حكايه سلوي وهاله الجزاء الرابع

صرخت وقولت لهم هتقولو ايه ؟.. عذركم ايه ؟ تعملو معايا كده ليه؟

حمايا قال لي اسمعي الاول يابنتي وبعدين احكمي

بعد موت سيف انتي دخلتي في غيبوبه

ولما فوقتي وعرفتي ان في شبهه تسمم حالتك كانت صعبه جدا .. وقتها عادل كان هيموت عليكي.. هاله استغلت حالتكم النفسيه دي وعرضت نفسها علي عادل الي ضربها وطردها من البيت.. قالت له .. انت مستني مين؟ .. سلوي خلاص انتهت وعمرها ما هترجع زي الاول.. وقتها عادل فكر وقال لها انه ممكن يتجوزها بس بشرط

قالت له موافقه من غير معرف ..

قال لها تخلفي طفل ويتكتب باسم سلوي

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

لانها بعد مولدت سيف حصل لها مشاكل ومش هتعرف تخلف تاني زي مانتي عارفه

وفعلا حصل الحمل بسحصل الي مكوناش عاملين حسابه .. هاله طلعت حامل في توام ولد وبنت .. كنا هناخد منها الطفلين.. بس هي رفضت وقالت لعادل انت قولت عايز طفل واحد وربنا بعت لي البنت دي ليا انا سيبها لي .. وفعلا جبت لك الولد علي باب الشقه وسميت البنت علي اسمك .. بس اقسم بالله انا ما حبيت هاله ولا حبيت اي واحده غيرك .. انا عملت كل ده علشانك انتي.. علشان كده طلقتها فورا بعد مولدت.. بس مكونتش متخيل انها هتطلع واطيه وتهددني وتضغط عليا

كنت حاسه اني في كابوس مش عارفه اصحي منه.. هو انا في حقيقه ولا خيال؟ هو معقول كل ده حصل بجد؟ …

في اللحظه دي الموبايل بتاع عادل رن ولما رد المستشفي قالو له ان هاله وبنتها عملو حادثه بالعربيه وحالتهم خطر… قولت له ياخدني معاه وروحنا المستشفي

كانت هاله حالتها صعبه جدا.. لكن البنت كانت حالتها كويسه جدا مجرد جروح بسيطه

اول ما هاله شافتني قالت لي.. ربنا انتقم لك من الي قتلت سيف ابنك.. سامحيني

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

الغيره عمتني.. انا اديت سيف الشيكولاته المسمومه وقولت له روح اكلها لماما بسرعه كنت عايزه اقتلك انتي .. مكونتش اعرف ان هو الي هياكلها

عادل صرخ وقال لها انتي بتقولي ايه يا مجرمه؟ تقتلي طفل ملهوش ذنب وتدمري اسره كامله علشان الغيره الي جواكي؟.. انتي اكيد مجنونه.. قلبك حجر

ردت عليه وقالت علشان بحبك يا عادل عملت كل ده علشان بحبك .. انا بعت نفسي رخيصه واتنازلت عن ابني علشان بحبك

وافقت اتجوزك في السر.. وافقت اشوفك مره واحده كل اسبوع علشان بحبك

قال لها استحاله الي بيحب بجد يعمل كده

ده حقد وغل مش حب

في اللحظه دي الاجهزه صفرت وهاله ماتت

بس انا مقدرتش اسامحها لاني شوفت شكل ابني الي مات مسموم وشوفت خيانتها ليا مع جوزي.. عيطت وقولت لها مش قادره اسامحك .. حسابك عند ربنا هو الي قادر يسامحك او يعاقبك

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

عادل اخدني في حضنه وهو بيقول لي سامحيني انا ضعفت

مقدرتش اتحمل وجالي انهيار عصبي ودخلت المستشفي فضلت شهرين اتعالج لحد ما اتعافيت وخرجت علشان اراعي يس وسلوي الي بقو ولادي بعد ما هاله ماتت

وعيشنا احنا الاربعه حياه سعيده وبدل مكان عندي ولد بقي عندي ولد وبنت

قصتي خلصت بسعايزه اقول لكم .. الشر مش بيدوم .. ولازم في يوم يتقلب علي صاحبه ويرجع له

اياكم والياس من رحمه ربنا .. انه لازم يجي يوم يستجيب ويرفع عنا البلاء

ويعوضنا العوض الجميل

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .