زوج حماتي
الحلقه الخامسه
بقلم دوداا حوده
اعتماد :متشكره ليك اوي انك سترت عليا وخليت راسي مرفوعه وسط اهلي
ابراهيم :والله يا اعتماد لو مراتي عرفت حاجه وربنا مش هفضحك لا انا هقتلك
اعتماد:والله مراتك ما هتعرف حاجه
ابراهيم :اتمني ذلك علشانك مش علشاني سلام وخرج وقفل الباب ورا وراحت وطلعت صوره محمد من الدولاب
اعتماد :الله يرحمك يا محمد اتبهدلت من بعدك
??فلاش باك ??
اعتماد:معقول يا محمد قدرت تقنع اهلك انك تيجي تتجوزني
محمد:البركه في ابراهيم زميلي هو السبب
اعتماد :اه اه عارفه والله بجد انسان جدع هو عارف أننا متجوزين
محمد:بصراحه اه بس هو جدع والله. وعمره ما هيقول لحد
اعتماد :احنا اتسرعنا يا محمد
محمد:تانييا اعتماد خلاص بقي غلطه وهنصلحها
اعتماد :انت جاي امتي
محمد:هاجي لابوكي الاسبوع الجاي وهتكون معايا ولدتي
اعتماد:بجد مصدقه نفسي
محمد:حبيبتي. والله وجه اليوم اللي محمد رايح يخطب في اعتماد واتصل محمد ب ابراهيم
محمد : ابراهيم انت فين مش عايزين نتأخر
ابراهيم :والله بلبس وجاي اهو
محمد:احلي يوم في عمري والله
ابراهيم :ربنا يفرحك يا حبيبي يارب
محمد:انا هستناك علي أول شارعهم
ابراهيم :تمام ماشي وراح ابراهيم وفضل نص ساعه يتصل بمحمد مش بيرد عليه وفي الاخر رد
ابراهيم :تصدق ان انت عيل جزمه انت فين يا زفت
الممرضه :حضرتك صاحب التلفون ده عمل حادثه هو وولدته
.
.
ابراهيم :محمد اااااااا وجري عالمستشفي ودخل ابراهيم
محمد:ابراهيم انا عايز منك خدمه
ابراهيم :بلاش كلام دلوقتي ارتاح
محمد:مافيش وقت ارجوك يا ابراهيم اكتب علي اعتماد وشهر وطلقها
ابراهيم :محدش هتجوزها غيرك
محمد :ارجوك اعتماد بنت محترمه والله ارجوك اكتب عليها ومات محمد
ابراهيم :لا يا صحابي انا مليش غيرك في الدنيا اوعي تسبني لااااااااا
وفضل ابراهيم حالته النفسيه وحشه شهر زعل علي صاحب عمره واتصل ب اعتماد
ابراهيم :احممم الو ازيك
اعتماد:مين معايا
ابراهيم :انا ابراهيم صاحب محمد
اعتماد :حبيبي الله يرحمه فضلت تعيط
ابراهيم :انا لازم اشوفك ضروري
اعتماد : حاضر امتي وفين
ابراهيم :نتقابل في وسط البلد
اعتماد :تمام ماشي امتي
ابراهيم :بعد ساعه
.
.
اعتماد :خلاص تمام وفعلا راحت قبلته
ابراهيم :ازيك عامله اي
اعتماد :مش بخير والله محمد وحشني اوي
ابراهيم :مش اكتر مني والله
اعتماد :ربنا يرحمه ويجعل مثواه الجنه
ابراهيم :انا كنت عايز اتكلم معاكي في موضوع
.
.
اعتماد :تحت امرك اتفضل
ابراهيم : محمد موصني وصيه صعبه اوي بس لازم انفذها
اعتماد :وصيه وصيه اي
ابراهيم :اني اتجوزك
اعتماد :اي لا طبعا وانت مالك
ابراهيم :انا بكتب عليكي بس شهر او اتنين واطلقك انا ميهونش عليا مرات صاحبي تتفضح
اعتماد :وانت ذنبك ايه
.
.
ابراهيم :ذنبي ان بحب محمد اوي
اعتماد:والله ما اكتر مني
ابراهيم :خلاص عرفي اهلك واجي أتقدم وفعلا جه واتقدم و4شهور واتجوزا ويوم الفرح
اعتماد :انا هنام هنا في الصاله
ابراهيم :لا اتفضلي ادخلي جوا بس عايز اقولك حاجه
اعتماد :تحت امرك اتفضل
.
.
ابراهيم :انا مش هينفع اجي ابات هنا تاني
اعتماد :حقك وشهر بالظبط وطلقني
ابراهيم :مش هينفع شهر علشان كلام الناس
اعتماد :بجد مش عارفه اقولك اي
ابراهيم :اتفضلي ادخلي نامي يلا
وكان ابراهيم نسي اصلا انو متجوز لانه مكنش بيسال عليها لحد ما في يوم ابو اعتماد كلمه عم صلاح
صلاح :الو ازيك يا جوز بنتي
ابراهيم :بخير والله ازي حضرتك
صلاح :انا في الشقه مستنيك عايزك
ابراهيم :شقه اي
صلاح :شقتك هكون فين يعني
ابراهيم :طيب انا عندي شغل دلوقتي
صلاح :خلاص انا بايت لحد ما تيجي
ابراهيم :طيب انا جاي في الطريق
صلاح :وانا مستنيك
اعتماد :هو انت عايز ابراهيم ليه يا بابا
صلاح :والله انتي بتسالي انا كل لما اجي مش بلاقي وعمره ما جه عندنا من يوم ما اتجوز
اعتماد :شغله يا بابا غصب عنه
صلاح :والخلفه
اعتماد :مالها
صلاح :بت انتي هتستعبطي
اعتماد:بابا لو سمحت أنا حباه حياتي كده ومش عايزه حاجه تانيه
صلاح :وانا مش عجبني الحياه كده ووصل ابراهيم
ابراهيم ؛مساء الخير
صلاح :مساء الخير
ابراهيم :يلا يا اعتماد جهزي الاكل علشان بابا
صلاح :مش عايز اكل
ابراهيم : مالك يا عمي
صلاح :بجد انت بتسال انا مين انا من يوم ما اتجوزت بنتي وانا مش بشوفك ولا بعرف عنك حاجه
ابراهيم :غصب عني والله
صلاح :وذنب بنتي اي
ابراهيم :والله انا شغلي صعب
صلاح :والله مش بتفضي يوم
ابراهيم :حقك عليا واللي انت شيفاه انا تحت امرك فيه
صلاح :يا تتغير يا تطلق بنتي
ابراهيم : حاضر انا كل وقت والتاني هاجي ازور حضرتك
صلاح :لما نشوف سلام
ومشي صلاح وهو مضايق
اعتماد :حقك عليا انا
ابراهيم :انا لازم اطلقك بقي
اعتماد:تمام اللي تشوفه
ابراهيم :هتروحي ليهم وتقولي انك مش مرتاحه معايا ولازم تطلقي وانا هحضر المؤخر
اعتماد :مش عايزه منك حاجه كفايه ذوقك واخلاقك معايا
ابراهيم :ده حقك
اعتماد :اخد حقي من يوم ما اتجوزتني وسترت عليا
ابراهيم :ده حق صاحبي عليا
??رجوع ??
سهير :كنت فين يا ابراهيم
ابراهيم :كنت في الشغل
سهير :والله ماما كانت عندك في العياده وقالت انك مروحتش
ابراهيم :كنت في المستشفي وبعدين هو شغلي في العياده بس
سهير :انت متغير مش عارفه مالك
ابراهيم :مش عارف انا مخنوق ماتيجي نسافر
سهير :نسافر طيب وماما
ابراهيم :يووووو كل حاجه ماما ماما في اي هو انا مليش حقك عليكي
سهير :انت عارف اني متعلقه بماما ومقدرش ابعد عنها
ابراهيم :وانا محتاج مراتي
سهير :مانا جمبك اهو
ابراهيم :انا خارج انام في الصاله احسن
سهير :وهو ينفع برضه
ابراهيم :ايوه ومتجيش ورايا
#بقلم دوداا حوده
وفي اوضه انشراح
انشراح :محروس انت نمت
محروس : اه والله تعبان اوي
انشراح :طيب قوم نام فوق
محروس :لسه بدري لما الفجر يأذن
انشراح :قولت لا يلا قوم
محروس :طيب طيب قومي شوفي الجو
انشراح :ماشي وقامت ولبست الروب وفتحت الباب ومخدتش بالها أن ابراهيم نايم في الصاله خرج محروس وبص ابراهيم لقاه راجل قام جري وشاف محروس وحماته وافقين في الصاله
ابراهيم :مين ده يا حماتي
يتبع
قصة زوج حماتي. الجزء السادس
.
.
.
.
