رواية زوجتها زوجي الفصل الثاني 2 بقلم رفيدة رجب
اسراء بصوت مهزوز يملئه الحزن = تتجوزها يا احمد.
احمد بصوت هادى _ اسراء انا تعبان من الشغل وعايز انام احلى كل الكلام دا لبعدين.
اسراء بأنهيار = كل حاجة تعبان الكلام مش وقته ، اقعد معاك تعبان ،
مفيش اهتمام اصلا ،انا عايزة افهم انت اتجوزتنى ليه طيب لو بتحب غيري ،
ليه وهمتنى بحبك ليا ليه يا احمد انا عملت اى علشان اتقتل كدا ويوم ما تحب تحب صحبة عمرى .
احمد حضن اسراء جامد وباس على رأسها وقال بصوت يملئه الندم على حالتها _
انا اسف يا إسراء ، انا عارف انى ظلمتك بس غصب عنى اتعلقت بيها ، بس اوعدك خلاص هنساها .
اسراء دفعت احمد عنها وقالت بجمود = بس انا عايزاك تتجوزها.
احمد بصدمة _ انتى بجد عايزة كدا منى .
اسراء بإصرار = اه عايزاك تتجوزها والا تطلقنى دلوقتى .
احمد بقلة حيلة _ إلى تشوفيه انا داخل انام.
اسراء اتصلت بمنة وقالت = منة ممكن تجهزى نفسك احنا جايين نطلبك بكرا انا واحمد.
منة بإستفزاز _ بجد انتى طيبة اوى مش عارفة اقولك ايه يا إسراء ، كويس انك متفهمة ان جوزك محبكيش و حبنى انا .
اسراء بوجع =تصبحى على خير .
منة = انا مش مصدقة اننا خلاص بقينا فى بيت واحد يا احمد.
احمد بحب _ اخيرا بقيتي ليا قدام الكل ومبقتش اكلمك من ورا حد خلاص.
منة = تفتكر اسراء عاملة اى دلوقتى ، يلا يارب تمو. ت ونخلص منها .
.
.
احمد بعصبية _ اسراء متنسيش انها مراتى وانها السبب فى وجودنا سوا دلوقت .
منة بخبث = بس هى اخدتك منى كل الفترة إللى فاتت دى .
احمد _ اسراء متعرفش اى حاجة عن إللى كان بينا ،
ومتنسيش انك انتى إللى كنتى بتحبيني وانا معاها لو هنحسبها تبقى انتى إللى غلطانة .
منة بدلع= مش مهم المهم ان احنا سوا دلوقت يا بيبي .
اسراء قافلة على نفسها أوضتها وعمالة تعيط وتقول فى نفسها معقول احمد يكون مع وحدة غيري خلاص مبقاش ملكى لوحدى والله لأجيب حق كرامتى إللى اتهانت دى .
بعد مرور 7 ايام احمد قرر يروح يزور اسراء ويتكلم معاها
احمد _ عاملة اى يا روحى .
اسراء بهدوء =الحمدلله كويسة .
احمد _وحشتينى اوى .
.
.
اسراء = متشكرة جدا لحضرتك .
احمد _ مالك يا إسراء فيكي ايه ( بجح اوى الراجل دا ? )
اسراء ببرود = هيكون فى ايه يعني مفيش ، عن اذنك بس علشان ورايا شغل عايزة اكمله
احمد بعصبية من طريقتها _ شغل اى دا ان شاء الله يا هانم .
.
.
اسراء بلا مبالاه = هو انا مقولتلكش اصل انا قررت امسك شركة بابا واهو كان محتاجنى فى الشغل من زمان وانا حاليا مش ورايا حاجة.
احمد عيونه احمرت من العصبية _
انتى تقصدى شركة ابوكى إللى ابن عمك إللى كان عارض عليكي الجواز وعينه منك شريك فيها
و هيكون موجود هناك صح .
اسراء بضحكة مصطنعة = بالضبط كدا .
.
.
احمد بصوت عالى _ دا على جثتى ، انتى شايفانى مركب قرون ولا اي .
اسراء بهدوء = لا يا احمد انا مش شايفاك اصلا ،
انت بالنسبة ليا صفحة واتقفلت انا مردتش اتطلق علشان ابنى بس مش اكتر ،
مجيتش انه يعيش بعيد عن ابوه ، اما انت بالنسبة ليا مت خلاص .
احمد حس بوجع من كلامها يمكن مكانش يعرف انها فارقة معاه اوى كدا او يعرف انه بيحبها بجد وبيحبها اوى كدا ، قرر انه يسيبلها البيت ويروح ل منة ، أصله كان مسكن كل وحدة فى مكان غير التانى
.
.
منة = اتأخرت اوى كدا ليه ، هو انا متجوزة نفسى ولا ايه .
احمد بعصبية _ بصى انا مش طايق نفسى ولا طايق حد اخرسى مش عايز صداع .
منة بعصبية = ما تظبط كلامك معايا كدا انت نسيت نفسك ولا اى .
احمد مسك منة من شعرها _ انتى اتجننتى يا روح امك ، قولتلك مش طايقك انتى السبب فى كل إللى انا فيه ، اديني خسرتى مراتى بسببك .
منة بصوت عالى = لا يا شيخ هو انا كنت بوست رجلك علشان نتكلم ما انت إللى بدأت .
احمد ساب البيت وطلع قعد على الكورنيش يفكر ، بقا يقول لنفسه وانت اى مزعلك لو سابتك
مش انت كنت بتقول انك مش بتحبها ، اى الل مخليك مخنوق لمجرد أنها هنشوف حياتها ،
هى ممكن تتجوز حد تانى غيري، لا لا استحالة اسراء عمرها ما هتبقي مع غيري
احمد = انا جمعتكم كلكم علشان اقولكم ان الفيلا اتحجز عليها هى وكل ممتلكاتى
منة بخضة _ يا نهار مش فايت يعني اي يعني كل حاجة راحت خلاص .
اسراء بخوف على احمد = متقلقش انا هكلم بابا اخليه يتصرف يا احمد .
احمد _ لا يا إسراء متشكر جدا انا هحل مشاكلى بنفسى .
اسراء بأنفعال= انت بتقول ايه ، هو دا وقته انت عارف انك ممكن تتسجن لو الخلاف إللى بينك وبينهم اتحل .
احمد _ عارف يا إسراء ، بس هعمل ايه يعني دا إللى حصل .
اسراء = اهدا بس انت وهى هتتحل سيبنى اتصرف انا .
منة = انت عايز ايه ، دهبى ضاع منى ومش لاقياه .
احمد بإنفعال _ يعني اي ضاع منك يعني انتى عارفة، دا بكام .
.
.
.
.
