اتطلعت عليها وحضنتها وحسيت بشي لزج على ايدي
Thank you for reading this post, don't forget to subscribe!
ماقدرت شوف منيح بسبب العتمة وتحسست جسد اختي ولما وصلت لصدرها حسيت بشي صلب لامس ايدي ، نقزني قلبي وصرخت: لانااا شوفيكي؟
لانا بوجع: في سيخ حديد فايت من ظهري وطالع من صدري ، لما سمعتها جنيت وحسيت اني بالهاوية وماعم اقدر أخلص وصارت لانا تتحرك وتأن وتبكي وتنزف أكثر
ثبتتها بمكانها وقلت: لاناا اسمعيني منيح لاا تتحركي تمام؟
لانا بطفولة: بس أنا لازم طالعو من صدري
قلت : سمعيني اكيد هل رح ينقذونا ابقي هادية
لانا بأمل: يعني مارح نموت متل ماقلتي؟
قلت بقهر: لاا مارح نموت
رجعت أصرخ: ساااعدونااااا بابااااا مامااااا ساعدوناااا
صرخت حتى صوتي ماعاد طلع وحسيت بنهايتي اقتربت!
مسكت ايد لانا وهمست: رح يجو اصبري
لانا بتعب: احكيلي حكاية
أنا: كان في بنت …
استرسلت بالقصة وكانت لانا عم تلتهي شوي بس كانت كل شوي تسألني اذا رح يساعدنا حدا وأنا أأكدلها انو رح يساعدونا وبعد مدة استغربت انو سكتت وماعاد سألتني
قلت باستغراب: لانااا ، ايي مابدك تعرفي اذا الأمير رجع؟ ، لانااا؟
بلعت ريقي وتحسست وجها بإيدي المرتجفة كانت دقات قلبي عم تزيد والخوف عم ياكل اخر أمل إلي بالحياة ولما عرفت بإنو حتى لانا لحقت حمودة حسيت بأبشع احساس بيحسو الإنسان أحساس بالعجز وبالقهر وبالضعف وبالقسوة وبالوحدة وبالخوف القاتل ، كلشي حوليي
كان باللون الأسود وكل مانو الأوكسجين عم يقل ويضيق عليي المكان ، لاناا قومي لاناا حمودةة لاتنااام لك لاا تتركونييي قوموووو..
حسيت بالدوار وبالراحة ظناً مني انو هاي هي لحظة طلوع الروح ورح مـoت واتخلص من هالعذاب….
كانو شباب الدفاع المدني عم ينشلو الناس من تحت الركام وطلعوني أنا ولانا وحمودة ..
المنقذ: بس هي الطفلة عايشة
الناس: لاحول ولاقوة الا بالله!
شب من الشباب: يي لك هي نغم بنت جيراننا وأبوها وأمها ماتو من ركام البناية بلحظتها !
الناس: إنا لله وإنا إليه راجعون?