#مشكلة_عضوه
أنا ندمانة على حاجة مد. مرة حياتي
الحكاية بدأت من سنين بالتحديد سنة 1997 لما اتوفى اخو زوجي وزوجته وابنهم في حا.. دث سيارة رهيب وكانت سلفتي اللي ماتت دي لسه والدة مكملتش اسبوع ويوم الحاا.. دث اللي ما. اتوا فيه كانوا رايحين لبنتهم الحضانة عشان ترضعها هي وزوجها وابنها لكن أمر الله نفذ
.. المهم بنتهم أصبحت يتيمة في لحظة وابتدت المشاكل مع خالتها وجوزي عشان يربي بنت اخوه انتهت أن جوزي هيربي بنت اخوه في وسط اولادي وكل لما خالتها تحب تشوفها أو تاخدها .. تاخدها بالتراضي بينهم
وفعلا انا استلمت البنت وهي حتة لحمه حمرة ماكنش حتى سرتها وقعت .. كان عندي ابني مكملش سنة وكان بيرضع .. في الوقت دا رفضت رفض قطعي اني ارضعها وكنت مصممة على الرفض لو فيها خر.. اب بيتي وخصوصا اني كنت ناوية اصلا افطم ابني على سنة ونص ..
كنت كارهه البنت بطريقة غريبة بس كنت شايفة نظرة الحسر.. ة في عيون جوزي .. كنت بعمل فيها كل ما يؤ.. ذيها ..
كنت بخليها تعيط لما تتف.. لق ..
.. لحد ما في يوم لقيتها ساكتة وكانت لسة مكملتش 8 شهور .. حسيت عليها لقيتها مو.. لعة نار قلبي اتخطف .. مع انها تعبت كتير اوي قبل كدا بس دي اول مرة قلبي يتخطف عليها .. كان وقت جوزي مسافر برا مصر في شغله .. اتصلت باخويا وجريت على اقرب مستشفى طوارئ وعرفت انها مشر. فة على المو.. ت وإن عندها حمى وكمان التها. رئوي
.. كنت هموت بمعنى الكلمة لدرجة أن الناس واخويا كانوا بيهدوني كاني أمها ..
أخدتها في حضني وطلعت بيها على مستشفى خاصة مشهورة جدا واتحجزت بيها اكتر من 15 يوم وجوزي باعتلي كل الماديات اللي احتجناها وقتها ..
الحمد لله خرجت وخرجت معاها وجوايا الم ووجع وحزن وندم على كل حاجة عملتها فيها .. خرجت من المستشفى إنسانة جديدة خالص ..
عاملتها احسن معاملة .. بقيت زيها زي اولادي واكتر لأنها كمان كان فيها ميزة مش عند حد أنها البنت الوحيدة في البيت ..
كبرت وانا كبرت معاها لكن برا مصر في مكان عمل جوزي رجعت لما ابني قرر ياخد الثانوية العامة من مصر ..
ابني اخد طب بشري الحمد لله وبقى دكتور عظام بفضل الله
وهي دخلت ثانوي عام وربنا كرمني فيها ودخلت اسنان
هي السنة دي رايحة تانية اسنان
بشوفها ادامي بحس أن الجنة ادامي ..
ضحكتها في وشي بتق.. تلني اني اذ.. يتها وهي صغيرة وهي بقيت احسن ملاك في حياتي ..
.
.
الكار*ثة دلوقتي ان ابني عاوز ……..
ابني عاوز يتجوزها والحقيقة انا فرحت جدا لاني مرضعتهاش فهتنفع لابني الحمد لله
ابني الأكبر منها بسنة في كلية السن هي وهو دائما بيعاندوا في ب وانا دائما بنصفها
جايبلها دهب كتير .. كل حاجة بتتمناها عندها
عمها جابلها عربية عشان متحتتكش بحد في المواصلات حتى لما اشترينا شقق لأولادي الاتنين اشتريتلها كمان
عندها حساب في البنك .. عندها كل حاجة تتخيلوها
بس لسه جوايا تأنيب ضمير رهيب وعاوزة اوطي على رجلها واعترفلها واخلص من تأنيب الضمير اني بهدلتها وهي صغيرة
قولولي اعمل ايه تاني عشان أكفر عن ي معاها ؟
لازم اعترفلها عشان ربنا يسامحني ؟
ارجوكم بلاش تجريح فيا .. شكرا
.
.
.
.
