انا مطلقه من ٦شهور ابو ولادي كان حنين جدا معانا وطيب وبيشتغل عشانا بدل الشغلانه ٢و٣
ومش مقصر ماديا بيجي يسيب يوميته كلها لينا وياخد
مصروفه الي يقدره وبس وبيجيب ورد وهدايا ليا وعياله ودي حاجه انا مانكرهاش حتي
في الطلاق انا الي اخترت الانفصال وجريت علي المحاكم وهو
حاول يرجعني بدل المره الف لحد ماتعب ودخل المستشفي بسبب الزعل وراح قالي
انا اوعدك مش حدوخك في المحاكم وماسمحش لام عيالي
.
.
.
.
تدخل محكمه ولا عيالي وراح طلقني عند ماذون وكتب اتفاق بالنفقه وكل حاجه تخص
عيالنا وماقصرش في حاجه من يوم الطلاق انا كنت عايشه
معاه كويس في الاول الدنيا اتغيرت مره واحده بقيت اكرهه مابقتش عيزاه بقيت امنع
.
.
نفسي عنه وهو وصل بيه الحال انه بقه يبكي وينزف من
المحاولات وانا بعترف عاندت معاه واهلي كانو محايدين لكن انا مشيت رايي
واطلقت وحتي بعد الطلاق كان بيحاول واقفل انا الباب لحد ما اختفي
بصراحه وحشني صوته وضحكته وغلاسته ووحشني اهم حاجه دخلته علينا
الي عرفت قيمتها متاخر اووي انا فشيت سره وهو ماطلعش اي غلطه
عني او سر يخصني حتي لما بقه يسال علي عياله مابقاش بيشوفني
.
.
حتي لو واقفه جمبهم كنت عملاله بلوك علي كل حاجه فكيت البلوك بس
ماكلمنيش زي ماتوقعت حتي اهلي زهقو مني ومن عيالي مش بيقولو
.
.
بس واضح وفهماهم كل واحد عايش حياته محدش بقه بيخبط علي بابي
حتي عيالي بقو يمرضو كتير بسبب اني بسيبهم في الحضانات وعند قرايبي لحد ما اخلص شغلي
.
.
وحشني قعدتي مرتاحه وسط عيالي
وحشتني الابتسامه في وشي ودخوله عليا ووحشني زعيقه وصوته
.
.
وشكله وبرفانه ووقفته في المطبخ يوم اجازته ولما كان بيصلح اي حاجه
تبوظ في البيت من بعده بقت كل حاجه خراب كابرت واصريب لحد ماتهديت
ادعولي يرجعلي ويرجع لحضني ولحضن عياله والله حوافق علي كل شروطه
وكل الي يقوله انا عرفت قيمتك ونصيحتي لو في فرصه لاي مطلقه ترجع لجوزها
ارجعي الحياه صعبه وبالذات من غير روح انا اسفه اني طولت عليكم بس
ادعولي بالله عليكم وانصحوني لوجه الله وارجوكم انا مش قادره علي اي تجربح انا غلطانه وبعترف بده
