يارا : كلام محمد كان صح ، انتى مش عايزة تلبسى الحجاب ليه
ملك : مش عارفة يا يارا هو عند مني ولا علشان مش حابة شكلى بيه ولا علشان بيضايقنى
يارا : طب ياستى من ناحية العند فده لما تلبسيه بتعاندى الشيطان ويبقى ماخسرتيش عندك ولو من ناحية شكلك فأنا هلبسهولك ولو شكلك ماطلعش اجمل ووشك نور ابقى ارفضى ومن ناحية بيضايقك فلو حبتيه هيكون مش ضيقتك بالعكس ده هيكون حمايتك وصونك فى الدنيا، شوفى انتى خايفة من حر الدنيا ازاى ، امال حر الاخرة ، يا ملك هنتحاسب يوم القيامة هيبقى خمسين الف سنة والشمس هتبقى فوق دماغنا بس المؤمن واللى سمع كلام ربنا ورسوله هيعدوا عليه اكنهم ركعتين صلاه وهيبقى فيه سحابه فوق دماغه تحميه من الشمس ، شوفى هتقولى ايه لربنا لما يسألك !!! ، صدقينى مفيش سبب مقنع ، بالعكس انتى لما تلبسى الحجاب هتفتخرى بيه
وقال تعالى : ( وَالْقَوَاعِدُ مِنَ النِّسَاءِ اللَّاتِي لا يَرْجُونَ نِكَاحاً فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ وَأَنْ يَسْتَعْفِفْنَ خَيْرٌ لَهُنَّ وَاللَّهُ سَمِيعٌ عَلِيمٌ )
قال تعالى : ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ )
صدق الله العظيم
يارا : اما دلوقتى بقا تعالى البسك الحجاب وشوفى بقا شكلك واتخيليه نجاتك وشوفى هتحبيه ولا لا
ملك : طيب
حجبت يارا ملك واخفت شعرها بالكااااامل وقالت لها : بصى بقا فى المرايا وشوفى وشك منور وشكلك احسن ازاى
ملك بفرح : فعلا يا يارا مش زى ما كنت متخيلة ، شكلى حلو اوى فيه
يارا : مضايقك !!!
ملك : لا حلو ، شكرا يا يارا انك قولتيلى الكلام ده واقنعتينى ، تقريبا لولا كلامك ده ماكنتش هلبسه ابدا
يارا : يعنى خلاص هتلبسيه
ملك بفرح : ايوة انا قررت خلاص انى هلبس الحجاب ومش هخرج غير بيه
يارا بفرح : عسل يا ناس ، يلا بقا قومى البسى وجهزى نفسك علشان محمد جاى دلوقتى ونفرحه بالخبر ده
ملك بإبتسامة : حاضر
_______________________________________________
طارق : مظنش هنعرف نخترق حاجة تانى يابنى
تامر : هنعرف يابنى ، هى صعبة والناس دى مش سهلة ومستخدمين شفرات صعبة بس هتتفك
طارق : هو مش محمد قتل رئيسهم وقبض على الباقى !!
تامر : ايوة بس ده علشان نتأكد من كل حاجة ، وادى بيظهر حاجات اهو
طارق : ياريت بس نوصل لحل
تامر : هنظهر، انا دلوقتى التحميل قرب يخلص اهو ويارب الشفرة دى تفتح الفولدر
طارق : فولدر ايه
تامر : فولدر كان مخفى
طارق : يبقى فيه حاجة مهمة
تامر : اهو فتح ، ايه ده
طارق : ايه !!!
تامر بصدمة : هاايدى !!!!!
طارق : هايدى اختنا !!!
تامر بصدمة : ايوة
طارق بقلق : مالها
تامر : تعالى بص