لقينا صندوق هو مش صندوق هو عباره عن كنبه و متقفله علي شكل صندوق فتحت الصندوق ده و بعدها اغمي عليا و لما فوقت لقيت اختي بتعيط
و بتقولي متسبينيش لوحدي انا هموت من الخوف الصندوق كان فيه عضم جثه اربع جماجم و عضم رجول و درعات بشريه قولت لأختي لازم نبلغ عنهم اتصلنا بالشرطه و عملنا كذا بلاغ من خلال التلفون قولت لأختي لازم ياخدو جزائهم السحره ولاد الكلب دول اختي فضلت تقرا الكتابه اللي علي الحيطان و راسها ثابته لفوق مش بتتحرك بقولها يلا نمشي من هنا بسرعه
انتي مش بتردي عليا ليه لقيت عين اختي بتنزل دم و ريحتها بقت وحشه و فضلت تضحك لقيت اخت جوز اختي دخلت علينا وقالتي فتحتي الأوضه يبقا تستحملي و قفلت عليا الباب و فضلت اصرخ عدت ساعه الشرطه جت و سمعت صريخي كسروا الباب و خدوني انا و اختي و تم التحقيق معايا لوحدي و اختي مش بتتكلم و لا بتنطق خدوها المستشفي و فضلو يحققو معايا و قالولي انتي فتحتي الباب ازاي
قولتلهم انا كان معايا مفتاح الأوضه دي طبعته علي صابونه و عملت نسخه من المفتاح و حكيتله اللي كان بيحصل و تم القبض علي حماة اختي و بنتها و ابنها اكتشفنا ان جوز اختي معاهم و عامل سحر لأختي و اعترف هو و امه و اخته انهم مشعوذين و دجالين
و اختي لحد دلوقتي بتتعالج من السحر و اطلقت من جوزها و خدت كل مستحقاتها و عدي علي الموضوع فتره و كل يوم اختي حالتها بتسوء بسبب السحر و شبه اتجننت و ديماً كانت بتحاول تنتحر و كنا بنلحقها جبنالها شيوخ و قسيسين و محدش قدر يساعدها اختي اختفت من البيت و كانت سيبالنا ورقه مكتوب فيها بالدم {متدورش عليا احسنلكم}; جبنا شيخ يشوف ايه اللي بيحصل و قدرنا نوصلها لقينها في المقابر و كانت عر يانه بالكامل
لبستها هدومي و خدناها و مشينا فضلنا علي الحال ده كتير و اختي بقت عباره عن هيكل عظمي خست جداً و الشيوخ قالو مش قادرين نعملها حاجه و كل ما يجلها شيخ يمشي و يقفل التلفون بتاعه و ميجيش تاني جوزها و حماتها و اخت جوزها تم الحكم عليهم بالإعدام شنقاً بعدها بيوم اختي انتحرت قطعت شراينها و شن قت نفسها دخلنا عليها لقينها بالمنظر ده و الدم كان لونه اسود داكن مستحيل يكون دم و كانت كاتبه واصيه انها عايزه تدفن مع جوزها
و لو مش نفذنا الواصيه هنتأذي و باقي الورقه كان متكوب فيها طلاسم و اخويا قرا الورقه كلها كانت مكتوبه بالدم دفنا اختي في الترب بتاعتنا و مش نفذنا الواصيه الشيخ قالنا متنفذوش الواصيه دي و سمعنا كلام الشيخ عدي اربعين يوم من وفاة اختي و بدأت تظهر حاجات غريبه من اخويا و بقا بيتشنج و بينزف دم من عينيه انا عرفت ايه اللي بيحصل و جبت الشيخ و فضل يقرا علي اخويا قرأن و فضل فتره يتعالج و الحمدلله تم شفائه علي خير #النهايه
اقرأ أيضا….. روية قدري الأسود
.
.
.
.
