لميس مرعوبة .. مش قادرة تاخد نفسها، ولاقيس واقفة بتبص لها بنظرة تخويف، وبتشاور لها على حبل المشنقة..
_ أنا هعلقك على المشنقة دي، ممكن تموتي .. وممكن تعيشي زي مي، بس لو عشتي ..
وأكرم سألك ايه علاقتك بيا .. تحكي له كل حاجة بالتفصيل .. وإلا هرجع لك تاني يا لميس .. وان رجعت لك هاخدك معايا ..
_ لاقيييس .. بلاش يا لاقيس .. أنا بقيت محترفة .. ومش هتلاقي حد ينفذ أوامرك زيي..
_ هسسسسسسس .. لازم أسيبك لمصيرك .. لأنك حرمتيني من ديمة يا خاينة..
لاقيس بتمسك لميس من رقبتها وبترفعها مع خنقها على الحبل .. وسابتها متعلقة في سقف الأوضة ورجلها على الكرسي .. لو الكرسي اتحرك من تحتها هتتشنق وتموت..:
لاقيس بصت عليها بغضب واختفت فجأة.
أوضة عمر ..
قاعد على الترابيزة .. وقدامه كتب قديمة كتير بيقلب فيها..
لابس الكرافتة على رقبته عريانة ..
هو ماله؟ اتجنن ولا إيه؟
عمر مش طبيعي .. جسمه بيفرز عرق كتير وهو بيقرا في الكتب القديمة..
دخل عليه أكرم زي الملهوف..
_ إلحقني يا عمر..
_ خير يا أكرم حصل ايه؟
_ سألت لاقيس عن ديمة فين؟ قالت لي هتعرف في الاخر .. سألتها عن ليه زعلانة على ديمة قالت لي هتعرف من لميس .. سألتها ليه بتنتقمي من صاحبات ديمة ومني، وسايبة الفاعل الأصلي عادل، قالت لي هتعرف من أخوك عمر..
عمر وقف مذهول .. وبدأ يفرز عرق أكتر .. هيتجنن.
_ وهي عرفت إني عرفت عنها كل حاجة منين؟
_ هو انت عرفت معلومات عن ديمة؟
_ ديمة مين ياأكرم .. ركز شوية .. عرفت معلومات عن لاقيس، وفعلا أقدر أجاوبك عن السؤال ده..
أكرم سحب كرسي زي المجنون، وفتح عينه بكل تركيز مع عمر .. وقال له احكي لي أرجوك .. أنا خلاص هموت، مش عارف أسيطر على أعصابي..
_ بص يا أكرم .. أنا صعبت عليا نفسي المرة اللي فاتت لما شفت لاقيس .. ازاي أنا أخاف الخوف ده كله، أنا عمري ما خفت من الجن و لا الشياطين .. بس المرة دي خفت بجد .. لدرجة اني عملت حمام على روحي ..
وقررت أقرأ كتب سرياينة علشان أعرف اتعامل مع الكائنات دي،
وأول ما فتحت الكتاب عرفت كل حاجة عن لاقيس بنت إبليس دي..
_ عرفت ايه .. احكي لي..
_ لاقيس دي من بنات إبليس .. ودورها إنها تغير طبيعة البشر .. وهو اللي بتنشر المثل. ية..
_ ايه المث. لية دي؟
_ هو في حد ميعرفش ايه…… يا أكرم؟
_ يووه يا عمر … ما تفهمني على طول .. ايه… دي؟
_ المثل ية دي اللي هي إن بنت تتجوز بنت زيها .. وراجل يتجوز راجل ..
_ وايه اللي يخليها تدافع عن ديمة الدفاع ده كله؟
_ ممكن علشان ديمة كانت جميلة؟
_ كلمني عربي..
_ يعني ديمة كانت .. اللي هي بتحب البنات. بس
_ لا مظنش .. وإلا مكنتش اتجوزتني..
_ أومال هتدافع عنها ليه؟ لاقيس دي شيطانة .. يعني يهمها أوي إن البشر يحقدوا على بعض..
_ طيب ليه بتنتقم لها مني أنا وصاحباتها .. ومش بتنتقم من عادل اللي هو الفاعل الأصلي..
_ ده السؤال رقم كام في الأسئلة اللي سألتها للاقيس؟
_ ده السؤال التالت.
_ وايه كان السؤال التاني؟
_ سألتها ليه بتدافع عن ديمة.
_ وقالت لك ايه؟
_ قالت لي لميس تحكي لك..
_ يبقى لازم نروح للميس حالا ونعرف منها كل حاجة، ونربط الكلام ببعض
.
.
بسرعة البرق .. راح التلاتة عند لميس .. وصمموا يخلوا أمها تدخل تناديها..
_ يا ابني لميس نايمة في أوضتها وقافلة الباب..
_ أكيد لميس في خطر يا طنط .. لازم تدخلي عليها .. لازم تكسري الباب..
الست اتخضت .. هتتجنن على بنتها.. الكل بيخبط عليها ومش بتفتح ..
أكرم وعمر كسروا باب الأوضة .. وكانت لميس مغمى عليها على الأرض .. فاقدة الوعي .. بس مفيش حبل مشنقة .. ومفيش كرسي..
عمر بدأ يفوقها بطريقة يدوية .. بدون أي حاجة..
لميس بدأت تفتح عينيها وتفوق .. وتبص حواليها على الكرسي وحبل المشنقة.. مفيش حاجة..
عمر بدأ يسألها وكانت بتجاوب عليه بدون ما تحس بحاجة..
_ لميس .. ليه لاقيس كانت بتدافع عن ديمة الدفاع ده كله؟
لميس مرعوبة .. بتبص حواليها خايفة تحكي .. بس لازم تحكي وإلا هترجع لها لاقيس تاني..
لميس انفجرت في البكاء .. احساس صعب انها تكشف نفسها قدامهم كده.
_ أنا هعترف .. هحكي عن كل حاجة .. مش هخبي حاجة..
بتبكي .. وسيلان من كل حتة في وشها “خصوصا مناخيرها” داهية تقرفك يا بعيدة
_ اتكلمي يا لميس ومتخافيش .. لاقيس مش هترجع تاني..
_ أنا أعرف لاقيس من سنة بالظبط .. كانت بتراقبني .. وعرفت إني بحب البنات بس مش لاقية واحدة زيي .. وظهرت لي لاقيس على إنها بنت شما ل. ووعدتني إنها تعرفني على بنات كتير كده، وتعمل لي مشروع بإسمي تتردد عليه كل البنات دي .. واشترطت عليا شرط
_ شرط ايه ده؟
_ كانت عارفة إن ديمة صاحبتي بتحب أكرم وبيجهزوا للجواز .. وكانت شايفاها بتتحدى الدنيا كلها علشان تتجوزه، راحت طلبت مني أسحب لها ديمة لشقتي بعد جوزاها .. علشان تسيطر عليها وتبقى أول بنت تتحول بعد جوازها .. وانا وافقت..
_ تمام .. ايه اللي حصل بعد كده؟
لميس بتبص حواليها .. خايفة .. مرعوبة .. مكسوفة .. مش قادرة تتكلم ..
_ اتكلمي يا لميس .. ايه اللي حصل بعد كده؟
_ أنا كنت بحب ديمة .. وكنت عايزة أتجوزها..
.
.
أكرم وقف يزعق بصوت عالي ..
• _ انتي اتجننتي يا لميس؟ بتحبي ديمة ازاي وعايزة تتجوزيها؟
عمر بيبص على أكرم باستغراب..
_ اقعد يا أكرم بعد إذنك .. ما هي بتقول لك انها……
لميس بدأت تكمل كلامها.
_ كنت لازم أعمل أي حاجة علشان أمنع الجوازة دي، بس كنت عايزة عادل يرش مية النا ر على أكرم .. مش ديمة خالص..
.
.
أكرم في قمة الغضب بيضرب لميس على وشها
_ اه يا بنت الكلب .. يا بنت الكلب .. عايزة تشوهيني..
صراااااااااخ لميس .. وضربات من أمها على وش أكرم..
عمر في ثورة عارمة..
_ يوووووه .. مش عارفين نجمع الخيوط
الكل بدأ يسكت..
_ لاقيس زعلت أوي على ديمة .. لأنها كانت فرصة بالنسبة لها تكون أول متزوجة تتحول….. وغضبت مني ومن رهف ومن أكرم ورضوى ومي..
_ وديمة فين دلوقتي؟
_ معرفش..
.
.
عمر بدأ يربط الخيوط ببعض..
_ يعني لاقيس بتنتقم منكم لأنكم حرمتوها من ديمة .. كانت عايزة تعمل منها عمل شيطاني جديد، مش مكفيها كل اللي في العالم..
_ هي مراحتش لعادل ليه يا عمر .. الاجابة عندك..
_ لأن عادل أذاها في وشها بس .. مكنش السبب في قت لها ولا انتحا رها .. لكن انتوا قت لتوها معنويا يا أكرم .. انت تخليت عنها .. وبعد كده اكتشفت إنكم كلكم بتخو نوها .. و ده سبب انتحا رها .. خيا نتكم ليها، وتخليك انت عنها، أصعب من اللي عمله عادل .. لأنها كانت تقدر تعالجه..
_ السؤال دلوقتي .. ديمة فين؟ جثة ديمة فين؟
_ جثة ديمة أكيد مع لاقيس وهتظهر في أي وقت..
تليفون أكرم بيرن .. قسم الشرطة بيبلغه إنهم قبضوا على المجرم عادل .. واعترف إن التلات بنات كانوا متفقين معاه .. وإن البنت اللي كلمها كانت لميس … وطلبوه يحضر التحقيقات..
.
.
في بيت أسرة ديمة .. الكل نايم في منتصف الليل..
صوت صراخ في الشقة خلى الكل يصحى يدور عن مصدر الصوت ..
الصوت بدأ يخرج للشارع وجوة العمارة..
السكان بدأوا يصحوا .. الكل بيخرج للشارع مش عارف ايه اللي بيحصل..
فجأة..
ديمة وقعت .. كأنها لسة نازلة من التاسع .. واتخبطت على الأرض
طررررررررررررررررراخ
فردت إيدها اليمين .. وإيدها الشمال .. ورسها اتشجت نصين .. وبدأت تفتح وتغمض في عينها .. وبتبص ع اللي حواليها..
_ قتلوني .. قتلون .. قتا. قت . خق خق خق خق هؤ
ما تت ديمة.. تمت
اقرأ أيضا…. قصة زوجتي من القاصرات. الجزء الأول
.
.
.
.
