أكرم وصل بيت أهله، مرعوب .. بيترعش .. أخوه عمر فتح له الباب..أمه كانت نايمة، متعرفش إنه جاي .. بس عمر مستغرب .. هو أكرم ماله؟ إيه اللي خلاه ياخد قرار إنه ينام عندهم النهاردة .. ويقطع مسافة سبعين كيلو بالعربية.._
أنا هنام معاك في أوضتك يا عمر.._ يا ابني سلم الأول .. خد نفسك .. اسأل عن أمك .. اسألني عامل ايه.._ معلش يا عمر سامحني .. أنا مش عارف أتلم على أعصابي..دخلوا أوضة عمر .. وبدأ أكرم يحكي له عن اللي حصل .. وأكرم بيضحك عليه بصوت عالي.._ هاهاهاهاهاهاها .. لاقيس مين وإبليس مين يا أكرم .. انت راجل متعلم عيب عليك .. وتظهر في شكل ديمة ليه؟_ مش هستحمل أي تريقة يا عمر .. أنا فيا اللي مكفيني .._ معلش يا أكرم بس انت بتقول كلام غريب.. _ هو أنا هكدب عليك يا عمر؟
متعصبنيش.._ مش بتكدب .. بس ممكن تكون حاسس بالذنب ناحية ديمة .. أو هي صعبانة عليك .. أو بتفكر فيها.._
أنا فعلا زعلان علشانها .. دي كانت هتبقى مراتي.._ يا آخي بطل الجحود اللي فيك ده .. دي بقت مراتك فعلا يا أكرم.._ مش عايز فلسفة يا عمر .. أنا فاصل ومش شايف قدامي .. أنا هنام جنبك هنا ع السرير..أكرم نام بهدومه على السرير من شدة التعب .. وعمر كان طالع برة .. أكرم اتخض لما شافه طالع.._ انت رايح فين يا عمر .._ رايح الحمام.._ لا يا عمر .. متسيبنيش لوحدي.._ ماشي يا أكرم .. بس أنا شربت ستين كوباية عصير النهاردة .. هروح الحمام وارجع لك.._ معلش يا عمر .. خلي الحمام الصبح ..
أرجوك متخرجش دلوقتي وتسيبني لوحدي..عمر على أعصابه .. مش مستحمل .. ومع ذلك رجع .. وحاول ينام..أكرم غمض عينيه ونام في دقايق .. وعمر مش قادر يقاوم الشعور إنه يروح الحمام.. وفاتح عينه باصص للسقف..فجأة..ظهرت لاقيس في الأوضة تبص لعمر بعيون مفتوحة ..
وهي بتقطع في لحم وشها..عمر بيدعك عينه بصوابعه .. مش مستوعب اللي شايفه..لاقيس بتنهش وشها بصوابعها .. ولحم وشها بينزل .. والدم بيغرق هدومها ..عمر بدأ يتأكد إن فعلا في حد قدامه وبيعمل كده .. شبه ديمة بالظبط..عمر بيترعش .. أسنانه بدأت تخبط في بعض .. طك طك طك طك._ ديمة .. ازيك؟ بتعملي في نفسك كده ليه؟ وكنتي فين كل ده؟_ أنا مش ديمة .. أنا لاقيس.._ راقيص .. راقيص ازاي؟_ أنا لاقيس يا حمار .. لاقيس بنت إبليس.._ لاقيس بنت أونكل إبليس حبيبي .. أهلا بيكي.._ انت بتحب أونكل إبليس بجد؟عمر بيترعش زي اللي واقف عريان فوق جليد القطب الشمالي.._ ءأ ءأنا .. بحبه أوي .. ءأنا بحب أونكل إبليس أوي ورحمة بابا..عمر بدأ يبكي زي الأطفال.._ يا ماما .. يا ماااااااماااااا .._ انت خايف؟
ءأ ءأنا .. ءأنا عيااان..
لاقيس بدأت تقرب منه .. وتقرب وشها اللي مليان دم من وشه… وصرخت فيه صرخة قوية..
_ انت كداااااااااااب..
عمر مفزوع .. حاطط إيده على خد أكرم بيحاول يصحيه .. وفجأة قبض صوابه جامد على خد أكرم .. وخربشه وهو بيصرخ..
_ اصحى يا أكررررررررررررررررررررم..
أكرم قام من النوم مفزوع وهو بيصرخ معاه..
_ آاااااااااااااااااااااااااااااااااااااااااااااء..
لاقيس اختفت من الأوضة، وأكرم وعمر ماسكين في بعض وبيصرخوا الاتنين بصوت عالي..
وش أكرم بينزف دم .. دم كتير .. بسبب ظوافر عمر اللي خربشته من الخوف..
الاتنين بيصرخوا .. بيصرخوا بصوت عالي..
دخلت أمهم ..
_ مالك يا عمر في ايه .. مالك يا عمر؟
الأم اتفاجئت إن أكرم عندهم .. ووشه بينزف دم .. وبنطلون بيجامة عمر غرقان مية..
_ ايه الدم ده يا أكرم؟ ايه المية دي يا عمر؟
عمر بص ع المية .. وبص على أكرم غضبان..
_ قلت لك عايز اروح الحمام .. عايز اروح الحمام .. أهي لاقيس بتاعتك خلتنا غرقنا الدنيا الله يخرب بيتك يا أكرم .. روح يا أكرم منك لله..
آآآآآآآآآآآآآآآآآآآآآآآآآآآآآآآآآآء..
أكرم عرف إن لاقيس ظهرت لعمر .. بدأ يخاف أكتر .. بدأ يرتبك .. مش عارف يروح فين ولا يعمل ايه؟ الموضوع بقى بايخ أوي … هو موضوع ديمة هيفضل ملازمه لحد امتى؟ لازم يتصرف .. لازم يعمل حاجة..
أكرم ساب لهم البيت ونزل جري، مش عارف نفسه هيروح فين..
ــــــــــــــــــــــــــــــــــــــــــــــــــــــــ
لميس نايمة في أوضتها .. سرحانة في عالم تاني ..
لاقيس ظهرت في الأوضة ..
بتعمل ايه دي؟
بتحط كرسي في نص الأوضة .. وبتعلق حبل المشنقة في السقف .. والكرسي تحتها..
فتحت الدولاب .. طلعت هدوم لميس كلها .. لحد ما شافت الفستان اللي كانت لابساه لميس يوم فرح ديمة..
جابت مقص .. بدأت تقص الفستان بالمقص..
لاقيس بتصرخ في الاوضة صرخت بتهز المكان..
_ يا لميس .. لميس..
لميس فتحت عينيها .. شافت المشهد .. اتخضت .. اتفزعت .. وشها بدأ يتخطف..
عايزة تصرخ .. تستغيث بحد في البيت .. بس صوتها راح..
.
.
المنظر بشع .. لاقيس وشها كله متآكل .. والمشنقة متعلقة.. ولاقيس قاعدة بتقص لها الفستان بتاعها..
_ دي دي دي ديمة .. حم حم حمدلله عس .. حمدلله عس .. لامة يا ديمة … وحشتيني
_ انتي حلوفة يا لميس؟
_ هاه؟
_ انتي حلوفة؟
_ ليه كده يا ديمة؟ ده انا حبيبتك.
_ أنا مش ديمة يا حلوفة .. أنا لاقيس .. ديمة خلاص بح .. مفيش ديمة .. ديمة ايه؟
_ ايه؟
_ ديمة بح؟ يلا قولي ورايا .. ديمة ايه؟ ديمة بح..
_ دي دي ديمة بح..
_ شايفة حبل المشنقة ده؟
_ اه يا ديمة شايفاه..
_ قلت لك أنا لاقيس يا حيوانة .. لاقيس..
لميس بتحاول تستجمع قوتها وتستغيث بحد..
_ يا ما .. يا ما .. يا ماء .. يا مامااااااااااااااااااااااااااااااااا..
الصوت أخيرا أسعف لميس ..
_ يا مامااااااااااااااااااااااااااااااااااااااا..
لاقيس بتجري ناحية لميس عايزة تخنقها ..
باب أوضة لميس اتفتح ..
ولاقيس اختفت..
أكرم سايق العربية في طريق ضلمة على أقصى سرعة، مرعوب .. بيبص حواليه كل شوية..
بيبص على يمينه، لقى نفسه ماشي في طريق مقابر..
وقف فجأة .. بيبص ع الطريق..
_ ايه اللي جابني هنا .. هو ايه اللي بيحصل..
بيبص عن يمينه .. لقى لاقيس جنبه في العربية..
_ بيتهيألي ده أفضل مكان نقدر نصفي فيه حسابنا يا أكرم .. لا فيه عمر يلحقك .. ولا أمك تفتح الباب تنقذك..
أكرم بدأ يطلع ريق من بؤه على هدومه زي الأطفال من الخوف..
_ آآآآآآآآآآآآء .. انتي عايزة مني ايه؟ حرام عليكي أنا هموت من الرعب..
_ اللي يموت من الرعب .. أسهل بكتير م اللي يخلي واحدة تموت من الحسرة..
لاقيس رفعت إيدها وضربت أكرم بالقلم على وشه..
_ انزل لي هنا في مقابري عايزاك في كلمة سر.
_ أنا مش هخرج م العربية..
لاقيس بتضرب أكرم بالقلم تاني على وشه .. وتبدأ تدوس على أسنانها .. وتقطع في لحم وشها قدام أكرم…
_ انززززززززززززززززل .. انزززززززززززل..
أكرم بدأ يخاف .. فتح باب العربية .. ونزل يجري منها مش مستحمل المنظر..
قصة العروسة المشو هه. الجزء السادس
.
.
.
.
