قصة لم يكن زوجي. الجزء الخامس

سمر .. الحق يا اياد جسمك كله محروق
اياد .. في ايه يا سمر ؟!!
سمر تغمض عينيها وتنظر بعيدا ..

سمر .. بقلك جسمك كله محروق منظرك بشع
اياد .. محروق ايه يا سمر !! افتحي عينك مفيش حاجة .. بقلك افتحي متخفيش

سمر تفتح عينيها ببطئ وهي تدير رأسها الي اياد في خوف وحذر ثم تفاجئ بأن اياد سليم ولا توجد به اي اثار حروق
سمر .. مش معقول .. انت فين الحروق اللي في جسمك ؟!!
اياد .. حروق ايه بس يا سمر !! انتي ايه حكايتك بالظبط ؟!!

سمر .. لا انا كدا هتجنن !! ماما كان عندها حق لما قالت ان الشقة دي مسكونة . انا هروح عند ماما لحد ما تشوف شقة تانية غير دي
اياد .. والشقة مالها بس يا سمر !!

سمر .. كل اللي بيحصلي ده وتقلي الشقة مالها ؟!! انا همشي يا اياد وانت براحتك عاوز تشوف شقة غير دي ماشي مش عاوز براحتك انا مش راجعة هنا تاني ..
ثم تتركه وتنصرف

اياد محادثا نفسه .. وبعدين معاكي يا بنت الناس !! مسيرك تعرفي الحقيقة
وتذهب سمر الي امها لتقيم عندها وتمر الايام دون ان يتصل بها اياد ليخبرها انه قد اشتري شقة غيرها او حتي للأطمئنان عليها فتحزن وتتعجب لذلك
الام .. ايه .. سبع البرمبة متصلش عليكي ؟!!

سمر .. لا .. متصلش!
الام .. ما صدق انك سبيتله البيت !! اهو بان علي حقيقته .. انا مكنتش مرتحاله من الاول .. دا انسان مش طبيعي .. اوعي يا بت يكون مخاوي جن وهو اللي بيعمل فيكي دا كله؟!!

سمر .. مش للدرجة دي يا ماما .. بس غريبه انه متصلش طول الفتره دي!!
الام .. ما انا قلتلك انه ما صدق .. اوعي تتصلي بيه ليحس انك ملهوفه عليه فيتمرع عليكي وميغيرش الشقة .. او تحني وتقومي رجعاله

سمر .. انا لا يمكن ارجع للشقة دي تاني .. لا يمكن دي شقة غريبة وريحها تقيلة اوي علي قلبي
الام .. قليلي .. عملتي ايه ؟ دخلتي ولا لسة
سمر .. صدقيني يا ماما مش عرفة !!

الام .. ايه الكلام دا؟!! يعني مقربش منك تاني؟
سمر .. احنا كنا في اسعد لحظات حياتنا وكنا خلاص .. فجأة اتكرر معايا نفس اللي حصل في المرة الاولي توهت عن الدنيا وعشت جوة كابوس فظيع

الام .. يا ساتر يارب .. ايه معناه الكلام ده؟!!
سمر .. مش عرفة يا ماما هتجنن
الام .. لا دا انا لازم اوديكي للشيخ عرفه يقلنا ايه الحكاية بالظبط

وفجأة تدخل سها فرحة وتقول
سها .. خبر بمليون جنيه .. بكره اول رمضان يا جماعة
سمر .. بجد !! لما اتصل ب اياد عشان نفطر اول يوم مع بعض

ثم تجري لتتصل به من غرفتها
الام .. شوفي البت .. اللي لسة بقلها اوعي تتصلي بيه!!
سها .. سيبهم يا ماما يحلوا مشاكلهم مع بعض ..

تري ماذا سيكون رد فعل اياد عندما يعلم ان غدا هو اول ايام رمضان ؟؟
قصة لم يكن زوجي. الجزء السادس

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­