#البارت_الثالث_والعشرون
يحيي الكبير خرج من البيت ولقى يحيي الصغير خارج من شقته .
_رايح فين
_اصل.نادين وحسن اتقبض عليهم وكنت رايح هناك عاوز اشوف حسن
_وانا كمان تعالي معايا يلا .
الاتنين نزلوا وراحوا المكان المسجونين فيه والظابط قابلهم ويحيي الصغير عرف أن يحيي الكبير اللي كان مدبر كل دا علشان يوقعهم وفرح جدا أنه خلاص مفيش متاعب تاني .
بس جاء خبر غير صار بالمره
_بس للاسف احنا معرفناش نمسك الرأس الكبيره ودي أن شاء الله دورها قرب هوا هرب بس هتعرف نجيبه متقلقوش هوا دلوقتي بقى لوحده ويحاول يهرب برا البلد بس احنا مراقبين كل المطارات وكل المواني ومش هيعرف يهرب…
_طيب متعرفوش مين دا
_طارق الحسيني المنافس الأكبر للشركه بتاعتكم طبعا عارفين أنه طول عمره مشيو شمال وبيتا*جر في الاع*ضاء والمخ*درات واحنا مراقبينه من زمان ومراقبتنا الفتره الاخيره لنادين هى اللي وصلتنا ليه وعرفنا وقتها أنه بيشتغل على تقيل وكان معاه حسن ونادين بس نادين كانت اقرب حد ليه وكانوا تقريبا بيحبوا بعض ودا اللي كان مسهل مهمتنا في القبض عليهم…
_ازاي
_لان كان في علاقه غير مشر*وعه بينهم واحنا كنا مراقبينها وكمان كانوا بيتقابلوا في بيتها واحنا عرفنا ندخله ونحط كاميرات فيه ودا عن طريق الشغاله اللي عندها
_يااااه للدرجادي اختى طلعت بالقذاره دي
_للاسف…
وبص ليحيي الصغير اللي كان مذهول من كل اللي اتقال وكل اللي بيحصل حواليه ..
_جهز نفسك يا بطل علشان انا كلمت سيادة اللواء ووافق عالخطه دي بس خلي بالك من نفسك
_متقلقش معاك رجاله …
_يلا عن اذنكوا هروح اشوف شغلي
_مع السلامه ..
يحيي الكبير كان واقف مش عارف يتكلم من الخذلان دي أخته ولا العار ولا القرف اللي سمعه دا للدرجادي القذاره بقتش في النفوس بس لا دي اتحولت لحاجات تانيه افظع..
.
.
_انا عارف انك تعبان من اللي سمعته وعارف أن اللي حصل كله مش بايدك وكمان مش بايدي اطلع الاقي ابويا مجرم؟
لي مكنتش انت ابويا كان زمانى عايش في سلام نفسي دلوقتي مش عايش تحت تهديد السلاح !ومن مين من ابويا اللي المفروض يبقى ابويا …
لي انت متجوزتش امى وكنا عيشنا حياتنا سعدا لي
يحيي مش عارف يرد عليه مش عارف يقوله أن هوا اصلا اللي كان بيحب أمه وعاوز يتجوزها مش عاوز يقوله قد اي أبوه أنانى ومفكرش غير في نفسه وطمعه بس …
_للاسف يا يحيي مش احنا اللي بنختار اقدارنا بايدنا للاسف ربنا بيبقى مقدرلنا كل دا وبيبقى محدد لكل واحد مصيره وحياته من اول ميلاده فيا حبيبي متقولش كلمه لي دي علشان دا بيبقى اعتراض على اقدار الله واحنا لازم نقول بس الحمد لله على كل شىء أن مش عارف ربنا عوضه فين وكرمه ولطفه فين …
_ونعم بالله …
انا عاوز اشوف حسن
_لي
_عاوز اساله عمل فينا كدا لي وعمل كل دا لي لو علشان الفلوس فاحنا كان معانا اللي يعيشنا سعدا بس هوا اللي ضيعنا وضيع كل حاجه..
يحيي اتوتر وخاف لحسن يقول ليحيي على حبه لامه..
_طيب أهدى وبعدين
_لا دلوقتي حالا
ودخل الظابط وطلب منه يقابله. وطبعا الظابط وافق…
.
.
وجاب حسن..
اللي كان شكله مبهدل اثر الضرب اللي خده..
يحيي وقف قصاده
_انا هسالك سؤال واحد وتجاوبني
انت لي عملت كل دا رغم أن امى كانت بتحبك وعائشه معاك وراضيه لى رمتنا لي ذلتها وجبت عليها واحده من الشارع جردتك من كل حاجه لي عملت كل دا لي اتجوزتها اصلا من الاول طالما كنت هتعمل فيها كدا …
انت ساكت لي جاوبني …
.
.
حسن بصله وضحك بصوت عالى ضحكه شريره كان بيشوفها في افلام العربي بس …
_هقولك انا عملت لى كل دا …
بص ليحيي الكبير ..
_اقوله انا عملت لي كل دا
_حسن اسكت متضيعش اخر ذره حب عنده ليك اسكت
_لا انا هتكلم هى كدا كدا خربانه
انا هقولك يا يحيي انا عملت كل دا لي…
_علشان دا ..وشاور علي يحيي ..
.
.
ميتهناش في حياته…
_ازاي
_اصله كان بيحب امك زمان …
وفضل يضحك…
وانا اتقدمتلها واوهمتها انى بحبها واتجوزتها وخدتها على مصر هههههههههه منكرش انى كنت بعاملها حلو بس دا لحد ما عرفت أن يحيي مراته ماتت ..
.
.
وانا قابلت احلام وحبيتها وطبعا هي قامت بالواجب وصاحبت امك علشان تلاقيلي سبب اطلقها خليتها تهمل في نفسها وكل حاجه …لحد ما جه الوقت اللي اتجوزت فيه احلام وانت عارف الباقى ….ها حاجه تاني..
اه وفي حاجه كمان انا مكنتش عارف خالص أنهم هيتقابلوا تاني وبرضو استغربت ازاي يحيي منتهزش الفرصه واتجوزها…
لي يا يحيي متجوزتهاش…
يحيي الكبير رد عليه:علشان انا مش خاين زيك…
يحيي كان واقف مصدوم يعني هوا وأخواته وأمه كانوا ضحيه لعبه وكره دا كان نصيبهم من الحياه أنهم يقابلوا اي زي دا …
يحيي قرب منه..
_يحيي انت عارف اني بحبكوا وعملت كل حاجه علشان ابقى جنبكوا ومعاكوا
_انا عرفت دلوقتي حنيتك وطيبتك دي كانت لي
_اي اللي بتقوله دا يا يحيي
_استني علشان امى صح علشان تكسب قلبها اللي ضاع منك زمان صح انت لي كدبت عليا لي
_مكنتش عاوزكوا ابعدوا عنى انا بعتبرك ابني مش اي حد علشان كدا حافظت على علاقتنا دي نضيفه وعمري ما اتعديت حدودي مع امك وهى كانت معايا في كل خطوه في الخطه دي
_اي !؟امى/!
&ايوا يا يحيي انا كنت يساعده علشان ينتقم منهم….
كان صوت فريده وكلهم انصدموا لما شافوها ..
وجاءت لحظه المواجهه الاخيره
#البارت_الرابع_والعشرون
يحيي كان مصدوم لما عرف أن أمه كانت بتساعد يحيي في دائره الانتقام دى ..
_انتى يا امى طيب ازاي متقوليليش
فريده سكتت وقربت من حسن اللي اول مره يشوفها ويحس انها قويه كدا اول مره يشوف فريده واقفه قدامه وبتحدي كان على طول بيحب يشوفها مذ*لوله لكن دلوقتي هوا اللي مذلول قدامها بعد ما عرف انها السبب في كل اللي حصله دا ..
_شوفت الدنيا ضيقه ازاي ولفت السنين
ودارت وجه الوقت اللي انتقم فيه منك شوفت أن الفلوس مش كل حاجه وانك تعيش نضيف وبكرامتك احسن مليون مره انك تحارب علشان الفلوس تصدق انا بعد ما عرفت اللي انت بتعمله انا بقيت است*حقر نفسي اووي انى عشت معاك وبقيت اك*ره كل لحظه حسيت انى بحبك فيها وكر*هت اكتر جس**مي اللي كنت بتلم**سه وكنت ببقى فرحانه أن جوايا حته منك
دلوقتي زعلانه على كل لحظه قضيتها معاك تحت سقف واحد بس تعرف انك اديتنى نعمه كبيره اووي انت نفسك رميتها زمان ومكنتش عارف قيمتها اكيد عارف هم مين..
يحيي ونور وفارس اللي رميتني بيعهم في عز الشتا والبرد واللي ساعدنى لما كنت بموت صحبك صحبك اللي انت بتكرهه واللى انت خدتني منه زمان لفت الايام وقدر ربنا هوا اللي حصل بجد انا بك*ره نفسي اووي بسببك ..
حاربت أهلى وروحت معاك على مصر منعتني انى تشوفهم عملت كل حاجه تخليني اكر*هك بس انا كنت هبله ومتمسكه بيك بس الحمد لله أن ربنا نجانى منك ومن *ش*رك واحلام خدتلى حقى بطريقه غير مباشره لما رمتك في الشارع وذل*تك وانتوا الاتنين خدتوا جزاكوا وهي اتقتلت وانت اترميت بقيت تدور تنص*ب على ابنك وصاحبك تهدده وناخد منه فلوس متعرفش أن كل دا كان فخ علشان تقع يا حرام …
يحيي الكبير كان واقف مصدوم من الكلام اللي هي بتقوله كان عاوز يمسك حسن ويحكم عليه بالاعد*ام ويمو*ته بايده أنه جرحها بالشكل دا وكسرها وكسر قلبها وحبها وثقتها في نفسها قلبه كان وجعه وهوا شايف الدموع في عينيها وهى متماسكه مش عوزا تبان ضعيفه تاني حس أنه عاوز يعيط على حب عمره اللي على حافة الهاويه مش عارف هى ممكن تقبل بيه دلوقتي ولا خلاص كدا خلصت الحكايه…
يحيي الصغير افتكر كل تعبها والمها ودموعها اللي كان بيسمع شهقاتها وهوا واقف قدام اوضتها بليل كانت بتبان قدامه عادي لكن هوا كان عارف انها مش كويسه احساس صعب لطفل كان في سنه وهوا شايف أمه منهاره ومش عارف يعملها حاجه قرب منها وخدها في حضنه وخرجوا..
_انا عارف انك جواكى اكتر من كدا انا مبسوط اووي انك قدرتي تقفى الوقفه دي قدامه انا فخور بيكي انك امى…
وراح ناحية يحيي وقاله ..
_انا فخور أن عندي اب زيك انت اه مخلفتنيش مع أن لو كانت الظروف لصالحكوا كان زمانى ابنكوا انتوا الاتنين بس برضو
وغمزله..
احنا بأيدينا نخلي اللي محصلش زمان يحصلل دلوقتي
يحيي بصله باستفهام
_ازاي
_امممم يعني أنا اللي هقولك الكلام دا يا بابا وبص على أمه وغمز ..ولا اي رايك يا عروسه
فريده بصتله ونغزته في كتفه
_ولد عيب انا كبرت هالكلام دا
_كبرتي اي يا مزه داحنا اللي كبرناكى بس انتى لسه صغيره ولا اي يا عريس
يا جماعه انا جاى أوفق راسين في الحلال بلاش الكسوف دا
يحيي الكبير:والله يا يحيي. انت فاجئتني بردة فعلك دي ومش عارف اقول اي بصراحه انت في وعيك
_اه طبعا..انا مش هتلاقي اطيب واحن منك تكون معانا وعايش في وسطنا وتعوض امي عن كل اللي شافته انا عارف انك بتحبها ومن زمان بس كنت بكدب نفسي او بمعنى اصح كنت غيران على امى تروح مني انت عارف انا بحبها قد اي بس لما شوفت عينيك والحزن اللي فيها وخيبة الامل انك معرفتش تخلي اللي انت بتحبها معاك دا خلاني اخد القرار دا انكوا تتجوزوا وانا عارف انك هتكون الاب المثالي لينا احنا التلاته …
_انا مش عارف اقولك اي يا يحيي بجد انا محظوظ انك ابني فعلا
_متقولش حاجه وهستناك تيجي تشرب معانا الشاي وتطلب أيدها اصل بنتنا مش قليله برضو
_عنيا طبعا ليك وللعروسه انا يفديني الساعه ..
_طيب يلا يا عريس هستناك بكرا بعد المغرب..
اي يا ماما ساكته لي ..
_لما نروح يا يحيي..
_ههههههههه والله انا لو مش شايف انك موافقه مكنتش قولت الكلام دا…
فريده بصتله ونغزته وبصت في الأرض…
*وكأنها بنوته في العشرينات يقف حبيبها يطلب يدها من ولى امرها وتنظر في الأرض خجلا ..فكيف تبدين بهذا الخجل يا فتاة الاربعين؟…
موقفها بيثبت أن الحب مش بالسن اهم حاجه انك تكون مرتاح وسعيد مع الشخص دا وأنه يكون العوض عن كل اللي فاتك واهم حاجه منستعجلش واحنا بنختار الشخص دا لأن معظم الوقت بتكون نتائج سلبيه….
_طيب يجماعه يلا نمشي علشان العيال الغلبانه اللي في البيت اللي زمانهم صحيوا وكمان متاكد انهم هيفرحوا اوووي بالخبر دا ..
وبص ليحيي..
على فكره كلنا بنحبك اووي وفارس بيحبك
_انا عارف من غير متقولى …
_يلا بينا…
روحوا البيت وفريده متكلمتش طول الطريق …من نوعيه انها بتتكسف من اقل حاجه حتى وهي في السن دا عندها رقه غير عاديه المفروض انها بتروح مع السن والوقت بس هي مازالت محتفظه بجمالها ورقتها..
نور كانت صحيت من النوم
_هى ماما مالها محمره كدا
يحيي بيضحك
_اصل متقدملها عريس
_نعم ودا مين دا أن شاء الله
_حذري فظري
_عمو يحيي صح
_اي دا عرفتي منين
_عينيه كانت فضحاه اصلا..
_للدرجادي
_امال دانا لماحه دانا اللي يراقب كراشات اصحابي
_نعم يا اختى بتعملى اي
_اي لا ابدا مش قصدي اصل يلا انا هروح المدرسه سلام
_ماشي بس لما تچيلي دانا هطلع عينك النهارده
فارس صحي
_صباح الفل
_صباح الخير يا اخويا نموسيتك كحلى
_عادي يعني المهم ايدك عالمصروف وزودوا ها علشان عازم البت النهارده
_نعم يا اخويا بت مين
_ها لا قصدي انى عندي حصص زياده النهارده
_اه ماشي خد ومتتاخرش
_ماشي سلام يا ابو الزمل..
_سلام يا اخويا…
يحيي دخل الأوضه بتاعته وكان حاسس بارهاق كبير
نام على السرير وسند رأسه لورا عنده صداع رهيب في دماغه …
حاول ينام معرفش من الصداع ..
فرج يدور على برشامه مسكنه …
ملقاش..
فخبط على باب أمه ..
_تعالى يا يحيي..
_امي عندك مسكن
_لي يا حبيبي مالك
_بس مصدع شويه…
_ماشي يا حبيبي..
يحيي لفت انتباهه صندوق اول مره يشوفه على السرير ..
قرب منه …
لقى صورة قديمه بتجمع أمه وناس..
_امي مين الناس دي
_دول أهلى بابا وماما واخواتي دي صورة اتصورناها قبل متجوز وانا أصريت عليهم نتصورها كأنى كنت عارفه انى مش نشوفهم تاني..
_يعني دا يبقى اخوكي
_اه دا خالك طارق مسافر من زمان هوا ومراته بس معرفش عنهم اي حاجه من ساعتها
_انتى عارفه دا مين
دا رئيس العصابه…
_اي؟؟
رواية النصيب الفصل الخامس والعشرون
_يعني دا يبقى اخوكي
_اه دا خالك طارق مسافر من زمان هوا ومراته بس معرفش عنهم اي حاجه من ساعتها
_انتى عارفه دا مين
دا رئيس العصابه…
_اي؟؟
ازاي يبني انت اكيد متلغبط أو بتشبه عليه دا مسافر من زمان ومجاليش ولا مره ولا سال علشان انا عذراه انو مسافر ازاي الكلام اللي انت بتقوله دا..
_والله يا امى زي مبقولك كدا دا يبقى الشخص اللي بيعمل فينا كل دا دا اللي حاول يموتني وبرضو اللي كان محرض حسن ونادين علينا وهوا شخص من الأشخاص اللي مدمره شباب البلد وفاسدين فيها ومدوخين الحكومه وراهم .
_لا يا يحيي انا اخويا ميعملش كدا لا وبعدين دا خالك عيب
_طيب يا امى بكرا الايام هتثبتلك انو هوا لما تشوفيه متكلبش في سلسله واحده مع حسن ونادين هتصدقى..
_لا برضو مش مصدقه…
وخد البرشام اهو وأخرج مش عوزا اتكلم معاك
_طيب ..
خرج وهوا زعلان انها زعلانه بس هوا عارف انو على حق ومع الوقت هيثبتلها كل دا …
واتصل بيحيي الكبير وحكاله كل حاجه حصلت وان رئيس العصابه يبقى خاله…
يحيي اتصدم من اللي سمعه وعارف أن فريده عملت كدا علشان اتصدمت مره في جوزها مش متقبله انها اتصدم في حد تاني وخصوصا يكون قريب منها كدا!!!
يحيي جاله اتصال من الظابط وعرف أنهم قدروا يقبضوا على طارق دا …وحس أن دا افضل إثبات لامه انو ياخدها وتواجهه اخوها براحتها…
دخلها
كانت قاعده بتعيط
_انا عارف انو صعب عليكي تتصدمي كل الصدمات دي مره واحده بس انا عاوز منك طلب ..
بصتله باستغراب
_عاوزك تيجي معايا دلوقتي وتشوفي بنفسك هوا اخوكي ولا لا…
_ماشي …
هلبس وجايه معاك .
لبست وراحوا وكان يحيي الكبير هناك
قرب من يحيي.
_انت جبتها لي يبني
_علشان تشوف اخوها واثبتلها كلامي
_طيب ربنا يستر…
دخلو كلهم اوضه الظابط ..
ودي تعتبر المواجهه التانيه بالنسبه لفريده مع اللي مفروض اقرب حد ليها…!؟
دخلوا قعدوا واستنوا…
وفي الوقت دا دخل طارق وهوا متكلبش …
بص عليهم…اتصدم..
_فريده!!
_طارق اخويا
وقربت عليه وخدته في حضنها عاطفة الاخوه خدتها ناحيته بقالها سنين مشافتهوش كانت حاسه قلبها بيتقطع وهي شايفاه كدا…
_لي عملت كدا لي دانت دائما كنت من الناس اللي بتحارب الفساد مش بتعمله فين ضميرك فين نفسك فين اخلاقك وقيمك اللي اتربيت عليها دي تربيه ابونا ليك يا طارق لي خلتني واقفه قدامك الوقفه دي…
_سامحيني يا فريده كان شيطانى اقوى مني انا اسف …
بس انتى عرفتي منين.
_للاسف يا طارق انت كنت بتااذي ابنى اللى هوا انت خاله بس اكيد انت عارف دا علشان حسن كان معاك بس عوزا اقولك حاجه أن البلد الحمد لله هتنضف منكوا ومن امثالكوا عقبال الباقى انا يدعى عليكوا في كل صلاة…
_يا فريده انا..
_للاسف انت ضيعت كل حاجه من ايدك حتى انا خسرتني انا طول عمري كنت يحترمك ويقدرك بس انت وصلت لحاجه عمري مكنت اتوقعها من اقرب حد ليا انا النهارده الصدفه كنت ماسكه صورنا سوا وكنت نفسي تكون معايا في ضهري لكن للاسف لقيت ضهري محنى انا اتاذيت في كل البشر اللي عرفتهم شكرا انك خذلتني وخذلت ثقتي فيك…
بصت ليحيي ابنها..
_يلا يا يحيي روحنى..
خدها وروحوا..
_انا عوزا اقعد في الأوضه محدش يكلمني..
_بس…
_معلش يا يحيي خليني لوحدي شويه…
_حاضر…
فريده دخلت ..
وقعدت وعيطت وطلعت كل اللي جواها..
عدت الاربعين سنه والدنيا لسه بتخبط فيها وبتخذلها في اقرب حد ليها خذلتها في اقرب الناس ليها يعني الضربه اللي بتيجي من اقرب حد بتوجع اووي وصعب تقوم منها …
خرجت كبت وحمل وتعب سنين افتكرت كل اللي حصلها من زمان ومن صغرها كمان نصيبها انها تعيش في كدبه وخداع وحاجات كتير كانت مفكره أن اللي جاي احسن بس اللي جاي بيجي اصعب …
فضلت تعيط لحد مخرجت كل اللي جواها…
تاني يوم…
يحيي كان قلقان أن أمه لسه مخرجتش من الأوضه كانت كل مره بتخرج وتقعد معاهم عادي عارف أن الضربه اصعب من الاول …
الباب خبط..
_عمو يحيي في حاجه
_انا جاي اتكلم مع فريده شويه ومعاك علشان في حاجه مهمه لازم تعرفوها
_حاضر ثواني هشوفها أصلها من امبارح مخرجتش من الأوضه
_ازاي يا يحيي مشوفتهاش
_قالتلي تسببها
_طيب شوفها
خبط عالباب ..
مفيش رد …
اضطر يفتح الباب ..
اتفاجئ من اللي شافه…
يا تري اي حصل …
رواية النصيب. الجزء الثاني عشر
.
.
.
.
