.
.
.
.
عند لارين
قاعده في اوضتها وهي بتعيط عايزه تخرج تتكلم مع والدتها لكن مش قادره تيعيط
لحد ما الباب اتفتح ودخلت واحده صاحبتها
لارين بسرعه قامت حضنتها :ايمان انا محتاجك اوي
ايمان:انا جيتلك من اسكندريه مخصوص بعد ما كلمتيني…. مالك يا لاري في اي؟
لارين :انا في مصيبه يا ايمان مصيبه و مش عارفه اعمل اي
ايمان:طب اهدي واحكيلي
لسه لارين هنتكلم والدتها دخلت
ايمان:ازيك يا طنط
شهد:مش كويسه يا بنتي… صحبتك خر”بت بيتها بايديها… عليها عشان جوزها هيجي بالليل و هيردها وترجع معه غصب عنه
ايمان:طب ممكن تسبيني اتكلم معها شويه
شهد:انا برا لو احتاجتي حاجه
وخرجت وقفلت الباب وراها
ايمان:ممكن انا بقى افهم في اي… و اي حكايه جوزك دا….
.
.
لارين يتعب:هحكيلك يا ايمان لان اقسم برب العزه تعبت… مش قادره حاسه اني مكسوره
ايمان:طب يا لاري
لارين بدأت تحكيلها كل حاجه من اول ما باسم خطف”ها قبل ما تعرف انه ابن خالتها لحد ما طلقها……
ايمان :يانهار ابوه مش فايت وانتي ساكته بروح امك
لارين بدموع:ماما مش سيبالي فرصه اتكلم و بتقول انه مش هيفرق اي حاجه اقولها لان كدا كدا هرجعله لان انا مكملتش اسبوع يا ايمان…… انا سمعتي ضاعت
.
.
ايمان بصدمه:سمعه ايه يا ام سمعه… دا مد”من و غير كدا الارف اللي بيعمله… انتي مجنونه يا لارين دا عايز يذلك و يك”سر
ولو رجعتيله يبقى انتي فعلا مهزاه دا غباء
.
.
لارين:ماما مش راضيه تسمعني يا ايمان اعمل اي
ايمان بتفكير:بصي يا لارين ادامك حلين مفيش غيرهم
.
.
الحل الأول انك تكوني غبيه وعزيمه الكرامه وترجعيله عشان تحافظي على سمعتك زي ما بتقولي
مع ان في الحاله دي مش هتكوني بتحفظي على سمعتك….
.
.
لان واحد زي دا يسمح بأن صحابه يدخلوا اي مكان في بيته بدون استاذان…
ممكن تصحى في يوم تلقى واحد من صحابه دول معت”دي عليكي لأنهم اكيد من عينته……
الحل التاني
لو والدتك مسمعتكيش تسيبي البيت و تهربي….. لحد ما والدتك تهدأ وترجعي تفهميها انه هو اللي إذ”كي….
في الوقت دا انتي تقدري ترممي روحك وتجمعي اللي هو ك”سره فيك وترجعي و تكوني وقتها قادره تدفعي عن نفسك…
لارين انتي اختي لو انا مكانك هعمل كدا…
هابعد واشوف اي شغل في اي مكان بعيد
يمكن والدتك تكر”هك دلوقتي
لكن لما تفهم انتي هربتي من ايه…. هتندم اَانها مسمعتكيش
لارين:بس انا خايفه يا ايمان اقولك سر.. انا بقيت اخاف من اي حد لما يقربلي.. بفتكر اد ايه هو كان حيو”ان
ايمان حضنتها و هي فضلت تعيط
*************************
عند نسمه
وصلت الشركه وهي بتقدم رجل ويتأخر رجل و مش عارفه تعمل اي تدخل و لا لاء
لكن استجمعت شجعتها ودخلت
يزيد اول ما شافها راح حضنها
يزيد:كنت عارف ان الاوزعه الصغيره مش هتسبني في أول خطوه نجاح ليا
نسمه بابتسامه :انت اخويا يا زيد…. الف مليون مبروك وان شاء الله هتكون اكبر شركه في الشرق الأوسط.. انت تستاهل كل خير
يزيد بحب اخوي: وحشتيني اوي اوي المهم جوزك المجنون دا ازاي وافق انك تيجي
نسمه بسرعه بعدت عن يزيد وهي بتفكر في اسد
يزيد بابتسامه جانبيه :شكله ميعرفش و هينفوخك
نسمه بتوتر وخوف:طب انا لازم امشي بقي
يزيد:انتي خايفه منه بجد؟
ثم تابع بخوف
نسمه قوليلي هو كويس معاكي و لا يعني
نسمه بمقاطعه:أسد دا احن بني آدم ممكن تعرفه في الدنيا…. اب جميل بيحب بنته جدا
شاب واثق من نفسه…. متحمل للمسئوليه.. ذكي لكن
يزيد:متكملش حاسس انه معقد من حاجه معينه بس دي حاجه تخصكم و يُفضل انها تفضل بينكم…… المهم لو حصل اي حاجه نمرتي معاكي كلميني فورا
نسمه بابتسامه :ربنا يحفظك ليا يا احلى زيد في الدنيا…. لازم امشي بقى استمتع بوقتك
يزيد:مع السلامه يا قلب زيد
**********************
عند عدنان
كان بيشتغل بتركيز فهو مختلف تماما في العمل…. جاد لأقصى الحدود
لكن قاطعه خبط على الباب
عدنان:ادخل
العسكري :عدنان باشا في واحده واقفه عند البوبات و بتقول انها مرات حضرتك و عايزك في موضوع مهم
عدنان بفزع:تيا!!!
قفل الملف اللي ادامه و حطه في درج مكتبه و خرج من المكتب و نزل بسرعه جدا و هو خايف عليها
نزل كانت تيا راكبه عجله وواقفه مستنيه
عدنان بفزع:في اي؟ انتي كويسه… حصل حاجه… فريده كويسه
تبا بحزن و عيونها بتلمع بالدموع: ممكن نخرج سوا
عدنان:والله يعني منزلني من مكتبي و سايب شغلي عشان حضرتك عايزه تخرجي
تيا بدموع:مش بس نخرج هنشتري فستان ليا و هنروح نسهر في اي مكان و هتوديني ملهي…. وهتفضل معايا طول اليوم…
مش عايزه اكون لوحدي النهارده
عدنان اتأثر بالدموع اللي في عيونها وهي بتمسحها بسرعه
حضنها وهي فضلت تعيط بوجع و مخبيه وشها في صدره
عدنان مالهاش مالك… ولا في اي… اخدها بس في حضنه… طمنها
تيا مسحت دموعها وابتسمت بسرعه
تيا:هنبدا اليوم ازاي
عدنان:اول حاجه تسيبي العجله دي وتعالي نركب عربيتي…. في واحده محترمه كبيره كدا تركب عجله
تيا بغمزه و كأنها واحده تانيه: بذمتك مش حاجه حلوه
عدنان ضحك على طريقتها و هو ببمرر ايديه في شعره
تيا:ااامم ابننا بيحب
عدنان:افندم
تيا بخبث وهي بتمرر ايديها في شعرها بنفس الطريقه:الحب حلو
عدنان بارتباك:طب سيبي العجله دي وتعالي ورايا
تيا ابتسمت و نزلت ركنت عحلتها وراحت ركبت معه
اخدها الملاهي وهي كانت شويه تضحك وشويه تعيط و دا كان محير عدنان وواجع قلبه
باليل
في اتيليه فخم
بتخرج تيا وهي لابسه فستان ازرق لبعد الركبه و جزمه فضيه بكعب و عامله شعرها بطريقه جذابه و مكياج متقن
عدنان سمع صوت الكعب بيبصلها انبهر حرفيا….. هي اه جميله لكن هو مش متعود عليها بالفساتين كل لابسها كاجول
تيا بابتسامه :حلو؟
عدنان كان واقف ساكت وهو بيبصلها و مبتسم :تعرفي انك اجمل بنت شفتها في حياتي
تيا بابتسامة :عارفه
عدنان:مغروره…
تيا:ممكن بقى نخرج لو سمحت
عدنان وهو بيظبط بدلته:اتفضلي
بعد مده
في مكان مفتوح على البحر
تيا بدموع:انا تعبانه اوي
عدنان:تيا احكيلي على اللي جواكي ليه قلبك موجوع وليه التصرفات الغريبه دي
تيا قلعت جزمتها ورميتها على الشاطي و فضلت تتمشى وهي بتعيط :
عارف يا عدنان انا طول عمري لوحدي
مكنش معايا حد غير عمي مصطفى و حياه
كل الناس كانوا بيبعدوا عني…. ماما توفت وهي بتولدني… انا حتى معرفش شكلها الا من الصور
بابا كان عندي تلات سنين استشهد…
وقتها كبرت لوحدي مفيش غير عمي هو اللي جانبي
الناس كانوا بيخافوا يقربوا مني كنت طفله وحيده… تعرف انا كنت في مصحه نفسيه
تقريبا كدا حاله تأخر في نمو الدماغ
على فكره انا دلوقتي كويسه جدا… أصعب فتره عدت عليا كانت سن ال١٨ دي كانت أصعب فتره في حياتي كلها
لكن انا دلوقتي كويسه و دخلت كليه الطب و كمان بقيت اقدر ادافع عن نفسي و مش بسمح لحد يو”جعني
أنا بس موجوعه لان النهارده عيد ميلادي و دا نفس اليوم اللي امي ما”تت فيه
عدنان :بس انتي كويسه يا تيا وانا معاكي اوعي تخافي
تيا بخوف فعلي:بس انت كمان هتسبني يا عدنان
عدنان وهو بيخضنها:مستحيل اسيبك و لو على مو*تي
ثم تابع لنفسه
شكلي حبيتك يا تيا…. احساس غريب بحسه وانتي في حضني…… احساس انك وطني و كل أهلي…….
************************
عند اسد
وصل البيت و كانت تالين نايمه بعد ما نسمه ذكرت ليها و اديتها ادويتها
ونسمه قاعده بتذاكر لكن تمثيل اصلا هي متوتره مش عارفه هتعمل اي لو أسد عرف
استغرب الهدوء دا…. رمي مفاتيح عربيته علي الكومود و دخل اوضته
أسد بشك وهو بيقعد أدام نسمه وبيحطه رجل على رجل و نظراته كلها شك
نسمه بارتباك:تحب اجهز لك الغدا
أسد ببرود ونظرات مخيفه :اتغديت في الشغل
نسمه:اه طب هتاخد شاور؟
أسد وهو بيسند ايديه على المكتب و بيقرب منها بنظرات
: تعرفي انا بحس بالحاجه الغلط لما تحصل…. بس على العموم هستناكي تحكيلي في اي
نسمه بلعت ريقها بتوتر و بترجع شعرها؛ مفيش حاجه عادي يعني
أسد ضحك بسخريه و سابها ودخل ياخد شاور
نسمه:احيه احيه احيه هعمل اي دلوقتي يخربيت ام الاحساس اللي عندك دا يا اخي
بعد مده
اسد:صحيح انا وانتي وتاليا هنسافر مرس علم بكرا
نسمه:مرسي علم؟
اسد:عندي شغل هناك و مش هقدر اسيبكم لوحدكم
نسمه :اوكي بقولك تعالي نتفرج على اي فيلم سوا….. اي الملل دا لسه بدري
اسد:انا عايز انام شوفي انتي لو حابه
نسمه بهمس :واحد بارد
أسد بابتسامه : هوف اطلعي شوفي مسلسل لحد ما اخد دش
بعد شويه نسمه اخدت لحاف و قعدت جانبه و شغلت مسلسل العهد
نسمه:ها
اسد:اي
نسمه:الجو ساقعه…. الغطا دا لينا احنا الاتنين على فكره
اسد ابتسم و ظبط قعد جانبها و اخدها في حضنه و كانوا بيتفرجوا على المسلسل و سط كلم نسمه واسد عن نفسهم
لكن أسد كان مقتصر كلمه
على تالين مش بيحكي اي حاجه عن امه او ابوه او خلود
بعد شويه أسد لحظ انها نامت وهي بتاكل الفشار لسه في بوقها……
اسد بهمس : لو خلصت المهمه دي و قدرت اخد حق اهلي وقتها هيكون لينا ليله اقدر احكي عن كل اللي عشته لكن النا”ر اللي جوايا مينفعش تنطفي لحد ما اجيب حقهم…. بس الاكيد اني مش هسيبك لاني حبيتك…… بكل اللي جواكي بحبك يا نسمه
ابتسم وشالها ودخل اوضته حطه في السرير وغمض عنيه و نام هو كمان لان داخل عن ايام صعبه……
***************************
عند لورا
سهي دخلت عليها اوضتها لقيتها رايحه جايه
سهي:في اي يا بت…
لورا:همو”ت يا ماما همو”ت… تخيلي بكلم مدرسه تالين عشان اسألهم عنها لقيتهم بيقولولي ان أسد اخد ليها اجازه… وانه هيسافر بكر مرسي علم مع تالين والسنيوره
تفتكري واخدها يقضي شهر عسل… دا معملهاش معايا…… شكل البت دي وقعته
سهى بخبث: هو دا المطلوب
لور:
لورا:ماما متشلنيش بقولك واخدها ورايح مرسي علم
سهى بخبث:يبقى دا انسب مكان ننفذ اللي خططناله وبكدا نخلص منها تمام و لو أسد مصدقش اللي هنعمله وقتها الرجاله يخلصوا عليها
لورا:انا خايفه أسد ممكن يطربا الدنيا عشان تالين
سهي:و احنا هنعوز اي اكتر من كدا بس يطربئها فوق دماغها… احنا لازم نروح مرسي علم احنا كمان جهزي حاجتك
لورا:حاضر…..
***********************
عند لارين
لارين :ماما ارجوكي اسمعيني انا عارفه ان اللي اتقال دا صعب لكن ابوس ايدك اسمعيني
شهد بتنهيده:في اي يا لارين.. هتبرري موقفك بايه
لارين بدموع:هحكيلك كل حاجه
بعد دقايق
شهد : وانتي ليه محكتليش من اول ما خطفك جايه تحكيلي دلوقتي بعد ما بقيتي مراته
لارين :كنت خايفه و الله العظيم
شهد:و عايزني اعمل اي دلوقتي… عارفه لو فات حتى شهر على جوازكم كنت قلت ماشي و اخدتك من ايدك و رحتي عملتيه في بلغ كمان لكن لا يا لارين…. دي فضيحه يا بنتي…. المفروض انا اعمل اي دلوقتي.. الناس هتفكر فيكي ازاي
لارين:يعني اي؟
شهد:هترجعي معه مؤقتا لحد ما يعدي فتره لو ما اتعدلش و فضل زي ما هو هتطلبي الطلاق وانا وقتها هبقي في ضهرك
لكن يمكن ربنا يهديه يا بنتي… و انتي ممكن تغيريه… انتي متعرفيش ابوكي كان بيعاملني ازاي بس اول ما حملت فيكي و الله اتغير خالص
لارين :انتي بتضحكي على نفسك و لا عليا هههه انا اصلا مستحيل اسمح اني ابقى حامل من واحد زيه
سابتها ودخلت اوضتها وهي منهاره لكن اخدت قرارها……
**************************
في الشرقيه
فارس:ماما انا تعبت…. كدا عشر بنات و مفيش ولا وحده عجباكي…. مع ان انا شايف ان معظمهم مناسبين
مدام كوثر بخبث: وانت مالك هي هتبقى المرافقه بتاعتي ولا بتاعتك
فارس بشك:هو انا ليه حاسس ان في حاجه بتدور في دماغك يا ست الكل
كوثر وهي بتحرك الكرسي بعجل: مفيش حاجه انا بس عايزه بنت كويسه و محترمه مش اكتر من كدا…. وبعدين ايه تحب اكلم وريث يجي هو يشوف البنات
فارس بسرعه:لالا لا خالي وريث بيه في اشغاله انا معاكي يا ست الكل
كوثر:ايوه كدا اتظبط
نقدر نقول من بكرا الروايه هتو”لع على الكل
في بدايه يوم جديد
أسد كان بيسوق عربيته وطالع على مرسي علم
نسمه و تالين كانوا بيتصوروا طول الطريق
لكن نسمه لاحظت شرود اسد
لتقول بهمس:انت كويس
أسد بابتسامه جانبيه :متخافيش انا كويس
متعود على كدا عادي يعني
نسمه:بس في فرق بين متعود و بين انك تكون فعلا كويس
اسد:فعلا بس لمآ اخلص المهمه دي جايز وقتها ابقى كويس فعلا
نسمه بابتسامه :ان شاء الله هتخلص على خير
اسد بتنهيده قويه:ان شاء الله.
بعد كم ساعه
في الغردقه او بالتحديد مرسي علم
تالين كانت نامت…. أسد كان حجز جناح في الفندق اللي متوقعين ان كارولين و الياس هيكونوا متوجدين فيه
نسمه دخلت نيمت تالين و رجعت لاسد
اسد بلهجه لا تقبل النقاش:اقعدي يا نسمه
نسمه بلعت ريقها بتوتر لأنها عارفه النبره دي
:نعم
قالتها وهي بتقعد ادامه بخوف
أسد بابتسامه : على فكره مش هاكلك….
نسمه المهمه دي بالذات انا ممكن اضحي بحياتي في مقابل انها تكمل
نسمه بسرعه :بعيد الشر عليك
اسد بابتسامه جانبيه : من يوم مآ اتقابلنا و انتى مشوفتيش معايا اي حاجه تشفعلي عندك
كنت هحر”ق ايدك ب الاسيد….. و بسببي كنتي هتمو”تي لما هجم عليا ناس تبع شغلي…. لو جرالي حاجه.. انتى وقتها حره من العلاقه دي….. بس عايز منك حاجه
نسمه : ايه
أسد :تالين….. انا معنديش حد اثق فيه يقدر يحمي تالين…. والدتها اتسببت لها بعقده مقدرش اسيبها ليها…. حتى عدنان ابن خالي هو كمان مشغول…. عايزك تخلي بالك عليها و لو حتى من بعيد..
تالين مينفعش تبقى مع لورا….
مسكت ايديه بلهفه و صدق:ليه بتقول كدا
أسد :لان دي حر”ب و انا ليا تار و مش هسيبه….. و لو فيها مو”تي…. الموضوع بيهدد أمن الدوله عشان كدا عايزك تكوني مع تالين…
نسمه :متخافش عليها و بعدين انت مش هتسيبنا…. انا وتالين محتاجينك
اسد فضل يبصلها بتدقيق و بسرعه قام خرج من الاوتيل خالص……
في شقه بعيده جدا على البحر
سوليمن (ظابط في المطار) : كارولين هتوصل مرسي علم النهارده طيارتها الساعه سبعه
اسد :الياس اكيد هيظهر في المطار
سوليمن:بس انا مستغرب ازاي جايه مصر بطريقه شرعيه و هما اكيد متأكدين اننا منتظرينها وخصوصا انهم كشفوا الرائد سيف الله يرحمه…. و عرفوا اننا كنا زرعينه عندهم
اسد بجديه وهو بيبص لصور كارولين والياس :لأنهم فاكرين ام سيف ما”ت قبل مآ يبلغنا المعلومات اللي عنده
سوليمن:هو….
اسد: المصريين مش بيمو”توا بالساهل كدا
سوليمن:يعني هو لسه عايش…
اسد:وحياتك لسه في تركيا و هو و مجموعته اللي بلغونا بمعاد وصول كارولين
سوليمن: أسد الكل متخوف منك في الاداره
اسد :ااامم بمعني
سوليمن:كلهم عارفين انك عايز الياس عشان هو الوحيد اللي عارف مين الخا”ين اللي اتسبب في مو”ت الرائد احمد الهلالي و د”بح مراته
أسد غمض عنيه وهو بيضغط على ايديه
سوليمن:يبقى كلامهم صح انت اللي يهمك الياس….. لا يا أسد بيه فوق… كارولين جايه وهم ناوين على د”مار
كارولين جايه و معنى كدا الانفجا”رات اللي هما بيخططوا ليها قريب اوي
كارولين جايه و اكيد هتجهز كل حاجه لدخول السلا”ح مصر…
اسد بجديه ممزوجه ببروده المعتاد:عارف و مش ناسي دا…. و عمري مآ هقصر في شغلي
لأن التقصير دا تمنه أرواح ناس مالهش ذنب… تعالي بقى اقولك دورك اي في المطار لمآ هي تظهر
سوليمن:ياله
………
بعد ساعه ونص تقريبا
في الاوتيل
أسد بيفتح اوضته لقى تالين في وشه
أسد :في اي؟
تالين:بابا انا عايزه بصراحه يعني انزل البحر بليز
اسد:تالين انا مش فاضيلك دلوقتي ادخلي العبي مع نسمه
تالين بعناد:لا انا عايزه انزل البحر
أسد بعصبيه :تااالين اسمعي الكلام
تالين خافت جدا منه وجريت على نسمه
نسمه:ههش بتعيطي ليه بس هو اكيد عنده شغل هيخلص و هتنزلوا سوا
تالين بدموع:هو هو بيزعقلي ليه انا عايزه ارجع البيت مس عايزه افضل معه
أسد :تالين انتى بتقولى اي
تالين بخوف : انا اثفه…..
اسد اخد نفس عميق :طب اجهزوا ياله هننزل شويه
تالين بسعاده:بجد…. انت احلى بابي في الدنيا
اسد شالها و بأس راسها :وانتي اجمل بنوته في العالم دا كله….. ياله اجهزوا هننزل دلوقتي
تالين بسرعه نزلت وراحت لنسمه :ياله بثرعه
بعد نص ساعه
اسد و تالين كانوا في البحر و نسمه قاعده على الشاطي بتتفرج عليهم و سرحانه
لحد مآ سمعت صوت منبه الرسايل لتليفون أسد كان عندها فضول تفتحه
مسكت الموبيل بتوتر وهي بتبص لاسد اللي بيعوم و بيعلم تالين السباحه
فتحت الواتساب و كان لورا هي اللي باعته مسدج
نسمه حسيت بالغيره و فتحت الشات
كانت لورا باعته صوره ليها مع أسد ايام مآ كانوا لسه متجوزين وواضح ان دا في بدايه جوازهم و أسد حاضن لورا
نسمه بدون لحظه تفكير رمت التليفون في المايه لكن بدون قصد
لورا كانت بتراقبها من بعيد بسرعه مسحت الصوره من عندها هي واسد و فضلت تضحك وهي عارفه ان أسد هيتعصب لأنها مسكت موبيله اصلا
نسمه اخدت بالها من الموبيل و بسرعه بتشيله لكن كان المايه بوزته (خر”ب)
:يلهوي يلهوي هعمل اي دلوقتي لو عرف هينفخني
اسد بيطلع وهو شايل تالين على كتفه و بيضحك
تالين:نثمه نثمه مث هتنزلي معانا البحر
أسد بسرعه :هنا لا
نسمه لاحظت ان في ناس موجوده حواليهم لكن مش عارفه هتقوله ازاي انه بوزت موبيله
اسد باستغراب :ماسكه الموبيل بتاعي لي؟
نسمه عيونها كانت بتلمع بالدموع وهي بتمد ايديها ليه بالموبيل
اسد :في اي؟
اخد موبيله و بيحاول يفتحه لكن اتقفل
اسد فجأه عيونه بقيت تطق شرار لان الموبيل فيه معلومات هو محتفظ بيها
اسد بعصبيه و صوت جهوري :لللللليييييهههه انتى غبيه انتى فاهمه عملتي اي؟
نسمه بخوف :مكنتش اقصد والله
أسد وهو بياخد التيشيرت بتاعه وبغضب:اطلعي الاوتيل لان مضمنش ممكن اعمل فيكي اي دلوقتي
سابهم ومشي
تالين وهي بتمسح دموعها :خالث متعيطيش يا نثمه
نسمه:مكنتش اقصد
تالين:خالث يبقى مث تعيطي بابي اكيد هيصلحه…. ياله بينا نمشي بقي
نسمه:ياله
بتقوم بتمسك ايد تالين و بتروح الحمام بتغير لتالين هدومها ويمشوا سوا
عند لورا
لورا:هي دلوقتي لوحدها نفذا
شخص :تومري
بعد شويه
بتيجي عربيه و فيها كذا شخص واحد منهم بينزل و بيشد تالين و بيكون شكله مخيف عنده ند”ب في وشه مشو”ه
نسمه بصر”اخ:سيبها انت مين؟ حد يلحقناااا…. الراجل كان بيشد تالين من نسمه لكن هي ماسكه فيها و مش عايزه تسيبها
الشاب اتعصب و ضر”ب نسمه بحركه غبيه على رقبتها اخد تالين اللي بتعيط بصوت عالي و هي بصه لنسمه
الشاب شال نسمه و حطها في العربيه و
اتحرك لمكان مجهول
في الصحراء الشرقيه غرب البحر الأحمر
بعد اربع ساعات تقريبا
بينزلوا من العربيه و الشاب شايل تالين و واحد تاني شايل نسمه
بيدخلوا المخبا بتاعهم كان بيت من الحجر في الصحراء مفيش حواليه اي حاجه تدل على الحياه
الشاب بينزل لمكان زي البدروم بيحط نسمه و بيجيب حبل و بيربط ايديها و رجليها باحكام
و بيطلع من المكان و بقفل عليها
في اوضه تانيه بتكون تالين موجوده لكن اوضه نضيفه و مترتبه
الشاب جاله اتصال من لورا
لورا بغضب جحيمي :انت غبي غبي ليه خط”فت لبنت الكبيره احنا اتفقنا انك تخط”ف الطفله بس
الشاب:يا مدام البت دي فضلت تصر”خ وكانت هتودبنا في دا”هيه
لورا بعصبيه:كنت اضر”بها رش عليها أي حاجه لكن كان لازم تسيبها انت باللي عملته دا بوظت خطتي يا غبي
الشاب:حضرتك تومري باي دلوقتي
لورا:مش عايزه حد يقرب من تالين انت فاهم هكملك تاني
قفلت موبيلها وهي متعصبه منه
سهي:عمل اي
لورا:خط”ف نسمه كمان
سهي:بس مش دا اللي اتفقتوا عليه كان لازم نسمه تفضل موجوده عشان أسد يشيلها مسئوليه اختفاء تالين وساعتها متعرفيش ممكن يعمل اي… دا كان ممكن هو اللي يقت”لها بايديه
لورا:هنعمل اي دلوقتي يا ماما
سهي: البت دي لازم تختفي خالص و نبقى خلصنه منها
لورا :لازم نستنى شويه نشوف أسد هيعمل اي…..
***************
عند تيا
كانت خارجه من الكليه لكن وقفت لمآ موبيلها رن وكانت مرات خالها
تيا باستغراب:ودي عايزه مني اي بقى…
فتحت المكالمه
تيا:ازيك يا مرات خالي…
سميحه بخبث:ازايك يا بنت غاليه كيفك
تيا:بخير الحمد لله… في حاجه ولا اي
سميحه:جدك تعبان جوي و عايزك يا بتي
تيا بسرعه:ماله انا مكلمه امبارح كان كويس انا انا هجيلكم الصعيد حالا
سمحيه بخبث اكبر:انا بعتلك السواق عشان يبجيبك بدل المرمطه دي هيوصلك انتي فين
تيا بخوف:انا في الكليه….
سميحه:السواق جريب منك اجولك استنى عندك و هو هيجي ياخدك هو عشر دقايق أكده و يكون عنديكي
تيا:حاضر حاضر هستنا بس طمنيني جدي ماله
سميحه:تعبان جوي و جال انه لازم يشوفك
تيا:طب انا مستنيه السواق هنا مش هبعد
سميحه بابتسامه خبيثه:في حفظ الله
تيا لسه هتكلم عدنان في موتسكل عدي من جانبها بسرعه وشد الموبيل منها
تيا بصر”اخ:حررراااااااااامي
كان في كم شاب وقفين طلعوا يجروا وراه لكن تيا فضلت واقفه مش عارفه تعمل اي لكن بيكون السواق وصل
تيا ركبت معه بدون لحظه تفكير و هي خايفه على جدها
……………..
عند اسد
كان فقد الأمل من ان الموبيل يتصلح و دا مخليه مش شايف ادامه لان عليه معلومات مهمه
رجع الاوتيل و طلع الجناح بتاعه وعيونه بتطق شرار حرفيا
اسد بزعيق :اااانتي يا هااااانم…. ننننسسمه
انتي يا ز”فته…. تالين
استغرب لمآ دخل و ملقاش لا نسمه ولا تالين موجودين المكان زي ماهما سبوه قبل مآ ينزلوا البحر
قلق ونزل بسرعه لموظفين الاستقبال
اسد :مراتي و بنتي مرجعوش.
الشاب:لا يا أسد بيه محدش رجع من وقت مآ خرجتوا
اسد:ااااااايييه…….
بنت في الاستقبال:تليفون لحضرتك يا أسد بيه
اسد بسرعه اخد التليفون و كان سوليمن
اسد:مين؟
سوليمن:أسد ليه موبيلك مقفول.. الياس ظهر
اسد:حد يفضل وراهم مش عايزهم يغيبوا عن عنينا
سوليمن:انت كنت هتعمل المهمه دي في اي… حصل حاجه؟
اسد قفل معه بكل برود لكن جواه بركان من الغضب على وشك الانفجا”ر
…………..
عند لارين
شهد:جهزي نفسك. جوزك هيجي بليل عشان يردك ونخلص من الحوار دا بقى لان الناس بدأت تتكلم
لارين بكذب:حاضر يا ماما
شهد:هنزل اتسوق مش هتاخر
لارين:خالي بالك على نفسك
شهد مشيت و لارين بسرعه طلعت شنطت ضهر و حطت فيها كل أوراقها و اخدت معها فلوس
دخلت غيرت هدومها و جهزت نفسها انها مستحيل تبقى ضعيفه وتقبل ترجعله
بعد مده
كانت راكبه تاكسي وطالعه على المحطه وهي مش عارفه هتروح فين لكن ضروري انها تروح مكان بعيد عن القاهره
راحت عند شباك التذاكر تسال
لارين:لوسمحت
الموظف:نعم
لارين:هو قطار اي اللي طالع دلوقتي
الموظف:في واحد هيطلع على اسكندريه وواحد على الشرقيه
لارين لنفسها:لو روحت اسكندريه اكيد ماما ممكن تعرف اني هناك و كمان الشرقيه مش متوقعه
لارين:طب عايزه تذكره للشرقيه فرد واحد
الموظف:ب….
لارين:اتفضل
اخدت التذكره وراحت علي مكان القطار و هي ان حد يعرف مكانها
بعد مده طويل
كانت نزلت الشرقيه و هي متعرفش حد فيها ووقتها كان الجو ليل
كانت خايفه لأنها نزلت في منطقه زراعيه و كل الأرضي حواليها مزروعه دره
الفلاحين نفسهم بعضهم بيخاف يكون متواجد بليل في المكان دا
لارين بلعت ريقها بصعوبه و هي ماشيه لحد ما حسيت بصوت وراها… كان في عمود النور لكن اللمبه بتاعتها بتقطع
لارين فجأه وقفت مرعوبه وهي شايفه خيال شخص ممتد ادامها مقدرتش تدير تشوف مين وخصوصا انها حسيت ب عشه غريبه وووووو
