.
.
.
.
خرج مراد من الجامعه ليذهب الي شركته ليقابل عمه فقد قرر عمه التقاعد وتسليم امور الشركه لمراد ابن اخيه بعد ان رجع من تركيا فمراد كان يدير المشاريع في تركيا ويدرس بها ولكن مع الحاح عمه عليه وشعوره بكبر سن عمه رجع الي القاهره وايضا ليحقق انتقامه ولكن في طريق خروجه
من الجامعه
وجد ريم تقف مع صديقاتها وسمع كلامهما بغير ان يشعروا
نهي: يا ريم لازم تروحي للدكتور الجرح ده لازم
يتخيط وبعدين انتي نزفتي دم كتير
ريم بلا مبالاه نهي بقولك ايه انا مش فاضيه لشغل العيال ده انا عندي شغل ومش عاوزه اتاخر المدير منبه عليا
اروح في معادي
نهي شعل عيال انتي يابنتي هبله شغل ايه مينحرق الشغل يابنتي دمك هيتصفي
ريم بضحك لا متخافيش عندي منه كتير وبعدين يا ستي متزعليش وانا رايحه الشغل هفوت علي اي صيدليه اربط الجرح لحد اما اروح باليل من الشغل
نهي بياس براحتك ياريم انا عارفه اصلا ان محدش هيقدر عليكي بس تعالي هنا مين الي عورك كدا
ريم بهدوء قصت لها كلما حدث
نهي يخربيتك يا ريم حد يعمل كدا وبعدين
دا الدكتور مراد موز يخربيته ياريتني كنت انا دا الجامعه كلها بتستني اشاره منه ولا حتي نظره وانتي عاوزه تقطعي ايدو منك لله يا شيخه وظلت نهي تتحدث عن مراد ومدي وسامته
ريم بغضب نهي الكلام له حدود انا مليش دعوه لا بشكله ولا غيره ولا يفرق اصلا وعيب اوي كلامك ده دا الدكتور بتاعنا يعني علاقتنا بيه علاقه منهجيه وبس
نهي وهي تزم شفتيهاهتفضلي طول عمرك قفل
ضحكت ريم علي كلمه نهي بشده خلاص يا نهي سلام بقي عندي شغل وذهبت سربعا الي عملها
اما مراد فقد انطلق الي الشركه وورائه حرسه الخاص ويفكر في كلامها من تلك الفتاه التي لا يؤثر بها ولا يفرق معها فهو لطالما شاهد نظرات الاعجاب من الفتيات ولكنه يبادلهم بنظره احتقار فهو يكرههم بشده فما زالت تلك الذكري في عقله عندما كان شاب في الخامسه والعشرين يعشق فتاه اسمها غاده كان قد تخرج حديثا من كليه الهندسه ولكنه رفض العمل مع عمه رغم ان لها عدد اسهم كبير في تلك الشركه ولكنه قرر البدء من الصفر اما غاده حبيبته عندما علمت ذلك تركته وتزوجت رجلا غيره لحصوله علي فرصه عمل في امريكا واعتذرت لمراد بانها لا تستطيع ان تكمل حياتها معه ومن ذلك اليوم اقسم علي الانتقام من ذلك الرجل الذي اخذ حبيبته واصبح يكره جميع النساء يعتبرهم مثل الاحذيه التي يرتديها ولا يحتاج لهن الا في قضاء شهوته معهن فقط ولا يميل لاي منهن ولكنه تذكر الموقف الذي دار بينه وبين ريم وابتسم بدون ان يشعر وصل مراد الي الشركه ونزل من سيارته الفارهه وخلفه الحرس الخاص ودخل الشركه وجميع من فيها يحيه بخوف واحترام حتي وصل الي مكتب عمه
مراد ازيك يا عمي ايه اخبارك
احمد :وهو عم مراد في الستين من العمر له بنت واحده اسمها( لميس) وهي تعشق مراد ولكنها فتاه سيئه الطبع
احمد الحمد لله يابني انك اخيرا جيت وهتفضل هنا انا تعبت يابني وعاوز ارتاح بقي اليومين الي فاضلين ليا
مراد بعد الشر عليك ياعمي ولا يهمك
احمد اسمع يابني اناهسيبلك الشركه وفي هنا السكيرتيره بتاعتي بنت ممتازه وشاطره في الشغل اوي
مراد بشيء من الغضب يعني مفيش راجل انتا عارف يا عمي
احمد سريعا يابني الله يهديك الموضوع ده عدي عليه سنين عيش حياتك بقي و عندما لاحظ احمرار وجه مراد من الغضب حاول تغيير الموضوع سريعا فهو يعرف اذا غضب مراد ماذا سيحدث فلو تملك منه الغضب لا يشعر بنفسه حتي وان احرق الدنيا باكملها استني انا هعرفك عليها ثم رفع سماعه هاتفه
احمد ايو يا سحر هوا انتي اللي موجوده اومال فين ريم
انتبه مراد لذلك الاسم ولكن لم يعلق
سحر————
احمد طب يا بنتي مقالتش حاجه طيب خلاص لما تيجي دخليها علطول ثم اغلق الهاتف
مراد مين دي يا عمي
احمد بعد ان قص علي مراد حكايتها كلها ثم اضاف بنت ممتازه يا مراد انا بعتبرها زي لميس بالظبط وهنا انفتح الباب وظهرت ريم
مراد في نفسه هوا انتي اهلا بيكي
ريم وقد رات مراد ولم تهتم وانما قالت وكانه ليس موجود انا اسفه يا احمد بيه اني اتاخرت انا اتصلت بسحر وسيبت عندها خبر
احمد وهو ينظر ليدها خير يا بنتي ايدك مالها
ريم بلا مبالاه ولاحاجه حادثه بسيطه
احمد طب يابنتي مخدتيش النهارده اجازه ليه وقبل ان تنطق ريم
مراد اجازه ايه ايه الدلع ده اتفضلي روحي هاتي ورق الشركه اراجعه
احمد براحه يا مراد في ايه ثم نظر الي ريم معلشي يابنتي هوا علطول كدا مراد هيبقي المدير بتاعك من النهارده انا همشي وانتي هتقعدي معاه تفهميه الشغل
ريم امر حضرتك يا فندم ثم انصرفت لتحضر اوراق الشركه وهي تتمتم في نفسها يعني مفيش غير ده ربنا يستر
احمد انا همشي يا مراد الله يكرمك البنت دي امانه في رقبتك وخليها تروح بدري عشان الجرح الي في ايديها هيا عامله نفسها قويه بس جسمها ضعيف جدا ثم تركه وذهب
اما مراد فقد شعر بالسعاده فهي الان تحت يده يفعل بها مايشاء
دلفت ريم الي المكتب وبدات في التكلم حضرتك دا ورق الشركه والعقود بتاعتها والحسابات
مراد اعملي فنجان قهوه اراد ان يزلها ويكسرها ولكنه فوجيء ترد بمنتهي الهدؤء
ريم بهدوء امرك يافندم اي اوامر تانيه
مراد لا وهو في نفسه يلعنها كيف هي هكذا تتحدث وكانها لا تعرفه كيف تفصل بين الجامعه وحياتهاالشخصيه والعمل
ريم اتفضل القهوه يافندم
مراد وقد اخذ جرعه من القهوه ثم القاها مراد بغضب ايه القرف ده انتي مبتعرفيش تعملي حاجه
ريم ووجهها متوجع ولكنها سرعان ما اخفته اسفه يا فندم معرفش حضرتك بتشربها ايه اجيب لحضرتك واحده تانيه
مراد ببرود لا اتفضلي اشرحي طبيعه العمل
جلست ريم تشرح العمل بالشركه وكافه العقود والمناقصات بدقه بالغه وسلاسه
اما مراد فمع اعجابه بذكائها الا انه لم يركز في اي كلمه مما تقولها ولكنها كان يركز في يدها التي كانت تنزف من اثر وقوع القهوه الساخنه عليها ولكنها تعمل تاركه يدها تنزف لم تتوجع او تتالم او حتي تستاذن منه لتوقف الدماء وبعد فتره من العمل
.
.
ريم وهي تنظر في الساعه حضرتك كدا خلصت شغلي ممكن امشي
مراد لا
ريم وقد بداء عليها الضعف يعني ايه لا
مراد يعني لا هتمشي ازاي وسابيه القرف ده واشار على الدماء التي علي المكتب والارض
ريم بضعف اكثر قد شعر به مراد ولكنها حاولت ان تبدو قويه اسفه يا فندم ثم قامت لتمسحه ولكنها وقعت مغشي عليها
فزع مراد عند روئيتها علي هذه الحاله ولكنه سرعان ماتمالك نفسه وحملها واضعا اياها علي الكنبه ثم استدعي الطبيب ثم مسك كوب ماء والقاه علي وجهها بالا مبالاه فقامت مفزوعه ولكنها تداركت نفسها وحاولت ان تبدو قويه
ريم اسفه للي حصل يافندم ثم قامت لتمسح الدم
حتي حضر الطبيب
مراد اتفضل يا دكتور الانسه اديها مجروحه
الطبيب بعد ان راي يديها الجرح ده من امتي يا انسه
ريم من الساعه ١١الصبح
الطبيب بدهشه كبيره ازاي دا كان لازم يتخيط بسرعه الجرح كبير وكمان انتي محتاجه نقل دم
ريم لا بس خيطه يادكتور
الطبيب باسف مينفعش لاني معييش مخدر
مراد مفيش مشكله يادكتو ر خيطه من غير مخدر الانسه هتستحمل
الطبيب لا طبعا تستحمل ايه الوجع هيبقي شديد ومش هتقدر تستحمله وانا مش هخيطه
ريم بحده وهي تنظر الي مراد بتحدي وكانها تخبره انها محصنه ضد الالم ولن يري ضعفها ابدا
دكتور ممكن خيط الجروح وابره
الطبيب اتفضلي ليه
اخذت ريم الخيط من الطبيب وظلت تخيط يدها بمهاره وبدون ان يظهر علي وجهها الالم وسط نظرات المدهوشه من الطبيب ومراد وما ان انتهت حتي اعطتهم للطبيب وشكرته وذهبت من الشركه
الطببب لمراد انا مش عارف عملت كدا ازاي دا الوجع ده الراجل مبيستحملهوش ما بالك بواحده ضعيفه زيها ثم ترك مراد وغادر
اما مراد فقد اقسم ان يجعلها تتالم لكي يري دموعها ووجعها مهما كان الثمن …..
#يتبع……
الجزء الثالث من هناااااااااااا
