مكنش قدامي لعد اللي عملته في ابني الا اني انتقم من البنت دي لانها هي اللي كان لازم تموت لازم تموت وروحت لام سميره وطلبت منها
تعملها عمل بالجنون والسحر. وعملته وبقت تشوفهم في البيت والحمام
وانا بقيت عارفه انها لازم هاتموت نفسها
بس اعمل ايه مكنتش قادرة اتحمل اني اشوفها قدامي وان ابني انا اللي راح وانا اللي موته بايدي
والشيخ سالها
وعرفتي منين انها حامل قبل هي ما تعرف
عشان كانت بتقرف من ريحه الاكل وبتبعد عنه
طب ماهي كانت بتعوضك عن ابنك اللي راح اهو ليه انتي كنتي عايزة تنتقمي منها وتموتيها وتحمليها غلطه انتي اللي غلطتيها مش هي
قلتلك مكنتش متحمله فكره انها عايشه وهو اللي مات ووجودها كان بيفكرني بالجريمه كلها
سامحيني يا بنتي سامحيني
وام سميره كانت عايزة منك ايه
كنت وعدتها ان ابني هاياخد بنتها هي مش هايتجوز غيرها عشان كده كانت بتساعدني وبتعملي اللي بطلبه منها ولما ما. ات بقيت اقولها هي اللي حرمت بنتك منه ومو. تت ابني وبردوا بقت تساعدني
ادي اللي حصل كله
الشيخ قالي انتي يابنتي عرفتي اللي حصل كله والامر بايدك انتي لو عايزة تبلغي انا هاشهد معاكي
وقفت وانا بعيط وببصلها وعارفه انها لو اتسجنت مش هاتتحمل اللي هناك وهاتموت
.
.
ولو سامحتها بعد اللي عملته ده كله انا كنت بسيب ماما عشانها وبتحمل التعب عشانها
وعشان ما تقعدش لوحدها وماتتعبش كنت بصبرها علي فراق ابنها اللي هو حياتي
ولو سامحتها هاامنها ازاي علي اللي في بطني
انا مش عارفه اعمل ايه بجد تعبت ومش عارفه اتصرف ازاي اخد حق جوزي اللي اتحرمت منه من امه
ولا اسامحها عشانه وعشان العشره الطيبه اللي بينا
وابني ولا بنتي لما يسالوا عن ابوهم وازاي ما. ات هاقدر اقولهم ان ستهم هي اللي موتته عشان كان قصدها تق. تلني انا
انا تعبااااااااانه. ساعدوني ارجوكم اعمل ايه واتصرف ازاي
لوكنتو مكانها تعملو ايه
##تمت.
.
.
.
.
