ارتفع صوت جرس الباب
احمد: انا هروح اشوف مين
شيرين بسرعة: استنى هفتح انا انت اكيد تعبان
احمد: اه والله هموت من التعب
ذهبت شيرين لفتح الباب ولكنها تسمرت تمام عندما رات الطارق
شيرين بخوف: با… بابا
اخرج حمدي سلا*حه ايوا يا فا*جرة
امسكه محمود علي اخر لحظه
محمود بصوت مرتفع : كنت عارف انك مش هتتراجع عن اللي في دماغك ابدا
حمدي: سيبني امو* تها واغسل عاري
محمود: اهدى بقا هتودي روحك في داهية
احمد بغضب: انت مين يا عم انت وهو بتعملوا ايه هنا
حمدي: انا جاي اخد بنتي اللي عندك
احمد: وبنتك بقت مراتي ومكانها في بيتي
عمر الذي تأخر ليصف السيارة:
مراتك ازاي وهي مراتي و عندنا ولد قرب يكمل سنه
احمد بصدمة: ايه… الكلام ده صحيح… انتي ساكته ليه
شيرين ببكاء حقيقي: انا هفهمك
احمد بغضب: تفهميني ايه بيقول انه جوزك انتي كدا جمعتي بين زوجين انتي عارفة انتي عملتي ايه
شيرين: اديني فرصه اشرحلك
احمد: مفيش شرح احنا جوازنا كدا باطل… اتفضلي روحي مع اهلك
قام محمود بجذبها وسط صراخها ووضعها في السيارة بعد اخذ السلا* ح من حمدي واصر ان يركب حمد بالمقدمه مع محمد وجلس هو جوارها بالخلف ظلت تبكي بخوف
شيرين: عمي خلي بابا يسامحني وانا والله ما هعمل كدا تاني
محمود: ولو هو سامحك جوزك هيسامحك وابنك اللي البلد كلها عرفت انه امه هربت وجابت العار لعيلتها ولا اخواتك البنات اللي محدش هيرضى يقرب منهم ما هم اخوات الهربانه واكيد نفس التربية انتي دمرتي العيلة كلها
اكتفت هي بالبكاء الى وصلوا الى المنزل
محمد: انا هروح اشوف ابني يا عمي وهرجع تاني اشوف هنعمل ايه
محمود: ماشي يا ابني اتفضل
حمدي وهو يدفع شيرين امامه حتى كادت ان تقع أرضاً: ادخلي وربنا لاربيكي من اول وجديد
محمود : اهدى وشوف هتعمل انا هروح اخد العلاج بتاعي وارجع تاني
حمدي: ربنا يسهل
عاد محمود لمنزله
عائشة: حمدالله على السلامه…عملتوا ايه
محمود: ولا حاجة جيبناها
عائشة: كانت فين
محمود: كانت في بيت واحد واتجوزته
عائشة بصدمة: يا مصيبتي اتجوزت وهي متجوزه
محمود: انا مش عارف هي بتفكر ازاي
عائشة: البلد كلها عرفت الستات جت تسألني النهاردة وانا ماكنتش عارفة ارد اقول ايه
فرح: حمد لله على السلامه يا بابا
محمود: الله يسلمك يا حبيبتي
فرح : انا جهزتلك الاكل والدوا
محمود: تسلم ايدك يا بنتي
سارة: فرح… عمر بيرن
فرح : هاتي… السلام عليكم
عمر : وعليكم السلام ورحمه الله وبركاته
فرح: خلصت شغل
عمر: اه بقولك
فرح: قول
عمر: هو حقيقي اللي سمعته ده
فرح بتوتر: سمعت ايه
عمر: سمعت ان بنت عمك هربت من بيت جوزها
فرح: ايوا صح
عمر بغضب: ازاي تخبي عني حاجة زي كدا
فرح: الموضوع حصل كله النهاردة وعرفت بعد ما روحت هبلغك امتى يعني
عمر: وانتي بقا كنتي عايزة تخبي عليا لحد امتى لتكوني فاكراني زي جوز بنت عمك و هسكت على حاجة زي كدا
فرح: قصدك ايه
عمر: قصدي……….. يتبع..
رواية ذنب لم اقترفه. الجزء السادس
.
.
.
.
.
.
