حماتي وجوزي دخلو غرفة العمليات وانا بولد
مصطفييارب ولد يارب ولد يارب ولد:
أم مصطفي :طبعا ولد بأذن الله
(الدكتور يخرج من غرفة العمليات)
مصطفى بقلق:دكتور طمني جابت إيه
الدكتور:دا بدل ما تقولي عاملة إيه علي
العموم جتلك بنت زي القمر
مصطفي بصدمه : إيه … بنت
ام مصطفي: أنا قولتلك أن وشها مش وش أولاد
وتزعلش ياحبيبي بكره تحمل تاني وتجبلك الولد اللي نفسك فيه بس المرة الجاية بقي لو ماجبش الولد هنرمها ف الشارع هي وبناتها محناش نقصين قرف
الممرضة :لو سمحت المدام فاقت لو عاوزين تدخلولها
_______________________?
مصطفي بحزن: يالا يا ماما تعالي ندخلها
مها بفرحة : مصطفي مبروك علينا ياحبيبي بص شوف بنتنا حلوة إزاي مصطفي مالك أنت باصص في الأرض ليه أنت مش فرحان مصط…..
أم مصطفي مقاطعة:هيفرح علي إيه يا حسرة بقالكم سنتين متجوزين وحفي من الجري بيكي علي الدكاتره علشان تحملي وفي الاخر ههه جيبالو بنت
مصطفي:كفاية يا ماما – ألف سلامة عليكي يا مها يالا يا ماما علشان نروح
مها: إيه…… هتروح وتسيبنا أنا وبنتك هنا
مصطفي:لما لدكتور يكتبلك الخروج بكرا هاجي أخدكم
مها والدموع علي خدها :دا أنت حتي مبصتش علي بنتك
.
.
يا ماما___________________?
مها إنهارت من العياط :يارب أنا مليش غيرك يارب مليش غيرك أهلي سبوني لوحدي من بعد الحادثة اللي عملوها و هما ريحيين المصيف كانو عاوزين يخدوني بس أنا كنت تعبانة من الحمل ومقدرتش أروح معاهم ليه ياربي مخدتنش معاهم ليه……..
فجأة حست بإيد بتطبطب عليها !
بتبص لقيت راجل بس كانت أول مرة تشوفه شكلو غريب بس وسيم جداً و بيبتسملها
مها : أنت مين وهنا من أمتي
.
.
الراجل: أنا سمعت عياطك وجيت أواسيكي
مها: بس أنا أول مرة أشو…..
.
.
كما حصل الرجل مقاطعا :هشششش لازم ترتاحي دلوقت هديكي حنقة تهديكي شوية
__________________?
.
.
منار :مها مها فوقي مها … كل دا نوم
مها بلفهة:مناااار حبيبتي أنتي جيتي من السفر أمتي متعرفيش أنا كنت محتاجلك قد إيه
منار :علشان تعرفي إن صحبتك حاسة بيكي وأول ما وصلتني رسالتك جتلك علي طول
مها:رسالة إيه أنا مبعتلكيش حاجة
منار: أهي يابنت
______________________________?
مضمون الرسالة “منار أنا محتاجلك قوي جوزي وحماتي سبوني وأنا لسة والدة سبوني أنا وبنتي ومشيو معرفش حد غيرك الجألو من بعد ما أهلي كلهم ماتوا ف الحادثة و عمتو أماني سفرت لندن مليش حد غيرك أرجوكي أنا محتجالك قوي مها ”
.
.
منار :وكمان بعتيلي عنوان المستشفى
مها :لاء أنا مبعتش الرسالة دي حتي تلفوني أهو معليهوش حاجه خالص شوفي مافيش حاجه قولتلك
منار :أنتي أعصابك تعبانة ماعلينا
مها :لاء أنا مش مجنونة مانتي شفتي التليفون
خلاص يابنتي متكبريش المو……
مها: إستني إستني الراجل …الراجل اللي كان هنا كان هنا ف نفس الوقت اللي اتبعتت فيه الرسالة ممكن يكون هو اللي بعتها طب هو عرف أنك صحبتي منين وعرف إزاي إن أهلي ماتوا وطنط أماني سفرت وعرف إزاي كل اللي حصل معايا ..
منار :لا حول ولا قوة إلا بالله البنت إتجننت
مها:بس بقا بطلي أنتي مش مصدقاني ليه والله أنا بتكلم بجد دا حتي إداني حنة مهدئة
منار :طب أهدي واحكيلي اللي حصل من الأول
مها: أنا مصطفي كنا بنموت ف بعض لحد ما عرف إن الجنين بنت ومعملتو هو ومامته إتغيرت معايا ……….
وبدأت تحكيلها كل الصعاب اللي مرت بيها
_______________________________?
“الباب بيخبط ” منار : أاادخل
الممرضه :لو سمحتو عاوزين الطفلة نعملها شوية فحوصات علشان هتخرجو النهارده
منار :حاضر هجبهالك
مشيت منار لحد السرير بتاع البيبي اللي كان مغطي
منار:اااااهه مها فين البنت مافيش أي طفل ف السرير
مها:إااايييه بتقولي إيه ب..بنتي بنتي فين
جريت مها زى المجنونة وهيا بتصرخ بنتي فين وتسأل كل اللي بتقابله قصادها فضلت مها تصرخ وتعيط والمستشفى إتقلبت ومافيش أي أثر للبنت
مدير المستشفى: إحنا لازم نسيطر علي الموضوع دا لازم يكون فيه حل ف أقرب فرصة علشان سمعة المستشفى متنزلش الأرض “بعد تفكير ومناقشات كتير”
مدير المستشفي : إحنا مش عندنا حالتين وفاة النهارد؟
الدكاتره:اه بس دا هيفيدنا بإيه
المدير : إحنا هنقول للأم إنها لما كانت نايمة الممرضين خدو البنت يعملولها الفحوصات واكتشفو إن البنت عندها مرض خطير وماتت وكانوا هيخلوصو الإجراءات ويقولولها الخبر علشان مكنش فيه حد معاها يقلولو علشان يقوم بالاجراءات اللازمة
الدكتور: إزاي أكيد شافتها وعارفة شكلها
المدير: حتي لو شافتها ملحقتش تحفظ ملامحها وكمان هي كانت تعبانة فأكيد مركزه قوي يعني وكمان ممكن نتصرف ونخليها متشوفهاش ياللا بسرعة نفذو الخطة
الدكتور :طيب وأهل البنت المتوفية
المدير :كفاية أسأله بقا أنا هتصرف ياللا معندناش وقت
مهابعياط وصريخ:منار أنا عاوزة بنتي شوفيلي بنتي فين
منار بصوت عالي: إحنا عاوزين نقابل المدير فين المدير هنا الممرضة :اتفضلو معايا
المدير:أمري يافندم حضراتكم عندكم أي مشكلة
“حكو الموضوع للمدير وهو حكالهم اللي خططلو هو والدكاتره ”
مها بفزع :لاااااااااء بنتي اااااااه يابنتي اااااااااه
منار ودموعها مالية وشها :حضرتك ممكن نشوف البنت
المدير: اتفضلي معايا بس ممتها مينفعش تشوفها وهي بالحالة دي منار:طبعاً
______________________________?
مها :أااالو مصطفي أاالو بنتنا ماتت يامصطفي بنتنا ماتت
أم مصطفي:مصطفي نايم
مها:طنط بنتي ماتت ياطنط قولي لمصطفي يجي علشان الإجراءات وعلشان يدفنها
أم مصطفي بشماته: والله ماتت البقاء لله يا حبيبتي بس إحنا مش هنيجي ولا هنروح إحنا أصلا مكناش عاوزينها وشوفي لها أي مدفن ادفنيها فيه اه وكمان مترجعيش هنا تاني إحنا مش عاوزين نشوف وشك النحس دا تاني وابني هيبعتلك ورقتك وهجوزو بنت أختي علشان تجبلو الولد…
مها: أاالو أاالو أاالو اااااه ااااااه ياربي صبرني ياربي اااااااه
منار: أهدي أهدي يا حبيبتي ربنا يرحمها ويصبرك كلمتي باباها هيجي يستلمها
مها:ااااااه مصطفي طلقني يامنار طلقنييي علشان جبتلو بنت دا حتي ممرضيش يرد عليا ومامته اللي ردت عليااااااااااا
منار:مهااا…مهااا ردي عليا مهااا دكتور يادكتور الحقنا يادكتور مها أغمي عليها مهاااا…..
_______________________________?
منار:هاا طمني يادكتور
الدكتور :جالها إنهيار عصبي بس متقلقيش اديتها شوية مهدئات بس للأسف “مش هتقدر تفوق قبل بكره ”
ودي كانت حركة مقصودة من الدكتور علشان يداري الموضوع زي ما خطط هو والدكتور
الدكتور يكمل كلامه:فيه حد من أهلها يستلم الطفلة أو حضرتك اللي هتستلميها
منار بذهول :هه لاء دا أنا حتي معرفش المدافن بتاعت أهلها وببابا مرضيش يجي يستلمها
الدكتور :تمام حضرتك هتمضي لنا علي إقرار واحنا هندفنها ف المدافن الخيرية تبع المستشفى
منار:تمام حاضر
“وبكدا تكون تمت خططهم ”
_______________________________?
منار : حمدالله على سلامتك يا مها عاملة إيه دلوقتي
مهابتعب: بنتي…..
مها مقاطعة:هششش متتعبيش نفسك دفنها في المدافن الخيرية ولما تشدي حيلك هنروح نقرالها الفاتحه الصبح إن شاء الله ياحبيبتي بس أنت ارتاحي دلوقت
مها بحزن :بنتي اتدفنت ف المدافن الخيرية طيب أنا عاوزة ارحلها عاوزة أروح دلوقت
منار: إحنا بالليل وأنتي لسه تعبانة
مها بعياط :لاء أنا عاوزة أروح دلوقت قولتلك
منار:طيب أهدي أنا هنادي علي حد يروح معانا علشان يعرفنا مكنها
منار ومعاها الدكتور :يالا تعالي
_____________________________?
مها :سبوني مع بنتي شوية لوحدنا…….وكانت صدمه….. يتبع
قصة ما.تت فرحتي. ٢
.
.
.
.
