قولت اروح اطب عليهم و اشوف الاوضه فيها ايه لكن كنت متردده بس فضلت اقرب من الأوضه علشان اشوف فيها ايه من بعيد فجأه; لقيت البت اخت جوز اختي بتقولي انتي فاكره اننا مش شايفنك انتي هبله اووي تعالي شوفي احنا بنعمل ايه تعالي علشان تطمني .
قولتلها لا و قلبي كان هيقف و رجعت لأختي جرري و قولتلها اصحي بسرعه هما فاتحين الأوضه تعالي نشوف بيعملو ايه جوه اختي نزلت معايا و روحنا نشوف فيه ايه فجأه لقيت الباب مقفول و مفيش حد جوه و اختي خدتني و رحنا لحماتها علشان تورينا الأوضه فيها ايه اختي قالت لحماتها افتحي الأوضه علشان عاوزين نشوف فيها ايه .
اخت جوزها قالت احنا قفلناها و بعدين انا قولت لأختك تيجي تشوف الاوضه قالتلي لا و اتهربت اختي قالتلها الاوضه فيها ايه اوصفيلي قالتلها فيها جهازي كله و لما اتجوز الاوضه هتتفتح و مش هتتقفل تاني قولتلها طيب عاوزه اشوف جهازك قالتلي بصراحه انا بخاف من الحسد متزعليش مني بس انا اقل نظره بتجيب اجلي احرجت اختي و احرجتني.
المهم اليوم عدي زي اللي قبله و سمعت حماة اختي و هي بتقول لبنتها متنسيش احنا هنروح اسوان الاسبوع الجاي جهزي نفسك و امني علي الباب كويس طبعاً سمعت الحوار ده و قولت لأختي اللي سمعته بالحرف اختي قالتلي هتبقي فرضه نكسر الباب و نشوف فيه ايه
المهم فضلنا نفكر في اي حاجه تخلينا نفتح الباب منغير ما حد ياخد باله جاتلي فكره قولت لأختي عرف جوزك اننا هنروح لماما و هنعد عندها اسبوع او 10 ايام و فعلاً اختي قالت لجوزها ع الموضوع ده نزلنا نتغدي كلنا مع بعض و الكلام جاب بعضه و حماة اختي عرفت اننا هنروح لماما و هنعد معاها عشر ايام قالتلنا تروحو و تيجو بالسلامه.
اختي جهزت هدومها و هدومي و مشينا تاني يوم و حماة اختي و بنتها مشيو هما كمان والبيت فضي فعلاً مشينا و اتأكدنا ان حماة اختي و بنتها سافرو اسوان رجعنا البيت بالليل و فتحنا الاوضه لقينا …
لقينا الأوضه مفهاش اكسچين خالص شغلنا النور و كانت المفاجأة كان فيه قطط و كلاب سوده متحنطه و الحيطان عليها كتبات غريبه اكتشفت انها طلاسم و شعوذه و اتأكدت اكتر لما لقيت صور بنات مع خطيبها و متخيطين;
.
و عليهم نقط دم و عليهم اقفال و لقيت فيران متخيطين في بعض و لقينا بخور ريحته وحشه جدا و تعابين متحنطه و غراب محبوس في قفص و شكله وحش جداً كان بياكل في راس قطه سوده اتأكدت
اكتر ان ده اسحار لما لقيت ملابس داخليه حريمي و فوط صحيه مستعمله….
اكتر ان ده اسحار لما لقيت ملابس داخليه حريمي و فوط صحيه مستعمله طبعاً كنت مرعوبه انا و اختي لقينا صندوق هو مش صندوق هو عباره عن كنبه و متقفله علي شكل صندوق فتحت الصندوق ده و بعدها اغمي عليا و لما فوقت لقيت اختي بتعيط و بتقولي……..
قصة الغرفة الغامضة. الجزء الرابع
.
.
.
.
.
.
