اتبــ.ــر عت بكـ.ــليتي لحماتي وبعدها جوزت جوزي
الحلقه الثانيه
بقلم هويدا زغلول
عزيزه
الدكتور كان عند ماما وطالع يطمن
علي ناهد ، وانا طبعا كنت مصدومه من كلامها
وعبير قالت
عبير
والدكتور يطمن علي ناهد ليه مش فاهمه أنا
،. طبعا عماد اتصرف وقال
عماد
اصل انا كنت خايف عليها شويه بعت
للدكتور يطلع يشوفها انزلي انتي يا عزيزه
وبعدين انا نازل وراكي
عزيزه
حاضر منوره الدنيا يا عبير والله بعد اذنك ، وفي
الوقت ده نزلت عزيزه وبعدها عماد
ناهد
اي يا عبير مالك باصه ليا كده ليه
هو فيه حاجه
عبير
مستنيا اسمع كلامك بقولك اي بصراحه كده
مش مرتاحه ليكي وعايزه اعرف فيه
اي بالظبط ومن أمتي تكوني حامل.ومتقوليش
ليا
ناهد
مانتي كنتي شايفه حماتي تعبانه ازاي وانا
مش عملت اختبار حمل لما الحمل نزل
احنا عرفنا ، وفي الوقت ده ضحكت
عبير وقالت
عبير
كدب مساوي ولا صدق منعكش يا ناهد
جوزك قال لابوكي انك كنتي عارفه
انك حامل
ناهد
يووووو حرام عليكي بقي أنا تعبانه والله
مش قد كلامك ده
.
.
عبير
حماتك كانت محتاجه احد يتبرع بالكليه انت اللي تبرعت بيها يا ناهد مش كده
ناهد
ارجوك يا عبير اوعي تقولي لبابا بابا تعبان وعنده القلب ولو عرف ممكن يروح فيها لو بتحبيني بجد ما تعمليش كده ،وفي الوقت ده
قالت عبير بصدمه
عبير
يا نهارك ابيض يا ناهد انت ازاي تعملي كده ما كانش من حقك انك تعملي اللي انت عملتيه ده ابنها كان يدفع وكان يشوف حد يتبرع بكليته
ناهد
ارجوكي أنا تعبانه وحماتي تستاهل كل خير
والله يا عبير دي بتحبني
عبير
بكره تندمي علي اللي عملتي ده
بس برحتك يا ناهد ليكي عليا أن مش هقول
لابوكي وهاجي اطمن عليكي من وقت
للتاني
.
.
ناهد
مش قولتي هتفضلي معايا يومين ولا اي
عبير
مش عايزه حد فيهم يعرف اني عرفت
عالشان مش يفتكرو أن الموضوع سهل
كده وانتي لازم تغيري كل شويه علي الجرح
ومينفعش اكون هنا
.
.
ناهد
والله العظيم ربنا يعلم انا بحبك ازاي ولو
امي عايشه عمرها ما كانت هتعمل كده
عبير
خدي بالك من صحتك بس وابقي طمنيني
عليكي اول ب اول ، وبعدها مشيت عبير
وفي شقه حماتي
.
.
عماد
يعني انتي اي مش فيكي عنين قبل ما تتكلمي
عزيزه
والله انا اسفه حقك عليا مش خد بالي أن
حد عندك فوق ربنا يسترها بقي
.
.
عماد
انتي عارفه أن لو ابوها عرف باللي حصل
ممكن يعمل معانا اي ازاي اخلي بنته
تعمل كده
عزيزه
وبعدين هو حد ضربها علي أيدها ما هي
اللي قالت عايزه تتبرع
عماد
انتي لسه بتتكلمي اسكتي خالص ، وفي الوقت
ده الجرس رن وفتحت عزيزه وكانت كريمه
بنت خالتها
عزيزه
مين كريمه ازيك عامله اي مالك يا بنتي
محدش بيشوفك ليه
كريمه
ازيك يا عزيزه أنا جايه اطمن علي خالتي
ومعلش الشغل بقي انتي عارفه أن بعد
ما بابا مات محدش بيشوف شغل الشركه غيري
اي ده مالك يا عماد
عماد
ابدا مافيش ازيك يا كريمه عامله اي اتفضلي
اقعدي
كريمه
معلش اصل لازم اروح الشركه دلوقتي
أنا جايه اقول ليكم أن خالص لقيت حد ممكن
يتبرع ب كليته لخالتي
عزيزه
خالص احنا عملنا العمليه لخالتك وهي
بقت كويسه تقدري تطمني عليها
كريمه
بجد كويس طيب انا برضه مصممه ادفع
الفلوس للي اتبرع انتو دفعتوا كام
عماد
ملوش لازمه يا كريمه خالص اتصرفنا روحي
شوفي خالتك واطمني عليها بس ، وفعلا
دخلت كريمه وطلع عماد عندي
ناهد
ماما عامله اي دلوقتي يا عماد بقت كويسه
ولا اي د
عماد
فكري في نفسك شويه يا ناهد هي هتكون
كويسه باذن الله المهم انتي عامله اي
وفيه مرات ابوكي
ناهد
مشيت اصل هي مينفعش تسيب بابا .لوحدو
انت عارف انه تعبان
عماد
اه ماشي أنا عايز اقولك أن معلش
لازم انزل بكره الشغل لان الغياب ده
كله كان بدون إذن
ناهد
ربنا معاك يا حبيبي ، وفعلا نزل الشغل
تاني يوم وبعدها رجع عالطول
ناهد
ايه ده يا حبيبي هو انت رجعت من الشغل بدري ليه، ورد عليا بزعل وقال
عماد
انا اترفدت من الشغل بسبب الغياب الكثير ومش عارف هاتصرف ازاي دلوقتي يا ناهد
ناهد
سيبها على الله يا حبيبي وان شاء الله ربنا هيرزقك بحاجه كويسه الف شركه تتمناك تشتغل فيها انت محاسب كويس يا عماد
عماد
الكلام ده كان زمان هو دلوقتي في شغل في البلد يا ناهد انا مش عارف ليه الدنيا مقفله معي قوي كده
ناهد
ربنا يفرجها ، وبعدها لقيت حماتي بتتصل
بيا وقولت الو ايوه يا حماتي عامله اي يا حبيبتي
حماتي
بخير والله انا سمعت حد طالع من عالسلم
من شويه مين اللي عندك
ناهد
ده عماد يا حبيبتي ، وفي الوقت ده عماد
قالي
عماد
اقفلي السكه أنا نازل ليها ، وفعلا نزل عند أمه
تحت وقال ليها علي اللي حصل
حماتي
مانا كذه مره اقولك يا عماد روح اشتغل
في شركه بنت خالتك واهي بت يتيمه
لوحدها
عماد
لا يا امي مش هروح انتي عارفه أن كريمه
عايزه اي مني وانا مش هينفع اشتغل
عندها وانا عارف انها عايزني اتجوزها
حماتي
يابني حرام عليك انزل اشتغل بس وبعدين
هي بقت واثقه انك بتحب مراتك وعمرك
ما هتفكر تتجوز امال هنصرف منين
انت عارف ان معاش ابوك مش مكفي
عماد
طيب سبني افكر ، وفعلا عدا اسبوع وهو
مش لاقي شغل وبعدها راح عند كريمه المكتب
كريمه
والله العظيم ما تعرفش انا فرحانه ازاي لما خالتي قالت انك هتيجي تشتغل معايا في الشركه
،وفي الوقت ده قال عماد
عماد
اه بس دي الفتره مؤقته بس لحد ما لاقي شغل يا كريمه انت عارفه اني مش بحب اشتغل عند اي احد من قرايبنا
كريمه
هو انت ليه بتعمل معايا كده انت عارف ان بحبك
ونفسي تحس بيا بقي
عماد
عمري ما اتجوز واحده سلمتني نفسها قبل
الجواز
ولحد هنا تكون خلصت حلقتنا
اتبرعت بكليتي لحماتي. الجزء الثالث
.
.
.
.
