انا ارمله عندي ٣٣ سنه جوزي متوفي من سنه عندي بنت وولد البنت في ثانيه اعدادي
وبيجلها مدرس في البيت من سنه أولى انا عايشه في بيت عيلة جوزي الله يرحمه المهم المدرس بتاع بنتي عاوز يتجوزني وبصراحه من السنه اللي فاتت وهو كان دايما بيلمح باعجابه بيا
بس مكتش لسه عدى على وفاة جوزي ٣ شهور وقتها فطبعا كنت بصده دايما لحد اجازة الصيف اللي فاتت وبقى فيه مكالمات ورسائل بينا
واتعلقنا ببعض جامد جدا وحصل بينا تجاوزات حاجات بسيطه مش كتيره وخايفين نوقع في الغلط اكتر من كده بس الصورة اللي واضحه ادامي ان اهل جوزي مش هيوفقوا على جوازي على الاقل
دلوقتي انا جوزي فاضله شهر ويكمل سنه فمش عارفه هل اقولهم واخليه يكلم اهلي دلوقتي ولا استنى شوية وفي نفس الوقت هو راضي بولادي
وطبعا هيجبلي شقة بره مع العلم هبقى زوجه تانيه لانه متجوز وعنده ٣ بنات وهو اكبر مني ب ١٠ سنين وخايفه اهل جوزي ياخدو الولاد مني
ولا نتجوز عرفي من غير ما حد يعرف منعا للمشاكل ؟
مع العلم متفقين ان مش هيبقى فيه خلفه ولو لفترة سنه مش عارفه ايه الصح والله بس موضوع ان بيجي البيت علشان درس البنت ده مخوفني ان ممكن نغلط غلط كبير ومش هسامح نفسي لو حصل حاجه زي ديه
.
.
.
.
