يا شرط عليا شرط قبل ما يوافق بيا
.
.
.
.
لو سمحت عايز انزل مشكلتي
انا متجوز بقالي سنه لما اتقدمت لمراتي اهلها وهي اشترطوا علينا أن هي متساعدش والدتي ف اي شئ ف شقتها يعني تعزل بس تنزل تحت عادي شويه وتطلع كده يعني ف ولدلتي لما سمعت الكلام ده من والد مراتي ضحكت وقالت مالوش عازه الكلام ده لسه مجاش وقته ف
.
عمي رد عليها وقالها لا يا حاجه اللي أوله شرط اخره نور ودي شروطنا أن البنت يبقي مالهاش علاقه بشقتك ف وافقنا علي كلامهم واتجوزت وعدي خمس شهور علي جوازنا مراتي فعلا مكنتش بتشيل كوبايه ف شقة والدتي كانت بتنزل ضيفه بس ف والدتي قالتلي كده مينفعش
ولازم مراتك تحس علي دمها وتساعدني ف شغل البيت ف أنا قولتلها احنا بنا وعود ومينفعش ارجع فيها عشان ميحصلش مشاكل ف قالتلي خلاص بص خليها تنزل وانا وانت نبقي نتعازم علي بعض ف كنس البيت أو الترويق وهي هتعمل من نفسها ف وفقت والدتي علي كلامها وف يوم مراتي كانت تحت وماسكه الفون ووالدتي جابت المكنسه ف أنا قولتلها عنك يا امي
وهي قالتلي لا انت راجل ميصحش وعملنا الحوار اللي اتفقنا عليه بس مراتي ولا اكنها هنا ومره واحده لقيت مراتي قامت وقفت وراحت قايله لينا احنا الاتنين طب بدل الخناق ده كل حد فيكم يبقي ينضف البيت يوم والدتي شتماها ومراتي قالتلها أنا مش هرد عليكي عشان انتي ست كبيره وانا فاهمه انتي بتعملي كل ده ليه
وبرضو مش هنفذ اللي ف دماغك وراحت طالعه فوق ومن ساعة الموقف ده والدتي قاطعتني بسبب اني مضربتش مراتي ساعة ما قالت كده وانا طلبت من مراتي تعتذرلها وهي شايفه نفسها مغلطتش
ورافضه الاعتذار أنا بقالي ٦ شهور والدتي مقاطعاني خاالص مش عارف اعمل ايه عشان اخليها ترضي عني ملحوظه بس انا ماليش اخوات بس والدتي بصحتها يعني وكويسه
.
.
