منة بحزن = احمد مالوش ذنب انا إللى فضلت أشده ليا بتصرفاتى
لما انتى طلبتى منه يخلينى سكرتيرة ليه فى الشركة
وهو وافق علشان ميزعلكيش ، بعدها انا بدأت انى احاول معاه بطريقة غير مباشرة،
احمد كان بيحبك اوى واضح عليه ، رحت رحت.
اسراء بقلق = رحتى اى انطقى .
منة بدموع _ كلمت وحدة من بتاعوت الشعوذة وجلب الحبيب وخليتها تعمله وكنت بديها الفلوس شهريا ،
بس معرفش اى إللى حصل احمد اتغير فجأة، احمد مبقاش زى الأول،
جايز يكون السحر اتفك او معرفش تأثيره راح فين بس هو دا إللى حصل
اسراء مقدرتش تتكلم من الصدمة = طب ليه انا عملت فيكي ايه علشان تعملى فينا كدا دا رد الجميل إللى عملته فيكي ، انا آمنت لجوزى معاكى ، حب عمرى ، وكل حياتى علشان تعملى معانا كدا ،
عارفة انا زعلت انا واحمد جامد اوى بسببك ، عارفة انى اتهمت جوزى بالخيا. نة ،
عارفة ان حياتنا كلها كانت فرح لعند ما دخلتيها .
احمد دخل فجأة _ وهترجع زى ما كاتت تانى ، منة انتى طالق ، طالق بالتلاتة ومحرمة عليا ليوم الدين،
انا عايزك تطلعى برا ومش عايز اشوف وشك تانى مفهوم .
.
.
اسراء بهدوء = احمد اهدأ منة تعبانة ، مينفعش تتكلم معاها كدا دلوقتي .
احمد بعصبية _ انتى ازاى كدا ها دى انسانة حيوانة متستاهلش حتى انها تعيش ، دى انسانة خطافة رجالة ومعندهاش اى احترام لكرامتها او لنفسها.
منة _ معاك حق وانا خارجة من حياتكم اتمنى تفتكرونى بالحلو .
احمد = منتمناش نتفكرك اصلا ، فى ستين داهية.
اسراء ساكتة من الصدمة مقدرتش تستوعب حاجة.
.
.
احمد حضنها جامد وقالها بهدوء _ ممكن ننسى بقا ونبدأ من جديد .
اسراء شددت من احتضانها ليه وقالت بدموع = خايفة اوى.
.
.
احمد بدأ يمسح دموعها _ خايفة من اى يا حبيبتى بس .
اسراء = الدنيا تاخدنا من بعض تانى ، انا خايفة اوى يا احمد.
.
.
احمد _ علفكرة حبى ليكي زاد عن الأول وعرفت اد ايه انتى أعظم ست فى العالم.
اسراء بهزار = خلاص بقا بتكثف اعم .
.
.
احمد بغمزة _ بعشق امك ابت انتى .
زين بصوت عالى = بابا سايل (شايل ) ماما و بيقولها امك ابت انتى .
اسراء واحمد ضحكوا فى نفس الوقت وحضنو ابنهم
تتبع …..
#زوجتها_زوجى
#بقلم_رفيدة_رجب
إقرأوا أيضا…. شيطان ينحني امام حوريه
.
.
.
.
