.
.
.
.
الجزء الثالث
بعد ما بعت الرد ان المهمه تمت بنجاح كنت قاعد في العربيه ومستني الرساله الجديده
وبدأت اني افتكر كل اللي حصل من الاول
في يوم كنت سهران مع صحابي وراجع البيت متأخر في الوقت ده شوفت واحد من الشارع وكان لسه ساكن في المنطقه جديد كان اسمه كمال واقف مع طفل من أطفال الشوارع ومره واحده رش الطفل بي بنج واغمي عليه وبعدها حطه في العربيه ومشي
بس انا في اللحظه دي كنت مصور كل حاجه علي تليفوني بعدها جبت رقم تليفون كمال وبعتله المقطع علي الواتس علشان ابتزه واطلب منه فلوس في سبيل اني ما انشرش الفيديو وابلغ عنه البوليس
بس من غبائي لما بعتله المقطع شاف صوره البروفايل الخاصه بيا علي الواتس وهو طلع يعرفني شكلا بس فضل طول المحادثه يسايس فيا ويقولي اللي انته عاوزه هدفعهولك
وفي يوم وانا راجع بالليل وداخل البيت لقيت كمال واقف في وشي بس انا عملت اني ما اعرفوش وكملت في طريقي
بس بعدها ندا عليا وطلع الفون بتاعه و وراني المحادثه اللي كانت بيني وبينه وطبعا صورتي الشخصيه موجوده
ما كنتش عارف اتصرف ازاي او اعمل ايه وخاصه ان كان في مسدس في جنبه
بعدها طلب مني اني افتح التليفون بتاعي وامسح كل اللي عليه وكان غصب عني لازم أوافق
وكل اللي قاله لو حد عرف بالموضوع ده هتحصل الواد اللي انته شوفته وانا بخطفه
طلعت شقتي علي طول ودخلت من غير ما مراتي تحس بيا وفضلت قاعد مش عارف انام
بعدها بحوالي ساعتين لقيت تليفوني بيرن كان رقم غريب ولما رديت عليه طلع كمال بيكلمني من رقمه التاني وانه واقف تحت البيت وعاوزني انزل علشان اقابله وقبل ما أقوله لا مش هينفع انزل
قالي قدامك دقيقتين وتكون تحت البيت وقفل السكه بعدها
بعد ما نزلت من البيت طلب مني اني اركب معاه العربيه وروحنا في مكان مقطوع وبداء انه يتكلم معايا في اني اشتغل معاه وانه امر عليا مش بيخيرني ولما سالته ايه اللي بيحصل للأطفال دي قالي ده مش شغلك
بس انا صممت اني اعرف كل حاجه وعرفت منه ان الاطفال دي بتروح في حته اسمها المزرعه وان ده مكان بيتم فيه تدريب الأطفال علي كل الأعمال الاجراميه من صغرهم بياكلو ويشربوا بس ما يعرفوش حاجه عن العالم الخارجي ولما سالته طب اللي مينفعش بيكون ايه مصيره قالي بيكون قدامه شهرين وبعد كده بيدخل علي تجاره الأعضاء ويتباع أعضائه
بعد كده قالي انته كل اللي هتعمله هتستدرج الطفل وتسلمهولي وانا اللي هوصله المزرعه ولما سالته هي فين قالي ده مش شغلك
كنت في حيره كبيره ومش عارف أوافق ولا أرفض بس كمال قطع تفكيري لما فتح تابلوه العربيه وطلع منه رزمه فلوس وقالي ده عربون اول عمليه ليك مدفوعه مقدما
ولما سالته ايه هي قالي عمليه سهله جدا وكانت خطف سيف ابن محمد جاري ولما قولتله انه صغير جدا ده حوالي سبع سنين
قالي مش مهم المهم انك تنجح في العمليه من غير ما حد يعرف كنت متردد كتير ولما طلبت منه اني اشوف حد تاني غير سيف قالي مشاعرك وعواطفك دي تنساها انته من النهارده هتنفذ المطلوب منك من غير نقاش
في الوقت ده حسيت اني دخلت في لعبه انا مش قدها وان ما فيش مجال للرجوع وكان لازم اعمل اللي اتقالي عليه واسمع الكلام وابتديت بعدها افكر ازاي انا هخ.طف سيف لغايه ما جه في بالي الفكره
في اليوم ده مراتي ما كنتش موجوده في البيت ولما سيف جه علشان يلعب علي اللابتوب شربته عصير وكان فيه بنج وبعد ما اغمي عليه حطيته في شنطه سفر كبيره ونزلت ركبت العربيه بعدها بعت لي كمال رساله وهو بعتلي المكان اللي هقابله في ولما وصلت المكان وسلمته الطفل كان في عربيه تانيه جايه علشان تاخد الطفل
بعد ما مراتي بلغت عني وطلعت من الحبس كمال كلمني وقالي اني بقيت كارت محروق واني لازم ابعد عن عين الناس واروح اقعد في المزرعه بس في نهايه المكالمه قالي استني مني رساله بي التعليمات واللي كانت اني اق.تل مراتي
بعد ما قت.لت مراتي كنت قاعد في العربيه ومستني الرساله الجديده بعدها جالي رساله اني ارجع شقتي واجهز هدومي واستني للساعه ٦ الصبح في الشقه
رجعت الشقه علي طول واول ما دخلت
لقيت فني تصليح الثلاجات قاعد مستنيني !!!
.
.
الجزء الرابع والأخير
#الشاهد_الوحيد
بعد ما دخلت شقتي لقيت فني تصليح الثلاجات قاعد مستنيني
كنا حوالي الفجر عرفته اني نفذت الرساله وعرفته ان في رساله جديده هتيجي الساعه ٦ الصبح
فضلت قاعد انا وهو وعنينا علي التليفون في انتظار الرساله واول ما الساعه جت ٦ كانت الرساله وصلت
وكان نص الرساله
اني انزل من البيت واركب عربيتي لغايه ما اوصل لي عنوان مكتوب في الرساله وهناك هيكون في عربيه تانيه في انتظاري وهي دي اللي هتوصلني للمزرعه بس قبل ما اركب العربيه التانيه اكون رميت اي إثبات شخصيه معايا والتليفون
بعد ما شوفت الرساله وبستعد علشان انزل من البيت لقيت فني تصليح الثلاجات كان اسمه عزيز بيقولي استني وبيديني حاجه صغيره في حجم سماعه الايربودز ولما سالته ايه ده قالي ان دي فيها جي بي اس
بعدها قولتله اني خايف اكمل المهمه دي واني مش قدها بس رد عليا وقالي
.
.
فاكر يوم ما جيتلي القسم و ورتني الفيديو وتبلغ عن كمال كنت انته الشاهد الوحيد علي اللي حصل في اليوم ده
بعدها انا طلبت منك انك تبقي واحد منهم علشان نعرف ايه اللي بيحصل للاطفال دي ولما عرفنا ايه مصيرهم صممت اكتر انك تكمل في المهمه دي علشان نوصل للمكان اللي بيتم حجز فيه الأطفال ونقبض علي كل العناصر الاجراميه الموجوده وانا وعدتك ان ما فيش اي مكروه هيصيبك وان احنا هنامنك كويس انته ومراتك وكل حاجه ماشيه علي حسب الخطه زي ما اتفقنا ولما مراتك شكت فيك وبلغت عنك احنا كنا في ضهرك في القسم وطلعت بعد كده خطوه كويسه
بعد ما عزيز خلص كلامه نزلت من البيت وركبت عربيتي وطلعت علي العنوان اللي مكتوب في الرساله كان علي طريق الواحات
بعدها بشويه لقيت عربيه بتقرب مني وبتهدي السرعه في الوقت ده انا رميت الفون بتاعي واي إثبات شخصيه معايا واول ما العربيه وقفت نزلت من عربيتي علشان اركبها
بس قبل ما اركب العربيه لقيت كمال نازل منها هو و واحد معاه علشان يفتشني بس بحركه ذكيه مني حطيت ال جي بي إس في جيبه من غير ما يحس
وبعد ما فتشني ولقي ان مش معايا اي حاجه ركبت معاه العربيه ولقيته بيطلع قطعه قماش وبيغمي بيها عيني علشان ما اعرفش الطريق
.
.
العربيه كانت ماشيه بسرعه عاليه بس بعد كده سرعتها بدأت انها تقل زي ما نكون ماشين علي ارض مش مستويه ارض كلها منحدرات وفضلت اكتر من ساعه علي الطريق ده لغايه ما وقفت
بعدها كمال خد بأيدي ونزلني من العربيه واول ما شال الغطاء اللي علي عيني كنت في مكان في الصحراء وله باب كبير ومتحاوط بإسلاك شائكه وعليه حراسه مكان اشبه بالسجن
ولما الباب اتفتح وجينا علشان ندخل كان اللي بيدخل بيتفتش وبيعدي من علي بوابه زي اللي موجوده في المطارات بالضبط
عديت انا اول واحد واتفتشت بعدها لما كمال جه علشان يعدي الجهاز صفر ولما الحارس فتشه لقي معاه ال جي بي إس ومن غير تفكير الحارس ضرب كمال بالنار وضرب سرينه الانذار بالخطر
.
.
كانت الحراس حواليا في كل مكان وانا اللي علي لساني اني ماليش دعوه ولا اعرف حاجه عن ال جي بي إس اللي كان معاه
بعدها ابتدي واحد منهم انه يقرب مني و وجهه سلاحه ناحيه مني وشد أجزاء السلاح في اللحظه دي انا غمضت عيني واتشهدت وكنت مستني مو.تي
بعدها سمعت صوت ضرب نار كتير ولما فتحت عيني لقيت الحارس اللي كان واقف قدام مني واقع علي الارض
كان عزيز وصل واقتحم المكان هو والقوه اللي معاه وبداو انهم يقبضوا ويقت.لوا في كل أفراد العصابه ويحرارو الأطفال
.
.
قومت من مكاني علي طول وقعدت ادور علي سيف في وسط الأطفال اللي كانت موجوده كنت خايف ليكون حصله حاجه فضلت ادور عليه في المكان كله بس مش موجود في المكان
قعدت في مكاني وافتكرت كلام كمال لما قالي ان في اطفال بتدخل في تجاره الأعضاء بدأت الدموع تنزل من عيني علشان كنت انا السبب في اللي حصله وبدأت انهار من كتر العيط
حسيت بأيد بطبطب عليا وبتمسحلي دموع ولما رفعت وشي كان سيف كنت طاير من الفرحه وبحمد ربنا انه طلع بخير
بعدها لقيت عزيز جاي وبيكلمني وكان معاه الرئيس بتاعه وبدأ انه يشكرني علي تعاوني معاهم
وطمني علي مراتي انها كويسه بس عندها أصابه بسيطه نتيجه الخبطه اللي كانت في دماغها
لحظه ما انا سحبتها بعيد عن العربيه وابتديت اجيب قش واحطه عليها كان في تحتها غرفه صرف امطار وكان فيها ضابط واول ما حطيت القش عليها وغطاها سحبها لي تحت وطلع جثه تانيه حطها مكانها وعلي فكره هي ما كنتش تعرف باي حاجه خالص
