شيرين بتمثيل: انا مقدرة موقفها يا عمي انا مهما كان واحدة هربت من بيت جوزها
علا صوت رنين هاتف احمد برقم غريب
احمد: الو السلام عليكم
المتصل:******
احمد بصدمه وغضب : نعععععم… طب خلاص جاي
عبدالله: في ايه يا ابني
احمد: الواد اللي واقف في المكتبة بتاعتنا بيقول ان في حاجات كتير مسروقة من المكتبة
عبدالله: مين اللي اتأجرأ يعمل كدا
احمد: معرفش انا رايح هناك
عبدالله: استنى جاي معاك
احمد: يلا
خرجت ليلى من المطبخ تحمل صينية بها الشاي و بعض التسالي وضعتها على الطاولة الصغيرة وكانت قد سمعت ما حدث من الداخل
ليلى باستهزاء: الشاي يا وش الهنا
نظرت لها شيرين بقرف ولم تعطي اي رد
عند فرح انتهت من عملها وخرجت لتجد عمر في انتظارها مع اخيها
فرح: انت هنا من امتى
عمر : اكيد مش واقف من الصبح انا خلصت شغلي وجيبت اخوكي وجيت
ادهم بملل: انتوا مخطوبين انا مال امي كل شوية حد يسحبني ليه
فرح: بس يا بابا
عمر وهو يخرج علبة متوسطة الحجم : انا جيبتلك هدية على زوقي يا رب تعجبك
فرح: بس دي بمناسبة ايه
عمر: من غير مناسبة
اخذتها فرح بخجل: شكرا
عمر: العفو… ايه رأيك تفتحيها
فرح : ماشي
فتحت العلبة لتجد بها دبدوب صغير بحجم اليد من كرتون طفولتها المفضل
عمر: عرفت انك كنتي بتحبي الكرتون ده وانتي صغيرة
فرح بفرحة: ومازلت والله
عمر: طب يلا شوفي الباقي
وضعت يدها وسط الكرات الصغيرة من الفوم
لتخرج عدد لا بأس به من انواع الشيكولاتة
و برفان من نوع فاخر و نوت صغيرة من لونها المفضل وقلم جميل
فرح : الله حلوين اوووي
عمر: عجبوكي
فرح: جداااااا شكراااا
عمر: يا دي شكرا العفو يا ستي
اوصلها للمنزل
فرح: بابا عازمك على العشى قالك ولا لسه
عمر: قالي الصبح
فرح: هات كل البيت معاك
عمر: ماشي …. سلام عليكم
فرح : عليكم السلام ورحمه الله وبركاته
صعدت فرح لاعلى تكاد تطير من فرحتها
عائشة: حمد لله السلامه
فرح: الله يسلمك يا ست الكل يا قمر انتي
عائشة: شكلك مبسوطه
فرح: جداااا شوفتي عمر جابلي ايه
عائشة: ربنا يسعدك يا قلبي.. ادخلي يلا غيري هدومك عشان الغدا
فرح: هوا… ده انا هموت من الجوع
دخلت غرفتها المشتركة مع اختها سارة: سوسور شوفتي خطيبي حبيبي قرة عيني جابلي ايه ياااه ابو العيال بصحيح
سارة : اللي يشوفك وانتي طايرة بالهدية ما يشوفكيش وانتي دبش معاه ده انا فكرت انا مش عايزاه وبتعملي طدا عشان تتفشيه
فرح : انا….انا مش بحب عمر …. ياااه يا سارة لو تعرفي اللي في قلبي من نحيته
سارة: انتي لسه مخطوبة امبارح بلاش تعيشي الدور اوي كدا
فرح: عندك حق انا فعلا مخطوبة امبارح بس بحبه من خمس سنين من ساعة من نقل هنا في نفس الشارع وانا بحبه كنت بشوفه بيعامل اخواته ازاي وحبي ليه يزيد اكتر عارفة … لما عرفت انه هيخطب بنت تاتية كتت هموت من القهرة كنت زعلانة اوي حسيت ان الدنيا وقفت لحد كدا بس كنت بخبي حزني ورا ضحكي وهزاري مع الكل بس خلاص بقا ليا بقا بتاعي انا وبس…. وبعدين انا بحكي قدامك ليه وانتي سنجل بائس حقير
سارة بتوعد: انا سنجل
.
.
فرح بخوف: مين قال كدا ده اللي اخترعتي الارتباط
سارة: بائس حقير
فرح: ذلت لسان هي بتتقال كدا
سارة وهي تحمل حذائها بيدها: تعالي هنا بقا
ركضت فرح وسارة خلفها الى ان اصتدمت بوالدها
فرح: الحقني يا بابا
محمود بغضب: ما بس بقا انتي وهي انا هلاقيها منين ولا منين ده حقيقي خلفة البنات تجيب العار
دخل محمود لغرفته بغضب
سارة ببكاء لوالدتها التي اتت على الصوت: ماما .. بابا بيزعق كدا ليه
عائشة: معلش يا حبيبتي بابا أعصابه تعبانه شوية
تركتهم فرح وذهبت لوالدها طرقت الباب و دخلت وجدته يجلس على السرير ويضع راسه بين يديه جلست بجواره واحتضنته
فرح: مالك يا ابو البنات زعلان ليه
محمود: شيرين بنت عمك هربت من بيت جوزها
فرح بصدمه: ايه؟؟!! وعمي عامل ايه
محمود: عمك ربنا يتولاه حاسس هتجراله حاجة هو ومرات عمك
فرح: طب جوزها فين ما حاولش يدور عليها
محمود: بيدور بس شكلها خرجت برا المحافظة بس لقى تليفونها في البيت بيدور على حد يعرف يفتحه عشان يشوف هربت فعلا ولا حصلها حاجة
فرح: لا حول ولا قوه الا بالله
محمود: عمك حالف لو لقاها ليقتلها انا خايفة يعمل كدا ويروح في داهيه بعد العمر ده كله
فرح: طب وحضرتك موجود هنا ليه المفروض تكون هناك انت اخوه الكبير ولازم تكون دايما معاه عشان تقدر تهديه لو حلصت حاجة
محمود: عندك حق انا هغير هدومي واروح هناك
فرح : وتتغدى وتاخد دواك مش عايزينك تتعب دلوقتي وانت اهم واحد لازم يكون موجود
محمود: ماشي
فرح: هروح اجهز الغدا مع ماما لحد ما تاخد شور
خرجت فرح من الغرفة ودخلت المطبخ
عائشة: عرفتي اللي حصل
فرح بحزن: بابا قالي
.
.
عائشة: كنت عارفة انه هيحكيلك مش بيخبي عنك حاجة
فرح: الله يسامحها ذنبهم ايه اخواتها يبقوا في نظر الناس مش كويسين بسببها
عائشة في نفسها: هو اخواتها بس ده اخواتها وولاد عمها واخوالها وكل العيلة ربنا يستر ويلاقوها
جلست محمود وباقي العائلة على السفرة في صمت تام قطعه صوت رنين هاتف فرح
فرح: ده عمر
محمود قومي ردي عليه
فرح: حاضر…. الو
عمر: السلام عليكم
فرح: وعليكم السلام ورحمه الله
عمر: مال صوتك
.
.
فرح: لا مفيش حاجة
عمر: ماشي… عالعموم انا رنيت عشان اقولك تبلغي باباكي اني مش هقدر اجي النهاردة على العشى يوسف صاحبي مش هيقدر يروح الجلسه بتاعته هروح انا مكانه حاولت ارن على باباكي تليفونه مقفول
فرح: طب هو انت عارف القضية
عمر: ايوا احنا كنا شغالين عليها سوا
فرح : خلاص ماشي هبلغه
عمر: ماشي سلام
فرح : سلام
عادت فرح للطاولة
محمود : في حاجة
فرح: لا بس بيقول مش هيقدر يحي على العشى النهاردة
محمود: كويس انا كمان ماكنتش هقدر اقابله
فرح: شوف تليفونك مقفول
محمود : ايوا كان فاصل شحن بس شحنته
فرح: عمر رن وهو فاصل
.
.
اخذ محمود علاجه ثم توجه لمنزل اخيه
حمدي: محمود احنا عرفنا مكانها
محمود: عرفته؟!!ازاي
حمدي: الهانم كانت بتكلم واحد وكان قايلها على عنوان بيته
محمود: ايوا عرفت ازاي يعني مش عايزين نظلم حد
محمد: يا عمي انا شوفت واحد فتح الفون بتاعها وهي كانت بتكلمه واتس كتير
محمود بحزن: يلا نروحلها
حمل حمدي سلا*ح ابيض وكاد ان يضعه بجيبه
محمود: انت ايه اللي واخده معاك ده
حمدي: لتكون فاكر اني لو لقيتها هناك هجيبها عايشة
محمود: انت عايز تروح في داهية
حمدي: متحاولش لو لقيتها همو*تها
محمود: طب لو اتمسكنا في الطريق احنا هنعدي على كذا كمين في سكتنا
حمدي بغضب: يعني عايز اعمل ايه اسيبها تفضحني
محمود : رجع بنتك البيت الاول وبعدين اتصرف
.
.
حمدي: بس ساعتها هعمل اللي انا عايزة ومش هتوقفني
محمود : مش هوقفك بس سيب ده دلوقتي وخلينا نمشي
حمدي: روح انتوا وانا جاي وراكم هجيب فلوس من جوا
محمود: ماشي هنستناك في العربية
حمدي : تمام
حمل حمدي السلا*ح ووضعه بين ملابسه حتى لا يراه محمود: لو فاكر اني ممكن اسامحها تبقى بتحلم
بعد ساعة في منزل احمد عاد هو والده والحزن يحتل ملامحهم بكل قوة
ليلى: حمد لله على السلامه عملته ايه
احمد: الحاجات اللي اتسرقت بحاولي عشر الاف جنيه
ليلى: فداكم في داهيه اي حاجة المهم انتم…. بس اتسرقت ازاي
عبدالله: مش عارفين الكاميرات مش جايبة اي حاجة
ارتفع صوت جرس الباب
احمد: انا هروح اشوف مين
شيرين بسرعة: استنى………… يتبع..
رواية ذنب لم اقترفه. الجزء الخامس
.
.
.
.
