#البارت_السابع
_انت حسن الشربيني
_ايوا
_في قضيه طلاق مرفوعه عليك باسم السيده احلام عطاالله…
_اي.
حسن مكنش مصدق أن احلام اللي هى باع ولاده ومراته علشانها تعمل كدا فيه حس أن الدنيا بتلف بيه وكأنه بيقول انا اي اللي عملته في نفسي دا غدرت بمراتي وبعدت عنهم سنه كامله ولا سالت ولا شوفتهم سبتهم يخبطوا في الدنيا لوحدهم بس جاي فين جاي بعد فوات الاوان يفتكرهم سنه كامله عاش فيها مع واحده خسرته كل حاجه ودلوقتي طالبه الطلاق ..
مضى على الورقه ودخل قعد مكانه مكنش مستوعب كل اللي بيحصل للدرجادي هوا طلع وحش اووي كدا …
وقرر أنه يبدأ من الصفر وأنه مش هيرجع لولاده الا لما يجيب البيت تاني ويكون الاب اللي يستاهل الكلمه دي..
في البيت عند فريده ..
كانت قاعده لوحدها بتسترجع الزكريات…
بتفتكر اللي حصلها من سنه وحياتها اللي اتغيرت ١٨٠درجه بسبب جوزها وصحبتها عاشت مع ولادها ومع ابنها اللي كان بار بيها وفعلا دا احسن عوض ليها في الدنيا ربنا مخذلهاش بعد اللي حصلها..
دلوقتي يحيي بيتعلم وبيشتغل وبيجيب أعلى درجات كمان وابتدى يبقى شاطر في شغله ومصنع يحيي بدأ يقف على رجله ويحيي معاه لحظه بلحظه …
هى مبسوطه بقرب يحيي منه لأنه بيعلمه حاجات كتير اللي المفروض كان أبوه يعلمهاله …!
_صباح الخير يا امى اي مصحيكي بدري كدا
_صباح الفل يا قلب امك ..مفيش بسيدي كالعاده فارس بيحب يصبح ويمسي ..
يحيي قرب من فارس اللي كبر وبقى عنده سنه وشهرين وبدا يتكلم بس اول لما بدا يتكلم قال يحيي وماما …
مهو مفيش بابا علشان يشوفه ويحسه وكان دائما يشاور على يحيي ويقوله يا بابا.
احساس جميل لما يكون الاخ اب كمان دا في حال لما يكون هوا قايم بواجبات الاب وزياده كمان…
قرب من فارس وباسه وحضنه
_صباح الخير يا شقي افندي
فارس وهوا بيبصله بضحكه بريئه ملائكيه تاخدك وتروح بيك عالم تاني..
رد عليه بكلام مش مفهوم وفي آخرها بابا…كأنه بيقوله صباح النور يا بابا…..
يحيي ضحك من قلبه وسابه..
.
.
ودخل على اوضه نور اللي كانت نايمه في سابع نومه اه ما النهارده اجازه بقى والجميل حقه يتدلع…
_نور
نور نومها ثقيل جدا يعني لو الدنيا كلها اتهدت واتبنت مش هتصحي..
يحيي ضحك بخبث وقال يعمل فيها مقلب..
راح جاب فارس ومسك أيده وبقى يلعب في رجل نور وفارس كان بيضحك اوووي يحيي عارف أن الحركه دي بتضايقها بس عارف برضو أنها اللي هتصحيها…
نور فضلت تتقلب وقامت صرخت وفارس ويحيي بيضحكوا جامد
_تصدق انك رخم يا يحيي_
_انتى اللي نومك تقيل والنهارده اچازه عاوزين نلحق اليوم من أوله عالبحر
_اممممم ماشي بس شرط
_طبعا هناخدها معانا …
يحيي كان قصده على آليا اللي في كل خروجه ولا فسحه لازم نور تشرط انها تيجي معاهم هوا الصراحه بيحبها وبيحب براءتها اللي مش متناسبه خالص مع أخته!؟
ايوا لان نور شقيه جدا ودمها خفيف…
راحوا عالبحر وقضوا اليوم وكانو فرحانين جدا ولعبوا كتير وكان معاهم آليا وأخوها امير اللي كان اصغر من يحيي بسنتين بس بس يحيي بيعتبره اخوه الصغير وبيحبه جدا…
.
.
كان يحيي الكبير بيتمشى عالبحر وشاف فريده قاعده وبصه عالبحر كل لما يشوفها بالحزن دا بيلعن غباء حسن وبيقول ربنا يسامحه عاللي عمله فيها دا هوا لسه بيحبها بس ولادها مش هيتقبلوه ويحيي نفسه ممكن يخسره وهوا بيعتبره ابنه واكتر لكن بيفضل السكوت ويحتفظ بحبه دا لأنها ممكن متقبلهوش ويبقى خسرهم للابد…
مرت الايام والسنين والشهور ويحيي في نجاح وتقدم والمصنع كبر وبقى شركه صغيره خلى يحيي شريك معاه ودا لكفأته وكمان يحيي ساعده كتير وكمان بدخول يحيي الهندسه يستحق أنه يكون شريك معاه …
وحسن السنين اللي فاتت دي كلها فضل يدور على شغل وحياته اتدمرت اكتر كل يوم كان بيأجل أنه يروح لولاده لحد ما فات الاوان …
.
.
وفريده أحزانها اتداوت وهى كل يوم بتشوف نجاح ولادها وابنها اللي لسه متمش ٢٠سنه ماسك شركه وبيديرها وولادها بيكبروا قدام عينيها…
فرحانه جدا انها قدرت لوحدها توصل وتوصل ولادها أو معني اصح ابنها اللي وصلها الاحساس دا بنجاحه وتفوقه …
يحيي كبر وحقق حلمه ودا فضل وقوف يحيي جنبه ووصل وسعى وزاكر ودخل الكليه اللي بيحبك بيها واللي بيها هيحقق كل أحلامه وهيعمل المستشفى ويبقى رجل اعمال كبير ..
.
.
وفي يوم في الشركه …
دخل يحيي الصغير على يحيي الكبير …
_عمو يحيي محتاج أمضه حضرتك عالمناقصه دي
_مروحتش الكليه لي النهارده
_مش مهم الشغل اهم
_من امتى والشغل اهم من الدراسه بص يا يحيي السبب في وصولنا هنا دلوقتي هوا نجاحنا وتفوقنا والسبب في مكانتك دي هوا اصرارك على حلمك وتميزك واانا بساعدك بشتى الطرق فخليك دائما محافظ على نجاحك دا متأثرش فيه
_حاضر والله مش هأثر ومتقلقش احم انا قدها
.
.
_امال يا بطل انت يحيي باشا
_مش اووي كدا بس قريب ناخد بس المناقصه دي والشركه دي هتتنقل مكان تاني خالص وممكن نفتح فرع في القاهره كمان …
_يا شيخ اي الاحلام دا
_انت مش حضرتك قولت مفيش مستحيل سيبني احلم علشان الاقى حاجه اسعالها واحققها…
_اه صحيح روحت جبت نور من المدرسه
_لا لسه هروح اهه مش عارف اي غيتها انها تروح المدرسه البعيده دي
_علشان آليا معاها يعني تبقى لوحدها
_مش عارف انا اي آليا دي معاها في كل حاجه كلت عقلها..
يحيي غمزله
_كلت عقلها هي وبس
يحيي تتوتر
_احم انا ماشي
_مسيرك تقع بلسانك وساعتها انا مش هبقى مسئول…
يحيي خرج من المكتب هوا للدرجه دي باين عليه بس هوا خايف ليتكرر اللي حصل زمان تاني!
أو أبوه يظهر في اي وقت في حسابات كتير هتتفتح هوا دلوقتي كبر ومستعد لاي مواجهه بس مواجهه اي وهوا عشر سنين ومسألش عنهم حتى …هه وشكله مش هيسأل خالص هتلاقيه دلوقتى مبسوط مع مراته!
على الناحيه التانيه …
حسن شكله كبر خالص بقى اكبر من سنه بان عليه العجز والكبر الدنيا لفت ودارت بيه وهوا لسه على هذا الحال…
كان شغال في ورشه صغيره عند ناس …
_انت يا زفت ياللي اسمك حسن..
_نعم يا بيه
_انا مش قولت تكنس قدام المحل وترش ميه ولا انا كلامى مبيتسمعش
_انا حاضر حاضر هعمل كدا …
_طيب غور من وشي كتك القرف
وزقه ووقع برا المحل …عنيه جت قدامه وكانت واحده واقفه واتصدم لما شافها……
يا تري مين دي…
#البارت_الثامن
على الناحيه التانيه …
حسن شكله كبر خالص بقى اكبر من سنه بان عليه العجز والكبر الدنيا لفت ودارت بيه وهوا لسه على هذا الحال…
كان شغال في ورشه صغيره عند ناس …
_انت يا زفت ياللي اسمك حسن..
_نعم يا بيه
_انا مش قولت تكنس قدام المحل وترش ميه ولا انا كلامى مبيتسمعش
_انا حاضر حاضر هعمل كدا …
_طيب غور من وشي كتك القرف
وزقه ووقع برا المحل …عنيه جت قدامه وكانت واحده واقفه واتصدم لما شافها……
معقول هي دي اللي دمرته ودمرت حياته وخلته عاجز عن اي حاجه مفيش حتي عياله ومراته مش عارف يوريهم وشه …
قام وقف قدامها وهي واقفه بكل برود طبعا كلنا عارفين مين دي …
احلام اللي حسن باع مراته علشانها اللي ساب كل حاجه وراحلها اللي خدت فلوسه ومشيت ومعاها بنته اللي الله اعلم شكلها عامل ازاي دلوقتي.
_انتى
_ايوا انا يا يا حسن يااااه عالزمن بقى انت تبقى هنا …
_محدش بيتعلم من الدنيا ببلاش وللاسف اكبر قلم خدته كان من الشخص اللي امنتله
_طيب متبقاش تآمن لحد تاني ههههههههيييي سي متولي…
ودخلت المحل وراحت ناحيه الراجل اللي مشغله واللي. كانت صدمه بالنسبه ليه انها اتچوزت الراجل دا اللي هوا مشغله أو بمعني اصح بيذله…
وقف وهوا مش مستوعب اي حاجه …
ومتولى اتكلم:انت ياض هتفضل متنح كدا متغور تكنس المكان…
في الوقت دا حسن ساب كل حاجه من أيده ومشي هوا مش هيسمح أن كرامته اتهام اكتر من كدا هوا خمسين سنه ومش عاوز يضيع عمره تاني لازم يروح لأولاده لازم يعتذر ليهم هوا عمره بيضيع زي ما حياته ضاعت وندمان على كل دا …
ومر اسبوع مرور الكرام بدون أي أحداث تذكر ….
_صباح الخير يا ست الحبايب
_صباح الفل يا نور عيني …
يحيي قرب منها وباس رأسها وايدها اللي هوا اتعلم من زمان على كدا ميعرفش يخرج من البيت الا لما يبوس رأسها …
*الله الله عيني عينك كدا..
_عوزا اي يا بت
*يحيي حبيب قلبي عامل اي يا راجل وحشتني بقالك فتره مختفي
_يشيخه امال مين اللي جايبه امبارح من المدرسه ومين اللي لففني علشان نشاطات المدرسه بتاعته دي وسهرتيني معاكى …
_الا انت عاوز تدخل هندسه ببلاش وبعدين يا برنس دا مش ليا لوحدي
_يشيخه
نور بغمزه:اه المزه معايا
_مزه اي
_المزه اللي انت عينك منها ومش راضي تقول على فكره انت مكشوف اوووي وعينك فضحاك
_يشيخه…
يحيي قرب منها ومسكها زي الكتكوت المبلول
_ها كملى وبعدين
_ها ها دانا بهزر يا برنس دانت مش بتحبها ولا معجب بيها ولا عينك بتطلع قلوب خالص لما تشوفها مفيش الكلام دا عيب عليك
_انتي عارفه يا نور لو اتكلمتي تاني في الموضوع دا هعمل فيكي اي
_اي
_هشويكي بدل اللحمه انتي فاهمه
_حاضر حاضر..
_يلا ادخلى البسي ولمي شعرك تحت الطرحه كويس علشان مزعلكيش
_انا مالى هوا اللي بيتزحلق
_لا يحبيبتي لميه كدا عدل اشمعنا آليا شعرها مش بيزحلق
_اهو مانت مركز اهو حتى خدت بالك من شعرها
يحيي جاب آخره ولسه هيقرب عليها كانت في الأوضه بتاعتها وهوا ابتسم بحلمانيه وأمه قربت منه
_هوا حقيقي الكلام اللي نور بتقوله دا
_,لا يا امي مفيش الكلام دا دي نور مجنونه انتى عارفه تفاهتها
_بس اكيد في حاجه
_ها انا هنزل يا امى عوزا حاجه
_اتهرب اتهرب
يحيي ابتسملها وخرج من الشقه ونزل…
كان منتظر الاسانسير..
ومسك الفون يلعب فيه شويه وحس أنه هيستني كتير..
وبعدين قام الاسانسير فتح وشافها وهي واقفه …
مش انسان عادي دا ملاك بحجابها وبالزي الرسمي بتاع المدرسه وعيونها العسلي الفاتح ووجهها الملائكى يحيي يصلها
هي بصتله وابتسمت كعادتها …
_ازيك يا ابيه يحيي
دائما متعوده تقوله أبيه دي ..
_ازيك يا آليا عامله اي
يحيي في الوقت دا كان قلبه بيدق فرحه وسعاده فرحان أنه شافها هوا اه بيشوفها كل يوم بس كل يوم كأنه اول مره يشوفها
،_الحمد لله هى نور جوا
_اه يستي ادخليلها وانا هنزل استناكوا تحت متتاخروش
_حاضر
يحيي ابتسملها ونزل…
آليا خبطت وفريده فتحتلها
_اتفضلي يا بنتي
آليا دخلت
_طبعا نور لسه بتلبس
ودخلت الأوضه عندها لقتها بتلف الطرحه اللي مش عارفه تداري شعرها ازاي وفي نفس الوقت خايفه من يحيي ليشويها
_مالك مش عارفه تلفي الطرحه كدا
_اصل يستي ابيه يحيي قالي لو شعرايه طلعت مني هيشويني
_ههههههههه احسن والله ابيه يحيي دا جدع
نور بصتلها من المرايه بخبث
_جدع بس
_امممم وقمر وعسل وسكر وكل حاجه حلوه متقدريش تتخيلي يا نور انا بحبه قد اي من وانا صغيره كبرت على صورته في خيالي
_يبت يا چامده على الله هوا بس يحس بكل دا اصل هوا اخويا وانا عارفاه
_لا هيحس انا عارفه ربنا مش هيخذلني ابدا انا دائما يدعى ربنا في كل صلاه أنه يكون ليا ..
_ان شاء الله يختي يلا بقى علشان واقفلنا تحت
_سلام يا ماما
سلام يا طنط
_سلام يا ولاد حلو بالكواا من نفسكوا
_حاضر
ونزلوا وركبوا مع يحيي ومشيوا ولا يخلو الطريق من افهات نور على حبه تلميحات منها ودمها الخفيف اللي بيعطى بهجه للمكان ..
فريده كانت قاعده بتسمع ام كلثوم وبتشرب قهوه وبتمارس هوايتها المفضله التريكوه…
وفي الوقت دا الجرس رن ..
*يا تري مين العيال كلهم مشيوا حتى فارس راح المدرسه
،يارب سترك وعفوك
فتحت الباب واتفاجئت لما شافت …..
رواية النصيب الفصل التاسع
#النصيب
#البارت_التاسع
،فريده كانت قاعده بتسمع ام كلثوم وبتشرب قهوه وبتمارس هوايتها المفضله التريكوه…
وفي الوقت دا الجرس رن ..
*يا تري مين العيال كلهم مشيوا حتى فارس راح المدرسه
،يارب سترك وعفوك
فتحت الباب واتفاجئت لما شافت …..
_حسن!؟
_ازيك يا فريده عامله اي
_اي اللي جابك جيت لي يا حسن بعد السنين دي كلها
_جاى ندمان وعاوز ارجع زي مانتى شايفه اتعاقبت على كل حاجه عملتها فيكي زمان
_مش هينفع يا حسن انا هنت عليك وولادك هانوا عليك يحيي اللي كان عشر سنين اشتغل علشان يصرف عليا وعلى اخواته اللي المفروض اللي في سنه بيكونوا بيلعبوا وعايشين طفولتهم لكن انت حكمت عليه أنه ميعشش زي باقي الناس وأنه يشتغل علشان انانيتك وجشعك…
_متحكميش عليا يا فريده انا راجع ندمان بجد انا اسف على كل حاجه حصلت فريده انا تعبت جدا في حياتى اتدمرت واتعاقبت خسرت كل حاجه كل اللي بنيته اتهد وحاولت ارجع كل حاجه بس مفيش حاجه رجعت وجتلك على امل انى ارجع جزء من اللي ضاع
_جزء!!
جزء اي يا حسن انت شايف نفسك بقيت عامل ازاي انا معرفتكش بس عارف انا فرحانه انك حصل فيك كدا علشان انت رمتني وانا حامل في الشهر الأخير كان اى ذنب فارس أنه يتربى وهوا مش عارف هوا ليه اب ولا لا بس عارف انت عملت حاجه حلوة جدا ودي اللي ممكن اشكرك عليها انك جبت من ضلعك يحيي اللي هوا اكبر مكافأه ليا فعلا
احسن حاجه انت عملتها بجد شكرا وكمان شكرا على انك عرفتني حاجه مهمه جدا أن المفروض الواحد ميضحيش باي جزء من حياته أو كرامته علشان اي حد حتى لو كان بيحبه ولو سمحت انا مش عوزا اشوفك تاني واتفضل ارجع مطرح ما جيت روح لاحلام اللي انا متأكده انها اول واحده. اتخلت عنك اتفضل من غير مطرود….
حسن حس أن خلاص مفيش اي امل مش معقول دي فريده زي مبيقولوا الزمن قواها هوا بقاله عشر سنين بعيد وعاوز يرجع تاني ازاي فات الاوان ايوا فات الاوان بس اكيد في امل انو يرجعها ويرجع لعياله ويحيي ويشوف فارس اللي مشافهوش خالص ونور ولاده عاوز يشوفهم يااااه اول مره يحس بمراره الدنيا كدا حقيقي هوا اتعلم وكتير اووي بس بعد فوات الاوان….
حسن بدموع:فريده متبقيش قاسيه متقسيش عليا متبقيش زيي خليكي انتى الاحسن
،_حسن انا مش هقدر اعمل اللي انت عاوزوا دا مش هقدر ارجع كفايه اللي انت عملته زمان انا اتعلمت كتير بسببك وعانيت كتير برضو بسببك مش هقدر أضحي تاني للاسف انت متستاهلش….
وقفلت الباب في وشه…
هوا بقى واقف مصدوم من كل اللي حصله وبيحصله دا مكنش متخيل أن فريده تبقى بالقسوة دي بس عندها حق هوا السبب هوا اللي عمل كل دا هوا اللي ظلمها وسابها وقسي عليها وهى حامل مش عارف يعمل اي ولا يتصرف ازاي…
_حضرتك مين
حسن بص لمصدر الصوت لقي صورة مصغرة منه طفل شبهه جدا نفس الملامح بس على صغير خمن أن دا فارس ياااه مكنش متخيل أنه يكون شبهه كدا وكمان يشوفه وهوا كبير كدا..
_انا انا اه انا محصل الكهربا
_امممممم ومش ماسك الدفتر في ايدك لي وممعكش شنطه ….وبعدين فضل يفكر في ددماغوا
*دا شكله حرامي انا لازم استخدم الخطه ٤٠٥…امممم لما نشوف انت مين بقى…
فارس قرب منه ومسكه من البنطلون من قصره وبدا يزعق ويقول حرامي حرامي فريده كانت جوا وسمعت الصوت برا واللي خلاها تخرج انها سمعت صوت فارس. وعرفت تميزه ..
خرجت ولقت المنظر دا أن فارس ماسك حسن ويقول حرامي وحسن واقف مش عارف يعمل اي مش معقول دا يكون ابنه هوا اعقل من كدا بكتير…
_في اي يا فارس يا حبيبي
_دا حرامي يا امي كان واقف قدام الباب وشكله كان بيعمل خطه للهجوم على البيت علشان بسرقه لكن انا كنت اسرع منه شوفتي انا شاطر ازاي
_طيب أهدى يا حبيبي دا مش حرامي
_امال مين
_انت شايف اهو شكله مش حرامي مش انت عارف اني بعرف افرق بين الناس
_اه يا امي وانا بثق فيكي جدا بس
_مبسش. انت المفروض تعتذر من عموا على اللي حصل علشان عيب اللي حصل دا مش كل الناس انمي
_حاضر
انا اسف يا عمو فارس قال انو اسف ودخل جوا وحسن واقف مستغرب من طريقه ابنه وكمان طريقه كلامه مع فريده ٠وان فعلا فريده عرفت تربي ولوحدها ابتسم وقال
_شكرا
فريده باستغراب
_على اي
_على انك ربيتي عيالي التربيه دي بجد شكرا يا فريده انك معملتيش حسن تاني حاربتي علشان ميكنش موجود
_فعلا حاربت علشان ميكنش موجود عن اذنك
ودخلت وقفلت الباب…
وحسن قرر أنه مش هيستسلم وانه لازم يشوف يحيي ابنه اللي هوا اساسا هيبقى مكسوف منه …
نزل ولقى عربيه بتركن تحت العماره وبص لقى يحيي صاحبه خارج منها …
يحيي حاول يستخبي وفعلا نجح في كدا
_يا تري يحيي جاي هنا لي!؟…..
على الناحيه التانيه في المدرسه اللي فيها نور واليا
_يبنتي اهدي بقى مالك كدا
_يبنتي الحصه هتفوتنا وانتى عارفه أن الأستاذ دا رخم شويتين فانجزي كدا وكمان احنا ضعاف جدا في الماده دي
_هوا من ناحيه ضعاف فاحنا ضعاف فعلا
_اشحال بقى اخوكي في هندسه لو طلبتي مساعدته هيساعدك
_اه طبعا بس انتي عارفه يحيي مشغول دائما من الشغل للكليه وهكذا
_هيييح عقبال مينشغل بيا انا كمان ويغنيلي النهارده هكلم ابوكي قالها وروحي راحت ياني ..
$هوا مين دا…
نور وآليا اتخضوا وبصوا على مصدر الصوت لقوه الاستاذ الرخم دا أو الاستاذ اللي المفروض عليهم..
اتوتروا جدا وآليا اتكلمت
_ها مفيش حاجه يا مستر دا اغنيه مش اكتر
وحضرتك سايبه الحصه وواقفه تغني هنا ..
_انا انا
_انتى اي يا أنسه اتفضلوا يلا على الحصه وهنبقى نشوف الموضوع دا يا نور مع يحيي
نور:لا والنبي يا شيخ بلاش يحيي الآهى تنستر
_طيب اتفضلوا على الحصه…
ودا يبقى احمد أو الاستاذ احمد لسه متعين جديد عنده حوالى ٢٤سنه وسنجل يعني مش متجوز ولا خاطب حتى ومعجب بنور شويتين تلاته كدا وهوا ويحيي صحاب وبيحب يحيي جدا وتقريبا هوا عارف قصتهم علشان كدا هوا بيتعامل معاهم عادي بس طبعا مينفعش يقول لنور أنه معجب بيها علشان هى لسه صغيره وممكن تفضحه في المدرسه !؟
يلا نروح الشركه عند يحيي …
كان لسه راجع من الكليه المفروض أنه يروح بس كان عنده شغل مهم واضطر أنه يرجع الشركه يخلصه..
وقعد وبدأ يشتغل وعادي جدا زي محنا عارفين أن يحيي بيحب الشغل جدا جدا وفي الوقت دا جاله اتصال من البيت..
_الو
_ايوا يا ابيه يحيي انت هترجع امتى
_كمان ساعتين كدا يا حبيبي لي في حاجه
_اه كنت عاوز احكيلك على الحرامي اللي شوفته النهارده
_حرامي!؟
حرامي اي دا وفين
_في البيت وماما خلتني اعتذرله كمان تعالى بس وانا احكيلك
_ماشي يا حبيبي لما اجى
يحيي عامل علاقه قويه جدا بينه وبين اخواته لدرجه انهم مش بيقدروا يخبوا حاجه عليه حتى لو صغيره جدا فعلا هوا كان ونعم الاخ والاب والصديق …
يحيي الكبير روح البيت علشان ياخد شاور ويلبس علشان عنده اجتماع مع ناس مهمه …
وطبعا كلنا عارفين أنه بيحب فريده لحد دلوقتي وجدا كمان بس برضوا الحاجز اللي منعه علاقته بيحيي انها تدمر دائما بيبقى في موانع كتير في اي علاقه ….
في الوقت دا جاله اتصال من شخص..
_الو
اي نادين نزلت مصر !؟
رواية النصيب. الجزء الخامس
.
.
.
.
