس ظهور غفران رحمنى
المهم بقى انك اتورط فيه
..كانت أجمل ورطه
¬ انا مش جميله بتاعه زمان
.. عارف وحبيتك اكتر
بس بحب فيكى جميله القديمه
¬ اه الخدامه الجاهله
زى ما كانت بتقول عليه صح
.. ياه انتى لسه مش فاهمه هيثم ابن عمك
¬ قولتلك ورايا شغل عن اذنك
… تتجوزينى ❤️
جميله.. معرفش ??
.
.
يا ترى جميله هتتجوز هيثم ولا لأ
تمت
.
.
.
.
.
.
