محمد بصـ، دمه: هو لعب عيال ولا ايه؟! انتى لسه فكرانى مراهق زى حضرتك وهقعد احب فيكى واسهر طول الليل ابعتلك رسايل واجبلك دبدوب في الفلانتين؟!!! اعقلي شويه وأفهمى طبيعه الوضع اللي احنا فيه دلوقتي لو سمحتى واوعدك ياستى هزود مصروفك وهجبلك اللي ماكنتيش تحلمى بيه ها قولتى ايه؟!!
ساره باشمـ، ئزاز: تصدق الكلام معاك تضيع وقت ومش هسمح لك تتعامل معايا بالاسلوب ده انا مش للبيع ياباشمهندس
انا لو كنت عايزه الفلوس وبس كنت وافقت على صاحب سلسله المحلات اللي كنت بشتغل فيها عرض الجواز اكتر من مره ووعدنى بشقه راقيه هتتكتب باسمى وحساب في البنك كان عايزنى زوجه تانيه بس انا رفضت …
رفضت وقلت لازم اتجوز انسان يحبنى واحبه
وابنى معاه بيت حياه تقوم علي الحب والاحترام والتفاهم ويعوضنى بحنانه عن قسوه الايام اللي عشتها
البنت الفقيره مش لازم يكون كل هدفها الفلوس ياباشمهندس لحظه احساسها بالامان مع الإنسان اللي اختارته لحظه مايحسسها بقيمتها ويقدر وجودها في حياته
احسن من فلوس الدنيا كلها انا كتبت لحضرتك تنازل عن كل حقوقي والشبكه حطتها في دولاب حضرتك. والهدوم والحاجات اللي جبتوها عندكم
تقدر بسهوله تشوف واحده تقوم بالمهمة دى
كل ده ومحمد بيبص لساره ومذهول قد ايه المراهقه الصغيره دى ادته درس قاسي اوى وكسرت غروره
محمد بندم: انا آسف يا ساره
بجد دى اول مره اعتذر لحد في حياتى
وساره ساكته والدموع بتنزل على خدها بغزاره
محمد: انا حاسس انى استعجلت في الحكم عليكى ممكن تدينى فرصه ثانيه نبدأ فيها من جديد ممكن يا ساره؟! وانا فعلا أسف جدا ع اللي حصل إمبارح…
ساره حست انها مترددة ومش عارفه تعمل إيه ترجع بيت أهلها زى ما قالت ولا تحاول تكمل معاه وخاصة ان أهلها ممكن هما اللي يصروا علي رجوعها تانى لو مشت خوفا من كلام الناس
ساره بتردد :هحاول بس مش عشانك عشان خاطر اهلي اللي ممكن مايتحملوش صدمه طلاق بنتهم يوم صباحيتها
بس انا مش هقدر اعاملك كزوج حاليا لحد مااحس انى متقبلاك لان صورتك عندى دلوقتي مش حلوه!!!
ابتسم محمد لانها عادت له نفس الجمله اللي قالها لها امبارح بالليل
محمد: ماشي يا ستى حقك
بعد كام ساعه جه والد ساره والدتها واختها يطمنوا عليها والفرحه باينه علي وشهم ماحبتش تضايقهم وتحكى لهم حاجه من اللي حصلت ومثلت عليهم دور السعاده باحتراف
وعدى الأربع أيام واحنا مشغولين بالتجهيز للسفر أو قاعدين مع أهله وبصراحة كنت مبسوطه جدا بوجودى مع ماما زهراء وزينه اخته وكانت معاملتهم معايا كويسه جدا
اما بالنسبة لي أنا ومحمد فالوضع كان هادىء جدا لدرجه البرود زى لوح الثلج كل واحد فينا كان بيحاول يشغل نفسه بأى حاجه الثانى مايكنش فيها ولا له دعوه بيها وكأن كل واحد فينا في عالم لوحده
????????????
وجت اللحظه الصعبه وانا بسلم علي أهلي واودعهم لمصير مش عارفاه
هعيش بلد غريبه مع زوج غريب كنت خايفه بس توكلت على الله ودعيت ربنا يكتب لي الخير
أول ماركبت الطياره كنت مرعوبه لكن محمد طمنى لحد ماوصلنا وركبنا لحد شقتنا
كنت مرهقه جدا من السفر دخلت خدت شاور وخرجت وقلت له: الحمام فاضي اتفضل تحب اساعدك في حاجه؟!
محمد : لا متشكر
اتعشينا ونمنا من التعب وإرهاق السفر
تطبيق الواتباد- اقرأ، اكتب، تواصل
لقيته بيصحينى الصبح بدرى افتكرته هيخرجنى نتفسح زى ماما زهره وعدتنى وتخيلت اننا هنبدأ شهر العسل ع الاقل بكام يوم أجازه نتفرج فيهم على البلد دى ونقضى وقت حلو بره يساعد اننا نقرب من بعض و نزيل الفجوه الرهيبه اللي بينا لكن كل ده كان سراب وأوهام في دماغي أنا بس وهو كان له خطط تانيه خالص
اتفاجأت لما لقيته بيطلب منى اساعده في لبسه عشان يروح الشغل
اتصدمت بس مابينتش وكتمت جوايا اختار بدله شيك جدا بدأت البسه الشراب واقفله زراير قميصه وانا متوتره ومحروجه ومابصتش في عنيه خالص خلصنا اللبس
.
جهزت له الفطار أكل ونزل من غير ولا كلمه
وانا قعدت افكر هعيش ازاى مع البنى آدم الغريب ده
ازاى مش حاسس بيا خالص للدرجه دي و انى اول مره اكون في مكان جديد عليا زى ده ومشى من غير حتى مايفهمنى حاجه أو الدنيا هتمشى معانا ازاى
وافتكرت اننا ماجبناش حاجه للغداء يدوب جبنا امبارح حاجات خفيفه للفطار والعشاء
بعد ساعتين لقيت التلفون بيرن استغربت في الأول وبعدين فهمت أنه اكيد هو
ساره: ألو السلام عليكم
محمد: وعليكم السلام،ايوه ياساره انا هجيب الغداء وأنا جاى ماتشغليش بالك
ساره : تمام
محمد: طيب سلام يا ساره دلوقتي عشان معايا شغل
ساره: مع السلامه
وانشغلت انا وبدأت أفضى الشنط وارتب هدومنا والحاجات الخاصة بينا….
لحد لما رجع ومعاه الغداء
محمد: عاملة إيه النهارده
ساره بنبرة خاليه من أى مشاعر: كويسه!!
دخل الأوضة لقى سارة رتبت هدومه وكل حاجته الشخصية
محمد: ساره!!!
دخلت ساره الأوضه لقيته واقف قدام الدولاب وبيدور على حاجه
ساره بتوتر: تحب أساعدك في حاجه؟!
محمد: أيوة .. بصراحة انا مش عارف ترتيب الهدوم وخايف الخبطه بعد الترتيب الجميل ده…ممكن تخرجى لى طقم عشان آخد شاور
.
قربت سارة ناحيه الدولاب اما محمد ففضل واقف ولما وصلت عنده
محمد: ها.. عرفينى بقى انتى حاطه كل حاجه فين بالضبط
بدأت ساره تشرحلى وهى حاسة بالتوتر من قربها منه لحد التلامس…وبعد كده خرجت له
هدومه
محمد: متشكر يا سارة
خرجت سارة من الأوضه وبدأت تجهز السفرة
وتستناه عما خلص ورجعلها
سارة: اتأخرت ليه كده؟! كان فى حاجه اساعدك فيها؟!!
محمد: لا أنا بعرف اخلع الهدوم كويس بس أنا بحب أطول شويه فى الشاور بعد الشغل
بحاول استجم شويه….
………
اتغدينا ودخل هو مكتبه وفتح اللاب وقعد يشتغل عليه
وانا فضلت قاعده حاسه بملل وزهق ومش عارفه اعمل ايه؟؟؟!!!
بعد شويه لاقيته بينادينى
ساره: أيوه يامحمد في حاجه؟!!
قالي: جهزى نفسك عشان خارجين بعد شويه
ساره بفرحه: هنروح فين؟!!!
محمد: واحد زميلى مصرى عزمنى على العشا حاولت اعتذر اصر
ساره في نفسها: عزومه كمااان يعنى مش من نفسك!!!!
محمد: انا بصراحه مش بحب جو السهرات ده بس احرجنى بالحاحه ع العموم مش هنطول
ساره بخيبة أمل: ماشى
محمد: بالحق ياساره نسيت اعطيكى خط التلفون ركبيه في الموبايل ماما عايزه تكلمك وتتطمن عليكى..
.
وفعلا بعدها بدقائق ماما زهراء اتصلت وفضلت ادردش معاها هى وزينه لحد ما محمد قالي أجهز نفسى عشان نخرج
????????????
ساعدته في لبسه ولقيته واقف مكانه استغربت
ساره: لو سمحت اتفضل
محمد: اتفضل ايه؟!
ساره: اتفضل اخرج عشان اغير هدومى
محمد بعند: مش هخرج !! ما غيرت قدامك
عادى ….قرب منها ومسك دراعها وهمس: هو مش أنا أبقى جوزك ولا إيه؟!
ساره بعناد مماثل: لا أنا الشغاله اللى جبتها بفلوسك…..بعد إذنك سيب دراعى
محمد بغيظ: بقى كدة ياساره براحتك…وساب دراعها
اخدت ساره هدومها ودخلت الحمام لبست وخرجت من غير ماترد عليه وهو واقف بيبصلها وهى متجاهلاه ولبست طرحتها
ساره: انا خلصت يلا بينا
وصلوا للمطعم وقابلوا زميله خالد اللى رحب بيهم بحفاوه
خالد حمدالله على السلامه يامحمد نورتى انجلترا يامدام ساره
انا ومحمد زمايل من ايام الكليه وديما كنا بنتنافس بس محمد كان ديما بيغلبنى
ابتسمت له ساره وسكتت لكنها لاحظت نظراته الجريئه ليها بشكل ضايقها وحاولت تنشغل في الحوار مع سها مرات خالد
ساره اخدت بالها ان سها متحرره بزياده من طريقه لبسها ومكياجها وماحستش بألفه كبيره معاها بس كان لازم تجارى الموقف لحد لما تعدى السهرة على خير
.
سها: ان شاءالله تعجبك القعده هنا ومن هنا ورايح اعتبرينى اختك
ساره ببرود: تسلمي حبيبتي..
وبعد العشاء طلبت سها من ساره تروح معاها التواليت تظبط مكياجها فساره ماصدقت عشان تهرب من نظرات خالد ليها
خالد: يااخى نفسى مره اغلبك في حاجه ديما معقدنى في الدراسة و الشغل وحتى في الجواز افتكرت انى غلبتك واتجوزت قمر لقيتك داخل عليه بالشمس والقمر في بنت واحده وقعتها ازاى دى ياجامد؟؛!!!… يتبع
الجزء الخامس من هنااااااا
.
.
.
.
