مشكلة عضوة بتشوف جوزها في البيت وهو مسافر ومش موجود والكا*رثة ???
.
.
.
.
السلام عليكم انا متجوزه من سنه بالضبط الحمد لله ما حصلش اي مشاكل
في الفتره دي مع جوزي والدنيا كانت ماشيه تمام لغايه من ثلاث شهور
بالضبط حاسه ان في حاجات غريبه بتحصل اولها مره حصلت كم جوزي المفروض
ان هو مسافر نسيت اقول انا جوزي سواق على خط المنصوره والقاهره
المهم ان هو كان المفروض هيبات اليوم ده في الشغل وبعدين لقيته
رجع سالته قال لي اختلفنا انه صاحب العربيه وسبت له العربيه و جئت
قلت له طيب تمام سهرنا مع بعض اليوم ده وبعدين
هو طلب مني قال لي انا شفته قميص النوم ده عليك كثير وعايزك تغيريه
البسي لي حاجه غيره فعلا غيرته ولبست حاجه ثانيه وبعدين بعديها بكم
ساعه طلب مني ثاني انه انا اغير القميص ده والبس حاجه ثانيه وسالني
في اكل قلت له اه في اكل كنت ساعتها طابخه فراخ المهم اكلنا
وكلنا الساعه تقريبا سبعه الصبح ونمنا وصحيت مع العصر لقيت جوزي
راجع باقول له انت خرجت امتى بص لي وضحك وقال لي انا راجع هلكان
حضري الحمام استحمى ما فهمتش حاجه وبعدين سالته ثاني قلت
له انت رحت فين عرفت منه ان هو كان مسافر المنصوره كذبته قلت له
مستحيل حلف لي بالله وكلم واحد سواق زميله وزميله قال له في التليفون
ايوه انتم كنت معنا هنا شربين ما حطتش الكلام في دماغي قوي واعتبرت
ان ده مقلب منه وكبرت دماغي وبعدين جاءت له سفريه بعديها بكم اسبوع وانا طلبت منه اروح
عند اهلي كان وقت هيغيب يومين هاقعد اليومين دول عند اهلي هو وافق
رحت عند اهلي وبالليل على الساعه 1:00 لقيته جاي باقول له احنا هنهزر
قال لي ليه ولقيته كشر في وشي قلت له مش انت المفروض كنت مسافر
هتغيب يومين قال لي ما اقدرش ابعد عنك المهم قال لي يلا جهزي نفسك
روحت دلوقتي وفعلا روحت مع البيت ثاني يوم ما قالتهوش اتصلت عليه لقيته
بيقول لي انا بارن عليك من امبارح ما بترديش قلت له بترن علي امبارح ازاي انت
كنت موجود قال لي كنت موجود فين قلت له مش انت رجعت امبارح قال لي
رجعت منين المهم قلت له لسه صاحيه من النوم مش مركزه بس انا فاكره
ان انا وهو اتعشينا امبارح بصيت على الاكل في الثلاجه لقيته زي ما هو
وكان انا ما اكلناش حتى الفاكهه لسه اشتريناها واحنا راجعين على البيت
ما لقيتش لها اي اثر كلمت ماما في التليفون وقلت لها انت مش شفت عماد
وهو جاي ياخذني من عندك امبارح قالت لي لا انت اللي قلت عايزه تروحي
ضروري قلت يمكن تهيؤات وبصراحه اترعفت دي ثاني مره تحصل معي المهم
اول امبارح على طول جوزي كان موجود في البيت معي ولقيته داخل الاوضه
بيقول لي بتعملى اى قلت له هروق الدولاب قالى لا عاوزك وقعد يهزر معايا
فجاء لقيت جوزى دخل عليا بقولى هتنامى
.
.
دلوقتى اتخضيت وببص فى مراية التسريحه لقيتني بهدومى زى ما انا مع ان
المهم حكيت له جوزي لكذا موقف اللي حصلوا ما كانش مصدقني
وقال ان في حاجه في البيت بتحصل غلط بعد جاب شيوخ كثير قرا قران في البيت
وقالوا انه ما فيش اي حاجه في البيت والدنيا زي الفل وبعدين جوزي
قال لي انت محتاجه دكتور نفسي اكيد رحت للدكتور نفسي طلعت معي
جلستين فقط قال لي انت زي الفل وما فيش اي حاجه احنا مستغربين
ومش فاهمين ايه اللي بيحصل حاسه اني هتجنن
معلش طولت عليكم لو ممكن حد مر ده يقول لي عمل ايه
