زوجتي مسترجله
وحاسس اني زوجتي مسترجله زياده عن اللازم ومحستش ولا مره كده انها انثى بصوا هي للأمانه مش مقصره معايا
في حقوقي ولا بيتي ولا الأطفال بس حركاتها فيها كتير رجولية يعني تشيل الانبوبه وتنزل بيها للرجل
يغيرها وطلعها تالت دور وتركبها ونفس الشيء زجاجه المياه الكبيره بتاعت الدسبنسر طلوع ونزول بيها
.
.
.
.
علشان هي مش عاوزه حد يدخل البيت ويركب حاجه وحتى اي حاجه تبوظ تصلحها من غير ما ترجع ليا ولا حتى تاخد راي ومش بتاخد راي في اي شيء العيل لو تعب توديه للدكتور او المستشفى من غير ما ترجعلي وبكتشف
ده لما ارجع البيت والله حاسس كأني عايش مع اخويا في البيت يبقى عشيتي كلها مع واحده مسترجله بالشكل ده والله نفسي اتزوج وحدة ثانية علشان احس اني مع
انثى بس المره ديه ادقق في الاختيار مشورتكم عليا اعمل معاها ايه لكي ينصلح حالها ولا اسبها كده واتجوز تاني وخلاص وهي تربي العيال
