_ الو
ازيك يااحمد انا شمس
كنت عاوزه اسألك بس بيني وبينك متقولش ل حازم
= اتفضلي
_ هو حازم داخل معاك جمعيه ولسه قابضها
_ ليه ياشمس هو في حاجه
= لا ابدا بس لقيته جايب بلايستيشن وقولت اسألك
_ اه هو دا معايا جمعية وقبضها امبارح واشتري البلايستيشن عشان كان نفسه فيه من زمان …
= ماشي ياحمد متقولش بقي اني اتصلت بيك ….
ومكنتش اعرف ان حازم نسي حاجه فالبيت ورجع ياخدها تاني وواقف يسمع كلامه مع صاحبه اول ماقفلت لقيته بيجري عليا ويضربني وصوتنا كان عالي اوي وكل البيت سمعنا ولقيت خالاتي طالعين…
_ في ايه صوتكم جايب اخر الدنيا ليه …
.
.
= الحيوانه بتشك فيا عشان شاري بلايستيشن وبتكلم صاحبي تتأكد منه اني كنت داخل جمعيه ….
_ وانت اشتريت بلايستيشن
= اه امبارح وجيت عرفت موضوع السر قه وشمس راحت تتأكد من كلامي
لقيت خالتي سميحه بتبصله نظره غريبه كده
_ مالك يا خالتي انتي بتبصيلي كده ليه واما من امتي بدخل بيتكم اصلا
.
.
= لا مفيش اصل اشمعنا البلايستيشن جه اليوم الي اتسرقنا فيه
_ وانا مالي روحي اسألي الي سرقكم
انا نازل ورايح الشغل….
.
.
نزل حازم ولقيت خالتي سميحه عماله تعيط وتقول
_ خلاص اختكم بيتها هيتخرب وهتطلق يادي الفضايح فضحتوني قدام جوزي وبقي يعايرني ويقولي اهلك حراميه
حتي قافل تليفونه من ساعة ما مشي احنا لازم نعرف مين الي خد الفلوس دي….
= واحنا مالنا وهنفضحك ليه شوفي انتي دخلتي مين غريب بيتك …
.
.
_ مفيش حد غريب دخل البيت خالص انتو بس الي بتدخلوه….
= طيب سألتي مني بنتك يمكن جابت حد من صحابها البيت….
.
.
_ سألتها وقالتلي لا محدش جالها خالص….
= طب وخطيبها مجالكوش…
_ لا مجالاناش بقاله اسبوع
بصراحه انا شكيت خصوصا اني لسه شايفه خطيبها اول امبارح عندنا فالشارع وهو مش ساكن في نفس شارعنا
كان بيعمل ايه بقي اكيد هو الي ورا الموضوع ده
نزلت ل سها بنت خالتي تحت اسألها يمكن عارفه هو كان بيعمل ايه….
_ ازيك ياسها عاملة ايه
= اهلا يا شمس
_ بقولك ياسها هو يوسف خطيبك كان هنا اول امبارح
لقيت وشها اتغير
= لا مكنش هنا ليه بتقولي كده
_ اصل انا شوفته فالشارع هنا
= ما يمكن كان بيجيب حاجات ….
_ اوعي ياسها يكون ضحك عليكي او خلاكي تديله فلوس باباكي اوعي الدنيا قايده نار وابوكي حالف يطلق امك
= ايه الي بتقوليه ده انتي عاوزاهم يشكو في خطيبي ولا انتي عشان مقهورة عشان محدش خطبك ولا عبرك عشان كده عاوزاني افركش خطوبتي
_ انا والله بنصحك وبعدين بكرة الحقيقه تبان
وسيبتها ومشيت وانا مخنوقه جدا ازاي تفكر فيا كدة
نزلت اتمشي تحت من الخنقة وقابلت خطيبها وقف وسلم عليا
_ ازيك يا شمس
= اهلا يايوسف ازيك ….
_ انا عرفت الي حصل عندكم وزعلت جدا
= اه والله يايوسف البيت عندنا قايد نار ومنعرفش مين خد الفلوس
_ انا حتي كنت هنا فالشارع عندكم اول امبارح بشتري حاجات ومعدتش علي سها اليوم ده
معرفش ايه خلاني اشك في كلامه وان سها قالتله الكلام الي قولتهولها فا عاوز يطلع نفسه بريء
لكن حصل حاجه غيرت الموضوع خالص
رواية سر زوج خالتي. الجزء الثاني
.
.
.
.
