دخلت هدي اوضتها واول ما حطت راسها نامت وراحت في النوم وحست بنفس جمبها بيقرب جاية تفتح عنيها حست انها مشلولة الحركة سامعه وحاسة بس مبتتحركش
وفجأة سمعت صوت بيقول انا خيرتك وانتي اخترتي بعدك عني يعني هلاكي وانا مش هبقي لوحدي فجأة هدي حست انها بتتشد لتحت وفتحت عنيها علي نفس المنظر الجميل اللي بتشوفوا بس كان فيه بيت وسط الزرع والخضرة
هدى…..بصتله وقالت انت عاوز ايه
عجيب …. انا عايزك وبحبك ومش قادر اعيش من غيرك عاوز اتجوزك شهر واحد
هدى …. مينفعش انت لو مسلم عارف ان احنا حرام نجمع بين زوجين
عجيب …. الكلام ده لو انا في دنيتك انما انتي هنا عندي اعتبريه حلم وصدقيني عمرك ما هتندمي
هدى …. وجوزي وولادي
عجيب ….. كل حاجه هترجع زي الاول وأحسن بس انتي تبقي مراتي لمدة شهر
هدى …. كفايه اني اقولك موافقه بس مضطره لازم اضحي عشان بيتي وجوزي وولادي
عجيب….. سميها زي ما تسميها شاور علي البيت اللي هناك وقال ل ملك شايفه البيت ده
هدى …. اه ماله
عجيب … ده بيتك ودي حياتنا ودنيتنا اللي محدش هيقدر يخرجنا منها لمدة شهر
هدى ….. بكل انكسار واستسلام طب انا ممكن اعملك اي حاجه بس سيبني لحالي انا مش منك ولا من بني جنسك
عجيب…. احنا هنرجع في كلامنا وطلع ورقة مكتوبه وعمل
جرح في إيدها وقالها متخافيش انا محتاج نقطتين دم بس وفعلا ختمت بصابع إيديها علي الورقه
ردت هدي قالتله انت بتعمل إيه
عجيب …. دي وثيقه جواز بين الجن والانس ومعني انك عملتي بدمك ان انتي بقيتي زوجتي وتحت طوعي لمدة شهر
هدى…. حسيت اني تايهه ومش عارفه انا صح ولا غلط بس اللي اعرفه اني مستعده اعمل اي شئ عشان ولادي
وافقت وراحت معاه البيت اول ما دخلت لقيت نفسها لابسه فستان فرح جميل أشبه بالاميرات وكل حاجة جميله حيطانه بيضه مرسوم عليها رسومات رقيقه اشبه يكون جنه
.
ونزل عجيب علي ركبته وقدملها باقة ورد وقالها
حبيبتي ومولاتي اليوم هو ميلادي
عهدك لي لا تتركيني
وعهدي لكي لا انساكي
بعدك عني هو موتي وهلاكي
علي قد ما هدي كانت حاسه انها خايفه ومكنتش عارفه هيا في حلم ولا حقيقه بس الشعر لمس قلبها وتم موعدهم الاول كا زوج وزوجه وكل يوم يعدي علي هدي بتغيير جديد كان بيتها حاله بيتحسن وزوجها اتحسن وولادها اتفوقوا والدنيا بقيت تضحك ليها وزوجها رجع الشغل تاني وكل ما يتم موعد بينها وبين عجيب تتغير الدنيا للاحسن وكل شئ بقى يرجع للأول الا هدي هيا اللي كانت بتتغير وبقي الميعاد بينها وبين عجيب بعد ما كان هم علي قلبها بقيت هدي بتستناه علي أحر من الجمر وتخلص شغل البيت عشان تنام بدري وتقضي وقت أطول معاه تحت الارض
وعدت الايام والمواعيد بقيت بلهفه وشوق وبقيت هدي بتعاتب عجيب علي تأخيره ليها لحد ما عدي ٢٩يوم وكل يوم
كان احلي من اليوم اللي قبله وعجيب واهتمامه بيها وحبه وعشقه اللي وصل لعشق الجنون واليوم ال٣٠ وكان اخر يوم
عجيب بعد لقاؤه ب هدي قالها خلاص يا هدي انتي مبقتيش مراتي واديتك حريتك اتصرفي فيها كما تشائين وارجعي حياتك تاني ورجعت ريما لعادتها القديمه والبيت وجوزها وولادها وابوها وبقيت حاسه ان عجيب خد روحها معاه واختفي بقيت تنام بدري وتدعي تشوفه لكن خلاص
خد روحها معاه واختفي بقيت تتكلم في الحمام والمرايا يمكن يرجعلها لكن لا حياة لمن تنادي لحد في يوم قاعدة ملك قدام المرايا وصوتها كله عياط بحرقه والحوار كالاتي عجيب حبيبي وحشتني اوي انا عارفه انك سامعني انت كذبت عليا علي فكرة عارف ليه عشان انت مش فاكر لما قولت ليا انت ان يوم بعدي هو يوم موتك لاء يا عجيب ده كان موتى انا متسبنيش وتبعد عني انا حياتي مش قادرة استحملها انت الحاجه الوحيدة اللي اخترتها ارجع ووطت هدي راسها وبتمسح دموعها قدام المرايه …..ورفعت راسها تاني
.
.
وبتبص في المرايا لقيت بيتها تحت الارض ضحكت وبتبص وراها لقيت عجيب واقف وراها حاضنها وبيقولها يعني مش هتقوليلي سيبني لدنيتي تاني ردت هدي انت دنيتي انت اللي مصبرني عليها بحبك وبحب كل كلمة كل نفس بعشقك وبعشق ترابك اياك تسيبني وتبعد ولو بعدت هيبقي موتي ياعجيب فاهم موتي رد عجيب بعد الشر عليكي يا مولاتي
واستمرت اللقاءات بينهم وعدت سنه وابتدي احمد يلاحظ ابتعاد هدي عنه وكلمها كتير اضطر انه يكلم امها وابوها قال يا عمي لازم تيجي تشوف هدي بقيت تنام من المغرب وافتح الباب واصحيها الاقيها بتتنفس
عادي ونايمه بس في يوم صحيتها وناديت عليها وهزيتها متحركتش كأنها جسد بلا روح لكن بتتنفس
رد ابو هدي … انت مكبر المواضيع اوي مش للدرجه
احمد … ياعمي انت لازم تقعد معايا يومين وتشوف بنفسك
رد ابو هدي ماشي يا بني انا جاي انا والحجه هنقعد كام يوم عندكو
احمد … وانا في انتظارك
وجه ابو هدي وامها واستقبلتهم كويس جدا وجه المغرب قالتلهم يا ياجماعة انتو في بيتكوا انا تعبانه جدا وداخله انام
امها يا بنتي اقعدي معانا شويه هدي لا والله يا امي مش قادرة وتعبانه وفعلا نامت هدي وخد روحها تحت الارض لكن الجسد موجود ودخل احمد وأبوها وامها اوضتها فضل ابوها يصحيها لكن مفيش فايدة اتصلوا بدكتور
رد الدكتور … يا جماعه بنتكوا مفيهاش حاجه وزي الفل صدقوني مفيهاش حاجه
احمد…. يا دكتور مش شايف هيا عاملة ازاي
رد الدكتور بعصبيه والله يا جماعة مفيهاش حاجه وعلي العموم تقدروا تجيبوا دكتور تاني يكشف عليها
قعد ابو هدي يفكر هو واحمد هيعملوا إيه لحد ما ردت ام هدي قالت البت دي فيها حاجة يا حج البت دي
(بصوت واطي ) ممسوسه رد ابو هدي انتي اتجننتي انتي بتقولي ايه
بص ابو هدي واحمد لبعض وقال احمد ما يمكن يكون صح
ايه رأيك يا عمي
رد عليه ابو هدي انا اعرف واحد بيعالج بالقرأن انا هكلمه بكرة وهبعت اجيبه تاني يوم صحيت هدي كأن شئ لم يكن وقضت يومها وبتتعامل عادي مع اهلها وهيا عارفة ايه
اللي هيحصل لان عجيب قالها وفعلا جه المغرب ودخلت
نامت وجه الشيخ ودخل الاوضه وقالهم اطلعوا كلكم برة سيبوني لوحدي ومهما أتاخرت محدش يخبط عليا
فعلا طلعو برة اعد يقرأ قرأن وأيات ويتكلم بشويش مع حد
مش موجود اصلا وصوت خربشه في الاوضه وعلي الساعه واحده طلع برة وقعد ورد قالهم بنتكوا يا جماعة جسد
بلاروح بنتكوا عندهم تحت الارض ردت ام هدي يالهوي ايه تحت أي مش قولتلك يا حج بنتي فيها حاجه شوفت
لف وشه وقالها هتسكتي ولا اطلعك برة رد الشيخ الحل عندي
.
.
بس سيبوني اربع جلسات والنهاردة كانت اول جلسه يعني باقي ثلاث جلسات ادخل المغرب ومهما اتأخرت محدش يدخل وافق احمد وابو هدي وجه تاني يوم ودخل الشيخ وقال علي اتفاقنا محدش يدخل دخل الشيخ وعمل
جلسه وكانت جلسة تواصل بينه وبين عجيب وفجأة سمع عجيب صوت بيدوي في المكان وبيقول يا عجيب انت ملك وبن ملك بني قعقاع رد عجيب بصوت راعد مهيب وماذا تريد يا بن نعيم ففزع الشيخ وقلل من نبرة صوته وقال .. اريد الاذن والامان اقابلك يا بن ملك الجان
رد عجيب بصوتًا مهيب ………………
قصة العشق الملعون الجزء الخامس الأخير
.
.
.
.
