#مشكلة عضوة
لو سمحت نزل مشكلتي من غير اسم وابعتلي اللينك علشان اتابع التعليقات
انا متجوزه وعندي اربع اخوات رجاله كلهم متجوزين
ابويا اتوفي وامي مسنه وتعبانه ولازم حد مقيم معاها
بقالي تلات سنين انا اللي شايله كل حاجه من خدمه ومصاريف
وطبعا المصاريف دي من جوزي انا مش بشتغل
وقعدت بنتي معاها مقيمه علشان امي في بيت تاني فقاعده معاها علشان تسعدني طول الفتره دي
جوزي صرف علي امي كتير دكاتره ومستشفيات وايجار شقه وكل حاجه
وفي خلال الفتره دي خناقات مع اخواتي انهم يصرفو علي امهم ويراعوها معايا
الاربعه رافضين ولا خدمه ولا مصاريف خناقات وخلافات مع العلم الاربعه حالتهم الماديه كويسه جدا
افضل من جوزي ومافيش فايده كل فين وفين يتصلو بسالو او يجو يشوفها وبس
حتي محدش بيدخل عليها باي حاجه طلبت من اخواتها اللي هما خلاتي تلات خالات اجوزاهم متوفين
وقاعدين لوحدهم يجو يساعدوني شويه في الخدمه برضه رفضو
فجوزي جاب اخره من المصاريف وان فعلا مافيش فايض ماشين بالعافيه
فقالي كفايه كده مش هصرف تاني انتي عندك اربع رجاله يشيلو شويه وبنتي ترجع البيت
هي مش ملزومه تفضل تخدم جدتها لو الحفيده ملزومه يبقي كل الاحفاد يخدمو كل واحد يوم
انا بنتي ٢٥ تعبت مش عابشه حبانها خالص لا خروج ولا شغل مش عارفه تعمل حاجه بسبب التقيد بامي
حتي رفضت جوازه ليها علشان مين هيقعد بامي فتره غيابي والكل بيلوم عليا اني بضيع مستقبل بنتي
واني دخلتها في حاله اكتاب وعرضت علي امي تيجي عندي هي رافضه علشان جوزي
.
.
تقولي مش هرتاح فانا مش عارفه اتصرف ازاي انا طول اليوم عند امي بشوف طلبتها وبروح بليل
اشوف بيتي وعيالي وجوزي وخناقات معاه اني طول اايوم بره وهي عندها اخوات واولاد ورامين كل الحمل عليا
وخناقات اني مش شايفه طلباته ومقصره في حقه فقولولي اعمل ايه بنتي اللي بضيع مستقبلها وحيانها وعندها اكتاب وجوزي اللي تعب مني واسنحمل كتير وجاب اخره مصاريف وان مش معاه وعلي وشك الطلاق بسبب كده
وامي اللي لا حول ولا قوه ومش هاين عليا اسبها لوحدها ومحدش عايزها لا اولادها ولا اخواتها افيدوني ارجوكم
.
.
.
.
