.
.
.
.
دكتور هو الانتحار لو مكنش قنوت من رحمة ربنا يبقى کفر برضو
خلينا نناقش دا بعدين .. ليه السؤال
ضاقت بيا الدنيا ومش قادر أكمل
ينفع احكى لحضرتك
.
.
امال بسألك ليه عن السبب .. اتفضل يا رجل
ربنا يباركلك هختصر في كلامى علشان وقتك
.
.
انا اسمي مهندس مدنى دفعة 2004 ومتجوز من 2008 وعندي ولد وبنت والدنيا كانت كويسة لحد من كام سنة كدا الشركة اللى شغال فيها صفت و قعدت 4 شهور من غير شغل بعدها قبلت بشغل بمرتب صغير وحضرتك عارف وضع السوق والمرتبات
.
.
لما الحال اتغير مراتي كمان اتغيرت وبقت عصبية جدا وصوتها بيعلى عليا حتى ادام الولاد وعلى طول بترمي كلام يوجع القلب انى مش مكفيهم وزي انا كنت مدخل الولاد مدرسة خاصة سعرها حنين بس مبقتش قادر على مصاريف المدرسة والدروس والسبلايز والباص وانا اكبر مرتب اخدته من 2017 كان 7000 جنيه فسحبت ملفاتهم علشان احول مدارس حكومي
.
.
عملت خناقة كبيرة علشان الولاد قلت الم الدوره وكنت بتجاوز عن كلام جارح كتير لحد ما طلبت الطلاق قلتلها احنا نجيب اللي كانوا قاعدين القعدة اللي اتقدمت فيها ليكي من اهلى ومن اهلك ونحكمهم لان اللى بتعمليه دا میرضیش ربنا وافقت وحضر من عندها ابوها وعمها واخواتها الاتنين ومن عندى اخويا.الكبير وعمي لان والدي الله يرحمه متوفي ابوها کتر خیره قاللي قول زعلان من بنتنا في ايه يا ولو ليك حق هجيبهولك منها هو راجل طيب واهلها ناس طيبين الله يباركلهم قلت اقدره فقلتله معلش يا حاج خليها هي اللي زعلانة منى خليها هي اللي تتكلم وانا اللى في مقدرتي هعمله اول كلمة قالتها لو مش راجل وقد فتح بيت مكنتش فتحته من الاول والله يا دكتور قلبي انكسر
.
.
.
كسرة عمرى ما حسيتها في حياتي و رحمة ابويا سمعت صوت طقطقة شعرى وحسيت اني عايز الارض تنشق وتبلعني مفوقتش الا على صوت الالم اخوها الكبير مستحملش اهانتها ليها فقام ضربها وقالها انتي جايبانا هنا علشان تفضحی تربیتنا لیکی
