رواية عوض العمر الفصل التاسع 9 بقلم سهيلة السويفي
.
.
.
.
اذكروا الله و صلوا علي النبي ♥️♥️
سها بخضة وخوف : حاضر حاضر جاية حالا
وسابت كل حاجة ونزلت جري علي العنوان اللي قالهولها
حمزة وصل علي المكان اللي الراجل قاله عليه و كانت عمارة لسة بتتبني في مكان مهجور اول ما وصل حد ضربه علي دماغه واغمي عليه
بعدها بشوية سها كمان وصلت واول ما وصلت هي كمان حد ضربها علي دماغها واغمي عليها
بعد ساعتين بقلمي سهيلة السويفي
حمزة ابتدأ يفوق وكان دماغه وجعاه بيبص حواليه لقا نفسه مربوط في كرسي ولقا سها نايمة و متكتفة هي كمان علي كرسي جنبه
حمزة بخضة وهو بيتحرك بكرسيه ناحيتها : سها حبيبتي قومي انتي كويسة ابوس ايدك قومي متخضنيش عليكي عملوا فيكي ايه المجرمين دول
.
.
سها وبدأت تفوق وقالت بصوت هادي : انا فين حمزة فين حمزة كويس
حمزة : انا كويس يا حبيبتي انتي ايه اللي جابك هنا بس فوقي يا سها ارجوكي
سها وصحيت وبصت علي نفسها لاقت نفسها مربوطة وشافت حمزة : انت كويس قالولي انك عملت حادثة وانا جيت جري اول ما جيت حد ضربني ومحستش بنفسي
حمزة : ولاد ال*** والله لاوريهم ازاي حد يفكر يمد ايده عليكي
سها : مش مهم دلوقتي يا حمزة اهم حاجة انك كويس
.
.
حمزة : متخافيش انا كويس كلموني و قالولي انك عندهم جيت جري عشان الحقك وواحد فيهم ضربني ومحستش بنفسي بعدها
سها وهي بتبص حواليها بخوف : طب هنعمل ايه دلوقتي انا خايفة اوي تفتكر عايزين مننا ايه
.
.
حمزة وبيطمنها : متخافيش يا حبيبتي انا معاكي محدش يقدر يقربلك بصي انا هحاول افك نفسي وانتي كمان حاولي يالا
حمزة حاول يفك نفسه بس مقدرش الحبل كان قوي اوي وسها برضه
.
.
سها : الحبل جامد اوي مش عارفة فجأة سمعوا صوت حد داخل
حمزة : اعملي نفسك نايمة بسرعة ومتطلعيش اي صوت
.
.
دخل راجلين شكلهم غريب وشاربين تقريبا
واحد فيهم : متقلقش لسة مصحيوش هما الاتنين في سابع نومة
التاني وهو بيبص علي سها : بس البت جامدة اوي انا مش قادر استحمل بصراحة
حمزة بغيظ وعصبية في سره : انا هقوم اموتك دلوقتي يا……..
الراجل الاول : مش دلوقتي الست قالتلنا محدش يتصرف غير لما هي توصل
التاني : وهي هتعوزها في ايه هي أهم حاجة عندها الواد
الراجل الاول بخبث : طب اطلع برة بقا ملناش دعوة لو الست جات وقالت خدوها نبقي ناخدها نتسلي شوية وخرجوا
حمزة بعصبية وغيرة : احنا لازم نهرب بسرعة انتي ما سمعتيش بيقولوا ايه ولا بيبصولك ازاي انا والله كلمة تانية و كنت هقوم ادفنهم مكانهم
سها : اهدي بس يا حمزة خلينا نعرف نتصرف
حمزة : طب يالا نحاول تاني نفك الحبل دا
عند عادل بقلمي سهيلة السويفي
عادل : ها انتوا فين
واحد من الحرس : هو وصل لمنطقة مقطوعة كدا ودلوقتي حددنا مكانه بالظبط
عادل : طيب ابعتلي العنوان بسرعة وبلغ البوليس حالا
عند حمزة وسها
حمزة كان قدر يفك جزء من الحبل لكن مش كله وكان لسة بيحاول
فجأة دخلت عليهم سمية وقالت بشر : ازيك يا حمزة عامل ايه ياااه انا كنت مستنية اللحظة دي من زمان بس اول ما شافته حسيت بحاجة غريبة مقدرتش تفهمها لكن نفضت الأفكار دي من دماغها
حمزة : انتي سمية بقا فهميني انتي عايزة ايه انا اول مرة اشوفك ومش فاهم ايه سر كل اللي بتعمليه
سمية : ابوك محكالكش اني كنت مراته وقتل ابني الوحيد
حمزة : قتل ابنك ازاي يعني انتي اكيد كدابة
سمية : لا دا موضوع يطول شرحه وانا مش فاضية انا جاية لمهمة خاصة انفذها واسافر علطول
حمزة : وياتري بقا فاكراني خايف منك انا ابويا رباني اني مخافش غير من اللي خلقني وبس
سمية بغيظ وضربت سها بالقلم : انا هربيك انت وابوك والحلوة دي
حمزة بعصبية : انتي ازاي تمدي ايدك عليها الكلام بيني وبينك خليها تمشي هي ملهاش ذنب
سمية بغل: هو انت لسة شوفت حاجة وبعدين دي ذنبها كبير اوي انك حبيتها وانا اوعدك هحرق قلبك عليها واحرق قلب ابوك عليك دم ابني مش هيروح هدر جيه اليوم اللي هاخد فيه حقه وانتقمله من اللي قتلوه
حمزة : انتي مريضة ومش طبيعية اكيد انتي فاهمة غلط ابويا عمره ما يعمل كدا
سمية وطلعت مسدس وحطته علي دماغه : اخرس ومسمعش صوتك خالص
سها برعب وهي بتعيط : ارجوكي اوعي تأذيه هو مالهوش ذنب في اي حاجة حصلت قبل كدا اعتبريه زي ابنك
سمية بصراخ وضربتها: ابني راح واياكي تجيبي سيرته علي لسانك فاهمة
سها بوجع : وتفتكري انتي كدا هتجيبله حقه مفتكرش انتي كدا هتودي نفسك في داهية فكري كويس قبل ما تتصرفي اي تصرف غلط
سمية بصتلها بغيظ ونادت بصوت عالي: انتوا فين تعالوا بسرعة
دخل الراجلين اللي كانوا واقفين برة : افندم يا هانم
سمية : خدوا البت دي ونفذوا اللي اتفقنا عليه
وبعدين بصت لسها تاني : واللي عمتك معرفتش تنفذه انا هنفذه دلوقتي
الراجل : اوامرك يا هانم انتي تؤمريني بقلمي سهيلة السويفي
حمزة وكان قدر يفك نفسه خالص من الحبل وبحركة سريعة اخد المسدس من سمية ووجهه علي دماغها : إياك حد فيكوا يتحرك من مكانه ولا يقرب منها والا هفرغ المسدس كله في دماغ الريسة بتاعتكوا وبسرعة راح ناحية سها وهو موجه المسدس علي سمية وساعدها تفك الحبل
لكن في راجل من الرجالة بتوع سمية زقه والمسدس وقع منه
سمية اخدته بسرعة : فاكر نفسك ذكي اوي طالع لابوك انت فاكر انك هتقدر تخرج من هنا سليم انت ولا الحلوة اللي معاك دي
حمزة وهو بيخبي سها ورا ضهره بعد ما فكها : انتي مش هتقدري تلمسي منها شعرة واحدة الا علي جثتي
سمية بشر : طب ما هو دا المطلوب هو انا مقولتلكش انا هقتلك دلوقتي
سها ووقفت قدام حمزة : لو هتقتلي حد يبقي اقتليني انا الاول
حمزة وهو بيشدها تاني وراه : انتي اتجننتي هي عايزاني انا ملكيش دعوة انتي
سها وطلعت تاني قدامه: ازاي ماليش دعوة وبعدين اسكت انت كفاية اللي عملته قبل كدا والكلام اللي قولتهولي
حمزة : هو دا وقته دلوقتي يا سها بعدين لما نخرج من هنا
سمية : اخرسوا بقا وبعدين انت فاكر انكوا هتخرجوا من هنا اصلا وانتي كمان متخافيش يا حبيبتي هقتلك مستعجلة علي ايه بس
حمزة وشد سها تاني ورا ضهره ووقف قدامها : قولتلك ملكيش دعوة بيها انتي فاهمة
وهما بيتكلموا فجأة حد كسر الباب وكان مجموعة من ظباط الشرطة ورجالة عادل وعادل كمان كان معاهم
الظابط : نزلي السلاح دا وسلمي نفسك احسنلك
سمية بغيظ وغل : مستحيل وضغطت علي زناد المسدس و………………………………………………………………..
#
في حد اقترح اسم عوض العمر وانا قررت اسميها بنفس الاسم عشان عجبني جدا
#Sohila_Elswify
اذكروا الله و صلوا علي النبي ♥️♥️
بقلمي سهيلة السويفي ( عوض العمر )
بارت ١٠الاخيره
الظابط : نزلي السلاح وسلمي نفسك احسنلك
سمية بغيظ وغل : داست علي زناد المسدس وخرجت منه طلقتين واحدة جات في حمزة في صدره راحت سها حضنته واخدت الطلقة في ضهرها والاتنين وقعوا علي الارض واغمي عليهم
عادل بصدمة وقعد يصرخ: إسعاف بسرعة ابني هيروح مني
سمية بشماتة : عرفت دلوقتي انت عملت فيا ايه زمان حسيت باحساسي انا كدا مش عاوزة حاجة تانية حتي لو اتحبست هبقي انتقمت لابني
عادل قام وخنقها : انتي مجنونة ومريضة ولو ابني حصله حاجة مش هرحمك كان عندي حق زمان لما فهمتك انه مات وانك سقطتي عشان انتي متستحقيش تكوني ام بعد اللي عملتيه
سمية بصدمة : انت بتقول ايه انت كداب انا ابني مات لما زقتني من علي السلم
عادل وصرخ فيها جامد : حمزة يبقي ابنك يا سمية انتي حاولتي تقتلي ابنك بس اقسم بالله لو حصله حاجة هقتلك فاهمة هقتلك
سمية وهي مش قادرة توقف علي رجلها : انت بتكدب انا متأكدة اكيد انت كداب
فلاش باك بقلمي سهيلة السويفي
عادل : أسمع يا هاشم انت مش بس الدكتور بتاعي انت صاحبي وعشرة عمري انا عايزك تنفذ كل اللي هقولك عليه
هاشم : اكيد يا عادل من غير ما تقول اؤمر
عادل : انا عايزاك تفهم سمية ان الطفل نزل لما وقعت
هاشم : انت بتقول ايه يا عادل دي امه ولازم تعرف
عادل : بعد كل اللي حكتهولك دي خانتني وكانت هتقتلني دا ابني لوحدي انا اللي هربيه مستحيل اخلي واحدة شيطانة زيها تربي ابني ها هتساعدني ولا لا
هاشم : حاضر يا عادل
باااااااك بقلمي سهيلة السويفي
سمية مستحملتش اللي سمعته واغمي عليها جات الاسعاف واخدت سها وحمزة وسمية علي المستشفي وعادل راح وراهم والبوليس اخد رجالة سمية اللي اعترفوا بكل حاجة
في المستشفي
عادل : طمني يا دكتور ابني وسها كمان عاملين ايه كويسين صح
الدكتور : مخبيش عليك استاذ حمزة الرصاصة استقرت عنده في مكان حساس جنب القلب بالظبط ادعيله ان ال٢٤ ساعة دول يعدوا علي خير بالنسبة لانسة سها للاسف كمان حالتها خطيرة ادعيلهم الرصاصة جات جنب الحبل الشوكي بس احنا هنبذل كل جهدنا والباقي علي ربنا
عادل بصدمة : يارب احميهم يارب متورنيش في ابني حاجة وحشة ولا في البت الغلبانة دي يارب اقف معاهم
عند سمية
صحيت وهي بتعيط بهسترية وقعدت تخبط في كل حاجة حواليها
الممرضة : اهدي حضرتك مينفعش كدا
سمية : ابني عاوزة اشوف ابني عاوزة اطمن عليه ابوس ايدك سيبيني اروح اشوفه
الممرضة : حضرتك مش هتعرفي تخرجي عشان في ظابط واقف برة عشان يراقب حضرتك لحد ما تفوقي وياخدك علي القسم
سمية وهي بتترجاها: ارجوكي ابني بين الحيا والموت وانا لازم اشوفه
الممرضة برأفة لحالتها: حاضر بس هتخرجي من هنا ازاي
سمية : بصي البسي لبسي ونامي مكاني وانا هلبس لبسك وأخرج اشوف ابني وانتي تقوليلي انهي اوضته وهرجع علطول ارجوكي
الممرضة : أمري لله
غيرت سمية هدومها مع الممرضة وخلت الممرضة تنام مكانها وخرجت عشان تروح لحمزة
اول ما وصلت سمعت الدكتور وهو بيقول : محتاجين نقل دم بسرعة للمريض
عادل : انا يا دكتور ممكن اتبرعله
الدكتور : اهم حاجة فصيلة الدم تكون متطابقة
سمية لابسة لبس الممرضة: انا كمان جرب تاخد مني يا دكتور وحاطة كمامة علي وشها
الدكتور : تعالوا بسرعة انتوا الاتنين
بدأ الدكتور يشوف انهي فيهم فصيلته مناسبة ولقا ان فصيلة دم سمية متطابقة وفعلا دخلت أوضة العمليات معاه واخدوه منها دم كتير وبعدين نقلوها أوضة تانية
عادل كان قاعد بيقرأ قرآن وبيدعلهم هو وزينب اللي ماسابتهوش لحظة من ساعة ما عرفت اللي حصل خرج الدكتور بعد ٦ ساعات من العملية : مبروك يا استاذ عادل اتجاوزنا مرحلة الخطر بالنسبة لأستاذ حمزة وبعد شوية ممكن ننقله أوضة عادية
عادل بفرحة وسجد شكر لله : الحمدلله يارب الحمدلله
زينب : الحمدلله يارب
الدكتور : لولا اللي اتبرعله بالدم مكناش قدرنا ننقذه الفضل لله ثم ليها
عادل : انا هبقي اشكرها بنفسي بس وسها يا دكتور عاملة ايه
الدكتور : للاسف لسة في العمليات ادعيلها يا استاذ عادل
عادل : ربنا معاها ويقومها بالسلامة يارب طب اقدر ادخل اشوف ابني
الدكتور : لا حيلك هو لسة خارج من عملية كبيرة ومحتاج الراحة
عادل : متشكر يا دكتور احمدك يارب
بعدها ب٤ساعات
كان حمزة ابتدأ يفوق وكان اخر حاجة فاكرها سها وهي بتحضنه وبتاخد الرصاصة بداله قام بخضة وقعد ينده عليها بصوت عالي دخل عليه الدكتور وعادل بسرعة : اهدا شوية انت لسة خارج من عملية كبيرة مينفعش كدا
حمزة : سها فين يا بابا قولي ارجوك طمني عليها
عادل : ادعيلها يا بني لسة مخرجتش من العمليات
حمزة : يارب يارب انا متمنتش حاجة قبل كدا من الدنيا غيرها يارب احفظها يارب
الدكتور واضطر يديله حقنة مهدئة عشان يهدأ
بعدين الدكتور اللي كان بيعمل العملية لسها واللي استغرقت وقت كتير خرج وهو بيتهند
عادل : اخبارها ايه يا دكتور
الدكتور : الحمدلله تجاوزت مرحلة الخطر
عادل : أحمدك واشكر فضلك يارب الحمدلله
عند سمية
سمية : لو سمحت يا دكتور ممكن ادخل اشوف حمزة
الدكتور : هو لسة نايم من بسبب الحقنة اللي ادتهاله
سمية وهي بتترجاه : متخفش انا مش هزعجه ولا هصحيه بس عاوزة اشوفه
الدكتور بعد إلحاح منها : طيب بس متطوليش
دخلت سمية الأوضة عند حمزة
سمية بعياط وندم : انا عملت حاجات كتير غلط في حياتي بس كان نفسي اشوفك من زمان انت الحاجة اللي كنت عاوزاها كان ممكن اتغير بسببك بس ابوك حرمني منك وفهمني انك مت بس هو عنده حق انا مستحقش اكون ام وراحت عنده وباست راسه وأيده : سامحني يا بني انا هكفر عن ذنوبي واروح اسلم نفسي ان شاءالله اخد اعدام حتي مش مهم اهم حاجة عندي اني عرفت انك عايش وابوك رباك احسن تربية جايز لو كنت معايا كنت بقيت زيي وباست ايده تاني وخرجت عشان تسلم نفسها
