رواية النصيب. الجزء السادس

عند حسن ..
بعد لما خرج من المستشفى..
حس بتعب وان عياله مستحيل يتقبلوه وحس أن الدنيا بتلف بيه..

ووصل المكان اللي عايش فيه ..
وقعد على القهوه وطلب شاي..
وكان قاعد باصص في الفراغ وتعبان ..

وفجاه سمع التليفزيون بيعرض اخبار عن جريمه قتل في القاهره في الحي اللي كان عايش فيه والفضول خلاه يبص واتصدم من اللي شافه..!؟
_معقول ….
وقرا الخبر..

واتأكد أن زوجته السابقه هى اللي اتقتلت(احلام)
بقى مصدوم وعرف أن زوجها اللي قتلها ودخل السجن بس لسه موصلوش لتفاصيل..
حسن حس أنه في دوامه كل الاحداث اللي حواليه ضده هوا مصدوم من نفسه ومصدوم من اللي حصل ..
اتقتلت لي وبنته فين اللي لحد دلوقتي ميعرفش عنها حاجه ولاده كلهم ميعرفش عنهم حاجه المفروض أنه عنده اربعه لكن مفيش حد فيهم متقبله هوا اللي عمل فيهم وفي نفسه كدا هوا السبب هوا اللي غدر بيهم وبنفسه..وسلم نفسه لواحده

دلوقتي ماتت لسبب مجهول ميعرفش اي السبب بس اكيد سبب متعلق بالفلوس هوا عرف انها تعمل اي حاجه علشان الفلوس لكن جوزها اللى اتجوزته مش غلبان زيه وهيسيبها ..
وقرر في نفسه أنه يحاول يرجع ولاده تاني لحضنه ويرجع فريده اللى لحد دلوقتي متجوزتش وعايشه انها تربي ولاده وفعلا ربتهم احسن تربيه…

في بيت فريده …
مكنتش عارفه هتقول ليحيي ازاي ان أبوه جه هنا وهوا مش عارف يقولها ازاي أنه جاله في المستشفي..
فريده قعدت جنبه والدموع على خدها وهوا بيهديها..

يحيي بالنسبه ليها مش ابنها بس لا دا روحها وعيونها اللي بتشوف بيها وحياتها كلها وسندها ومتستحملش عليه الهوا وكونه أنه يعمل حادثه دي حاجه تخليها تعمل كدا واكتر .
_والله يا ماما انا بقيت كويس والحمد لله جت سليمه متخافيش وامسحى دموعك انتى عارفه انها غاليه عليا ومستحملش أشوفها…

_قلبي واجعنى يا ابني حط نفسك مكانى انت مش عارف انت بالنسبه ليا اي انت سندي وضهري وحياتي كلها
قرب منها وباس أيدها ورأسها
_انا عارف كل دا بس انتي عارفه أن بفضل دعواتك أنه نجانى انا شوفت الموت بعنيا بس كان في حاجب بيني وبينه وشوفتك انتى …ارجوكي متعيطيش انا مقدرش اشوف دموعك انتى عارفه …وكمان انا كنت عاوز اقولك على حاجه..
_اي يا حبيبي

_بابا جالى المستشفي
_اي..جالك ازاي وعرف ازاي اصلا

_تقريبا كدا بيشتغل عندنا في المصنع وعمو يحيي شافه وعرف منه فجالى..
_اه هوا برضو جه هنا
_وقالك اي

_عاوز يرجع بعد عشر سنين بعد وفراق عاوز يرجع ويرجعكوا
_لا طبعا انا مش موافق انا عمري مهسامحه دا سابنا في عز محنا محتاجينه سابنا واحنا اطفال انا عمري مسامحه..
_متقولش كدا يا يحيي عيونك يا حبيبي بتقول كلام غير دا مهما كدا دا ابوك والاب مفيش بعده غالى مهما كان مين الشخص ومدي المساعدات والحنيه اللي ادهالك بس مفيش اغلى من الاب وكلنا بنى ادمين وبنغلط

يحيي بصلها بذهول عاوز يقولها انتى ازاي طيبه كدا وبتسامحي بعد كل اللى حصل دا
_انا مش هقدر تسامحه انتى اكتر واحده عارفه احنا عيشنا ازاي انا وانتى كنا بننام من غير عشا علشان نجيب اكل لفارس

علشان نحوش مصاريف المدرسه والدروس انتي متخيله أننا يكون لينا اب وكان حاله متيسر ونعيش عيشة الفقراء ونعيش فقرا ونبدا من الصفر ومنلاقيش حتى لقمه ..
في الاخر جايه تقولى كلنا بنغلط..

اللي بيغلط بيعرف غلطه بعد يوم اتنين شهر سنه حتى …لكن دا قعد عشر سنين ميعرفش عننا حاجه كان فين كل دا قوليلي…
فريده دموعها نزلت وخدت يحيي في حضنها للاسف هى مش عارفه ترد لأن كلامه صح وعارفه كم المعاناة اللي يحيي عاشها …

_انا اسفه يا حبيبي اللي انت شايفه اعمله بس هقولك حاجه واحده دا ابوك والاب مهما عمل ميتعوضش انت فاهمني انا عارفه انك بتحبه بس زعلان منه على نفسك وعلى اللي حصلك ..
_انا عارف انك اكتر واحده فهمانى وانى مليش غيرك بس صدقيني مش هقدر اسامحه يا امي لازم اخد وقتي دول عشر. سنين..

*الله الله انتو هنا قاعدين في حضن بعض وانا جايه على رجلى انا والمسكينه..
انت مجتش تاخدنا لي ياض ولا انت حليت القاعده في حضن امك .
فريده بصتلها وقالت:كذا مره اقولك ماتحكميش على حد من غير متديله عذره واللي في دماغك في دماغك..
_ودا عذره اي يعني

يحيي:هوا انتى عاميه مش شايفه اني دماغى ملفوفه ومتخيط
نور جريت عليه بلهفه ..
يحيي بالنسبه ليها مش اخ بس دا ابوها كمان ..
_مالك يا يحيي يا حبيبي اي وجعك واي حصلك أن شاء الله كنت انا وأنت لا اي حصلك مالك ..
وعيطت..

_يا بنتي هوا انا اسكت امك تفتحى انتى متقلقيش يا حبيبتي انا كويس
اسف اني مجتش اخدكوا بس للاسف عملت حادثه ..اعتذري لآليا بالنيابه عني..
_دى لو عرفت اصلا هتقلبها نواح ..
_لي؟

_ها لا لا مش قصدي قصدي انها هتزعل يعني ..
_اااااه منا عارف
_يشيخ عارف

_امال يبنتي نص المنطقه اصلا بتجري ورايا بس انا اللي كاريزما في نفسي وتقيل
_اه منا عارفه بأمارة النحنحه اللي بتكلم بيها آليا
_مهوا انا كنت لسه هقولك الا بعض الصالحين
_وآليا من الصالحين

_دي هي الريس بتاعهم
_طيب هتصل بيها اقولها الكلام دا
يحيي مسكها من ياقة القميص
_اياكي احسن اعلقك هنا

_وعامل نفسك تعبان وامك بتعملك شربه
_انا فيتنيس يا به مش اي حد
_اه مهو واضح بعضلاتك اللي هتقفل علينا المكان دي..
_مش عاجبك..
فارس جه ..

_ماما انا جعان..
يحيي_اهلا بالبيه اللي عاوز عجله ومتوسط عند الكبير
_امال يا ابني انا مهم برضو..

_طيب مفيش عجله الا لما تنجح وتطلع الاول السنه دي ومش هتنازل عن الاول
_طيب وانا اعملها ازاي دي
_انا مالى اتشقلب اللي عاوز حاجه لازم يتعبلها خليك قد التحدي واطلع الاول
_حاضر وانا قدها ومش هتنازل
_رايح فين

_رايح اذاكر لازم اطلع الاول وتيجي العجله
_جدع بس اتغدا الاول علشان تعرف تذاكر
_حاضر..
وجلسوا في جو عائلى لطيف متناسيين كل احداث اليوم المنهكه وكل ما حدث وجاء الليل منتظرين يوم جديد ملئ بالاحداث..

في مكان ما …
مجهول:الواد حصله اي
_اتعور في دماغه واتخيط
_اغبيا كان لازم تبقى حدثه أعنف شويه امال هخلص من يحيي ازاي لازم انتقم منه في حاجه بيحبها
_انتي ناويه على اي

_ناويه اخلص من اخويا…!!؟؟
عدت السنين ورجعت اقوى ولازم احرق دمه زي ما طرد امى من البلد هنا وحرمني من انى اعيش هنا وخد ورثي وفلوسي ماماا حكتلي على كل حاجه..!…
جيالك يا يحيي!؟

ي مكان ما …
مجهول:الواد حصله اي
_اتعور في دماغه واتخيط
_اغبيا كان لازم تبقى حدثه أعنف شويه امال هخلص من يحيي ازاي لازم انتقم منه في حاجه بيحبها
_انتي ناويه على اي

_ناويه اخلص من اخويا…!!؟؟
عدت السنين ورجعت اقوى ولازم احرق دمه زي ما طرد امى من البلد هنا وحرمني من انى اعيش هنا وخد ورثي وفلوسي ماماا حكتلي على كل حاجه..!…
جيالك يا يحيي!؟

عند يحيي الكبير ..

حس أن في شىء مش منطقى ورا حادثه يحيي وان في حد وراها مش معقول يكون حادثه لا دا شئ مدبر ودماغه راحت عند نادين اللي هي أخته هوا مش عارف هى ممكن تعمل كدا بس اي الفائده من أنها تأذي يحيي وهوا موجود ..
عاوز يشوفها ويقابلها هوا عارف أن أمها ربت في قلبها الكره تجاهه بس هوا ملهوش اي ذنب هوا بيحبها لأنها أخته لكن هى شكلها جايه مصر لسبب تاني خالص …
في الوقت دا جاله اتصال…
_الو

_الو يا اخويا اوعى تفتكر أن الحادثه بتاعت يحيي (الصغير)هتعدي بالساهل لا استنى مني انتقام اكبر من كدا انا عارفه انك دلوقتي بتفكر يا حرام مين اللي عمل كدا وانا بوفر عليك التفكير دا يا حرام عوزا اقولك اني مش هسكت الا لما اشوفك مذلول وبتبكي بدل الدموع دم..

_انتى بتعملى كدا لى وبعدين عداءك معايا أنا مش مع يحيي هوا ذنبه اي ابعدي عنه وانا موجود انتقمي مني براحتك
_لا انا عوزا احرق قلبك عليه انا عارفه انك بتحبه اوووي وانت الاب الروحي للعائله الكريمه دي ولا حتى فكرت فيا في يوم بس خلاص انا رجعت يا يحيي وهنتقم منك اشد انتقام..

_انتى بتقولي اي انتى عارفه انا حاولت اوصلك ازاي وكمان انا عارف مين مربي الغل والحقد دا في قلبك انا عارف بس متخسريش نفسك بسبب حاجات انا وانتى ملناش اي يد فيها انا كنت بدور عليكي ولقيتك لي بتعملى كدا بدل متجيلي ونعيش سوا زي اي اخوات

_انت مش اخويا أنت فاهم انا مليش اخوات انا وحيده كان ليا امي وماتت وبسببك انت وابوك علشان كدا راجعه انتقم وسلام بقى علشان الكارت ميخلصش استنى مني الضربه الجايه في اي وقت سواء ليك أو ليه..سلام..
وقفلت السكه ..

يحيي فضل قاعد مش قادر ومش عارف يفكر مكنش يتخيل في يوم أنه ممكن يتحط في الموقف دا تعب من كتر التفكير والقلق على يحيي…
قام لبس وخرج راح على شقه يحيي..
خبط وفريده فتحتله..
_يحيي موجود

_اه اتفضل يا استاذ يحيي..
يحيي دخل وسأل على مكانه ..
_جوا في الأوضه ادخله..
خبط ودخل وكان يحيي قاعد بيحاول يرسم شكل هندسي بايده وكان تعبان جدا ..

_انت بتعمل اي وايدك كدا انت غاوي وجع
_لا مش غاوي وجع بس لازم اذاكر علشان انت عارف الشغل وكمان لازم الامتياز والأول علشان الهدف والحلم ولا اي
_صح ربنا يوفقك يا حبيبي..

يحيي الصغير حس أن يحيي فيه حاجه دا لانه قريب اووي منه واول ما بيبصله بيعرف هوا حاسس بايه ..
_غريبه انك عندي هنا وفي البيت بقالك فتره مش بتيجي وكمان شكلك ميطمنش مالك
_مفيش بس عاوزك تسمع الكلمتين دول مني
_اتفضل يا ابيه..

_بص يا حبيبي انت عارف انا بحبك ازاي وقد اي وكمان عارف اني بعتبرك ابني ..علشان كدا جاي اقولك متخرجش خالص اليومين دول
_لي في اي

_مفيش علشان اللي حصلك دا بس وكمان هتبقى تعبان فمفيش داعى تخرج
_وانا من امتى لما بيحصلي حاجه بضعف أو بقعد أو مش بخرج انت عارف انى مش بحط في دماغى
_انا عارف انك قوي بس..تاتا
_بس اي في اي قولي..

_بصراحه اللي حصلك دا مكنش مجرد حادثه عاديه
_امال اي

_دي مؤامره متدبره عارف اختي اللي حكتلك عنها
_اه هي السبب؟

_بالظبط كدا انا مش عارف انت مالك بس هي عوزا تنتقم مني فيك لسبب انا مليش اي علاقه بيه هى كل اللي في دماغها الانتقام وبس..فأرجوك يا يحيي متخرجش انا معنديش اي استعداد انى اخسرك وكمان امك وأخواتك ارجوك متخرجش لحد مقابلها واصلح سوء التفاهم دا…

يحيي سكت شويه..
_بس انا هخرج انا مش جبان انت عارف اني قد اي حد انا مش هخاف واقعد في البيت واللى ربنا عاوزه هيكون
_يا ابني ربنا قال برضو لا تلقوا بايديكم الي التهلكه وانت عارف أن في اذي برا وعاوز تخرج طيب لي
_بكل بساطه انا مش هوقف حياتي وشغلى علشان حد جواه غل وحقد من ناحيتك واللي عوزا تعمله تعمله انا قولت اللي عندي .

يحيي عارف أن يحيي (الصغير)عنيد ومش هيسمع الكلام واللي في دماغه هينفذه..
_طيب قدر اني خايف عليك
_انا مقدر دا بس انت برضو اللي علمتني مخافش واواجه اي اذي مش هقعد في البيت زي الستات وحط ايدي علي خدي احسنلى اقوم اخد الهدوم فومين ولا اغسل المواعين امال انا راجل لي مش علشان اكون قد اي حاجه وكمان اعتبرها غيرة نجاح..
_ازاي..

_يعني اي حد بيشوف حد ناجح بيغير منه وبيبقى عاوز يهدم نجاحه دا ويخليه فاشل زيه ..هى كدا االلي في أيدها تعمله تعمله انا هخرج واشتغل وانت كمان لانى لو قعدت في البيت ابقى ضعيف ومستاهلش المكانه اللي وصلتلها دلوقتي دي
_عندك حق يا حبيبي انا اسف انا خايف عليك بس انت عندك حق واحنا في ايد بعض هنقدر على اي اذي
_اكيد انت عارف انك اكتر من ابويا اللي سابنى زمان ..

هه وراجع دلوقتي عاوز مسامحه ونعيش عادي جدا كأن شيئا لم يكن شوفت بجاحه كدا..
_يحيي انا عاوز اقولك حاجه..دا ابوك يا حبيبي انا حكيتلك اللي حصلي زمان وبرضو كنت ومازلت بحترموا لانه بكل بساطه ابويا ومقدرش اغيره بس اللي قدرت اغيره حقيقي شخصيته بس برضو بعد ما خسر كل حاجه ومات وهوا معهوش حتى فلوس دفنته بس كان واجب عليا احترامه وتقديره بين الناس لانه ابويا وكمان بيني وبين نفسي كنت يحترمه ممكن يكون هوا سبب رئيسي لوصولى للمكان دا ..

_بس هوا مسألش فينا خالص انت مش بتشوف دموع امى كل يوم على خدها انا بعدي من جنب الأوضه بتاعتها وبسمع شهقاتها كسرها وكسرنا كلنا مش بسهوله نسامحه
_بس لازم تسامحه لانه ابوك وانا عارف ومتأكد أن حسن اتغير كتير عن زمان اللي حصله غيره فأنت متجيش عليه هوا دلوقتي انا عارف ومتأكد أنه بيتعزب

_بس برضو مش بسهوله شويه كدا لما اتاكد أنه فعلا اتغير ويستاهل يدخل في وسطنا تاني …
_ماشي يا ابني اللي تشوفه انا همشي بقى..وخد بالك من نفسك
_حاضر..

يحيي مشي
تاني يوم في المصنع ..
حسن وصل المصنع وبدأ شغل في العادي..
يحيي وصل المصنع علشان بيجهز الطلبيه الجديده اللي بيشتغله عليها …
وشاف العمال وسلم على صابر وشاف حسن وسلم عليه …
وشاف واحد من العمال بيشتغل على المكنه غلط ..
راح ناحيته ..

يحيي رغم أنه وصل وبقى هوا صاحب المصنع مش ناسي أنه كان واحد منهم في يوم من الايام وبيتميز بالتواضع جدا علشان كدا كلهم بيحبوه..
بدأ يعلمه وعرف منه أنه لسه جديد..

يحيي وقف معاه وعلمه واشتغلوا سوا
ولسه جاي يمشي لقى نفسه على الأرض وحسن جنبه ….
وهنا كانت الصدمه…

يا تري اي السبب واي اللي حصل….
رواية النصيب. الجزء السابع

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­