.
.
.
.
هاله اخدت بنتها ومشيت من غير ولا كلمه ولما مشيت سالت عادل .. هي مشيت فجاه ليه؟ .. قال لي معرفش.. وبعدين انا مش عايزها تفضل تتنطط هنا كل شويه زي زمان.. قولت له من امتي الكلام ده؟ قال لي من دلوقتي .. الوضع اختلف عن زمان انتي دلوقتي عندك ولد في سن حرجه وهي عندها بنت في نفس السن ومينفعش نحط البنزين جنب النار ونرجع نزعل
قولت له طيب ياريت يس يحب سلوي الصغيره دي بنت جميله وكيوت جدا
اول مقولت الجمله دي لقيت عادل اتفزع واتعصب وقال لي لا اوعي تفكري في حاجه زي كده انا استحاله اقبل موضوع زي ده.. انتي فاهمه؟ .. واخر مره اقول لك مش عايز اشوف وش هاله هنا في البيت وتقطعي علاقتك بيها نهائي.. انتي فاهمه ؟..وسابني ومشي..
فضلت افكر وكنت عايزه اكلم هاله افهم منها .. بس افتكرت انها لا ادتني رقم تليفونها ولا عنوان بيتها.. وفجاه لقيت عادل نازل من البيت متعصب نزلت وراه اشوف ماله لقيته ركب العربيه ومشي بسرعه ركبت عربيتي ومشيت وراه لقيته راح بيت اهله
قولت كويس اهو يحكي معاهم شويه ويهدا
ركنت العربيه وطلعت وقبل محط ايدي علي جرس الباب سمعت المصيبه
.
.
سمعت عادل بيتكلم مع باباه ويقول له انا مش عارف هي رجعت تاني ليه ؟ انا طلقتها واديتها كل حقوقها وكل الي هي طلبته
ومش عارف لو سلوي عرفت هتعمل ايه وانا هعمل ايه.. انا مرعوب لو عرفت اني خونتها مع صاحبة عمرها..رد باباه وقال له سلوي بتحبك واكيد هتقدر الي انت عملته علشانها
عادل كمل كلامه وقال المجرمه تخلي بنتي تقول لي يا عمو وتخليني في موقف صعب قدامها . .. لولا مسكت نفسي كنت خنقتها بايديا.. رد حمايا عليه وقال له امر طبيعي يا عادل بعد مطلقتها كان لازم تعمل المستحيل علشان ترجعك .. دي ضحت بحته منها علشانك انت فاكر ده سهل عليها؟
.
.
انت لازم تقابلها وتوصل معاها لحل… او هيبقي مفيش قدامنا غير حل واحد اننا نقول لسلوي الحقيقه كلها وهي صاحبه القرار
بس الخوف ان هاله تقول لها قبلنا وقتها هي مش هتسامحنا مهما عملنا
.
.
عادل قال له مستحيل اقول لها ان صاحبه عمرها عرضت نفسها عليا في وقت كانت سلوي محتاجه لنا كلنا.. عايزني اقول لها اني سبتك بين الحياه والموت واتجوزت عليكي صاحبه عمرك؟
باقي حكايه سلوي وهاله
.
.
في اللحظه دي رنيت الجرس ودخلت وانا بقول ليه يا عادل تعمل فيا كده؟.. رد حمايا وقال لي اهدي وهتعرفي كل حاجه
.
.
