رواية سر زوج خالتي الفصل الاول1بقلم حماده هيكل
.
.
.
.
رواية سر زوج خالتي
الفصل الاول1
بقلم حماده هيكل
لما رجعت من الشغل النهارده لقيت جوز خالتي جايبلنا البوليس في قلب البيت وكلنا كنا في حالة من الذهول ….
انا شمس وعندي ٢٢ سنة لسه متخرجه من الجامعه وبشتغل وبساعد اهلي
عايشين في بيت عيلة احنا واخوات ماما احنا ٣ اسر فالبيت واحنا ساكنين فالدور الاخير وتحتنا جوز خالتي الي بيقول انه اتسرق منه ١٠٠ الف جنيه من الدولاب
اليوم ده كنت مروحه تعبانه جدا لقيت البوليس تحت البيت طلعت جري لقيت ماما عمالة تعيط
_ في ايه ياماما حد حصله حاجه
_ جوز خالتك سميحه اتسرق وبيتهم كل الي فالبيت وجايبلنا البوليس
.
.
_ طب ما ممكن حد ميكنش من البيت الي سرق
_ الباب كان مقفول من تحت يا شمس ومحدش غريب دخل
_ ازاي تقبلوا بحاجه زي دي وخالتي ازاي قبلت علي اخواتها ب كده
_ جوز خالتك حالف لو الفلوس مظهرتش هيطلقها احنا في مصيبه كبيرة ياشمس….
دخل الظابط وانا بتكلم مع ماما ….
.
.
= سلام عليكم احنا جايلنا امر بالتفتيش بعد إذنكم
_ تفتشوا ايه احنا مسرقناش حاجه …
.
.
= والله التحريات الي هتثبت ان كنتوا سرقتوا ولا لا….
_ اتفضل ياحضرة الظابط فتش براحتك….
.
.
دخلوا يفتشوا البيت وفي نفس الوقت خالتي الي فالدور الاول طلعتلنا
_ شوفتوا الفضايح الي احنا فيها الشارع كله في سيرتنا بيقولوا اننا سرقنا بعض ومحدش هيدخلنا بيته تاني
.
.
_ انتي اتجننتي يا نجيبه احنا مش حراميه يشوف بقي هو ضيع فلوسه في ايه ويجي يتكلم …
= تمام يافندم ملقيناش حاجه
_ طيب احنا هنمشي دلوقتي وهنرجعلكم تاني
سابنا الظابط ونزل
وكل البيت طلع علي فوق واتجمعوا عندنا….
وجوز خالتي الي اتسرق لقيناه بيقول ….
_ كلكم متهمين قدامي دلوقتي اسبوع بالظبط لو الفلوس مظهرتش اعتبروا اختكم طالق…..
وانا مش قاعدلكم فالبيت الاسبوع ده
_ اهدي بس يا عمو صابر وبعدين حد يشيل مبلغ زي ده فالدولاب
= وانتي عرفتي منين انه كان متشال فالدولاب ياشمس
_ عرفت بالعقل اكيد شايله فالبيت يعني فالدولاب…
لقيته بيبصلي وعينه بتطق شرار وقال
_ انا نازل الم هدومي اتصرفوا بقي مع بعض وطلعولي الفلوس من تحت الارض
قعدنا كلنا نفكر هنعمل ايه احنا حتي ظروفنا كلنا متسمحش نجمع مبلغ زي ده والي جاي علي اد الي رايح …..
انا و حازم اخويا بنشتعل وحازم بيرجع بعد الفجر وينام ولسه ميعرفش الي حصل
وخالتي سميحه الي جوزها اتسرق عندها بنت مبتشتغلش عشان خطيبها مقعدها م الشغل
وخالتي نجيبه عندها ولد وبردو بيشتغل وطالع عينه
محدش معاه جنيه يدهوله ….
حازم رجع من الشغل الفجر ومعاه بلايستيشن احدث نوع وكان راجع مبسوط اوي
حكيتله علي كل الي حصل اتفاجيء لأننا عمر ماحد اتسرق في بيتنا
_ سيبك من كل ده البلايستيشن الغالي ده جايبه منين
= كنت داخل جمعيه وقبضتها وجبته بالقسط انتي عارفه ياشمس اني نفسي فيه من زمان
_ جمعيه مع مين
= احمد صاحبي ..
في ايه ياشمس مالك انتي هتحققي معايا
وسابني ودخل جوه
معرفش ايه خلاني اشك فيه حتي لو اخويا وغلط لازم يتعاقب
تاني يوم بعد منزل طلعت تليفوني عشان اتصل ب احمد واسأله هو فعلا داخل معاه جمعية ولا كداب….
_ الو
ازيك يااحمد انا شمس
كنت عاوزه اسألك بس بيني وبينك متقولش ل حازم
= اتفضلي
_ هو حازم داخل معاك جمعيه ولسه قابضها
