انا واقعة في مشكلة كبيرة

انا واقعة فى مشكلة كبيرة كنت مخطوبة لابن عمى هو كان لية اخ توئمة مسافر برة وبقالة سنين مبينزلش بس كان بيود اهلة اتصالات وهو الى شارى الشقة لخطيبى والعفش ومساعدنا بكل حاجة وقايم بمصاريف امة واخواتة البنات كان المفروض نتجوز خلال سنة ونص فوجئت بية مرة وحدة اختفى 3 ايام وبعدين ظهر كل حاجة فية مختلفه وطلب منى نبدر الجواز ونخلية اخر الشهر استغربت اوى ازاى منين ولية بس فرحت وانشغلت بالترتيبات س بنص الزحمة والدوشة حسيت ان دة مش خطيبى اه والله مش خطيبى اه انا كونت وخداة عن حب بس وحبيتة وحسيتة وعاشرتة دة مش خطيبى بدأت احطة بمواقف واسالة على تفاصيل خاصة بينا بقى يرد اجابات محايدة او يتهرب لحد م فهمت انة مش خطيبى اتصلت باخواتة زى المجنونة ازاى كدة ازاى دة مش عصام انا واثقه فى حاجة غلط .ردت هويام اختة الكبيرة مالك يا هدير فى اى انتى اتجننتى اى الى بتقولية دة …

بكل بجاحة ردت عليا وقالتلى انتى ملبوسة احنا عارفين كدة من زمان وانا ياما قلت لعصام اخويا بلاش هدير يا عصام بلاش هدير تصرفاتها مش مظبوطة فاكرة من 10 سنين لما كنتى بتقولى بشوف بنت صغيرة قاعدة فى اوضتى بتسرح شعرها قدام المراية وبتلعب بعرايسى وامك وقتها وديتك لدكتور وقالها تهيؤات اطفال متسيبوهاش لوحدها على فكرة دة كان لبس مش مرض نفسى وكل العيله عارفة كدة ولما واجهت مرات عمى الى هى امك وقلتلها تعالى ناخد هدير لشيخ عشان الموضوع مايكبرش معاها رفضا و قعدت تزعقلى وتهزقنى

وقالتلى هتطلعى على بتى سمعة يا هويام احنا مش عاوزين نعرفك تانى وقاطعتنى لحد ما ماتت الله يرحمها فبلاش تكبرى الموضوع ولمى ليلتك يا هدير واخلصى عصام معرفش متمسك بيكى ليه على فكرة لو مساعدتيش نفسك ورحتى لشيخ بسرعه هاضرى نفسك وعيالك بعد كدة مش معنى ان ربنا ساترها لحد دلوقتى تبقى تمام طيب هقولك حاجة فاكرة مرة زمان جيتى جبتيلنا حاجات ولما استغربت وقلتك اى دول يا هدير قولتيلى مش انتى اتصلتى يا هويام وقولى هاتيهم . . انا استغربت ومرضتش احرجك وقتها بس انا فعلا وحياة عيالى لا اتصلت ولا حاجة ولحد وقتنا هذا انا مش فاهمة انتى جيتى لية الوووو هدير .. رحتى فين

قفلت هدير السكة بوش هويام وقعدت تعيط وبعدين قالت لنفسها اكيد فى سر هويام كدابة وممكن عوزانى ابعد عن عصام .. عصام
عصام ازاى برضو فى حاجة غلط دة مش عصام
عصام بيحبنى انا متاكدة اكيد مش هيشترك معاها بالحوار دة
اعمل اى يا رب
انا هتصل دولى على محمد واسلم علية وكانى باكد علية ينزل يحضر الفرح واكيد هفهم حاجة من المكالمة
……

مبيردش لية ولا ممكن معايش رصيد كفايا
هتصل فايبر كول .
هدير .الو .. محمد ازيك
محمد:- الحمد لله يا هدير قلقتينى خير فى حاجة عندكم بقالك سنة مكلمتنيش من يوم م اتخطبتى لعصام
هدير :-لا لا ماتقلقش كلة تمام انا بس باكد عليك تحضر الفرح بقى بقالنا سنين مش شوفناك
محمد:- معلش مش هقدر
هدير :- لية بس كدة
محمد:- المفروض تكونى فهمتى
هدير :- فهمت اى

محمد:- معلش انا فى ايدى شغل هبقى اكلمك سلام ..
اى دة قفل بوشى اى قلة الذوق دى
سمر ندهت عليا هدير هدير تعالى عصام برة
اول ما هدير قالتلى عصام برة خفت معرفش ليه حسيت بقبضة فى قلبى مش عاوزة اطلع اشوفة خايفة اوى
فى فدماغى كذا حوار اولا انا شاكة فية ثانيا خايفة تكون هويام حكيتلة حاجة
لبست الاسدال وطلعت

لقيتة مدينى ضهرة وواقف بالبلكونة بيشرب سجاير
دخلت وقفت جمبة فضل واقف ساكت ومش باصصلى قلتلة ازيك يا عصام .. مردش
كررتها ازيك يا عصام برضو مردش
قلتله تمام وبعدت عنة شوية وبصيت النحية التانية بعد اقل من دقيقة رن جرس الباب مرضتش اتحرك ولا ابص نحية الباب عشان مضطرش ابص ع عصام فضلت مدورة وشى فتحت سمر الباب وقالت

عصام ازيك عامل اى ادخل ادخل باب بالصالون وهدير نايمة هصحيهالك
نعم … عصام مين الى لسة جاى امال دة مين ودورت وشى وببص جمبى . جسمى قشعر وو…..يتبع

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .