رواية السم في العسل الجزء الخامس

رواية السم في العسل (كامله جميع الفصول) بقلم كوكي سامح

__فريحه قامت فتحت باب البلكونه وبصت منها
وبصدمه ( طنط ملك، طنط ملك)
ملك : فريحه!
في ڤيلا الدمنهوري..
” احمد نازل من ع السلم جري”
وكيل النيابه ل أحمد
( حضرتك كارم الدمنهوري)
قرب منه
( لا ي فندم انا اخوه احمد)
وكيل النيابه بيبص حواليه شمال ويمين
( بس فين استاذ كارم)
احمد بحزن
( للأسف من يوم وفاه والدي وهو مختفي)
( ومحدش يعرف مكانه)
وكيل النيابه
( يعني محدش فيكم يعرف عنه أي حاجه)
احمد
( للأسف لأ)
” شد الكرسي وطلب منه يقعد”
وكيل نيابه
” قعد وطلع سيجاره وولعها وخد اول نَفس”
( اكيد استاذ كريم بلغ حضرتك باللي حصل)

احمد بغضب
( ايوة قالي ان المجرم”ة منار اللي ق,تلت ابويا لقوه جث,تها مقت,وله ومرميه في الصحرا)
وبقبضه يد وزعيق
( فل,تت مني بنت الكل”ب)
” منار لابست روب ع جسمها وخرجت من الاوضه وهي بتتسحب ووقفت ع الداربزين بتسمع كلامهم”
وكيل النيابه
( ايوه احنا فعلا لقينا جثه الهاربه المتمهه منار وقاطعه كلام أحمد)
لما قرب منه
( وحضرتك عرفت مين اللي قتلها)
وكيل النيابه
( ما ده اللي انا جاي علشانه دلوقتي)
( وارجوك سبني اكمل باقى كلامي لان في غموض في الموضوع ومحتاج توضيح من سيادتك)
احمد بلهفه
( مين)
وكيل النيابه” حط رجل ع رجل ”
( مجهول اتصل وقال إن شاف الاستاذ كارم في مكان ما مع زوجته الهاربه ( المتهمه منار) وكان معاها بنت مجهوله الهويه وبعد مشاده ما بينهم
اطلق الرصاص ع منار والبنت اللي معاها وقام بدفنهم بعد ما قتلهم)
منار بابتسامه خباثه
( اخيرا خلصت منك ي سهر الكل”ب)

احمد بفزع وارتباك
( مستحيل كارم يعمل كده، لا لا)
وكيل النيابه ” طلع مسدس وحطه ع الترابيزه”
كريم بتوتر
( ده مسدس كارم)
وكيل النيابه ل أحمد
( ده مسدس كارم مظبوط)
احمد
( ايوة بس انا واثق ومتأكد ان اخويا ميعملش كده وخصوصاً انه كان زعلان ع مراته جدا ودخل في حالة اكتئاب وساب البيت واختفي بسببها)
وكيل النيابه
( ممكن بس تسبني اكمل كلامي)
احمد
( اتفضل)
وكيل النيابه
( الغريبه ي استاذ احمد ان اللي بلغنا قال انه قام بدفنهم بعد ما قتلهم وأثناء الدفن ارتبك ونسي المسدس جمب الجث”ث وطبعا بعد البلاغ قامت قوه لتحقق من الحادثه وأثناء المعاينه وجدنا جثث محرو”قه مشوه”ه ” مسك المسدس” ولقينا
مسدس استاذ كارم بجانب الجث”ث ده غير ان في واحده منهم لسه فيها الروح)
احمد
( منار لسه عايشه)
منار بذهول في نفسها
( ي نهار اسود مين فيهم اللي عايشه، وبصت لايدها، ده انا قتلتهم بإيدى واتأكد من موتهم بنفسى)

وكيل النيابه
( انا معرفش اذا كانت هي ولا لأ)
احمد
( ممكن تعرف من البصمه)
وكيل النيابه
( للأسف هي هربت قبل ما يتحقق معاها، هربت وهي رايحه النيابه، مفيش ليها اي إثبات عندنا يثبت انها منار ولا البنت المجهوله اللي معاها
لان وشها محروق ومش باين منه غير ملامح بسيطه والغريبه في الموضوع ان البنت اللي فيها الروح نفس مواصفات الهاربه إنما البنت المتوفية
لابسه هدوم منار)
احمد
( والمطلوب)
وكيل النيابه
( حضرتك تتفضل معايا تتعرف عليها وتقول لنا اذا كانت هي منار ولا لأ)
منار في نفسها ( انا اللي لازم اروح)
احمد ” كان لسه هيتكلم”
منار بصراخ ” نازله من ع السلم”
( انا ي أحمد اللي هروح اشوف اختي انا الوحيدة اللي هتعرف اذا كانت منار ولا لأ)
وكيل النيابه
( مين حضرتك)
منار
( انا اختها سهر تؤامها ومرات احمد الدمنهوري)
وكيل النيابه
( تمام اتفضلي معانا)
( بس في حاجه)

منار
( اي هي)
وكيل النيابه
( حضرتك هتدخلي المشرحه الأول تتعرفي ع الجثه اذا كانت منار ولا لأ لأنها لابسه هدوم الهاربه ولو مطلعتش هي يبقى تشوفي البنت اللي فيها الروح وتأكدلنا انها اختك)
منار في نفسها ( ان شاء الله هتكون الميتة)
” وبتبص لنفسها ”
( طيب هغير هدومى وهاجي مع حضرتك)
” وطلعت ع اوضتها غيرت هدومها ونزلت مع احمد وراحت علي المشرحه”
في كمبوند ( منزل احلام)
فريحه بتشب من البلكونه
( طنط ملك، طنط ملك)
احلام دخلت جري شدتها من دراعها ودخلتها
علي اوضه النوم
ليلى ” معاها المفتاح ونازله تفتح الباب”
” فريحه قعدت ع السرير ”
احلام” مسكتها من دراعها”
( انتي تعرفي ملك)
فريحه
( ايوة دي صاحبه ماما)

” بتقوم من ع السرير وبتنادي”
( طنط ملك، انا عاوزه طنط ملك توديني عند ماما)
احلام بشخط ” شدتها من ايدها وقعدتها ع السرير”
( اسكتي بقي)” وحطت ايدها ع بوقها ”
( مش عاوزه اسمع نَفس، فاهمه ولا لأ)
فريحه بصوت مكتوم : ماما
“احلام قامت بسرعه وقفلت الباب عليها”
ملك بتبص شمال ويمين وبقلق وارتباك
( انا اي اللي سمعته ده وكأن حد كان بيقولي طنط ملك)
” بصت ع البلكونه ”
( الصوت كان جاي من هنا)
( الصوت يشبه فريحه)
” ليلي بتفتح الباب”
( اتفضلي ي انسه ملك)
ملك في نفسها ( بس اكيد تهيأت)
( اي اللي هيجيب فريحه عند مدام احلام)
( انا اكيد بيتهيألي)
احلام بتمثيل ماسكه جمبها وبتصرخ
( ااااااه، ااااااه)
” ليلي طالعه ووراها ملك”
” ملك ماسكه في ايدها كافيرات الفساتين”
احلام بتصرخ
( ااااااه، الحقيني ي ليلي)
ليلي جريت عليها
” ملك رمت الفساتين ع الارض”
ملك بقلق وارتباك ” قربت منها”
( في اي مالك ي مدام احلام خير)
احلام بصراخ
( ألم جامد في جمبي)
ليلي
( مالك ي مدام ما انتي كنتي كويسة)
” احلام بتغمز ل ليلي ”
( باين كده كريزه الكلي رجعتلي تاني)

ملك
( ممكن اخدك للدكتور)
احلام” بتشاور بإيدها ”
( لا ي حبيبتى كتر خيرك، انا هخلي ليلي تديني الحقنه وان شاء الله هنام وابقى كويسه)
ملك بخذل
( طيب ي مدام الف سلامه عليكي)
” وطت خدت الفساتين”
( انا همشي انا دلوقتي ولما تبقي كويسه ياريت تكلميني وانا هكون عندك حضرتك في أي وقت)
فريحه من ورا الباب” بتخبط ع الباب
( طنط ملك)
احلام” سمعت صوت فريحه ابتدت تغلوش، بتصرخ بأعلي صوتها ”
( اااااه ي جمبي انا حاسه اني هموت)
” زقت ليلي بإيدها ”
( ادخلى هاتي الحقنه بسرعه)
ليلي
( حاضر)
ملك” مسمعتهاش”
( عن اذنك ي مدام وخدت الفساتين ونزلت)
احلام” بتصرخ ”
( انتي ي زفت”ه يللي اسمك ليلي)
ليلى بقلق
(نعم ي مدام)
احلام
( انزلي وراها بسرعه اتأكدي انها مشيت)
” نزلت جري وراها ”

احلام مسكت الفون كلمت عدنان
الو
عدنان : ست الناس
احلام : بقولك اي انت خلصت ورق البنت ولا لسه
عدنان : ايوه بس فاضل حاجه بسيطه
احلام : خلص بقي، انت لازم تاخدها بكره بالكتير
انا النهاردة كنت هروح في داهيه بسببها
فريحه من ورا الباب
( طنط ملك، الحقيني)
عدنان : ي ستي حاضر
” ليلي واقفه بتسمع المكالمة”
احلام : أنجز ي عدنان بسرعه
عدنان : قولتلك حاضر، بس اديني يومين
احلام : مش هينفع وبغضب وزعيق
( بقولك كنت هروح في داهيه)
عدنان : حاضر بس اديني يومين
احلام : يومين بس
وقفلت معاه ” بتكلم نفسها”
( يااه كنت هروح في داهيه بس ربنا ستر)
( وكله يهون علشان ال ٤ مليون)
( اخلص من البت دي واشوف غيرها)

ليلي ” حطت ايدها ع صدرها”
( نهار اسود ع دماغك)
( هو الموضوع وصل معاكي لغايه كده)
( بتبيعي طفله لراج”ل وس”خ زي ده)
( دي عيله مكملتش ٦ سنين)
( انا لازم اتصرف)
في فيلا الدمنهوري ( غرفه عمار)
” نايم مكتئب”
روقيه : مالك من يوم وفاه عمي وانت مخرجتش من اوضتك خالص
عمار : نعم
روقيه
( انتي هتفضل نايم كده واخوك كان نايم فالمكتب ٣ ايام وي تري عمل فيهم اي)
عمار
( اسكتي)
روقيه
( اسكت علشان بقول الحق)
عمار
( ممكن تسبيني انام)
روقيه ” فتحت باب الاوضه وخرجت ”
( نام، نام وان شاء الله مش هنلاقي حاجه نورثها
طول ما انت نايملي كده) وقفلت الباب
عمار ” رفع المخده وطلع من تحتها الخاتم”
وببكاء شديد
( انا مش مصدق نفسي ولا قادر أصدق ان اللي يقتل ابويا يكون واحد من ولاده)
” روقيه نزلت وقعدت مع معتزه”
روقيه
( ي ترى منار عايشه ولا ميته)

معتزه
( الله اعلم)
روقيه
( ياريت كانت سهر)
معتزه
( تاني هترجعي للموال ده تاني)
روقيه
( الموال ده مش هيطلع من دماغي ابدا طول ما هي هتجيب البنت اللي هتورث نص الثروه)
معتزه
( ممممممممم)
روقيه
( بكره هي وجوزها يورثوا ويرمونا في الشارع ووقتها هتعرفي قيمه كلامي ده كويس اوى)
معتزه
( بقولك اي سهر دلوقتي مش فايقة للي انتي بتقوليه ده خالص، كفايه عليها اختها منار وعملتها السوده اللي عملتها، دي قتلت حمايا واظن وضعها بقي زي الزف”ت وسطنا)
” قاطع كلامهم صوت عمار وهو بينده ع روقيه”
في الطريق ( في عربيه احمد)
احمد لمنار
( مكانش لازم تيجي كفايه انا)
منار بتوتر وزعيق
( ليه هو انت هتعرف اختي اكتر مني)
احمد
( اكيد لا، بس انا خايف عليكي)
( اصل انا عارف انك خوافه وبتخافي من خيالك)
( فبصراحه اتفجأت لما قولتي انك هتروحي المشرحه)
منار
( انا فعلا خايفه بس كان لازم اروح واجمد قلبي
علشان اشوفها لآخر مره)

احمد
” حط ايده ع كتفها”
( هو انتي؟)
منار ب استغراب
( اي سكت ليه، عاوز تسألني ع اي)
احمد ” ضرب فرامل ووقف بالعربيه”
( وصلنا)ومكملتش كلامه
منار قبل ما تنزل وفي نفسها
( انا لازم ادخل لوحدي واشوف اذا كانت هي و لا لأ بس قبل ما ادخل لازم اعمل حاجه)
” احمد نزل وبيتكلم مع وكيل النيابه ”
منار مسكت الفون وكلمت ذكي
وكانت بتتأكد منه دفن الجثث ولا لأ
ذكي بكذب : والله دفنتهم ي هانم
منار : طمنت قلبي
قفلت معاه
( يبقى كده تمام اوى اكيد اللي جوه دي مش منار ولا وعد لان انا قتلتهم بالرصاص بس وذكي دفنهم إنما اللي جوه دول مضروبين ومحرو””قين بالنا”ر)
” ونزلت من العربيه وهي واثقه ان سهر ادفنت هي ووعد ”
الكمبوند ( غرفه فريحه)
ليلي ل فريحه” قاعده جمبها بعد ما سكتتها من العياط”
( هو انتي تعرفي ملك)
فريحه
( دي صاحبه ماما)
” ليلي قامت تبص ع احلام واتأكدت انها مريحه فى اوضتها شويه”
ليلي” معاها ورقه، بتديها ل فريحه ”
( خودى الورقه دي فيها عنوان ملك)
” بتبص شمال ويمين”
( انا هخرجك من هنا وهديكى فلوس تركبي اى تاكسى وقوليلوا يوديكى العنوان ده)
فريحه بخوف
( مش هعرف، انا خايفه)
ليلي
( متخافيش انا هنزلك من هنا وهعرفك تعملي اي)
( وبعدين مش انتي عاوزه تروحى لماما)
فريحه
( اه، وببكاء : بس ماما قالتلى ممشيش لوحدى ابدا)
ليلي
( خلاص خليكي)

فريحه
( لا انا عاوزه ماما)
ليلي
( يبقى تسمعي كلامي)
وقامت خدت فريحه واديتها ورقه بعنوان ملك
ونزلت معاها وخرجتها بره الكمبوند وسابتها لوحدها……
” فريحه بتبكي وقعدت ع الرصيف”
” في ايدها الورقه والفلوس”
في المشرحه
وكيل النيابه
( اتفضلي ادخلي ي مدام سهر)
احمد
( انا هدخل معاها)
منار ببكاء وخباثه ” بتروح قدام باب المشرحه وترجع تاني في حضن احمد”
( حبيبى بجد مش قادره ادخل، خايفه اوى، مش متخيله اشوف اختي في درج خشب متلجه)
احمد
( انا هدخل معاكي)

منار بخباثه
( خليك انت، لازم اكون لوحدي)
” دخلت المشرحه وهي بتبص وراها ع احمد”
الباب اتقفل عليها ” بصت وراها بخوف ”
دخل ممرض وراها وفتح الدرج اللي فيه البنت
المشوه”ه وخرج
منار” بتقرب منها وبتبصلها اوى ”
” مدت ايدها ” وبتتكلم بصوت عالي”
( وشك مش باين، انا حاسه اني متلغبطه، انتي سهر ولا لأ)
حست بأيد اتمدت ع كتفها
” بتبص بعينها شمال ويمين”
وقبل ما تبص بوشها تشوف مين
( ايد زقتها ووقعت ع الارض)
منار بذهول : انتي لااااااااااا

__( ايد زقتها ووقعت ع الارض)
منار بذهول : انتي لاااااااااااء ” بتسحف بجسمها لورا”
في فيلا الدمنهوري ( غرفه عمار ورقيه)
عمار ” واقف ورا ستاره الشباك”
روقيه ” فتحت الباب ودخلت ولما شافته واقف عند الشباك”
( اي ده مش انت قولت انك هتنام)
عمار بتفكير ” ماسك الستاره وبيبصلها”
روقيه ” بتشوح بإيدها”
( اي انا بكلمك)
عمار بغضب وزعيق ” قرب منها”
( انا قولتلك كذا مره مبحبش الأسلوب ده)
روقيه” بعدت عنه وفتحت الدولاب”
( اه، شكلك كده ناوى ع خناقه)
عمار” جري فتح باب الاوضه خبط في الكرسى”

روقيه ب استغراب ” بتبص عليه ”
عمار” خرج بره بيبص شمال ويمين بيشوف في حد في الطرقه ولا لأ ولما اتأكد أن محدش موجود، دخل بسرعة وقفل الباب بالمفتاح”
روقيه في نفسها ( هو ماله بيعمل كده ليه)
عمار بتوتر وارتباك ” قرب منها وقفل ضلفه الدولاب وشدها من ايدها وقعدها ع السرير ”
روقيه باستغراب
( هو في اي، واي اللي بتعمله ده)
عمار بارتباك ” قعد جمبها ”
( كنت عاوز اقولك ع حاجه مهمه اوى)
” طلع الخاتم من جيبه”
روقيه باستغراب ” بتبص الخاتم وبتسأله”
( اي ده) ” خدت الخاتم من ايده وبتبصلوا تتأكد من شكله ”

( ده خاتم اخوك….؟)” قبل ما تنطق حط ايده ع بوقها ”
عمار ( مش عاوزك تنطقى ب ولا كلمه)
” شال ايده من ع بوقها”
وبدموع ( عارفه الخاتم ده انا لقيته جمب سرير بابا فالمستشفى بعد ما اتقتل واتشالت من عليه الاجهزه بالقصد)
روقيه ” ضربت بإيدها ع صدرها ”
( يا نهار اسود ومنيل)
( مستحيل)
عمار
( وطي صوتك حد يسمعنا)
روقيه ” بصوت خافت”
( دي مصيبه)
( اللي انت بتقولوا ده لو حصل بجد هتبقى مصيبه وطبلت ع دماغ الكل)

” قامت من مكانها، رايحه جايه في الاوضه”
( انا بجد مش مصدقه)
( مش معقول)
” رجعت قعدت جمبه ”
( وانت هتعمل اي وهتتصرف ازاى؟)
عمار
( ما ده اللي انا عاوزك علشانه)
روقيه
( هتعمل اي)
عمار
(؟؟؟؟؟؟؟؟؟؟؟؟؟؟)
روقيه
( اوك وانا هساعدك)
في المشرحه

منار بخوف” بتسحف بجسمها لورا ”
( انتي)
وعد” قربت منه ووطت ع الارض”
( ايوة انا ي منار هانم)
منار ” بتبعد عنها وبتهز دماغها”
( مستحيل، ده انا قتلتك بإيدى انتى وهي)
وعد
(وانا جايه اقتلك دلوقتى وهعذبك زى ما عملتى فينا ي مجرم”ة)
منار” بتحاول تلمس وشها ”
( انتى اكيد عفريته يأما انا بحلم)
وعد” بعدت وشها عنها بسرعه”
وبسخريه ( اي خايفه)
منار” بتحاول تقرب منها وعاوزه تلمس وشها تتأكد منه ”
( لا لا انا بحلم)

وعد
( انا حقيقه ي منار هانم)
منار بتوتر
( انتى شبح وعد)” بتحاول تقوم من ع الارض”
وعد
( قولتلك انى حقيقه وعلشان اثبتلك انى عايشه)
” قربت منها ومدت ايدها ع صدرها وخربشتها”
منار بألم” بعدت عنها وسندت ع الحيطه وبتمسك مكان ما خربشتها”
(آآآآآآه ي قذ”ره)
وعد
( وجعتك صح)
منار
( ابعدى عني)

وعد
(مش هسيبك ي منار هانم ولا هي كمان هتسيبك)
منار
( هي مين)
سهر ” فتحت باب الغرفه ودخلت ”
( اي نستينى، نسيتى تؤامك)
منار بخوف ” بتبص شمال ويمين”
( انتي)
سهر
( اه انا سهر ي منار)
منار بذهول
( انتي لسه عايشه)
سهر ” بتقرب منها”
( اه عايشه وهرجع بيتى لجوزى ولبنتي)
( وهثبت الحقيقه للكل، وهاخد حقي منك)
( بس بعد ما اوريكي من العذاب الوان وتشربي من نفس الكاس ي منااااار)
منار بضحكه سخرية” بتحاول تسترد قوتها وتبين انها مش خايفه منها”
( ههههههههه بقي عاوزه ترجعي لبيتك وجوزك وبنتك)
سهر
( اه هرجع غصب عنك)
منار بحقد وغل
( مش هيحصل لأنى خلاص خدت مكانك)

سهر
( هرجع بس قبل ما ارجع هوريكي الويل)
( هخليكي تتمني الموت ومطلهوش)
منار
( هههههههههه بقي انتى هتخليني اتمنى الموت)
” بتبصلها من فوق لتحت”
( طول عمرك ضعيفه وخايبه بس كنتي بتستقوي عليه انا)
” بتقرب منها وواقفين قصاد بعض”
سهر
( طول عمرك بتغيري مني وبتحقدي عليا)
( مكنتش بصدق لما حد يقولي ان اختك اللي من لحمك ودم”ك غيرانه منك، كنت ارد زي الهبلة واقول، كذب انتم اللي بتغيروا مننا وعاوزين توقعوا ما بينا، دي اختي ومش اي اخت تؤامي ونصي التانى)
منار
( اه بغير منك وبحقد عليكي)
( ومش هسيبك غير لما تدفني تحت التراب)
( انا بكرهك ولازم اموتك، لازم تموتي)
” بتقرب منها وبتحاول تخنقها”
سهر
( مش هموت وهفضل عايشه ع قلبك ي منار)
وهقول لناس كلها اني سهر)
( وانتي منااااار)
من ورا الباب
احمد ” بيبص في الساعه”
احمد لوكيل النيابه
( سهر اتأخرت اوى)
وكيل النيابه
( انا بردوا بقول كده)

وكيل النيابه ” فتح الباب ودخل وبذهول ”
( مش معقول، اي ده؟)
احمد ” دخل وراه بسرعه وبص في الغرفه”
وبذهول ( اي ده؟)
في الكمبوند…
احلام ” قايمه من النوم بتنده ع ليلي ”
ليلى” في اوضه فريحه ولما سمعت صوتها عملت نفسها نايمه”
احلام ” ماسكه الفون في ايدها”
( انتي ي زفت”ه)
( ليلي)
” دخلت المطبخ فتحت التلاجه وبتشرب”
” الفون رن وكان عدنان”
الو….
عدنان : ست الناس
احلام بنفخ وزعيق قبل ما ينطق : اوعي تقولي
هتقعد عندي اكتر من يومين؟
عدنان : لا لا، انا كنت هقولك ع خبر يفرحك
احلام : فيه فلوس لو في فلوس قول بسرعه
عدنان : هههههههه انا هاجي اخد ريتاچ اليوم
ومفيش داعي تقعد عندك تانى زي ما طلبت منك
احلام بضحك : ههههه انت سميتها ريتاچ
عدنان بوشوشه : اه سميتها ريتاچ علي اسم المرحومه
احلام ب اطمئنان : كويس انك هتاخدها علشان ارتاح من الهم ده
جوهره من ورا التليفون ” بتشد من ايده التليفون”
( هات اكلمها)

“احلام سامعه صوتها”
عدنان ل جوهره : سيبى التليفون الاه
جوهره ” بتشده من ايده بعزم قوتها”
عدنان بغضب : سيبي التليفون ي مجنونه
جوهرة ( انا عاوزه اكلم ريتاچ)
احلام في نفسها ( انا مش ناقصه جنان)
الو.. رد عليه ي عدنان
عدنان : معاكي ي ست الناس وبيبعد جوهره عنه
احلام : هتيجي امتي
عدنان : الصبح هفطر معاكى
احلام : اوك، هستناك
جوهرة ل عدنان : نفسى اكلمها
عدنان : الووووو
احلام : ايوه انا معاك
عدنان : بقولك ممكن تديني البنت علشان تكلم امها، وبيشاور ل جوهره علشان تسكت
احلام : حاضر، ثوانى
” خرجت من المطبخ وبتنادى”
( ليلي)
احلام
( هي راحت فين دي)
” دخلت علي اوضه فريحه”
رجعت للفون : الو، ثواني ي عدنان بيه
فتحت الباب ” بتبص جوه الاوضه شافت ليلي نايمه مكانها ع السرير”
جريت عليها وبزعيق ” بتضربها ع جسمها وهي بتصحيها”
( انتي ي زفت” فين البت)
ليلي ” بتفرك في عينها وبتبص جمبها ”
( فريحه، فريحه)
احلام ” كنسلت ع عدنان”
( فين البت ي مصيبه)
ليلي بخوف
( والله ما اعرف ي مدام) ” بتشاور جمبها”
( دي كانت نايمه جمبي معرفش راحت فين)
” بتشدها من شعرها”
( انتي هربيتيها صح)
ليلي
( لا والله ما حصل )
” احلام بتشدها من شعرها وفتحت باب الشقه”
( تعالي معايا ي بنت الكل”ب وقوليلي وديتى البنت فين)

¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬
” بتجرها من شعرها ونزلت جري بيها من ع السلم”
( السواد اللي هشوفوا من عدنان هوريهولك ي ليلي لو مقولتيش البت راحت فين)
ليلي
( انا كنت نايمه ومعرفش حاجة عنها)
احلام ” ضربتها بالقلم”
اه وهي اللي فتحت باب الشقه والبوابه الكبيره)
ليلي ” بتصرخ”
خارج الكمبوند..
فريحه قاعده ع الرصيف” في ايدها الورقه والفلوس.. بتعيط”
( ماما، انا عاوزه ماما)
” بتبص حواليها المكان فاضى ومفيهوش حد”
” بتنادي باعلي صوتها وهي بتصرخ”
( ي بابا، بابا، ي ماما، ماما )

” قامت من مكانها ومشيت وهي بتعيط”
” خرجت ع اول الطريق السريع”
__ في نفس الوقت اللي احلام خرجت بره الكمبوند ومعاها ليلي، كانت بتضربها طول الطريق وهي بتدور ع فريحه..
” مسكتها من رقبتها ”
( عارفه ي وسخ”ة لو ملقتش البنت هيكون موتك ع ايدى)
ليلي” بتصرخ ”
( قولتلك معرفش، معرفش)
__ احلام خرجت بره الكمبوند ووقفت مكان ما فريحه كانت قاعده
” بتبص شمال ويمين ”
( مفيش حد)
” فريحه واقفه ع الطريق السريع”
” احلام بتجر ليلي وخرجت ع الطريق”
” بتبص حواليها وفجأه لمحت فريحه”
( البنت اهي)
جريت عليها
ليلي” بتنادي عليها بصراخ”
( فريحححححه)
” فريحه بصت عليهم لمحت احلام”
” خافت وبسرعه عدت الطريق ”

” عربيه خبطتها وقعت تحت عجله العربيه جثه هامده فاقده الوعي”
احلام ب صدمه
(يا نهار اسود البت ماتت)
في المشرحه
وكيل النيابه “دخل جري ووراه احمد”
” منار واقعه ع الارض فاقده الوعي”
احمد ” بيحاول يفوقها”
منار” بتفتح عينها وبتصرخ ”
(انا سهر مش منار فاهمه)” بتبص قدامها شافت احمد قاعد بيفوقها ووكيل النيابه واقف وراه)
( انتي بخير ي مدام سهر)
( في حاجه)
منار” بتسند بإيدها ع الارض وبتحاول تقوم”
” بتبص ل أحمد بصدمه ”
( انا فين؟ )
احمد بلهفه
( انتي كويسه)
منار ” استوعبت انها في المشرحه”
( انا تعبانه مش كويسه خالص)
احمد ” بيحاول يسندها”
( مش قادره اقوم من مكاني)

احمد ” قام وقف وشالها، عينها في عينه”
( مالك ي حبيبتى، اي اللي جرالك)
منار” بتبلع ريقها ”
( حلم، شكلي كنت بحلم)
وكيل النيابه ل أحمد
( المدام واضح انها تعبانه بس ممكن سؤال واحد بس) “وسألها”
( حضرتك اتعرفتي ع الجث”ة)
منار بدون تردد” عيطت ونامت في حضن احمد”
” وبنظره خباثه”
( اه هي منار، ي حبيبتى)
وكيل النيابه ل أحمد
( تمام يبقى كده المدام هتشرفنا بكره في النيابه علشان تقول اقولها في محضر رسمي)
منار
( نيابه اي انا معملتش حاجه)
وكيل النيابه
( إجراءات عاديه ي مدام متاخدش ربع ساعه)
( محضر رسمي في أقوالك بان الجث”ة للهاربه منار)
” بتعيط في حضن احمد ”
احمد
( ان شاء الله هكون عندك انا وهي )” شالها وخرج بيها ع العربيه ”

فتح الباب وقعدها جمبه ع الكرسي الامامى
منار
( انا تعبانه اوى ي أحمد)” مسكت ايده ”
احمد” قفل الباب”بيبصلها”
وبغضب
( ما انا قولتلك ادخل معاكى وانتى اللي رفضتي)
منار بتوتر وارتباك في نفسها ( انا مش عارفه اللي كنت فيه ده كان حلم ولا حقيقه، ده انا شوفتها قدامي بتحسابني وهي والحيوان”ة اللي اسمها وعد، لازم اتأكد إذا كانت عايشه ولا لأ، بس المهم ان اثبت لوكيل النيابه انها ماتت وخلاص)
احمد ” ضرب فرامل ”
منار “خرجت من شرودها”
وبزعيق ( في اي براحه)
احمد
( ممكن تحكيلي حصل اي جوه)
منار
( حاضر هحكيلك ع كل حاجه بس ممكن تطلع ع البيت لأنى عاوزه اغير هدومي وحاسه انى مخنوقه ومش قادره اتنفس)
احمد
( حاضر)
__ وبعد ربع ساعه في الطريق بدون كلام ما بينهم وصولوا وقبل ما ينزلوا من العربيه
فون احمد رن وكان المحامي وطلبه في موضوع مهم في مكتبه، قفل معاه واستأذن منها
احمد
( حبيبتى انا هروح للمحامي اشوفه عاوز اي ومش هتتأخر عليكي)
منار
( هو عاوز اي؟)
احمد
( مقالش، بس بيقول في موضوع مهم)

¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬ ¬
منار
( اوك انا هطلع بس متتأخرش عليه)
” اتحولت لواحده تانيه مسحت دموعها وحضنته وباسته”
( علشان انت وحشتني اوى)
احمد
( حاضر مش هتأخر عليكي)
منار
( بحبك)
احمد
( بموت فيكي) ” ركب العربيه ومشي”
منار ” طلعت اوضتها جري”
وقفت قصاد المرايا في نفسها ( هو انا اللي شوفته ده كان حلم ولا حقيقه، اكيد كنت بحلم)
” بتقلع السلسله ”
( حست بألم” بصت في المرايا بسرعه”)
( ده خربوش، اه وعد خربشتني في صدري)
( ود معناه اي)
في نفسها ( انهم عايشين ي منار)
منار بجنون وصدمه” بتكلم نفسها”
( ذكي بيقولي انه دفنهم بنفسه، والنهاردة انا شوفتهم في المشرحه)
” لمست الخربوش”
( بس ده بيأكد ليه ان وعد وسهر لسه عايشين)
( وانا بقي لازم اتأكد واروح نفس المكان حالا)

” نزلت جري ع الجراچ”
” دخلت خدت عربيتها وراحت لنفس المكان اللي قتلت فيه سهر ووعد تتأكد انها موجودين ولا لأ ”
ولما وصلت في نفسها ( انا لازم اتأكد بنفسي واعرف اذا كانت سهر لسه عايشه ولا لأ)
المكان ضلمه ” رجعت ركبت العربيه وطلعت بيها لقدام علشان ضوء الكشاف ينور ع نفس المكان”
لمحت من بعيد حاجة ع الارض، نزلت جري تشوف اي هي ولما قربت كانت المفاجأة…
في فيلا الدمنهوري ( في غرفه عمار ورقيه)
عمار بخوف
( زى ما قولتلك بالظبط)
روقيه
( حاضر متقلقش)
خرجت برة الاوضه ومشيت وهي بتتسحب في الطرقه لغايه ما وصلت لاوضه معتزه وكريم
عمار” واقف بيراقب الطريق”
روقيه “دخلت وقفلت الباب وراها”
” بتبص في الاوضه شمال ويمين وبدور ع مكان معين”
في نفسها وبتفكير
( لقيتها وراحت ناحيه السرير وركبت في الاباچوره من تحت جهاز تسجيل صوت

الجزء السادس من القصه اضغط هنا

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .