صباح قربت من جميله بكل قوتها..
=جميله قاعده على السرير ووشها بان عليه القلق
صباح قربت منها وشدتها وبكل قوه مسكتها من ايدها ونيمتها
على السرير وقالت : نامى يا بت عاوزين نرفع راسك الليله وسط اهل البلد
وبقت تبص شمال ويمين فى الاوضه كلها وعينها على الدولاب وكأنها بدور على حاجه
فاديه واقفه متسمره مكانها وقالت فى سرها معقول البت هتتفضح كده
لما يعرفوا انها مش بت وهتبقى فضحتنا على كل لسان وساعتها هيقولوا ان هيثم ابنى ستر عليها يأما هو الى عملها انا عارفه بلدنا بلد بتحب الرغى وياسلام لما يكون فى العرض وهيبقى المطلوب منه يقتل جميله
ما هو ابن عمها ودلوقتى جوزها وهى شرفه وعرضه وانا مش هسيب ابنى يروح فى مصيبه وسابتهم واتسحبت وخرجت
= جميله قاعده مكانها زى الفرخه وكأنها مستنيه الدبح
وقالت بخوف : بالراحه عليه يا عمه صباح
.
.
الكاتبه //كوكى سامح
رددت عليها وقالت :مالك يا بت دى الليلة ليلتك يا عروسه
= هيثم قرب من جميله ومسك ايدها وقال :
لا يا عمه انا مش هدخل على مراتى قدام الناس كده انا راجل مش عيل ومش مستنى انى اخد شرف مراتى بالطريقه دى
انا متعلم وعارف ان كل دى عادات وتقاليد غلط رددت وقالت : نعم يا ولا
دى عوايدنا من زمان ومتربين عليها وبعدين يا ابن وهمان
ايه اخرتها بقى ومسكت ايده وقالت :
.
.
تعالى كده بص وشوف
مين واقف حدا الباب ابوك وهمان شوف رافع البندقيه ازاى مستنى شرف بنت اخوه وابنه يرفع راسه
.
.
ويقول انه راجل وبنات البلد وستاتها ورجالتها كل دول مستنين شرف جميله اللى اتربت وسط 3 شباب
فاهم يا ابن وهمان ولا حكايتك ايه يا ابن المدارس
هيثم واقف مكانه ومستوعب كلامها
بس مش عارف يعمل ايه
.
.
صباح قربت من جميله
وفتحت سوسته الفستان هيثم قرب منها وقال :
.
.
انا قولتلك يا عمه صباح مش هدخل على مراتى كده انا خايف عليها يجرالها حاجه
جميله وشها باين عليه الزعر والخوف وقالت بصوت كله ارتباك ورعشه
انا خايفه يا هيثم رددت صباح وقالت ما تقرب يا هيثم
هيثم قرب منها وفتح السوسته للأخر
وقال نامى على السرير يا جميله جميله قاعده مكانها وعينها فى عينه
ومستغربه من تصرفه وفى نفس الوقت مرعوبه
صباح قربت منه وقالت تنام ايه يا ولا
فين حاجه العروسه انا عاوزه قميص نوم تلبسه الاول
هيثم.. نعم قميص نوم!
صباح ابتسمت وقالت : ايوه يا عريس
اومال هتدخل عليها وهى بفستان الفرح ده يا ابنى ده عامل زى الكوبه
جميله.. كل حاجتى فى دار محمد صالح
مش هنا يا عمه صباح صباح قربت منها وقالت انتى لابسه
ايه تحت الفستان رددت وقالت بكسوف : لابسه
وفجأه هيثم وقع على الأرض ومسك بطنه وبقى يتلوى على الأرض
صباح قربت منه وقالت :، مالك يا عريس فيك ايه
جميله قامت من مكانها وقعدت جمبه على الأرض وقالت :
مالك يا ابن عمى رد وقال : انا بموت يا جميلة وغمز بعينه
جميله فهمت ان ده مقلب منه علشان يطلع من ورطه دخلته عليها
صباح خرجت بره وابتدت تصوت وتقول :يا حزنى العريس واقع جوه بيفرفر
وهمان واخواته دخلوا عليه الاوضه
اسمهان واقفه مكانها وقالت فى سرها :ههههههه هو ده الشغل شاطر يا ولا عامل عيان علشان متفضحش نفسك بس انا عارفه ان جميله مش بت وحامل كمان ومتأكدة من ده
ودلوقتى بعملتك دى اتأكدت اكتر وفجأه النور قطعت
اسمهان قالت : احلوت اووووى
غفران دخلت جرى على الاوضه
واسمهان دخلت وراها غفران فتحت فلاش الموبايل
فاديه بعد ما سمعت صوت صباح وهى بتصوت
دخلت جرى علشان تشوف فى ايه هيثم واقع على الأرض وماسك بطنه
وهمان واخواته قربوا منه
ايمن جرى وجاب كشاف ونور الاوضه كلها
شهاب قرب منه وسنده وطلع على السرير وهو ماسك بطنه
فاديه قربت منه وبقت تمسك جسمه والخضه باينه على وشها وقالت :
.. مالك يا ابن بطنى فيك يا قلب امك من جوه
الكاتبه // كوكى سامح
¬ تعبان يما المغص هيقطع بطنى فاديه قعدت على الأرض وبقت تلطم
وتصوت وتقول : الجوازه دى شوم من اولها انا عارفه وش جميلة الفقر ده
منك لله يا بعيده
وشك نحس على ابنى
غفران.. ايه يا جماعه فى ايه
بدل ما تقعدوا تندبوا كده وكل واحد يقول كلمه ملهاش لازمه خدوه على المستشفى علشان نطمن عليه
هيثم.. لأ ممكن حد يعملى حاجه ساخنه وان شاء الله هبقى كويس
= عمه صباح قربت من جميله وقالت :
يا عينى عليكى يا بنتى كان نفسى تفرحى والواد يدخل عليكى وافرح بيكى وبشرفك قدام البلد كلها
واقول بنت هانم رفعت راس امها وابوها بس حظك وحش اوى
معلش حبيبتى بكره جوزك يطيب ويبقى زى الفل جميله قربت من غفران وقالت :
بقولك اقفلى السوسته دى بسررعه انا مكسوفه اوى
وفعلا غفران قفلتها وقالت بصوت
واطى وهى بتوشوش جميله انا شوفت فاديه وهى بتقطع النور
دى فعلا مش سهله وده بيأكد
أنها شاكه فى هيثم ان هو اللى عمل فيكى كده وانتى مظلومه
رددت جميله وقالت : .. انا تعبانه اوى وخايفه من اللى جاااى
¬ اوعى تخافى وانا جمبك حقك وحقى مش هسيبه يا جميله
وهمان خرج وقال :
.. معلش يا جماعه احنا اسفين
وان شاء نجيلكم فى الأفراح
العريس تعبان شوية وعاوز يستريح
اسمهان.. مش هياخد شرف عروسته يابا وهمان
وهمان.. هنعمل ايه يا بت خلف الواد تعب فجأه
والله كان نفسى اضرب عيارين فى الهوا من الفرحه
وتاخدوا المنديل وتلفوا بيه على البلد كلها بس محصلش
نصيب بقى الحمد لله
اسمهان قالت وهى بتتعوج كله نصيب يابا وهمان يلا عقبال ايمن وشهاب
وهمان.. عقبال ما نفرح بيكى يا بنت خلف
رددت وقالت : يارب
وسابته ومشيت
= وبعد ما وهمان اعتذر
كل المعازيم مشيت والدار فضيت من كل اللى فيها
= وهمان قفل باب الدار
ودخل على هيثم وقال وهو حزين
عامل ايه يا ابنى لو لسه تعبان انا واخواتك ناخدك على المستشفى
رد وقال بعد ما اتأكد أن كل المعازيم
مشيوا
.. انا كويس الحمد لله يابا
بس عاوز ارتاح شويه بس وهمان قرب وقعد جمبه
وقال : انت غيرت رأيك وخدت جميله ليه مع انك بتحبك عروستك
انا حاسس ان فيه حاجه وانا مش فاهمها وبعدين يا ابنى خلى بالك فى مشاكل وراك بسبب العامله دى ومش هتخلص منها
اولهم دار اسماء عروستك دول اتفضحوا واتجرسوا قداموالخلق كلها لما رفضت الجواز منها وخدت جميله
مش هيسكتوا انا متأكد وبعدين دار صالح كمانوكل جهاز جميله هناك عندهم بعاملتك دىوهيروح عليها
واحنا لازم نسكت مش هينفعونتكلم لان الغلط من عندنا والعيب فينا
الكاتبه // كوكى سامح
علشان كده يا ابنى كان نفسى تاخد شرفهاوقدام الخلق كلها
وصباح كانت تبقى شاهده وشايفه علشان محدش يتجرآ ويتكلم على جميله كلمه مش كويسه ويلسنوا علينا
بالكلام ويقولوا ان البت فيها حاجهورد هيثم وقال :
يابا ان شاءالله كله هيتحل
.. يا ابنى البلد هتقول ان فى أنه
انت مش عارف سلو بلدنا يا هيثم بيه
ولا العلام نساك
اكيد البلد كلها هتجيب سيرتنا ويقولوا اكيد فى حاجه
علشان كده هيثم خد جميله
انت مش عارف البت اسمهان بنت خلف كانت بتتكلم معايا وتتعوج ازاى وانت عارف البت دى جلابه مصايب
رد ايمن وقال : البت دى فعلا مش سالكه بقلق منها
فاديه.. طيب يلا دلوقت علشان هيثم يستريح
وبصت لجميله وقالت :
خلى بالك منه يا اختى
غفران.. متقلقيش يا مرات عمى
دى تربية ايدك
وهمان خد ولاده وخرج
جميله قربت من غفران وقالت:
انا عاوزه اى حاجه البسها ما انا مش هنام بالفستان ولا اقولك انا هرجع اوضتى انام فيها
هيثم قام من السرير وقال : .. نعم مينفعش كده ابويا يشك
يا جميله انتى هتنامى معايا هنا وسابهم وخرج الحمام
= غفران خرجت على اوضه جميله
وفتحت شنطتها وطلعت ملابس نوم
وكمان كذا حاجه من هدومها ورجعت وقدمتهم لجميله
وقالت : دى شويه هدوم من عندى
قضى بيهم دلوقتى وان شاء الله هتصرف وانزل اشترى شويه هدوم جديده ليكى بس الازمه دى تعدى على خير
لان انا مش مستريحه
عمك وهمان شكله شك فى الموضوع
ده غير فاديه
اللى النهارده خددت اكبر بومبه فى حياتها بجوازك من هيثم
جميله.. والله انا مش عارفه ايه
اللى بيحصل ليه ده اهم حاجه انك جمبى ربنا ما يحرمنى منك ابدا
غفران.. يلا تصبحى على خير
جميله.. وانتى من اهله
= غفران خرجت على اوضه جميله
ودخلت تنام
جميله قاعده بفستان الفرح على السرير
وكانت والدموع فى عينها هيثم دخل عليها..
.. انت لسه قاعده بالفستان قومى غيرى يا جميله
¬ حاضر بس ودى وشك الناحيه التانيه
رد وقال :
.. على فكره انا جوزك قصدى ابن عمك بصى يا جميله
انا هخرج وغيرى براحتك جميله قامت من مكانها وقالت :
لا ودى وشك الناحيه التانيه وخلاص
متخرجش وتسبنى لوحدى وكمان علشان عمى وهمان
وكملت كلامها وقالت بس تعالى افتحوالسوسته دى علشان مش هعرفوقرب منها وفتح السوسته
جميله رفعت راسها ناحيته وعينها فى عينه واترمت فى حضنه وابتدت تعيط
وقالت : انا عارفه انك ظلمت نفسك معايا
انا اسفه بجد
انا حرمتك من عروستك هيثم بيحاول يمسكها بس مش قادر
وجميله بتحضنه ومنهاره لف ايده حوالين ضهرها وحضنها
ولما لمس جسمها حاول يبعد عنها ولكن مقدرش
وفجأه حس بنفسه ان راجل وهى بنت وحلوه
وفى حضنه وشهوته هى اللى بتحركه
وحس بضعف ناحيتها
فاديه زقت الباب ودخلت بالعشا
وقالت ايه ده انتوا بتعملوا ايه؟
هيثم بعد عنها بسررعه وقال : .. فى ايه يما بفتح لها السوسته علشان مش عارفه وبعدين دى مراتى
¬ نعم يا عين امك وقربت منه وطت صوتها
وقالت : الجوازه دى على الورق
انت اتجوزت البت دى علشان! ؟؟؟
رد هيثم وقال : علشان ايه يما ما تقولى؟
فاديه.. معرفش بس انا بقولك ايوه الجوازه دى على الورق
هيثم قال فى سره مش كفايه يما انك انتى اللى عملتى فيها كده وكل إللى بيحصل ده بسببك انتى
فاديه.. الاكل اهو اتعشا ونام وابقى اتغطى كويس
تصبح على خير
وسابت الصينيه وخرجت وقفلت الباب وراها بكل غل
هيثم.. انا هقوم ادخل الحمام
اغير هدومى
وانتى كمان تكونى غيرتى وسابها وخرج
فاديه قاعده على الكنبه
ولما شافته قامت من مكانها بسررعه ودخلت على جميله
وكانت بتغير الفستان قربت منها ومسكتها بكل عنف
الكاتبه // كوكى سامح
انتى يا بت ابعدىرعن ابنى يا هامله يا ف اجره
عارفه والله العظيم اقتلك
لو شيطانك وزك وقالك
ان هيثم يلمسك
ولا فى يوم من الايام
تفتكرى نفسك مراته ولا ست الدار دى فاهمه يا بت وخرجت بسررعه قبل
ما حد يحس بيها وقعدت مكانها جميله غيرت الفستان ولابست قميص نوم وروب وقعدت قدام صينيه الأكل وهى مكسوفه
فى دار شرين صالح..
الباب بيخبط وكانت اسمهان ولما فتحت لها شافت الدار مقلوبه
اسمهان.. فى ايه يا شرين
شرين.. ابويا تعبان والدكتور عنده جوه
اسمهان.. اسكتى على اللى حصل مش المحروس مخدش شرفها وعملوا لعبه على أهل البل علشان خايفين من الفضايح
شرين.. منهم لله
اسمهان.. بس متخافيش انا اتصرفت وهخلصك منهم هما الاتنين وهترتاحى يابت
شرين بتسمع كلامها بس مشغوله
اسمهان قربت منها وبصت شمال ويمين واتأكدت ان شرين لوحدها والكل مشغول مع الدكتور وقالت :
لما اتأكدت ان كتبوا كتاب هيثم وجميله دخلت المطبخ وهما مشغولين
وحطيت لهم سم فيران فى صينيه العشا
الدكتور خرج وشرين جريت عليه تطمن على ابوها ومخدتش بالها
من كلام اسمهان
فى دار وهمان..
هيثم خرج من الحمام وشاف جميله قاعده قدام صينيه الأكل
خد بطانيه وقال : انا هنام على الأرض
جميله.. لا يا ابن عمى انا اللى هنام على الأرض
وانت نام مكانك مش كفايه حرمتك من فرحتك علشان تستر عليه
قرب منها وقال :
يا جميله انتى بنت عمى وشرفى واى حد مكانى هيعمل كده
جميله مسكت ايده وعينها فى عينه
وقالت : ربنا ما يحرمنى منك ابدا
واترمت فى حضنه
هيثم ارتبك وبعد عنها وقال :
طيب يلا علشان ناكل لقمه
جميله..حاضر يا ابن عمى ومدت ايديها وابتدت تاكل
وهيثم خد البطانيه ونزل على الأرض وبيحاول ينام
جميله.. ايه ده مش هتاكل معايا
هيثم.. مليش نفس انا هحاول انام جميله بتاكل بس اتحرجت
لما رفض ياكل معاها
=هيثم بيفكر وبيقول لنفسه
معقول امى اللى عملت فى جميله كده وهى اللى دخلت راجل عليها
طيب ليه يما
فى اوضه جميله…
غفران قاعده بتكلم نفسها وقالت :
ههههه ههههههه انتى مش قدى يا فاديه انا واثقه وعارفه ان هيثم شاف المنوم
اللى حطيته بأيدى فى دولابك واتأكد انك انتى اللى عملتى فى جميله كده
علشان كده ضحى بنفسه وساب خطيبته واتجوز جميله
ما هو كان لازم يتجوز جميله قبل ما تتفضح واللى اسمه محمد ده يعمل فيها راجل لما يعرف انها مش بنت وممكن يقتلها
كان لازم انقذ اختى ما اكيد اللى عمل فيها كده حد من ولادك يا فاديه
خد شرفها، منها تحت تأثير المنوم وظلمها وهى مغلوبه على أمرها وطبعا كان لازم حد منهم يشيل بنت عمه
وهيثم بالذات لانه راجل وهيعرف يحافظ عليها منك يا فاديه الكلب
وكمان جواز جميله من هيثم بالنسبه لينا انتصار كبير عليكى
يا فاديه وبكده هنقدر انا وجميله
ناخد حقنا منكم وميراثنا
اللى وكلاه فى بطنك انتى وعمى وولادك
بس بردوا السؤال اللى محيرنى
مين اللى عمل فى جميله كده
شهاب ولا أيمن ولا مين بالظبط؟؟؟؟؟
الكاتبه // كوكى سامح
فى اوضه جميله…
جميله قاعده بتاكل بس من غير نفس
وفجأه جسمها تلج وحست بألم ومسكت بطنهاووقعت على الأرض هيثم اتفزع وقرب منها
بس كانت قاطعه النفس خالص مسك ايدها وجسمها لاقاها متلجه
وطى عليها وبيحاول يشوفها بتتنفس
ولا لأ وفجأه قاال : ايه ده
جميله ماتت مستحيل……
روايه عريس في ورطه. الجزء الحادي عشر
.
.
.
.
