قلتله ….لاء انت مين
قالها انا اسمي …….. لاء انا مش هقولك غير لما توعديني الأول انك متكشفيش سري وانا اوعدك اني اعوضك عن اي حاجه وحشه شوفتيها في حياتك ومن هنا لحد ما اشوفك فكري يالا قومي مريم عايزاكي
صحيت هدي فعلا من النوم علي صوت مريم بتقول لو سمحتي يا ماما عاوزة فلوس عشان رايحين الدرس انا ومحمد
.
كانت هدي بتكلم مريم وهي مبسوطه ومرتاحه و حاسه انه مكنش حلم حست انه حقيقه والغريب انها مكنتش خايفه بالعكس صحيت و حاولت تنام تاني بس للاسف مشفتش حاجه عدي اليوم والتاني والثالث وكانت كل يوم تستني تحلم تاني بيه
وفعلا جه اليوم الرابع ودخلت نامت حست ان حد بيلعب في شعرها وبيقولها ها فكرتي جايه تفتح عينها قالها خليكي مغمضه عنيكي متفتحيهاش خالص لحد ما اقولك وفعلا فجأه حست روحها بتفارق جسمها وحد بيشدها لتحت وسخونيه رهيبه
لحد ما حست انها واقفه ثابته علي ارض قالها افتحي عنيكي
فتحيتها لقت منظر في غاية الجمال الزرع والخضرة وفاكهه نازلة من الشجر وكل حاجه تريح العين قدامها وهي لابسه فستان ابيض جميل وكان فيه مرايا بتبص جمالها كان مالوش وصف وشعرها جميل وطويل ولقته واقف وراها بيقول ها فكرتي رديت اه قال هتعملي ايه
ردت … انا موافقه
قول انت مين وعرفتني منين وازاي احنا هنا وعاوز إيه
رد بضحك …. براحه براحه انا هحكيلك كل حاجه بس متبقيش طماعه وزي ما اتفقنا ده سرنا انا وانتي وبس
رديت عليه قولتله موافقه
قال بصي يا ستي انا اسمي ….. ابن ملك قبيلة …… وانا مسلم مش كافر
عرفتك لما كنتي بتحكي في الحمام وبتشتكي في المرايا مرة في مرة بقيت اعشق صوتك حتي عياطك كان بيدخل في ودني موسيقي بقي متعه عندي كنت كل يوم بنام جنبك بس عمري ما قربتلك
.
ردت هدي … انت اللي كنت معايا في الاوضه صح
رد عليها …. اه كنت انا لكن انتي قبلها دخلتي الحمام واعدتي تعيطي بحرقه علي سوء المعاملة وإن صبرك نفذ وعايزة تموتي نفسك … لما سمعتك قلبي وجعني عليكي بزياده حبيت اديكي احساس الحب حتي لو كان في دقائق معدوده
قالتله والمستشفي ….
رد عليها كنت انا …. عمري في حياتي ماكنت اصدق اني روحي تتعلق بأنسيه من لحم ودم
ردت هدي …. لكن اللي انت بتقوله ده حرام مينفعش الكلام ده مش من حقك تقرر ومش من حقك تقرب مني وإياك بعد كده اشوفك في هيئة جوزي وإياك احس بيك وإلا هحرقك
فجأة شكله اتغير وكل الزرع اتحرق والمرايا اتكسرت
قالها (بصوت كله تحذير واستوعاد ) انتي حكمتي علي نفسك بالموت
ردت هدي ….( بصوت عالي وعدم مبالاه ) يا ريت اموت يبقي اهون عليا من اللي انا فيه
ردعليها …. مش انتي بس واستلمي اول خبر
قامت هدي من النوم مفزوعه علي صوت الموبايل
حد بيتصل ردت وكلها خوف ايوه مين معايا
الو يا فندم هنا مستشفي مصر الطيران زوج حضرتك كابتن احمد حصلتله حادثه وهو في العمليات دلوقت ياريت حد يحضر عشان يكمل إجراءات الدخول
جريت هدي علي المستشفي ومعاهاا ولادها وطلبت ابوها يسبقها علي هناك اول ما وصلت المستشفي خلصت الاجراءات وطلعت عل انتظار العمليات كان هو طلع من العمليه وفي العنايه المركزة
قابلت الدكتور قالها بالنص …. يا مدام شدي حيلك حالة كابتن احمد صعبة جدا
هدي …. الشغل يا دكتور يقدر يسفره في اي مستشفي في العالم تقدر تعالج حالته
الدكتور …. للاسف يا مدام الحادثه مأثرة علي العمود الفقري ومن المستحيل انه يرجع يمشي تاني
بس صدقيني ممكن بين يوم وليله يتغير الحال ويتوجد علاج جديد لحالته الطب كل يوم في تقدم
خرجت هدي من عند الدكتور مطأطأه رقبتها لتحت
وبعد ٣ شهور في المستشفي رجع احمد البيت علي كرسي بعجل
واحمد من يوم ما رجع البيت وهو شخيط وزعيق وإهانه ليها ومعاملته اتغيرت كتير مع الاولاد عن الاول وبقه انطوائي بشكل رهيب وقرر احمد ان هدي متنمش معاه تاني في نفس الاوضه ونقلت اوضه تانيه وعاملها جرس لو عاوز حاجه يدوس عليه
هدي من كتر اللي شافته وبتشوفه غصب عنها استسلمت لدموع حبساها في عينها وبقت تنزل علي وشها زي شلال مياه ومن كتر التعب نامت
حلمت ب…….. بيقولها مبسوطه دلوقت
ردت هدي …. انا مش قولتلك مش عاوزة اشوف لا اسمع صوتك
رد قالها هتندمي وانا هخليكي تجيني راكعه تحت رجلي تترجيني قومي شوفي مستقبل ولادك وهو بيضيع
قامت هدي علي خبط الباب وولادها الاتنين بيعيطوا وصويت
هدي … فيه ايه مالكوا مالكوا
محمد …. يا ماما فيه حاجه غلط احنا علطول متفوقين ازاي انا واختي نسقط ازاي
هدي ….. محدش يجيب اللوم علي نفسه انتو عملتوا اللي عليكوا وانا هروح المدرسه عشان اشوف الحكايه ويتصحح الورق تاني بس محدش يجيب سيرة لبابا
بقت تعدي الايام علي هدي كانها بتعدي علي طريق كله شوك ونار
يوم ورا يوم كل يوم يعدي وهدي كل يوم بتدبل وزادت الدنيا سوء لما الشغل عند أحمد قرر انه يتحمل جزء من العلاج وانه يتعالج بره الشغل علي نفقته الخاصة وخارج مستشفياتهم لانه ملهوش علاج عندهم
وبقيت الحياه عند هدي من سئ الي الاسوء لحد ما في يوم دخلت هدي بعد تعب وارهاق طول اليوم الحمام وقفلت علي نفسها وقاعدت تنادي بكل انكسار وذل يا …….. انا تعبت كفايه ذل فيا بقه كفاية خلاص تعبت والله العظيم تعبت معدش فيا حيل لكل ده ووقعت علي بركبتها عليالارض بكل انكسار عاوز تعمل فيا ايه تاني أ تتكلم انا عارفه انك سامعني رد عليا
لكن محدش رد عليها فاقت هدي من حالة الاوعي اللي هي كانت فيها و حست انها اتجننت وبتكلم نفسه
.
.
دخلت هدي اوضتها واول ما حطت راسها نامت وراحت في النوم وحست بنفس جمبها بيقرب جاية تفتح عنيها حست انها مشلولة الحركة سامعه وحاسة بس مبتتحركش وفجأة سمعت صوت بيقول
يتبع….
قصة العشق الملعون الجزء الرابع
.
.
.
.
