بتعملى ايه عايزة تقت*لى ابنى وخدت منها ابنها بخوف
بصيتلها اميرة بذهول وقالت. انتى بتقولى ايه ؟ والله ماعملته حاجة
رنا بغضب انتى كدابة انتى كنتى بتحاولى تقت*ليه حرام عليكى بتعملى ليه كدة ده طفل
دخل الكل على صوت زعيقهم
فى ايه يارنا صوتكم عالى ليه
رنا بغضب مرات ابنك حاولت تقت*ل ابنى ياماما
اميرة ببكاء والله ياماما ماعملت حاجة الواد كان بيعيط وكنت بحاول اسكته
نور سلفتهم وهيا رنا هتكدب يعنى بتعملى ده كله عشان مش بتخلفى
انتوا ليه مش مصدقنى انا معملتش حاجة للواد
حماتها بلوم يابنتى مش انتى الل قولتى لجوزك يتجوز عليكى عشان يخلف دلوقتى بتحاولى تأذى ابنه ليه
اميرة بصدمة انتى كمان يامااااما مصدقاها دى كدا*بة وبتحاول توقع مابينا
رنا ببكاء حرام عليكى ياشيخة أنا هوقع بينكم ليه انا من ساعة ماجيت البيت وانتى بتحاولى تأذينى كتير وكنت ساكته ومش بتكلم بس متوصلش لابنى
انتى كدا*بة وانا هوريكى ازاى تكدبى تانى
قربت منها أميرة بغضب وكانت هتضربها
زياد اميييييرة وبعدين قرب منها وكمل انتى ازاى ترفعى ايدك عليها ؟
كانت لسه هتتكلم لكن رنا سبقتها وكانت شايلة ابنها حضنت زياد وهيا بتبكى
كانت عايزة تقت*ل ابننا شوفتها وهيا بتكتم نفسه والحمد لله لحقته منها
قربت منها أميرة بغضب تانى بس زياد مسك ايديها جامد وهى بتبصله تقصد ايه
زياد ببرود يعنى تاخدى هدومك وتمشى انتى معتش ليكى قعاد هنا تانى
ردت عليه بصدمة
.
.
انت بتقول ايه أمشى أروح فين ده بيتى انت بتطرنى عشان خاطرها ومش مصدقنى
والدة زياد خلاص يابنى سيبها عشان خاطرى انا
بص زياد لاميرة وكان هيوافق بس رنا قاطعته وقالت
لو هيا فضلت فى البيت يازياد هاخد ابنى وامشى اختار ياانا ياهيا
نور بشماته فى سرها البت الل جايا من الشارع دى لازم تمشى وكانت بتبص بحقد لاميرة
اميرة ببكاء وهيا بتمسك ايد زياد لا يازياد ارجوك انا مش عايزة اسيب البيت متخربش بيتنا انت بتحبنى انا عارفة بس من ساعة ماتجوزتها وانت اتغيرت معايا
مسحت دموعها وقالت بثقة انا عارفة انك هتختارنى طلقها يازياد ومش هتقدر تاخد منك ابنك صدقنى انت بطلت تحبنى زى الاول يازياد
زياد وهو يحتضنها بحب لا لسه بحبك وعمرى ماحبيت غيرك
ابتسمت أميرة لكن انصدمت لما كمل
.
.
بس لو هختار بينك وبين ابنى هختار ابنى هو عندى اغلى من اى حد فى الدنيا حتى انتى مش هقدر استغنى عن رنا عشان هيا ام ابنى الوحيد انا آسف يااميرة سامحينى انتى طالق
#ضرتى ١
بقلم Mona mohamed
.
.
.
.
.
.
