واحنا هنعرف منين إيه اللي حصل. انا طلعت لقيتك مرمية على الأرض وافتكرتك موتي ‘ ندهت محمود وشلناكي وجبناكي في اوضتك. أنتي اللي لازم تقولي إيه اللي حصل. إيه شوفتي عفريت ولا شوفتي إيه المرادي
ااانا شفت محمود في المطبخ لكن رأسه كانت مقطو.عة ‘ خوفت و مقدرتش اتمالك أعصابي واغمي علي.
-بعد الشر عن أبني‘ يارب انتي وابني لا
كلهم بصولي وضحكو كأنهم متأكدين إني مجنونة
لكنى مقدرتش أدافع عن نفسي لان مفيش حاجة أقدر أدافع بيها عن نفسي او أقنعهم بيها إني مش مجنونة وإني فعلا بيحصلي حاجات غريبة ممكن تدمر اي حد مش تجننه بس.
خرجو كلهم و سابوني لوحدي.
فكرت كتير في حالي وفي اللي بيحصلي وقررت إني مش هاسكت علي نفسي اكتر من كده. لازم أشوف حل. وفعلا قررت اروح لشيخ أسمه مناع وكان مشهور جداً بس المشكلة أنه مش عايش في قريتنا .
بس مش مهم هروحله حتى لو لأخر الدنيا.
رتبت كل حاجة وانتهزت فرصة ان محمود في شغله ورحت للشيخ مناع. كان عنده ناس كتير جدا اضطريت أدفع فلوس اكتر يدخلوني بدري
مش مهم الفلوس المهم الاقي حل لمشكلتي.
دخلت للشيخ وحكتله المشكلة وهو قال إن اللي بيعمل معايا كده حد من أهلي بس بيكرهني وعشان كده بيحاول يتخلص مني‘ فهمت هو يقصد مين حتي منغير مايقول أسماء أداني عمل” وقال لي حطيه في اوضة الشخص اللي انتي شاكه فيه و بالشكل ده الخادم بتاع العمل هيعمل فيه اكتر من اللي كان بيحصل فيا. وقالي مش هقدر أخلصك من اللي بيحصلك غير لما تجيبى العمل اللي معمولك ومحطوط في بيتك.
أخدت العمل وروحت. ودخلت علي شقة حماتى قبل ما ادخل شقتي‘ كانت قاعده تتابع المسلسل اللي بتحبه. طلبت منها ملح لان الملح بتاعي خلص‘ شاورتلي علي المطبخ من غير ماتتحرك من مكانها.
وهو ده المطلوب ‘انا مش عايزاه تقوم ‘دخلت المطبخ ودورت على مكان ينفع أحط فيه العمل.
حطيت العمل في مكان أمان جداً. واخدت الملح وخرجت بسلام وحماتي لسة قاعدة منسجمة مع التلفزيون.
طلعت علي شقتي وجهزت الاكل عادي وكأن مفيش اي حاجه حصلت وفضلت مركزة مع اي صوت ببيجي من شقة حماتي لكن مفيش حاجة الدنيا هادية وعادية.
رجع محمود من شغله جهزلته الأكل واكلنا ودخل نام هو لكن قعدت انا استني إن اي حاجة تحصل لكن برضه مفيش‘ غلبني النعاس وأنا قاعدة منتظرة وقررت أدخل أنام.
الشيخ مناع طلع خايب وملوش لازمة.
دخلت اوضتي ونمت جنب محمود علي السرير.
فجاة سمعت صوت صراخ عالي جداً قمت مفزوعه من النوم لكن المره دي كان محمد هو كمان صح
قلت ليه سمعت حاجه؟
قال سمعت صوت صراخ
قلت ليه عشان تصدق إني مش مجنونة وإن كل يوم بالليل بيكون في صوت صراخ مرعب
بص لي بدون مايرد علي كلامي وطلع يفتش في البيت عشان يشوف الصوت جاي من فين
الصراخ رجع تاني وبصوت أعلى من المره الاولي
بص لي برعب وهو بيقول لي الصراخ ده جاي من اوضه أمي وجري عشان يلحق امه
وأنا مشيت وراهو وحاطه ايدي علي بوقي وبحاول اكتم ضحكتي.
.
.
دخلنا الاوضه وكانت حماتي منكمشة على نفسها في زاوية الاوضه وبتصرخ وتقول دبيب دبيب (ثعبان) كبير شديد كان عايز يقتلني ? جسمها كان يرجف و العرق مغرق جسمها وعيونها كانت بتلف في الاوضة كلها برعب. كل دي حاجات تأكد إنها عاشت ليلة مرعبة فعلاً ‘ شكراً ياشيخ شكرآ
طلعت سرك باتع مش مجرد نصاب وخلاص. أول مرة أشوفها خايفة ومرعوبة بالشكل ده. بس حسيت بسعادة كبيرة إنها بتشرب من نفس الكأس ال كانت بتسقيني منه
حاول محمد يشيل امه ويدخلها اوضتها لكن كانت مرعوبة فعلا وما قادرة تتحرك وكل مامحمد يحاول يشيلها تزقه بعيد عنها وتصرخ في وشه وتقول ليه خليني في حالي انت السبب أنت عملت كل ده خليني في حالي. يارتني ماسمعت كلامك. بص ليها محمد بغضب وكأنها قالت حاجة ماينفعش تتقال
حاول يسكتها لكن ماسكتت وفضلت تقول في كلام غريب بالشكل ده وأنا واقفة مذهولة وما فاهمة ال بيحصل ده ايه
وفجاة حماتي مدت يدها وقالت لي………..
قصة حماتي بتكر.هني الجزء الثالث الأخير
.
.
.
.
