انا متجوزه من ٥ سنين جواز صالونات حاليا عندي ٢٩ سنه
يعني اللي زي كتير لسه متجوزوش عندي بنت ٤ سنين حياتنا كانت ماشية عادي حياة روتيينيه كل واحد بيادي دوره وخلاص بكل احترام وبدون تقصير في اي شيء من الطرفين
لحد جوزي مره كان راجع من مأمورية تبع شغله من سوهاج والعربيه اتقلبت بيهم في الصحراء وقعدوا يومين على ما وصلنا لهم في المستشفى
وللاسف حصل له بتر في رجليه مع شرخ في الجمجمه وقعد فترة طويله على ما ربنا نجاه وشفاه بقالنا سنه متبهدلين مابين مستشفيات وعيادات وتحاليل وركب طرف صناعي علشان يقدر يتسند ويدخل الحمام ومع الوقت اتعودنا خلاص على كده
وحاليا طبعا اصبح غير قادر على العمل وهو لسه ٣٣ سنه
وبيصرفوا لنا معاش وعايشين بمساعدة اهله بس انا تعبت من الظروف ديه ومبقتش قادرة استحمل واكيد مبقاش في علاقه خاصه كزوجين ولا اي حاجه غير مواعيد الدوا هي اللي بنا حاليا
فانا بصراحه بفكر أطلب الطلاق لاني كل ما افكر ان حياتي انتهت على كده بدمر نفسيا انا متعلمه وعلى قدر عالي من الجمال وكان ليا زميل ايام الكليه كان عرف بحادثه جوزي من الفيس وبدات اتكلم معاه من فترة لحد ما حبينا بعض وعرض عليا أطلق ونتجوز لاني صعبان عليه عيشتي كده
هو دلوقتي خاطب وقالي هسيب خطبتي انا مش بحبها اصلا وموافق كمان ببنتي معايا بس لما اقرر هعمل ايه لو أطلقت هو هيفشكل الخطوبه ويتجوزني
فانا محتاره ومش عارفه اعمل ايه وفي نفس الوقت مش عارفه اقول ايه لجوزي واهله ولا اعمل ايه معاهم متلغطبه على الأخر ومش عارفه هيقدروا ظروفي ويسبوني بما يرضي الله ولا رد فعلهم هيكون ايه مش عارفه
اعتبروني اختكم وشايفين البهدله اللي انا فيها ديه ونصحوني لو سمحتو
.
.
.
.
