ليتني لم اهواك ….. الجزء الرابع

ادهم : حياة مالك انتي كويسه؟؟؟؟
حياة: لا مصدعه وسقعانه اويي
ادهم : يبقي اخدتي برد من المطر تاخدي دوا
حياة : لا اخدت طنط وفاء ادتني حبايه بس بردانه لسه
ادهم : طب استني اجبلك حاجه تغطيكي

مشي ادهم وجه وهو معاه دفايه ليا وجه غطاني بيها وقعد وبقوا يقولوا اللي حصل وقد اي اليوم كان لطيف وعدي علي خير وهو بقي يقول علي هايا وفستانها والميكاب اد اي كان جميل وسيمبل وطبعا انا تعبانه بس كان كل شويه يقولي انتي كويسه وانا مش برد عليه بس بهز دماغي بمعني ٱه بعدين مشينا من عندهم وانا طبعا تعبانه فا غيرت هدومي ونمت ومسمحتش لحالي افكر في اي شئ .??

صباح يوم جديد قومت واتوضيت وصليت وبدأت يومي كالعاده بسوره يس الأقرب لقلبي وبعد ما خلصت فطرت وطلعت اشرب النسكافيه بتاعي مع المطره وجمالها وآه من المطريه حرفيا بتغسل قلبي وروحي من جوه كده ودخلت اشوف هعمل اي اخيرا افتكرت اني عندي دراسه اخدت كتبي وفضلت اذاكر كإني ينتقم علي الفتره اللي ضيعتها في التفكير فيه وما اسمح لحالي افكر فيه يادوب اسمه الاذان اصلي واذاكر قومت الساعه 10 آكل وانام .

تاني يوم اتوضيت وصليت ولبست وروحنا المدرسه وقابلت صحابي اخيرا كانوا واحشني اويي حنين وحنان وايه وإيمان ( دائما ينضجوني ابطل تفكير فيه وأنه ماينفعنيش) طبعا احنا في الحصص واتهزقنا كالعاده وحكيت لهم اللي حصل وجه جرس المرواح روحت وكان مافيش حد في البيت وده الطبيعي بس اللي مش طبيعي أن ماما كلمتني?

ماما : حياة خلصتي مدرسه؟
انا : اه يا ماما وروحت بس هنزل تاني عندي دروس .

ماما : طب خلصي وتعالي عند خالتك وفاء عمك ابراهيم تعبان واحنا عندها وهنتأخر
انا : لا الف سلامه عليه بس انا هخلص وارجع علي هنا

بسمله : بت بقولك اي أخلصي وتعالي وراكي اي يعني خلصي سلام
وبوسي القمر قفلت في وشي وطبعا لازم اسمع الكلام لا تشعلقني من ضوافري
كان عندي درس رياضه لبست دريس اخضر تريكو وعليه طرحه بيچ وبوت اسود والشرطه الباك السوده وروحت الدرس والمدرس مش طايقني وكل شويه يسأل بس علي مين ده انا حياه كنت بحاول بس بيطلع القطط الفاطسه في الاجابه وعشان انا لساني طويل كنت برد عادي وأخيرا خلصت وروحت عند طنط وفاء لقيت كله هناك ولقيته هو وبجد بقي نفسي اسيطر علي دقات قلبي لما اشوفه سلمت وروحت اسلم عليه
انا : ازيك يا ادهوم عامل اي

ادهم : حياتي ازيك يقمر عامله اي
انا : انا تمام الحمد لله
ادهم : بس اي الحلاوه دي
طبعا أنا وشي قلب طماطم وابتسمت بكسوف ومشيت

علي الساعه 9 لقيت هايا واهلها جايين يتطمنوا علي عمي ابراهيم بس اتصدمت لما لقيتها بتعاملني بتناكه لكن لا كله الا كده ده انا حياه المهم قعدت و بسمله عملتهم حاجه يشربوها وبعدين لقيت هايا قائمه تدخل الصينيه طنط وفاء قالتلي ?
طنط وفاء : حياه خدي الصينيه من هايا
هايا : لا يطنط ده بيتي ولااي
طنط وفاء : اكيد ياحبيبتي بيتك بس معلش خدي يا توتي منها
انا : …….
يتبع ……… سوف يتم إضافة باقي الاجزاء هنا عند الانتهاء من الكتابة ..

إقرأء أيضاًًََُُ

طلبت منه الطلاق … الجزء الاول

اتحبست في الحمام وانا عند اختى الجزء الأول

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .