الفصل الحادي عشر …تفاعل بقى
ينظر لها بحب كاد ان يأخذها في حضنه ليهدا قلبه قليلا لكن كبريائه منعه من ذلك ثم تنهد بحيره
تحدثت مي بزهق … يافندم حضرتك مقلتش طلبك بقالي كتير وافقه
بعد مده انتبه عليها قائلا … ها لحظه ثم فتح المنيو قائلا .. عايز قهوه ساده
تحدثت مي … تمام طب والأكل
تحدث ادهم بغيظ … قولت قهوه بس ولا عندك مانع
تحدثت مي باستغراب … معنديش مانع بس حضرتك دا مطعم مش كافيه
تحدث ادهم بانفعال … غوري هاتيلي القهوه والا اطربالك المكان دا ع دماغك
ذهبت مي غاضبه تلعنه قائله … مفكر نفسه مين دا انساس معندوش زوق صح
اقتربت رهف منها قائله … مالك يابنتي بتكلمي نفسك
تحدثت مي … لا مفيش بس في واحد مستفز قاعد هناك مصمم يطلب قهوه بس قولتله حضرتك دا مطعم صرخ عليا خوفت من المشاكل سببته ومشيت
نظرت رهف في كل اتجاه قائله …. فين دا
تحدثت مي وهي تشاور عليه قائلا .. اهو اللي هناك دا لابس بدله سمرا قمر ابن الايه انا سببته بس عشان جمال عيونه
نظرت له بصدمه شعرت بدقات قلبها تتسارع ثم دمعت عينيها بفرحه عندما رأته تريد أن تحضنه بقوه ثم قاطعت افكارها مي قائله … انا هروح اقول لي طارق يجي هو يتصرف معاه
أمسكت يدها مسرعا قائله … لا بلاش يا مي ارجوكي
نظرت لها باستغراب ثم قالت بغمز … بلاش ليه ولا يكنش عاجبك
تحدثت رهف … عاجبني ايه بس هبقي اقولك بعدين المهم هروح احضر القهوه
يتحدث في هاتفه
ادهم … لا مش فاضي دلوقتي ياعمرو اتصرف انت معاه
عمرو … اتصرف معاه ازاي يا ادهم بقولك لسه جاي من سفر ومعندوش وقت
ادهم … يغور في داهيه ياعمرو ماتقرفنيش
اغلق هاتفه بغضب
ثم اتي رهف تحمل كوب من القهوة اقتربت منه قائله بتوتر .. اتفضل القهوه يا ادهم بيه
نهض من مكانه مسرعا ينظر لها بلهفة وشوق كاد يخذها في حضنه ثم تراجع بصعوبه وقال بحده .. انتي بتشتغلي هنا من امتي
تحدثت رهف باستغراب … ودا يخص حضرتك فايه ولا جاي تشوفني اكون سرقت منك حاجه تانيه
اشتعلت النيران بداخله من كلامها ، ثم قال لنفسه انتي لسه هتسرقي مانتي سرقتي قلبي وخلاص
تحدث ادهم بغضب … ماهو الطمع اللي جابك هنا وتستاهلي كل اللي يجرالك
ابتسمت بحزن قائله … وانت ايه اللي جاب حضرتك هنا طالما مطلبتش اكل كنت تقدر تسهل ع نفسك وتروح كافيه
شعر بالارتباك ثم قال .. انتي مالك انتي هتحاسبيني
تحدثت رهف … عن اذنك يا ادهم بيه
بالفعل ذهبت
مازالت أنظاره تتبعها وبعد وقت طويل ذهب
………………
خرجوا سويا بعد انتهاء الشغل
تحدثت مي … قوليلي بقي ايه قصه الواد الحلو بتاع القهوه المعقد دا
ضحكت رهف قائله … حلو ومعقد طب تيجي ازاي المهم دا ادهم بيه كنت بشتغل عنده
تحدثت مي …. طب وسبتي الشغل عنده ليه
تحدثت رهف بحزن … مرتحتش في الشغل عندهم بس
ثم سمعت رهف أحد يهتف باسمها
توقفت ثم التفتت له بصدمه قائله … هو انت
اقترب منها ثم تحدث … انا اسف لو هزعجك بس حضرتك فاهمه موقفي
تحدثت رهف … انا قولتلك مش موافقه يا .. انت قولتلي اسمك ايه
تحدث … انا المحامي احمد خيرت يا انسه رهف
نظرت باستغراب قالت مي … هو في ايه
تحدثت رهف … لحظه يامي أما انت قولتلك مش عايزه استلم حاجه لاني مش واثقه فيك وعارفه جدي مكنش عنده اي ورث وياريت تقولي مين اللي باعتك
شعر بالارتباك قائلا … ايه اللي انتي بتقوليه دا يا انسه رهف انا انسان محترم وبذات في شغلي ع العموم هسيبك تفكري تاني ودا الكرت بتاعي بس ارجوكي تفكري كويس
عن اذنكم ….
تحدثت مي … انا مش فاهمه حاجه
تحدثت رهف … هفهمك كل حاجه لم نوصل البيت
………
في فيلا ادهم
طرقت الباب ثم دخلت غرفته
تحدثت نهله … ادهم عايزه اتكلم معاك شويه
تحدث ادهم. .. خير
ابتسمت بخبث قائله نهله …. كل خير انا حددت معاد مع مدام فريده عشان نطلب ايد كارما
تحدث ادهم بغضب … ازاي تعملي كدا ياخالتو
نهله بانفعال … انا عملت الصح يا ادهم ومتصغرنيش قدام الناس هتيجي معايا بكره اكيد
زفر بضيق قائلا … ربنا يسهل ياخالتو
………………..
في بيت مي …..
في غرفه محمد
تحدث محمد بلهفه … اكيد انتي تعرفي إذا كانت مرتبطه ولا لا حاجه بسيطه جدا يامي
تحدثت بمكر … ودا يخصك في ايه
محمد بحب قائلا … يخصني طبعا بقولك خدت قلبي من اول نظره
ضحكت عليه بشده قائله … لا انت وقعت خالص
تحدث محمد بانفعال … المهم هتعملي اللي قولتلك عليه ولا اكلمها انا
تحدثت مي بجديه … لا لا إياك تعمل كدا ممكن تزعل وتسيب البيت
تحدث محمد … طب ممكن تساعديني وتخليني اتكلم معاها هي علطول مكسوفه ولما بتشوفني بتدخل اوضتها ومبلاقيش فرصه اقعد معاها
تحدثت مي … قولتلك متتكلمش معاها في حاجه دلوقتي وان كان ع القعده ياسيدي بكره اجازتنا من الشغل وهقنعها نخرج سوا نتفسح بس خليك عاقل عشان عرفاك مجنون
تحدث محمد بسعاده … بجد يا احلي مي ربنا يخليكي ليا
تحدثت ساخره .. دلوقتي احلي مي يلا يا مصلحجي
……………………
دلفت الغرفه
ثم تحدثت مي بسعاده … واخيرا بكره اجازه من الشغل ثم التفتت لي رهف قائله … ايه رأيك نخرج نغير جو
تحدثت رهف … اي حاجه يا مي مش فارقه
عقدت حاجبيها باستغراب قائله … مالك يا رهف
تحدثت رهف بحزن … مفيش بس انا مخنوقه شويه
اقتربت منها مي ثم أمسكت يدها بحنيه قائله … لا انا حاسه مخبيه عليا حاجه اظاهر انتي لسه بتعتبريني غريبه عنك
انفجرت في البكاء قائله بوجع … انا ليه بيحصلي كدا يامي انا والله عمري ما كنت طماعه ولا حراميه انا عشت أسوأ ايام حياتي لما ماما وبابا ماتوا وبعدهم جدي وبعد كدا اترميت في الشارع وراضيه الحمدالله بقضاء الله بس انا اتظلمت اوي يا مي ومن اغلي اتنين ع قلبي اغلي اتنين كنت بحبهم هما اللي دمروني يا مي ، ثم بكت اكثر
اخذتها في حضنها قائله بوجع … أهدي يا حبيبتي كل ظالم ليه يوم ، بس مين دول اللي بتحكي عليهم وليه عملوا كدا
تحدثت رهف بألم … ارجوكي يامي مش قادره اتكلم دلوقتي
تحدثت مي بزعل … خلاص ابقي احكيلي في أي وقت المهم تنامي دلوقتي وتنسي اللي حصل ……
…………….
في الصباح يوم جديد
نزل ادهم الدرج ليخرج ثم أوقفته نهله
قائله … ادهم
التفت لها قائلا … صباح الخير ياخالتو
تحدثت نهله .. صباح النور علي فين بدري كدا
تحدث ادهم بنفاذ صبر …. عندي شغل مستعجل عن اذنك
أمسكت يده مسرعا قائله … عارفه انك قاصد تنزل بدري ليه بتحاول تتهرب مني
تحدث ادهم بزهق … قولتلك ياخالتو هاجي معاكي يلا عن اذنك
تحدثت نهله مسرعا …. متتأخرش يا ادهم
………………….
في بيت مي
تحدثت مي … متخافيش محمد جاي معانا بس عشان مينفعش نخرج لوحدنا وحد يضايقنا محمد محترم جدا وبجد لو اتكلمتي معاه هتعرفي بنفسك دا
تنهدت بتعب ثم قالت … طب ممكن تخرجوا انتوا انا مليش نفس بجد
تحدثت مي بحزن … مستحيل هتيجي معانا وبعدين تغيري جو وتنسي كل حزنك حاولي يارهف صدقيني هترتاحي
واخيرا اقتنعت بعد تفكير طويل بالفعل خرجوا سويا وايضا محمد
…………………..
في بيت فريده
في غرفه الصالون يجلسون جميعهم
تحدثت فريده بمكر … نورتنا يا ادهم بجد سعيده جدا بحضوركم
تحدث ادهم ببرود … شكرا
تحدثت نهله بجديه .. احنا اسعد يا حبيبتي المهم هندخل في الموضوع علطول
ثم دق هاتف ادهم
اخرج هاتفه وتحدث وكان لم يكن مع أحدهم
تحدث ادهم … ايه
…… ادهم بيه انا شوفتها خارجه دلوقتي مع صديقتها اللي معاها في الشغل وواحد تاني
نهض من مكانه مسرعا قائلا بغضب … نعم واحد تاني يطلع مين دا
…… اول مره اشوفه يا ادهم بيه معرفوش
بجز علي سنانه بغضب قائلا … اعرفلي مين الزفت دا وابعتلي العنوان بسرعه ، ثم اغلق الهاتف وخرج مسرعا كالثور الهائج
تحدثت نهله بسرعا … ادهم ادهم في ايه
شعرت بالاحراج الشديد ثم استأذنت وذهبت وهي في قمة كسفتها
………………….
يجلسون في كافيه
تحدثت مي بمرح …. مخرجناش كدا من زمان واتبسطنا اد اليوم ده
تحدث محمد بفرح …. بجد اتبسطتنا اوي مش كدا يا انسه رهف
تحدثت رهف بكسوف … اكيد
وبعد لحظات وصل ادهم والغيره تشتعل داخله
نظر لهم بغضب شديد ثم قال … أما ربيتك من اول وجديد مبقاش اسمي ادهم واتجه إليهم بغضب كاد يحرقهم جميعا ….
لم تكن خادمتي فقط …
الفصل الثاني عشر …
اقترب منهم بيجز على سنانه بغضب حتي أمسك يدها بقوه ثم شدها بالقرب منه مسرعاً
نظرت له بصدمه غير مستوعبه ما فعله
لا أنكر أني شعرت بالامان والسعاده ايضا حيمنا أمسك بيدي شعرت وكاني اريد التمسك بها أكثر من أي شئ اخر
ولكن اڜياء كثيره آخره منعتني من ذلك
تحدث بخشونه … امشي معايا والا اعملك فضيحه هنا
نهضت مي وايضا محمد مسرعا
تحدثت مي بانفعال .. انت مين يامجنون انت وسيب ايد صحبتي
اقترب محمد بانفعال قائلا … مين دا يا رهف انتي تعرفيه
اقترب ادهم بنظره حاده قائلا .. خليك في حالك احسنالك عشان متندمش علي اللحظه اللي شوفتني فيها
تحدثت رهف والدموع تسيل خدها ….. ارجوك يا ادهم سيبني انت لسه عايز مني ايه
تحدث ادهم بوجع … مسمعش صوتك دا وامشي معايا
حاولت مي تساعد رهف لكن ادهم كان اقوي منهم واخدها بالعنف
…………….
في فيلا ادهم
دلف ادهم وهو متمسك بيدي رهف
نهضت نهله بفزع شعرت بالنار تشتعل داخلها حينا رأتها
تحدثت نهله بانفعال …. ادهم انت جايب الحراميه دي هنا ليه مش كفايه اللي حصلنا من وراها
تحدث ادهم بانفعال بعد ما دفشها بعنف … جبتها ادفعها تمن أفعالها ليا انا مش حاسس بالراحه وهي عايشه حياتها سعيده كدا لازم تدفع التمن وغالي اوي
تسمع أحاديثه الذي تدبحها بسكين بارد شعرت بقلبها سوف يتوقف من الصدمه،
ليتني اكتفيت بك في احلامي فقط
فهذا الواقع جعلني اكرهك أكثر
حاولت تتنفس بصعوبه واتجهت نحو ادهم نظرت في عينيه بوجع قائله …. انت جبتني عشان تنتقم بس يعني انا طلعت غلطانه قولت يمكن عرف غلطه وجايبني اسامحه
نظر لها بابتسامه ساخره قائلا … اسامحك ، انتي نسيتي نفسك يا نصابه لا وعايشه حياتها سعيده
تحدثت نهله بانفعال … ادهم البنت دي لازم تخرج من هنا دلوقتي كفايه لحد كدا
تحدث ادهم بانفعال … قولت هتفضل هنا لحد ما اشفي كل غليلي منها
ثم صرخ باعلي صوته … هنااااااااا
اقتربت هنا التي كانت تشاهد كل شيء من بعيد والدموع تنهمر من عينيها علي صديقتها
تحدثت هنا بحزن … نعم يا ادهم بيه
تحدث ادهم بغضب … لو عرفت انك ساعدتيها متلوميش غير اللي يجرالك ، خديها ع اوضه الضيوف واقفلي الباب
كويس
بالفعل اخدتها هنا الغرفه
اما رهف فهي كانت في حاله صدمه تمنت موتها قبل رؤيه هذا اليوم اللعين
73
.
.
par NogaMaher
دلف غرفه المكتب ثم غلق الباب بعنف
يشعر بالف شئ يقتله ولكنه يشعر بالراحه أيضا لأنها موجوده تحت عينيه
طرق الباب ثم دلف عمرو
تحدث ادهم باستغراب .. عمرو ، خير
تحدث عمرو … هو هيجي منين الخير ، مدام نهله كلمتني اجيلك واشوف اللي هببته دا ليه رجعتها تاني يا ادهم
تنهد بتعب ثم قال ادهم …صدقني مقدرتش يا عمرو لما عرفت انها خارجه مع واحد تاني مقدرتش اسيطر علي نفسي
تحدث عمرو بتعجب …انت لسه بتحبها
تحدثت ادهم بوجع … انا مش بس بحبها انا مش عارف اعيش من غيرها بشوف صورتها في كل واحده قلبي مش عايز يشوف غيرها مهما عملت فيا
تحدث عمرو … طب ليه بتعمل معاها كدا طالما بتحبها
تحدث ادهم بجديه … عشان غبيه ضيعت كل اللي بعمله عشانها
تحدث عمرو … طب وناوي تعمل ايه هتفضل حابسها كدا
تحدث ادهم بحزن … معرفش يا عمرو بس مش عايزها تبعد عني
تحدث عمرو بحزن … كل اللي بتعمله غلط في غلط وبكره تضيع من ايدك
نظر له بغضب قائلا … خلاص بقي ياعمرو متعصبنيش قولتلك بعمل كل دا عشانها ، روح انت دلوقتي وسيبني اللي فيا مكفيني
بالفعل ذهب عمرو وساب ادهم بحيرته هل ما فعله غلط ام الصح
……………….
في بيت مي …..
تحدثت والده مي … ازاي يابنتي تسبيه ياخدها منكم كدا وانت كنت فين يا محمد
تحدث محمد بانفعال … سبته عشان هي تعرفه خوفت تكون قريبته احنا لسه منعرفش عنها حاجه
تحدثت مي بحزن … لا مش قريبته هي كانت بتشتغل عنده وسابت الشغل من فتره
تحدث محمد بغضب … طب مقولتيش ليه كنا ع الأقل عملنا حاجه
تحدثت مي بدموع … مكنتش متذكراه كويس ، يعني مفيش حل نعرف نرجعها من الوحش دا
تحدث محمد بغضب … هرجعها طبعا بس اعرف أوصله الاول
…………………….
في الغرفه
رهف تجلس ع السرير تبكي ع حالها وع حظها المايل
دلفت هنا الغرفه بحزن تحمل صنيه الطعام ثم اقتربت منها قائله … سامحيني يا رهف
نظرت لها بغضب شديد ثم بعدت انظارها باتجاه اخر
تحدثت هنا بحزن .. ليك حق تزعلي مني بس انا كنت هتسجن ووالدي كان هيموت فيها انتي عارفه العالم دي مش ساهله وبسهولة يعملوا كدا ارجوكي سامحيني
تحدثت رهف بغضب … لو عيزاني اسامحك خرجيني من هنا
صمتت هنا بحزن لا تعرف ماذا تفعل تخاف من ادهم وايضا حزينه ع صديقتها
تحدثت رهف بحزن … كنت عارفه هترفضي ممكن تسبيني لوحدي يا هنا
دلف ادهم الغرفه قائلا … سيبي الاكل واخرجي فورا
بالفعل خرجت هنا …..
نظرت له بخوف شديد جسمها يرتعش من قربه ليها
لاحظ ادهم خوفها منه تنهد بتعب قائل لنفسه .. ياريت تفهمي انا بعمل كل دا ليه عايزك تفضلي جنبي بأي شكل
تحدث ادهم …. انتي ازاي تخرجي مع واحد متعرفوش
نظرت له بغضب شديد ولم تنطق بكلمة
صرخ بها باعلي صوته قائلا … انطقي كنتي بتعملي ايه معاه
انتفضت من مكانها بفزع ثم بكت بشده
لم يتحمل رؤيتها تبكي تألم بشده ثم عاتب نفسه
اقترب منها قائلا بحنيه … خلاص بطلي عياط وقوليلي ازاي تخرجي مع واحد غريب
تحدثت بانفعال …. انت عايز ايه مني ماتسيبني في حالي كفايه اللي حصلي بسببك
أمسك يدها بغضب ثم ضغط عليها بقوه قائلا .. يبقي بتحلمي اسيبك انتي دمرتيلي حياتي وعايشه حياتك سعيده وانا هربيكي من اول وجديد ، واطفحي الاكل دا والا عقابك هيبقي أسوأ من ايام حياتك
ابتعد عنها بغضب ثم خرج من الغرفه
ارتمت علي السرير تبكي علي من أحببته هو من عذبها
………………………
وبعد منتصف الليل
تسحبت بهدوء هنا ثم فتحت باب غرفه رهف
دلفت الغرفه ثم غلقت الباب بهدوء
نهضت رهف باستغراب قائله … هنا بتعملي اي
تحدثت هنا بصوت منخفض … مش عايزه تمشي من هنا انا هساعدك
اقتربت رهف منها بصدمه لا تصدق ما تسمع ثم تحدثت رهف … بتتكلمي بجد يا هنا هتساعديني وتخرجيني من هنا
تحدثت هنا بحزن …. هساعدك يا رهف واللي يحصل يحصل المهم يلا مفيش وقت
حضنتها رهف ثم قالت … بس انا خايفه عليكي من ادهم اكيد مش هيسكت
ترغرغت عيناها بالدموع قائله … لسه خايفه عليا بعد اللي عملته معاكي يا رهف
تحدثت رهف بحزن … انتي صديقه عمري ومستحيل اتخلي عنك
تحدثت هنا بحزن … خلي بالك من نفسك يارهف وابقي طمنيني عليكي ، المهم يلا قبل ما ادهم بيه يصحي
بالفعل هنا نجحت في محاوله هروب رهف من الفيلا
……………………
.
.
في بيت مي …
رن جرس الباب
خرج محمد بانفعال قائلا … مين اللي جاي في وقت زي دا
ثم صدم حينا فتح الباب وشاف رهف بوجها شاحب اللون
تحدث محمد بلهفه …. رهف
خرجت مي وايضا والدتها علي صوت جرس الباب
تحدثت والده مي … مين يا محمد
نظر لهم بفرحه قائلا … دي رهف يا ماما
أسرعت مي واقتربت منها قائله بفرحه … رهف الحمد لله انتي كويسه
تركتها رهف ثم اقتربت من محمد تنظر له بتوتر ثم قالت بتردد …… محمد ارجوك تتجوزني ….
قصة لم تكن خادمتي. الجزء الثالث و الرابع عشر
.
.
.
.
