انا زوجة تالته وفي بعدي زوجة رابعة
انا والتانيه صحاب جدا لاكن الاولى والرابعه مش بيكلمو حد
مشكلتي انو انا الهبلة الفيهم يعني انا ماليش طلبات خالص لا انا ولا ولادي جابلنا حاجة من نفسه يبقى كتر خيره مجبش حاجة يبقى انا مش بعرف اطلب
بس ديما مراته التانيه بتحكيلي انهم بيخرجو بيتفسحو
انهم على العيد مثلا اشترالها هي وعيالها لبس عيد وجابلهم حلويات عيد جابلهم تورته مثلا وهكذا
يعني كل الحاجات دي انا بسمع عنها بس لاكن مش بجيبلي زي زيوهم
وطبعا باحس بقهر ووجع على نفسي لانه مش بيعدل ولو عتبته عالحاجات دي بيقولي انا دماغي مدوشه في الشغل مش اكتر ومش متعمد انو مجبلكيش زيهم وانا مش بحب المشاكل فبعدي الموقف بس وانا زعلانه من جوايا
ممكن اكون محتاجة حاجة ضروريه جدا للبيت ولو طلبتها يقولي حاضر مره تانيه علشان الظروف الوقتي مش مساعدة
واتفاجيء من التانيه انو جابلها مثلا حاجة طلبتها ممكن اغلى مالي كنت هاجيبها انا وقيسو ع كده حاجات كتير
المشكله التانيه انو بيكلم الاولى والرابعه وهو موجود معايا وانا معنديش مانع
وممكن يكلمهم وهو جنبي عادي ويقولها ياحبيبتي وبياخد راحته خالص فالكللام وكده لكن انا لو اتصلت عليه وهو عند وحده منهم يكلمني وهو متكهرب وكلمه ويقفل او يكلمني على انو واحد صاحبه
هو كده انا الي بظلم نفسي بهبلي ولا هو الي ظالمني وسطهم اكمني مش بطلب منو حاجة فبيجي عليا اكتر
انا تعبت بصراحة
.
.
.
.
.
.
